成記茶寮

營業中

休息中

今日同朋友食lunch ,朋友介紹我食豬扒飯，食到一吐氣，講個豬扒飯先，塊豬扒係好大塊好厚，都有成兩塊大大豬扒，食落去都好肥美好juicy ，飯都有好多，可以點一個飯兩個人share 食,落左好多甜鼓油😋講下服務態度，其實食個麻甩豬扒飯都5會預佢服務態度會好，但都5係差到咁掛😖😄我見朋友差5多食完個飯，而我個飯都未來，咁我就催左次，我都擔心會漏單架嗎，我都好明白佢地好忙，個哥哥仔反哂白眼咁同我講：知啦 豬扒飯呀嗎～整梗架啦小姐 ！等陣啦 ！你地5好催啦 ！好啦都算啦。我都預左會比人罵，咁我諗住叫個外賣，個哥哥同我講：要叫外賣上去叫啦，但要等3，4個鐘啦！其實我都5知佢講梗乜，淨係feel到佢好火爆！希望呢位哥哥新年好好休息啦！5係個個都受到你氣☺️

係元朗好出名的豬扒飯，但事先聲明，中午十二點先有得食嘅。 仲有，環境係污糟嘅，大排檔位，係惡劣少少。 但我都第三四次食了。 因為佢個豬扒真係整得好出色。 而且好大碟，豬扒好厚，仲要有成兩塊，好大塊嫁。 佢好食係因為個汁，仲有豬扒厚但非常鬆軟，老人家都一定食得好開心，唔會話咬唔到。 而且啲肉都唔「鞋」。豬扒一定要配多一個餸，好似豬扒餐肉飯，或者豬扒雞翼飯咁。 如果細食，建議食豬扒煎蛋穩陣🤣。食得曬嘅機會會較高。每次去食除左豬扒必食，就係雞翼喇！溫馨提示：如叫外賣，佢會話要等個半鐘或兩個鐘嘅，最好十二點前左右坐低，佢夠十二點會同你落單，佢地係唔休做嘅，無好好嘅笑容同服務態度，但佢地都真係忙到一腳踢，真係忍受唔到可以選擇唔去呢。

中午12點，落兩又凍得3枱人左右，一坐低想叫野食，所有樓面路過望都唔望下我就直行直過，足足舉咗5分鐘手都無！人！理！過！我！！忍唔住走咗！！😡😡😡我知道你好出名😡😡😡😡😡一啲都唔休做！但都唔係連落單都好似乞食咁囉😡😡😡！永不再黎！！今

元朗好出名食豬扒飯既大排檔"成記茶寮"，其實我都係朋友帶完我去食先知原來有間咁出名既地方，豬扒超級大塊，係鬆軟嗰一種口感，甜甜地既黑豉油汁，配合埋典型舊式大排檔既格局，好有男人的浪漫既感覺，不過我自己更喜歡豬扒係煎香脆既口感，同埋豬扒應該啤水啤好耐，所以肉感雖然好鬆軟，但肉味就有d淡，不過$43有咁大塊豬扒，食肉獸應該會好滿足了

很多元朗的朋友向我極力推薦成記豬扒， 所以找了個下午來試一試！ 平日的中午都坐無虛席，看來有很多捧場客，我點了份豬扒瑞士雞翼飯，令人很期待。等了一會終於來了，豬扒飯跟瑞士雞翼是分開上的，很有很有份量！兩位女友人Share 一個飯餐也悼悼有餘！先說瑞士雞翼吧！ 雞翼嫩滑，瑞士汁很入味，味道比較重，相信是想辟了雪藏的味道！ 另外豬扒飯，有兩塊大豬扒，也醃得非常入味，帶點兒甜味，而我又喜甜，難怪友人大推。 不過人人口味不同，而且對餐廳有不同準則，#Lucas 純粹Happy Share!!而且我最喜歡當然是我自己煮的私房菜！我間中喜歡去排檔體驗「土佬」風情，有時又想到文青餐廳扮偽文青，謝謝大家一直支持！

早排天氣幾好涼涼地就同朋友入左元朗大棠賞楓岀返黎就求其搵間野醫肚 主要係睇價錢！！呢間野一啲都唔貴 正常價幾十蚊咁但啲野就大大碟！超級荀！而且質素都唔錯！啲肉類都算幾新鮮 唔會食到雪味又或者多筋難咬

星期日下午兩點幾都幾多人 我地等左陣先搵到位一坐低就諗住叫嘢食 但係喺枱面完全揾唔到餐牌 然後我就係間鋪度兜咗一個圈 原來個餐牌就大大隻字咁痴咗係牆度呢個豉油豬扒蛋飯黑蚊蚊 睇落好似好咸咁 但係食落發現原來係甜豉油 豬扒大大塊 鬆軟得黎又極入味 咬落去啖啖肉無肥膏 好食到不得了個一刻都唔記得左自己係公廁隔離既大排檔度食緊飯本來想叫豬扒雞球飯 點知雞球賣晒 最後叫左粟米汁豬扒雞翼飯 豬扒一樣都係大大塊 但係粟米汁食得岀有少少爐頭個種焦味 不過都唔錯雞翼又係用左個種秘製既醬汁 好味跟餐仲包一杯野飲 凍飲唔駛加錢 簡直就係超值凍奶茶少甜凍檸茶

食元朗成記嘅豬扒係會上癮㗎，阿妹向某個星期日帶過我食之後，成日心思思再想去食，因為星期日又係食晏時間關係，等位都等左一排，大排擋環境，企都難企，所以無乜動力再去食，但直到上星期平日同老公專情一齊入去食，仲要向12:15前，D上班族未放食晏，可以舒舒服服慢慢食，啲豬扒又可以快啲嚟到唔駛等咁耐添，成記午飯選擇唔多，來來去去都係豬扒、雞翼、雞球、疍、午餐肉、腸仔嘅配搭，豬扒配雞翼至抵食，包一杯嘢飲都係$43，但我自己最鍾意豬扒配煎蛋飯，荷包蛋啲蛋汁配合佢哋嘅秘製瑞士汁，簡直超正，第一次嚟，我仲試過打包個雞翼汁返屋企再炆排骨，一樣出色😜

雖然午餐只有碟頭飯，可以揀豬扒、雞扒、鷄冀再加上自家製嘅豉油，同埋限時(12:00-3:30)供應，賣完即止，加埋一杯凍鴛鴦，埋單$43，環境非常汚糟，隔離就係公厠，但是我依然極力推薦大家去食，嗰件豬扒喺非常大同埋厚，雞冀喺放喺另外一隻碟即整即上枱，非常滑溜，最唔講得笑嘅就係佢自家製豉油，好味野味都不得了，食完成碟飯見到啲剩底嘅豉油喺有衝動將佢打包回家，唔係因為環保，而係因為佢真心非常好味，冇得輸呀。

元朗好似專出產份量極大嘅食物？涼粉係咁，壽司又係咁，估唔到連大牌檔碟頭飯都係！平時入開屯門會順便落埋元朗去天鴻食燒鵝，甚少想起去呢度，因為大牌檔無冷氣.....會死！撞啱今日天陰陰....搏一搏。午市係12:00-15:0011:45已經有十幾個客坐定等食！但環境衛生好老實真係得1分。豬扒飯豉油汁—見到呆一呆！完全係只見豬扒不見飯。兩大塊手掌咁大咁厚嘅煎豬扒，食落完全無經化學處理過，肉質纖維粗但絕對唔嚡無渣，最正係近骨位有一點肥。豉油味道濃非常好送飯，但件扒真係太巨變咗食唔晒碟飯。兩碟飯連杯茶味夠幾好飲嘅凍奶茶都係$86，每人$43......！ ！！呢度唔係我食過最好味嘅豬扒，但肯定係最大份及價錢最平。

一直都有聽朋友講過如果來元朗要試下一家豬排飯, 不過他們賣到3點幾就收工, 所以一直都食唔到, 直到有一天約了這朋友一起到這間吃, 一去到起初都赫一跳, 因為環境不是太乾淨, 就是在東菇亭裡, 枱凳都放滿側面/後面的橫街, 食緊的人多, 等位都人都多, 老闆好好開枱給我們, 所以不用等太久, 還有這天天氣開始轉涼, 所以坐街邊都不覺得熱朋友話這裡一定要試是豬排還有雞翼, 我們就點了豬排拼雞翼 及 豬排拼雞蛋, 飯可配原始的醬汁, 還有跟餐飲只要43蚊! 真係超平民飯堂.豬排超大件又厚, 咬落去原來好軟, 超多汁(分開上) 的雞翼 都有3隻, 真係超底食(分開上) 的雞蛋, 因為平時食常餐都是炒蛋為主, 好耐無食過呢個質數的雞蛋!雖然朋友話過食雞蛋就最唔低, 但真係好好味!不過我自己覺得飯太軟, 自己鐘意食硬飯多D.

之前去親元朗都係食 霸王雞菜飯 雞粥 同B仔，好少試其他野，今次就搵下新野比自己食啦！睇左食評話要睇準時機落單 同埋好多人 無禮貌 污糟，咁我都有心理準備嘅.....去到自己搵位，真係要等落單，時間完全可以接受 因為幾分鐘啫～而且佢會應左你轉頭過黎落單（不過已經另一個幫我落左單喇）坐大排檔 乾淨係好少可能，都係主要食 食物質素啫講明要等20-25分鐘，都預左佢午市係咁一路等，佢地真係無停過手咁做，係大聲 但唔係無禮貌啵！講堅嘅！佢地未必非常好禮貌 但絕對唔係無囉佢地會分明先到先得 會講唔好意思一路見到大大碟豬扒飯 幾時到我呢？我碟豬扒雞翼飯，20分鐘就到喇！真係好大塊 又淋又有肉味 甜豉油汁又正食完都唔口乾 雞翼遲些少另上 又滑又夠味臨走前隔離食午餐肉 嘩～～咁厚嘅

今日2:40先去到成記茶寮 叫左個豬扒雞扒飯 有啲擔心3:30收檔會食到好趕 點知佢一分鐘就上枱 超級快手 其實去到3:20都仲有人叫野食 不過已經有好多野賣晒 雖然地方簡陋 但態度好好 買單個陣伙計見我好迷茫唔知去邊比錢 主動問我食左咩 仲講左幾次唔該 同thank you～呢個都冇expect 到凍奶茶 少甜少冰我放到15:20先飲 每一啖都好凍 係冇冷氣嘅地方飲真係好正 奶味好淡 冇咩澀味 但錫蘭紅茶味好出 感覺好fresh 同平時茶餐廳嘅奶茶完全唔同品種 lol 但我覺得幾好飲（定係師傅失左手？）豬扒雞球飯上到枱係完全見唔到飯！因為啲扒太多太大塊！粗略數有5塊扒 有塊豬扒仲大過我手掌！唔單止大塊 仲要好厚！食到最後發現真係啲肉多過飯 其實唔止肉多 菜都多過出面 不過冇豬扒多到咁震撼！第一啖食雞球 其實有啲失望 雞球算嫩但完全冇味 唯一嘅味道係面頭個啲鼓油 個陣仲覺得佢味道唔好 係靠份量取勝之後食豬扒先發現同雞球爭好遠 豬扒雖然冇醃 但相比之下味道冇雞球咁白sai sai仲要好嫩 真係食唔停口結論：超級大份抵食 但雞球味道麻麻 食嘅時候發現豬扒雞翼飯賣得最好 下次試下叫先

今日山長水遠入到黎元朗！當然要周圍搵好食啦！呢間成記好出名，唔難搵。就係街市。就坐係街邊食的食舖。下午去食，都已經好多人了。自己搵到位就搭抬坐。可能太多人關係，員工又不多。所以他們都忙得很！等左陣終於有人落單喇。因為知道好大碟，一個人一定食唔哂。所以叫左一碟兩個食……兩個人食都超飽……！！！😆😆食唔哂！好誇張！叫左豬扒雞球豉汁飯！哇，真係好抵食，幾十蚊，就有咁大塊。食落熱辣辣。肉質好嫩滑，唔會好難咬。加埋d汁，撈埋飯食，好好味！！好滿足！再叫出名既瑞士雞翼。啲汁入哂味！好好味！😊😊佢杯凍奶茶都幾好飲，幾重茶味！👍食完真係好飽！可惜係街邊，同對住後巷食。環境就比較差同熱d喇！

黎到緊係食最出名嘅豬扒雞翼飯。一嘗之後果然有驚喜，有口感之餘，味道重好正，更值一提嗰度嗰士油汁😋😋好耐無試過咁大碟飯都掃晒，雞翼亦蚊得好入味而且皮無爛之類，值得一讚。缺失的只有一點，就係環境，為美食睇你肯唔肯屈就啦。