雖然呢排既天氣都係熱辣辣☀️ 但係突然好想打邊爐 所以就特登揾到黎將軍澳廣場呢間新開既馬祖分店食晚餐 今次我地就揀咗$223嘅Prime Grade牛肩胛肉放題套餐 一人一鍋既設計令我地可以各自揀番自己中意既湯底🍲 係12款既藥膳養生湯底入面 我揀左藥膳椰子清雞湯 男朋友就揀左藥膳花雕清雞湯 特別推薦椰子清雞湯🐔 個湯底真係超清甜 其他醬汁都唔駛拎已經覺得好夠味 套餐有得任食Prime Grade牛肩胛肉 西班牙無激素豬肉片 台灣沙茶牛肉 精選雞腿肉 同 深海魚柳 不過我地都係主攻牛肉為主 呢度既牛肩胛肉脂肪分佈均勻 肉味濃郁 肉質鮮嫩細緻又有口感 好食到停唔到口 encore左好多碟 自助區仲有超過30款火鍋配料 私心推介墨汁腸 芥末魚丸 同 男朋友最愛既芫茜燒賣 仲有仲有..超過15款飲品同多款雪糕雪條 其中Mövenpick雪糕就有雲呢拿同士多啤梨味🍦 不過無自家制既茶飲就有少少失色 不得不提既係呢度鋪面好大好闊落 環境好乾淨 完全無痴立立既感覺 食都食得開心啲🥰

今次已經係第二次到訪 不過上次就係去尖沙咀分店 而今次就嚟咗灣仔嘅分店 晚上六點左右 唔駛等位可以直接入座😀 我地order左個二人餐 $768 + 10% 包一個海鮮拼盤 一個前菜 一個主食 同2杯野飲🥂 Seafood combo🦀 有成12款海鮮揀 其中原隻波士頓龍蝦 松葉蟹腳 同 阿拉斯加蟹腳就要另外加錢 而我地就揀左唔駛加錢既小龍蝦、馬尼拉蜆、翡翠螺🐚 過左陣 侍應就拎住大大個藍色網膠袋係我地面前起勢咁shake 一打開個袋就見到3款海鮮都好新鮮 不過小龍蝦就好睇唔好食 因為本身都無乜肉 所以要好努力先食到少少肉 蜆同螺都好厚肉 而且完全無沙又無雪藏味 配埋Mr crab cajun sauce真係超級惹味 少少辣好過癮 推介✨✨ 海鮮袋入面仲有索晒精華既粟米 香腸 同 薯仔 超級入味👍🏻 水牛汁脆炸雞翼🐓 個醬汁真係雞翼既靈魂所在 雞翼炸到香脆可口😋 蟹肉卡邦尼扁意粉🍝 扁意粉超級creamy 加入鮮甜既蟹肉同粒粒煙肉 份量十足 真係要2個人分先食得晒😀

今次揀左SET A $198 既雞肉豚肉放題套餐 包41款食品 限時90分鐘⏳ 一坐低 我地着左餐廳提供既即棄圍裙之後就開始瘋狂落單 店內係採用「燒肉新幹線」既智能化模式去送餐 好有系統 企理又乾淨👍🏻 $198套餐既肉類既選擇唔算好多💬 雞有雞胸肉同雞髀肉 雞髀肉好嫩滑 而豚肉就有豬五花同埋豬梅肉等等 我地最中意食豬腩肉🐖 燒完之後特別香脆美味😛 不過連雞翼都無就有少少失望🥲 其他任點既食物包括多春魚 菇類 蔬菜 同多款小食炸物🍤 其中重點推介既係吉列炸蠔 香脆的炸皮包裹著軟嫩的生蠔真係超好味 炸粉唔會太厚 我地每人都食左幾隻🦪🦪🦪 另外店內有個自助corner 有飲品甜品沙律同雪條任拎 野飲都有十款八款 除左最基本既汽水之外 仲有橙汁 蘋果汁 利賓納 雜果賓治 柑桔美人水 等等🍹 當日既甜品都有五款🍮 有Oreo 木糠布甸 北海道牛奶布甸 黑森林慕絲 楊枝甘露 野莓奶凍 我試晒咁多款 覺得呢度啲布甸奶香味濃 特別岀色😝😝 下次岀左糧真係要試埋佢個和牛套餐🐮

將軍澳海傍開左好多新既食肆 不過價錢比較親民既選擇就真係唔多 行過見到呢間既二人餐幾抵食就即刻走左入去試下 $278既2人餐都有2個唔同既選擇 我地就揀左Set A 有炸雞 有Pizza 仲包埋餐湯 沙律 小食 同 野飲 食肉獸pizza 9寸左右既薄脆批 上面鋪滿混有意式肉醬既雞肉 煙肉 莎樂美 同 辣肉腸 入口啖啖肉 叫得食肉獸真係有番咁上下份量👍🏻 個Pizza仲係岩岩岀爐 熱辣辣 批邊香脆 加分📈 黑松露薯條 薯條有黑松露醬鋪面 咬落香脆 不過黑松露味就唔太夠 要另外加廿幾蚊轉就唔係咁值 見到隔離枱嗌左唔駛加錢既原味薯條份量一樣 點埋蕃茄蓉醬應該一樣咁好食👀 墨西哥香辣汁烤雞 烤雞烤到岩岩好 肉質嫩滑 墨西哥香辣汁唔算太辣 對於我呢啲唔食得辣既人黎講係少少辣好過癮😆 一人一隻雞髀一隻雞翼 滋味又惹味😋 野飲方面可以加錢轉特飲 不過我哋都係簡簡單單咁嗌左兩杯凍檸茶少甜

是日星期日 難得放假就同男朋友一齊去觀塘工廈搵野食 搵到呢間新開嘅花系cafe Boon 上到去既時候都已經三點多 食lunch嘅人都開始埋單走 所以唔使等位 Menu 醬油漬三文魚配牛油炊飯 青醬蜆肉汁 ($158) 攞盤好靚 三文魚柳外皮煎到金黃色 好香脆 肉質食落又夠嫰滑 加上顏色鮮艷既三文魚籽醬油漬就令三文魚柳鮮味更突岀 牛油炊飯好好食 但係份量就唔算多 香煎北海道和豚配洋薏米 燴野菜 洋蔥汁 ($158) 落單嘅時候店員有提醒我地和豚煮熟後會呈粉紅色 不過我地就要求煎至全熟 用上豬肩位置既日本和豚食落十分爽口 肉味濃郁 仲正過食豬頸肉 燴野菜就包括蓮藕 豆角 蘿蔔 同東菇 真係有肉又有菜 好健康 抹茶紅豆銅鑼燒配花生醬意大利雪糕 ($98) 銅鑼燒口感鬆軟 抹茶紅豆餡甜而不膩 加上花生醬雪糕黎食真係超級夾 推介 雜莓乳酪沙冰 用左新鮮既覆盆子 黑加侖子 黑莓打成既雜莓乳酪沙冰飲落酸酸甜甜 開胃又清新 伯爵奶泡 厚厚既奶泡順滑細膩 有陣陣伯爵茶香味 口味偏甜 飲落有温度 鋪面唔大但環境舒適 好中意呢種淺湖水綠做主調既設計

平日既夜晚同朋友黎到尖沙咀既garden bar and restaurant 食個light dinner 飲杯野傾下計 白酒忌廉煮青口配水晶麵包 青口份量都唔少 但就偏細粒 加入白酒既忌廉汁味道偏酸 水晶麵包烘到熱辣辣 點埋忌廉汁都幾好食 乳豬腩片配欖油蒜片辣椒意粉 我地一齊share個意粉 份量唔多 加入洋蔥湯豆角入去炒 落左蒜片辣椒等調味 但味道都係偏淡 意粉就軟硬適中 醉雞翼尖 雞翼尖醃到超級入味 入口有微微酒味好惹味 真係忍唔住食完一隻又一隻 咬到牙仔都軟 食到成枱都係骨🙈 日式炸豆腐 炸豆腐有木魚碎鋪面 相當有日式風味 食落外脆內軟 好有驚喜 鱈魚乾 鱈魚乾微微烤過 食落好似薯片咁脆口 配上七味粉同埋沙律醬一啲都唔乾 食落仲好滋味添 伴酒一流👍🏻 Menu

放假同男朋友黎到黃埔天地發現呢間新開嘅餐廳 Set dinner 睇落都幾多選擇又抵食就入左去試下 Menu 我地分別揀左Set B ($238) & Set C ($298) 之後餐包就隨即送上 味道可以 但熱少少就更好 每個dinner set都奉送前菜 餐湯同飲品 Set B附送既是日餐湯係菠菜忌廉湯 正常發揮 黑松露野菌蟹肉焗蟹蓋有陣陣既黑松露香 同野菌粒味道好夾 但蟹肉份量就唔夠多 Set C既餐湯係松露野菌忌廉湯 飲落好香仲有啖啖蘑菇粒 好有口感 附送既香芒大蝦沙律都唔錯 香煎法國鱸魚配青提子白酒忌廉汁 賣相討好 有小花瓣做點綴 鱸魚煎到外層金黃色 熱辣辣 入口又香又脆 肉質細緻幼嫩 滑溜溜 一啲都唔乾身 伴碟既薯蓉香滑鬆軟 口感綿綿 好睇又好食 美國牛柳 (8oz) 配虎蝦 牛柳睇落好細舊 但夠厚身 order左7成熟 食落肉質軟腍 肉汁豐富 食埋隻開邊虎蝦份量岩岩好 我地2杯餐飲都加錢upgrade左 Silence Moon (+$18) 用提子 檸檬汁 梳打水 同碟豆花調製而成既mocktail有漸層嘅效果 睇落好夢幻 飲落酸酸甜甜 最後仲可以食埋沉底既新鮮提子果肉 Kiss of Eden (+$38) 估唔到男朋友叫左杯咁適合打卡既cocktail 賣相100分 非常浪漫 加入洛神花既香檳口味偏酸 呢間boring服務周到 坐得又舒服 環境氣氛都好好 真係一間好高質既西餐廳

平日既夜晚黎左尖沙咀金巴利道新開既小店食串燒 而家仲有新張酬賓大優惠 係OpenRice book位有折 熊本一口和牛粒 ($65) 和牛粒色澤好靚 油脂均勻 未到入口即化個種層次 但絕對唔韌 燒香口五花腩 ($25) 五花腩層次分明 燒到焦香 十分香口美味 燒飛魚卵子魚腸 ($26) 魚腸超級有咬口 粒粒魚卵子係口入面爆開 感覺好特別又好食 燒新鮮生蠔 （$25隻) 生蠔大隻飽滿 加入蒜蓉作調味 食落仲有陣海水味 既惹味又鮮甜 煙肉荔枝卷 ($35) 燒到香脆既煙肉包住粒juicy既荔枝 甜咸交雜 食落又好fresh 大大減低油膩感 超級推介 燒雞軟骨 ($26) 雞軟骨係我地最鍾意叫既串燒 秘製黃金香蒜茄子皇 ($42) 茄子超大條 超多蒜蓉 蒜香濃郁 非常重口味之選 蟹柳麻醬手打烏冬 ($28) 烏冬煙煙韌韌 撈埋麻醬食 簡單又美味 真係不敗之作 Menu 總括來講 食物質素高 係尖沙咀而言性價比偏高 不過岀菜就比較慢 有大大進步空間

放大假同男朋友係沙田大埔踩單車 之後揾到黎呢間餐廳食晚餐 餐廳既門面都已經好靚 磨砂落地玻璃係打開門即時候就會變成全透明 私隱度高又神秘 門口旁邊仲有部可以彈到既琴 蝶豆花木魚清湯 鯛魚刺身 好fusion既菜式 加埋青瓜伴碟做點綴 食落好fresh 是日餐湯 忌廉加拿大海膽扁意粉 ($258) 呢個意粉好足料 海膽份量好多 而且夠新鮮 入口回甘 扁意粉十分creamy 口感彈牙 好好食 碟面既裝飾都加左唔少分 傳統法式鵝肝牛柳 (set $480) 睇擺盤就知係有心機之作 鵝肝煎到外脆內軟 入口即化 風味鮮美 值得一讚 牛扒就不過不失 Bubble bee ($82) 呢杯係類似fruit punch既飲品 入口香香甜甜 仲有少少果肉 好岩女仔飲 L’amour ($86) 帶有黑糖味既啤酒 比起一般既啤酒易入口 飲落甜甜地 少左陣苦澀味 都係岩女仔飲 Beauty and the Beast 另加$48 upgrade左個甜品 上菜既時候用左玻璃罩蓋住玫瑰花 一打開就會有一縷縷輕煙飄岀 都幾有gimmick 朵玫瑰花花瓣係用蓮蓉製成 都幾考功夫 內裏就包住豆沙饀 但我自己本身就麻麻地中式既甜品 Menu 總括而言 每樣菜式都好精緻同用心 但係定價就高左少少 服務態度都算唔錯 無其他人講到咁錯漏百岀

因為先前做定左功課 知道饒宗頣文化館入面既悅滿軒通常都好full booking 所以預先已經book定咗位食晚餐 落單後 隨即就送上2人份量既餐包 法國泥蟹湯 ($78) 用左法國泥蟹肉 白蘭地忌廉 仲有法蔥熬製而成既濃湯 入口有濃郁既蟹味 非常鮮甜 值得推介 自家製菠菜貝殼粉配鑽石蜆 ($198) 鑽石蜆有4隻 唔算大隻但勝在隻隻都夠飽滿 自家製貝殼粉食落煙煙韌韌 口感十足 份量唔多 但好飽肚 忌廉菠菜汁入口香濃 食食下貝殼粉仲發現有幾粒蜆肉同菠菜碎 烤澳洲龍蝦尾配海膽意大利飯 ($298) 大廚將整條龍蝦尾既肉都起咗出黎 放係蝦殼之上 單單係賣相已經十分討好 微微烤過既龍蝦尾肉質結實彈牙 飯底係道地既Risotto 口感綿綿又creamy 加入左蕃茄粒 青瓜粒 同 蝦粒一齊煮 大大減低油膩感 但係就食唔岀有海膽味 因為我地2款main都係carbohydrate 食落都真係有少少飽飽濟濟既感覺 但係見到隔離枱個碟香煎原條龍脷魚香噴噴 真係流晒口水 好想試下 當晚差不多滿座 但係侍應就得3.4個 又忙住上菜又要幫慶祝生日既客人影即相即有 人手似乎唔太足夠 Menu