成記茶寮

營業中

休息中

講明先, 我係元朗長大既, 呢間店都係近呢幾年出現我讀小學時(廿幾三十年前, 呢個位係一間粥店, 當時都係一間名店, 每朝必食佢個茅根粥 ! 食左返學人都精神 D !! (可惜已經結業)作為大半個元朗人, 一直都知道呢間野好食有時我地仲當佢係男人飯堂 (又夠飽,又好食又抵食夾大件)不過一到假期就"唔係我杯茶"....因為一到假期就有大批外區人湧入來搵食基本上, 星期六日我地都唔會去呢間度食順便呼籲一下, 各位搵食唔緊要, 最好就唔好 Print 一大埋紙張, 彩色仲要圖文並謬咁個地球好傷架, 為左搵一餐好食既, print 成堆紙出來, 確實不該呀言歸正傳, 來呢間店, 主要得三種野應該食1) 豉油雞翼 /飯2) 豉油豬扒 /飯3) 豉油雞球 /飯我份人比較貪心, 而且有選擇困難, 於是...一係就搵多幾個人一齊去食, 互相 share 其他一係就 : 叫雙併我就會採用 : 豉油雞翼豬扒飯 或者 豉油雞球豬扒飯呢兩款係我通常一個人去時既叫法, 如果兩個人或以上去就已經可以試齊以上經典順帶一提, 呢間店舖夜晚係另一個經營者, 想以想食就要係中午時間啦

得閒無事做, 搵食到元朗好多人都話呢間的飯料抵食, 趁得閒, 過黎一試2點幾去到, 好多人, 好彩大排檔唔洗排隊見位就坐無睇到MENU, 記得好多人都係話豬扒抵食所以點左豬扒飯 + 凍奶茶豬扒飯有2大塊, 一定食得飽若轉炒麵 +$2重茶味, 不過同平時D 味唔同在場所見, 好多人叫豬扒, 雞翼, 雞球 (可雙併)大排檔環境, 食過都知未食過就唔好expect 啦

三個小時後，野外完結，拖着疲倦的身軀離開流浮山。早上吃的燒味飯在體力勞動底下自然是消化殆盡，飢火此時固之然大旺，先在流浮山內那些舖頭仔內吃了串價值不菲的炸蠔，當然不夠"涉牙縫"。乘小巴重返元朗，想起鄧達智先生在專欄曾提起過這兒的豬扒，便禁不住狂吞口水了....二時半左右抵達，燈火很旺盛，擠滿了客人。落單阿姐飛快前來招呼，眼望望其他枱上叫的東西，不是豬扒便是雞翼。自己也就有樣學樣，來了份豬扒拼雞翼飯....來得牌檔茶記，叫杯茶走喝喝也是例行動作。甜度適中，茶味香濃，質感幼滑，是一杯有水準的茶走...令人望穿秋水的招牌豬扒確實沒有讓人失望 --- 用的是新鮮脢肉豬扒，入口還帶着微微的膻味的。不喜歡的自然會覺得有點皺眉，不過自己就是喜歡新鮮豬的這種獨特氣味；肉帶少許脂肪，質地爽彈而不韌，絕對是上等貨色。掌勺人更十分細心的用刀在豬扒輕了兩三下，這樣醃料及醬汁就可更輕易走入肉身了。味道實在好得不得了，就算是被稱為城中其一最佳豬扒的上環科記，小弟都覺得比這兒的還差了半皮....阿姐口中所稱的"豉油汁"，查實與我們平常的瑞士汁沒大分別 ---- 味甚甜，但這兒弄的卻有重一點八角花椒等調味香料之氣味

唔覺意行過見到想吃, 但沒有位, 唯有行過另一間, 但見到啲"豬扒" 勁大件真係想試下, 買了外賣吃ok喎真係好大件(有2件) HKD29/合飯足夠2個人別份量, 豬扒好好吃又唔乾又有豬肉味....走嘅時候行過見到"雞亦" 好似好OK,下次會再去試下, 希望認得路去啦.

今日老公入來搵我食lunch, 去到差d冇位開飯老公叫o左豉油豬扒飯(多菜) + 涷奶茶, 我就叫o左豉油雞亦炒公仔麵 + 涷檸茶豬扒飯: 有成二塊半咁多, 唔知點解今日會多o左半塊.....抵豉油雞亦炒公仔麵: 有5大隻雞亦, d公仔麵炒得好有獲氣, 等o左25分鐘都值得

好想食豉油汁既飯和淋豬扒好耐聽聞成記出名豉油皇豬扒飯估唔到有2塊好大既豬扒, 色澤係我想食既不過無想像中咁淋超愛佢既豉油汁, 撈飯一流叫了少飯, 但結果好似太少了中午飯市, 除左碟頭飯, 其他野乜都無無乜服務可言, 快來快去伙計都費事同你介紹有d咩食

見連少年食神都推介, 就特登走去幫襯環境 : 一般冬菇亭的格局, 隨時食二手煙招呼 : 一般般, 有漏單的情況出現 (幸好唔係我)食物 : 豬扒飯, 兩塊豬扒大大塊, 炸得OK, 但飯偏硬, 豉油汁好味,但唔算驚為天人, 值得一試再試飲品 : 奶茶, 一般貨仔, 唔及永樂茶餐廳價錢 : 一個午餐連飲品, 2X-30蚊, 唔貴, 但亦唔係超值後話 : 同台的哥仔, 早過我來, 但伙計寫漏單, 人家成杯飲品飲晒碟飯都未來, 叫轉外賣又無人睬佢, 結果自己動手變成外賣, 伙計仲要奉旨收佢一蚊外賣錢, 待客之道超唔得

每次跟二犬去街街前, 都要吃個午飯. 而食物質素好, 而且還可以拖住兩隻狗一起午飯的地方... 我只會推薦這一間 是一堆熟食檔的其中一間, 吃飯的人就坐在路邊. 地方不太清潔, 沒有空調, 沒有清閒的伙計們站在你身旁等你落單.甚至可能會有小小強在你腳旁經過.但這些全不重要, 因為他們的食物, 真是太美味了 !!! 一般住在元朗的人都會知道他們出名的豬扒飯. 盡管現在各式肉類都不斷漲價, 肉類的份量都沒有減少.我最愛的 "豉油皇雞球飯" , 雞球外面脆, 入面多汁 !!!仲有出名的"豬扒飯". 很大件呢 !!而且配汁有很多選擇呢 !!! 豉油皇, 豉椒, 粟米汁全部都好美味 !!! 狗可以坐上來看看美食或在地下等 !!! * 他們只做早上及中午時間 !! 不要打算晚飯時間去試呢 !!!

朋友M是元朗通, 她介紹我到元朗要找找位於建業街的冬菇亭冬菇亭在新的B仔涼粉附近, 很容易找到成記是典型的大排檔, 吃的當然是"碟頭飯"等食物咯~朋友介紹我先吃瑞士汁雞翼, 晤... 雞翼肉質軟軟的, 味道很濃, 很不錯再來是經典豉油汁豬排飯, 豬排沒有那種被soda粉淹過的味道, 但肉質不會太硬, 剛好適中, 神髓在於那甜甜的豉油汁, 搭配一流有時候要吃英食果真要: 不怕熱, 不怕地方有點髒髒的呢!!

佢哋最出名是油雞翼再加杯"0"茶走甜真係好鬼正而佢D汁簡直可以洪撈幾碗白飯！！！

豉油豬扒飯及冰奶茶是我必叫的。

之前上左一個關於元朗的website~~ 知道呢間野好似好好食，咁就有一日搵左我男朋友陪我出去食喇。開頭我乜餐牌無睇，就咁叫左個「豉油皇豬扒炒公仔麵」，因為我知係果度ge 招牌菜式。都算記抵ge~~ 廿五蚊包埋一杯凍野飲咁。但係個環境真係幾熱... =.=.... 無咩冷氣，淨係得果兩把風扇。之後黎左碟豉油皇豬扒先~~ 嗯~~ 味道都唔錯。之後黎果個炒公仔麵先正!!>v< 炒公仔麵呢個菜式其實無咩特別，但係要炒得好味，就唔係間間做到囉~! 而我推介得呢間，當然就係呢度ge 炒公仔麵好味啦!! 真係好好味呀!! 又唔係太油，都唔係太鹹，佢唔知係用左咩醬汁黎炒架!! 之後服務本身都唔會俾四分~~ 係臨走果陣，有個靚姐話「學生哥，叫少你地每人一蚊啦~!」哈~ 好頂癮呀! 不過當時我地都無著校服架!!點解無人留架~~ 豉油皇豬扒炒公仔麵真係好值得推介!!