怡紅院火鍋料理

營業中

休息中

個朋友話發現中環有間門面裝修得好特別嘅打邊爐舖頭，所以就去咗朝聖啦。原來內裏係中式古代裝修風格，仲有一個個嘅獨立包廂，十足十係古裝電話劇入面嘅紅樓之地🤣🤣🤣而且一坐定定就可以玩小遊戲求籤換獎品拎折扣，玩味十足！叫咗2紅卜卜嘅鴛鴦湯底，一個蕃茄粟米同埋麻辣湯底，蕃茄湯底鮮甜，粟米好甜，二麻辣湯底，偏麻不辣。而且當日打完邊爐之後，唔使瘋狂飲水解渴，相信應該真係冇落味精👍🏻👍🏻👍🏻-響鈴——比較厚身，十分脆。-闊條麵——同平時出食好不同，相當煙韌，有咬口。-芝士竹輪——係好比較軟身同埋juice 啲嘅芝士竹輪，我好鐘意。-手切本地牛頸脊（半份）——肉質嫩滑，有牛味，而且半份都幾多。-西班牙黑毛豬片——質感軟熟，而且一片都好大塊，食落好滿足。

之前睇啲KOL嘅IG見到呢一間火鍋店好特別，成間古代嘅青樓咁樣，環境超級適合打卡，所以一直都想嚟影吓相。呢一日放假終於約到朋友嚟啦！去到門口見到紅噹噹就知道冇去錯地方，餐廳裝修好傳統，掛滿紅燈籠，有種穿越返返去古代嘅感覺👍🏻入到去整體嘅氣氛都好好，無論係座位定係餐牌嘅設計都好有心思，配合返青樓嘅風格，例如將餐牌命名為賣身契，老闆真係好識玩😂我哋去嗰日仲有抽籤活動，我哋抽中咗九折優惠，有個意外驚喜🤩一間餐廳除咗環境，食物都好重要，我哋食得出呢度嘅食物都係好新鮮，靚嘅環境加靚嘅食材，貴少少都係值嘅！我哋當日叫咗個蕃茄湯同埋麻辣湯，至於材料方面就叫咗手切本地牛頸脊、西班牙黑毛豬肉片、蝦肉粒蝦滑、芝士竹輪卷、響鈴、滑豆腐同埋寬薯粉，仲有兩杯凍飲，買單大概$1000！

中環嘅怡紅院，開宗明義以青樓作為主題，由店舖裝修，到餐牌設計，都極具特色！燈紅麻辣鍋 拼 甜粟薯仔牛腩番茄鍋 $198麻辣鍋辣味溫和，但香味濃郁，配肉類食材，確實出眾！番茄鍋番味香郁，鮮甜圓潤，內含大量牛腩、番茄、粟米、薯仔、甘筍等，十分美味！雙拼不另收費，抵讚！手切本地牛頸脊（半份）$288油花漂亮，同時包含肉香同埋脂香，高質！豬頸肉 $88牛脷 $68豬頸肉同埋牛脷嘅質素都唔差，爽口美味而且價錢唔貴！爆汁牛筋丸（半份）$48芝士竹輪（半份）$58兩款都係有爆漿嘅效果，正！萵筍 $48鮮淮山 $48蔬菜類嘅份量頗多，有好多片仲要厚切，爽口甜美！Inedit $48Happy Hour只需$48就可以享用到頂級嘅西班牙生啤，抵玩！Coke Zero $28

火鍋店嘅裝修餐具行古典中國風，別有風味，另一個得意位係有籤筒求籤，每枝籤都代表唔同優惠，今次就抽到九折，睇嚟今日嘅運氣唔錯！食野之餘仲有突如其來嘅優惠，又好玩又開心😆養顏濃厚花膠雞鍋🍲湯底滾起後侍應就會先裝碗湯畀我地飲，再將雞裝喺碟度分開啲肉，花膠雞湯確係非常濃厚，濃稠度有點似忌廉湯，雞香突出，花膠都有好多塊，我地都忍唔住飲多碗先至開始打邊爐🥣手切本地牛頸脊🔪牛頸脊肥瘦均勻，塊塊都咁靚，建議係淥8秒，雖不至於入口即溶但輕輕咀嚼便可，而且牛味適中，牛肉質素幾高😋邪流丸🧀一望餐牌就比依個得意嘅名吸引咗，其實係手打流心芝士牛丸，中間嘅芝士比出面食到嘅濃同多，咬落的確係流心👍自家製黑松露蟹肉餃🥟依款餃喺其他地方比較少見，半份有4粒，黑松露味好突出，可以一試～菜籃 🥬

怡紅院 📍: 中環遇上八號颱風 但亦都冇損打邊爐的興致餐廳設計偏向中式宮廷風😂 門口嘅射燈打向對面街度寫住 怡紅院 好搶眼 入面有三個包廂 可以坐5-6個人😂 餐單既設計都好有趣😂😂😂 重點： 而家幫襯有得玩抽籤！隨時有優惠！！我地都好好彩抽到全單9折優惠🤫 ✨甜栗粟米薯仔湯✨西班牙黑毛豬片✨手打蝦丸✨流心芝士牛丸✨黑松露蟹肉餃✨墨汁墨魚餃✨響鈴✨薯粉✨特色菜籃整體嘅服務態度都相當唔錯店員會主動添湯 Keep住留意你有冇需要見我哋整墨魚滑有啲狼狽 就主動行咗過嚟幫我整 好貼心 見我哋清咗碟 都好快手主動幫我地收朋友鍾意食蕃茄 所以嗌咗蕃茄牛腩嘅湯底個湯底都幾令人驚喜 食過唔少出邊嘅火鍋店 通常蕃茄湯底都係比較淡 呢間就比較濃 淥嘢食都keep住有蕃茄味 似加左茄膏 湯底嘅薯仔都幾粉 幾好食下次應該會試埋其他湯底 見佢有個龍蝦湯底好吸引肉類非常高質 半份黎講都算好多 最有驚喜係黑松露墨魚餃！黑松露味好香🥰 丸類唔係普通街市買個d hea 肉丸 芝士牛丸既流心真心好食😙 但要小心熱呀！手打蝦丸都好食😙 真係有蝦肉！彈牙得黎有咬口！叫左唔算多野 但份量絕對足夠🤣🤣

中環雲咸街，有一間古色古香，風格獨特嘅餐廳，吸引住我嘅眼球，紅紅綠綠嘅門面，大大個招牌<怡紅院>，現代都有青樓？視覺上，感覺設計心思無限，果然玩味十足，打個邊爐都可以咁有創意，今晚去滾，完全無需任何理由。走進餐廳，風格非常特別，有大枱，亦有吧檯，好適合同朋友或者情侶呢度打邊爐，或者食晚餐，甚至乎happy hour飲酒暢談，都絕對感覺輕鬆自在。餐廳除咗供應火鍋，仲有海鮮、小食、刺身等等。九宮格調味醬料有好多選擇，你想點配搭都得。最搞笑係呢度每張枱都可以玩一次抽籤遊戲，用抽籤嘅方法，睇下抽到呢餐有乜嘢優惠。今晚我哋抽到支上上籤，係火鍋湯底半價呀！！一心來到想食火鍋嘅我，真係覺得抵上加抵！！～<椰子雞鍋併沙嗲鍋>餐廳將整個椰子水倒曬落去個椰子雞鍋度用來打邊爐，製作非常認真，令到湯底極為清甜。材料除咗有鮮雞半隻，仲有紅棗、椰子肉等等。另一邊嘅沙嗲湯底，味道極為濃郁，香濃惹味。椰子雞鍋湯底材料豐富十足，用上大量新鮮雞，雞肉又嫩又滑，非常好食，半個鍋底足足有半隻雞，令到個雞湯鍋底，更加清甜好味。<自家製鳳城水餃>水餃粒粒都非常大隻，外面嘅皮好薄，而

平時食飯經過見到開了間怡紅院，即刻搵日去試，在外面影相打卡都幾搞鬼。入面坐位用了廂房的設計。醬料 $18/位打邊爐最重要是醬汁，一坐底待應會拎個9宮格醬料上黎。原隻椰子雞鍋 $338去怡紅院當然要叫雞！叫了椰子雞，椰子是原個椰青，會在我們前面倒入鍋。飲落十分清甜！脆炸蝦膠油炸鬼$98炸蝦膠彈牙，加上油炸鬼，層次十足。鱔片$108鱔片切得很透薄，可見師傅的刀工。鱔片很快熟，入口結實。手切本地牛頸脊 $388牛頸脊有香濃牛味，質地嫩滑。記得跟指示淥，牛頸脊尚有些少粉紅色的時候已經可以食。牛脷$68牛脷味出，肉質爽彈，食得出很新鮮。西班牙黑毛豬肉片$168黑毛豬肉質感軟熟，肉中帶有少少橡果味，肉味好出好濃郁。豬肋條$128豬肋條厚身，雖然望落唔起眼，食落爽口彈牙，有驚喜。紐西蘭羊肉片$168羊肉真是要比心，一夾起尚未放入口已經有一陣羊羶味撲鼻而來，入口羊味十足。怡紅丸 - 麻辣牛丸半份$58手打墨魚丸(半份) $58手打蝦丸 (半份) $58爆汁牛筋丸(半份) $48特色菜籃 $98諗不到食什麼菜的可以選這個，大部份都可以試。Sour Plum Juice $118Dark Plum Inf

終於去咗呢間位於中環雲咸街超盞鬼得意嘅妓寨火鍋店😆成日揸車經過見到佢個門口大大塊牌匾寫住怡紅院，都俾佢吸引住🤭加上佢古代嘅青樓設計，真係好想入去睇吓同試佢好耐🫣一入到去職員就帶咗我哋上上層坐，然後坐低即刻俾我哋玩咗個遊戲,攞咗一個求簽筒比我哋抽，原來佢哋有一個活動,可以抽籤睇吓即時呢餐有幾多折😲🫕原隻椰子雞鍋拼燈紅麻辣鍋 $338雙拼湯底一上店員會原隻椰青🧉拎嚟喺你面前幫你倒落個鍋到😳 鍋入面仲會有1/4雞嘅雞肉🐔同好多新鮮椰子肉🥥試飲過個湯底係超級清甜，超級好飲🥹 自己邊食邊飲湯到好飽😂 另一邊嘅麻辣鍋🌶就好惹味，佢唔算好辣，但係就好香嘅麻辣味, 淥肉類🥩一流可以唔洗醮醬汁都夠味👍🏻🐖西班牙黑毛豬肉片 $98/半份豬肉片勁好食,厚薄適中，而且肥瘦均勻,好香豬油脂味，一啲都唔柴🤤🐃手切本地牛頸脊 $288/半份估唔到半份都好大碟😳 足夠兩個人份量，雖然牛頸脊都好有牛脂味而且都幾夠肥，有少少入口即溶🥳但係如果揀嘅話🤔黑毛豬肉片略勝一籌，因為口感更好，豬味更出🥳🪸珊瑚丰 $148好新鮮，好鮮甜而且非常爽口，一啲腥味都冇😋🌿凉伴香辣海蜇 $88呢個海蜇其實有伴埋青瓜，完全唔會辣，係少少麻味同

香港人一年四季都鍾意「滚」，呢度真係名副其實可以合法比你「滚」同朋友對酒當歌，仲有特別「漲知識/姿勢」的菜單- 怡紅寶鑑！依家店內抽籤活動有多項優惠，是次抽到第六簽有95折，個人真係無咩抽獎運哈哈~是次湯底係燈紅麻辣鍋，冇提供辣度選擇，但可以按個人口味叫店員加辣，平時食開小至中辣覺得唔洗加，正宗紅油純辣同香麻味道，食完唔會覺得口渴。手切本地牛頸脊(半份)見到鮮紅粉嫩、雪花分佈平均的切片賣相已不錯，口感鮮嫩。黑柏葉新鮮爽口，掛麻辣湯汁絕配。蝦肉粒蝦滑食到新鮮原隻蝦粒，鮮味加倍，口感更加彈牙爽滑。自家製響鈴炸得酥脆唔油，酥香味鮮自家製雲吞(半份)大大隻鮮蝦肉，皮薄餡足爆汁牛筋丸(半份)彈牙多汁金菇同寬粉正常發揮，個人愛好的麻辣火鍋配料。

呢間餐廳出名充滿玩味新潮之餘又好味，今日終於可以收工同朋友過嚟打邊爐！調味料以九宮格嘅形式呈現，啲碗碟同埋環境都幾精緻！✨城寨特濃沙嗲鍋、蕃茄湯底（鴛鴦鍋）鴛鴦鍋滿足晒兩個人唔同嘅需要！蕃茄湯底好足料入邊會有啲牛腩添，真係估佢唔到！朋友鍾意味道濃郁啲所以就揀咗沙嗲湯底，就算返到屋企都唔口渴，值得一讚！✨你最牛拼盤一次過滿足食肉獸嘅願望，而且份量都幾大兩個人都爭啲食唔晒！牛肉味都幾濃郁，特別係有雪花嗰一款牛肉！✨爆汁皮蛋貢丸（半份）咁大個人都係第一次食呢款爆汁皮蛋貢丸，一咬開入邊充滿軟林林嘅皮蛋，真係超級正！✨蕃茄芝士豬肉餃(半份）餃子皮都幾薄所以唔可以煮得太耐，如果唔係餡料就會穿出嚟！味道都不過不失！✨ China Colada 、Ginger Ale飲品都大大杯而且唔算好甜夠晒凍！China Colada 超有驚喜，椰子班蘭波蘿汁夠晒酸，好醒胃！值得一讚就係有抽籤環節，朋友手氣一般抽到有九五折！不過意料之外嘅折扣都幾開心！有得食又有得玩正！

今日同朋友圈約咗去蘭桂芳飲嘢，於是就提前嚟附近嘅呢間店食晚飯，又估唔到呢間火鍋店咁有特色，又比到驚喜我哋喎！佢嘅裝修環境都全部以古代風設計，座位都好濶落坐得幾舒服！一坐低佢哋就會先比你抽個籤，入面啲籤有唔同優惠提供，我哋就抽中咗個全單95折～我哋都鐘意食辣，所以我哋淨係點咗個麻辣湯底，但其實呢度都有唔同嘅湯底提供，有啲係佢哋獨家自制嘅，幾有新意。 湯底一上就好香麻辣味，入面有少少配料，辣度適中，唔夠辣可以加辣。我哋點咗都唔少嘢食，嚟得打邊爐就一定唔少得點肥，我哋點咗呢個牛頸脊半份，呢度份量都夠兩個人食，佢啲牛食得出係好新鮮，入口即化同埋好香牛味！我哋都有點佢嘅牛筋丸，好彈牙。佢嘅雲吞都好大粒，入面係有兩隻蝦包埋，份量十足！而佢嘅黑柏葉好爽口，好有口感！響鈴都好脆，一啲都唔會太油。而個鮮蝦蝦滑就真係好足料，好爽口，而且食得出係有唔少蝦肉一齊打出嚟嘅！最後點咗個金針菇同寬薯粉嚟埋尾，兩樣吸收曬湯底啲精華，食落真係十級正！！！！！鐘意打邊爐嘅真係唔好錯過呢間，又可以帶fd嚟打下卡。

餐廳外內富有中國古代風，採用紅燈籠做裝飾還原以前怡和院嘅裝修，好特別，好啱去打卡！😆原原粒梛青梛子雞鍋🐥🥥打邊爐當然要揀嗰清清地嘅湯底，先可以食到食材嘅鮮味。餐廳係我地面前落原個梛青水去煲，飲落非常清甜，重有好多雞件，食落肉質嫩滑。😋九宮格醬介 - 醬料都放到咁令🤭脆炸蝦滑油炸鬼🍤 - 食落彈牙爽口手切本地牛頸脊🐮 - 果然要跟牌面指引，淥8秒就啱啱好，重牛味，醬料都唔需要點。😋牛脷🐮👅 - 淥完重係咁爽口，幾好食👍🏻西班牙黑毛豬肉片🐷+豬肋條🐷 - 估唔到豬肋條都可以打邊爐，食落爽口彈牙。紐西蘭羊肉片🐏 - 羊味好濃，鐘意食嘅羊嘅就啱哂！鱔片 - 有魚鮮味，重好爽口，打邊爐必叫！😆丸類 - 怡紅丸(手打麻辣牛丸)、手打墨魚丸🦑、手打蝦丸🦐、邪流丸(手打邪惡流心芝士牛丸)Vita Kuk Fu🌸包裝好古代，cocktails飲落重蜜糖味，甜甜地，好易入口👍🏻Sour Plum Juice🍾望落好似茶，其實係cocktails，味道酸酸甜甜，好解膩。China Colada 重梛子味😋&Hibiscus Soda 山楂洛神花梳打好fresh!

好耐冇出街放鬆吓食個飯🥲趕完一大堆deadline之後，朋友話帶我去見識下「大場面」🙈原來就係呢間怡紅院😉🤣😋怡紅院位於山頂，好大間，離遠已經見到紅彤彤🤩裝修好有feel👌🏻一入門口，就係一個個包廂咁，坐得舒服😌又帶點私隱度👍🏻一坐底，就會送上醬料九宮格，比你自由配搭出自己口味既醬汁😎打邊爐🍲既靈魂一定係個醬‼️有辣椒豉油炸蒜芫荽蔥⋯⋯等等之後就會有一個抽籤環節😆送上小小嘅優惠～朋友抽到係全單九五折🙈小小心意不成敬意🤣🤣湯底方面都好多選擇，其中有幾款可以雙拼，唔洗加錢的😆👍🏻所以我哋揀咗佢嘅招牌燈紅麻辣🌶️鍋，同埋蕃茄薯仔🥔牛腩鍋🍲好大鍋，鍾意佢夠深，可以放好多野食😋😆小食我哋揀咗涼拌萵筍絲、八味豆腐，前者好開胃好清爽👍🏻後者新鮮熱辣即炸好有滋味👌🏻😍肉類我哋揀咗手切本地牛頸脊🐮花紋好靚，唔會太肥，肥瘦適中💯好味的！仲叫咗個爆汁牛筋丸，大大粒有4粒，幾好～另外我哋仲試咗佢哋推介嘅鳳城水餃🥟第一次食原來入面係有木耳嘅😯味道唔錯👌🏻我哋海鮮就叫咗珊瑚蚌，好難得有‼️好大塊好厚🤣🤣勁足料，彈牙👍🏻👍🏻響鈴🔔都好味呀，有成6條咁多，內脆外軟🤩主食就揀咗日本到庭烏冬😋😋配埋啲菜呀肉呀丸呀湯呀，好味呀😏

個FD話帶我去Happy，行到去老蘭仲以為入邊間吧，原來係仲要再上山嘅「怡紅苑」🤣🤣🤣因為係轉彎位，呢個射燈真係救咗我一命轉彎一望就嘩咗出聲，真係做得好靚好仔細👍🏻，亦好誇張🤣原來係打邊爐嘅，入面好正經無「姑娘」架，大家可以放心🤗不過個Drink menu就有啲兒童不宜🤫佢地做緊優惠，可以求籤睇吓中咩WOW，85折，正🥰個豉油樽好靚，好想拎走🤣雖然一碟價錢唔平，但份量好多，即刻開心哂🤗叫咗牛頸脊同金錢展，真心好味😋推薦叫清淡啲嘅湯底，我地蠢咗叫咗沙爹湯，不過雖然沙爹味好搶，但都食到肉嘅鮮味👍🏻👍🏻👍🏻👍🏻脆肉鯇厚切又大碟，爽👍🏻👍🏻👍🏻手打肉丸同番茄芝士餃都推薦，同出面食嘅好唔同👍🏻👍🏻👍🏻👍🏻另外仲有黑毛豬、芥末雲耳….款款都好味😋0伏85折後埋單千三蚊，今次真係唔方唔HAPPY🤗

同朋友係中環行完街，見到呢間餐廳裝修好有古典中國風，一於入黎試吓。芫茜湯底$168: 超多皮蛋+芫茜，作為芫茜控嘅我，必試呢款湯底！而且皮蛋嘅份量都幾多，食落去亦都唔會太苦特色菜籃🧺$98: 由於諗唔到食邊款菜好，就揀左呢款乜都有嘅菜籃🧺，唔洗諗呀嘛～有娃娃菜、皇帝菜、生菜、菠菜、羽衣甘藍～每樣菜都試啲，岩晒我呢啲有選擇困難症嘅我！黑毛豬半份$98: 好大塊，而且係厚切，食落去亦都唔會煮得太熟而覺得好鞋口～牛頸脊半份$288: 食落去好有牛肉鮮味，肥瘦均勻，入口即融～邪流丸半份$68: 姐係流心芝士牛丸，食落去要非常小心，因為真係有醬爆嘅感覺，我都唔小心比流心芝士淥親個嘴仔添呀手打蝦丸$58: 爽口彈牙，食得出真係由師傅真材實料用人手製造，鮮蝦味甚濃自家製響鈴$58: 幾好食，浸佢落湯底，表面淋淋地，入面好脆口～芝士竹輪$58: 又係要小心，因為一唔覺意又會爆晒啲芝士出黎！食落去好juicy好過癮！岩晒中意有醬爆口感嘅網友！另外，九宮格醬料每位收取$18。同埋店員會即場抽籤俾客人優惠，而今次我就抽中左支白酒～我見其他食客抽中8折85折9折～最後，覺得自己有創意嘅朋友，不妨玩下對聯：「燈