德美壽司 (裕民坊YM²)

營業中

休息中

真係從來都未試過放半日係咁爽放半晝，約咗伴娘食晏跟住再直落伴娘book咗呢間話想試吓其實呢間野尖沙咀都有，不過成日都排長龍都試唔到難得佢喺觀塘開咗不過伴娘話都一定要book位Walk in又係會等….好彩我哋book咗位因為我哋入嚟嘅時候已經見到條人龍😜我同伴娘分別買咗一個三色丼同埋三文魚采之丼老實講伴娘嗰個三色丼係抵食啲$86三色丼有三文魚，帶子同埋好似係吞拿魚而我嗰個$80雖然都係有三文魚，但係佢係熟嘅吞拿魚碎um….感覺冇咁抵不過啲魚生都係好新鮮嘅同埋D刺身有返厚度😋

終於嚟到觀塘凱滙裕民坊商場 ，好grand好靚，裝修設計都好有特色呀🥰😍今晚我哋夜食，九點鐘選擇唔多，有些餐廳已截last order。最後選了呢間德美 ，見裝修靚及入面較多人。坐低才發覺原來是朋友提過係紅磡好出名成日要排隊的分店，今日終於有機會試到了😁天婦羅烏冬定食$88, 鰻魚飯$110, 定食跟湯、前菜沙律及甜品，真好滿足👍😋🍤天婦羅烏冬定食天婦羅有蝦、蕃薯、南瓜、茄子，炸得唔油唔過火，脆口之餘保留了食材的鮮味。烏冬彈牙，湯底調味適中，媲美高檔日本菜。🍱鰻魚飯好驚喜鰻魚都算大條，肉質及調味都唔錯，不會有油膩感，飯底就一般🥣餐湯不會過咸的麵豉湯🥗沙律酸酸甜甜小清新🍧甜品日式豆腐配紅豆好味，食完即想encore🤭真係性價比高 平靚正嘅日式餐廳👍😋#落雨天少人#人少舒適方便影相#新景點多打卡位 💃🏻#商場內嘆住冷氣等巴士正👍#MagicCherry攻飲食🍽️#飲食情侶🥰

我地三大兩細一點半有多去到餐廳，可能見我地有小朋友，門口姨姨叫我地唔洗㩒飛，話剛好有一間房比我地，簡直係受寵若驚叫野食係自己QR code 叫既，我自己揀錯左其中一個定食，叫左貴啲既單點，自己都冇為意。冇幾耐，有個侍應妹妹入來確認我地係單點定定食，比我地改返，甘體貼係抵讚既。講返食物，午餐定食好抵，亦大份，味道正常。性價比高，服務亦體貼，會再幫襯。

近期觀塘新起的聚腳點🥢🍣當然就係非凱匯莫屬啦😛要逐一試匀佢，今日先來到德美壽司~比tko 店更滿更多人，好彩有book位~QR code自助落單^^方便又快捷🍣花竹蝦壽司係我係德美最愛的壽司😋之前第1次食就愛上了，自此去親都叫帆立貝都又大又好食。。。。。🍲再來一個牛肉壽喜燒定食(可加$15轉烏冬) 😁我地當然係食烏冬啦串燒都係必點之一🍢燒牛舌、雞腎，唔咸又香口。。。。。。炸雞軟骨用來送酒一流

👨🏻‍🍳食物：點左兩款刺身分別有日本真鯛薄切同石垣貝。鯛魚片偏乾， 冇油脂 （司傅刀功一流， 片片厚薄一樣）石垣貝新鮮爽口， 但兩小片太少，唔夠喉。8款壽司分別有： 帆立貝/三文魚腩/油甘魚/八爪魚壽司/海膽/蟹子/蟹肉/蔥拖羅茸軍艦軍艦壽司好飽滿，海膽鮮甜， 拖羅茸滿溢出嚟😋 係八爪魚壽司唔夠新鮮，似擦子膠。小食點左大蝦天婦羅🍤， 有4隻蝦加一條青豆都幾抵食。 蝦頭炸得好脆， 但蝦肉唔夠新鮮彈牙； 鹽焗銀杏，有幾粒好苦🥲冷赤面， 蕎麥麵汁加埋天婦羅，脆脆wasabi, 蔥， 一齊沾， 好好味！🏙環境：新鋪比其他舖光猛， 裝修用左淺色木牆身， 有sushi bar 枱， 有兩三間獨立房。 二人枱比較細張同逼（茶壺同調味盤已佔1/4 張枱）放唔晒D野食， 櫈下冇籃可放袋。🤵🏻服務：掃QR 自己落單； 上菜快速， 餐後送上日式小甜品， 溫馨提示你埋單。 💰價錢：每人平均$250-$400； 建議分開叫食物， 但又限時90 mins, 有點美中不足。

德美壽司終於係觀塘有分店啦，坐落於裕民坊YM商場3樓平台花園，呢層兩旁全為食店，中間係環境極之優美嘅園區。德美壽司裝修簡樸，店內乾淨整齊，一邊排位靠近大玻璃窗，可邊吃邊看外出花園優美境色。今晚屋企冇飯開，放工就直踩上去德美，先點左一個壽司定食配牛肉烏冬，壽司部份有三文魚、吞拿魚、帶子、魚䰵、花竹蝦，仲有兩件印有德美字樣嘅燒玉子；吞拿魚入口順滑，原全冇根；三文魚唔係腩位，但入口尚算肥美；帶子就最吸睛，大大粒色澤光亮，又新鮮又肥美；蝦係熟嘅，好大隻，爽口鮮甜。牛肉烏冬個湯好清唔油膩，烏冬Q彈，牛肉淋滑。食完個餐意猶未盡，打開餐牌就點左個野菜天婦羅😋，黎到仲非常熱，係剛炸起😍，炸粉薄薄一層覆蓋炸物，好乾身一啲都唔油，一貫蕃薯🍠同南瓜🎃都係我嘅至愛，蕃薯粉糯又香甜，南瓜keep住入邊仍有水份；最有驚喜係炸露筍，入口仍超爽；最最最有驚喜係粟米🌽天婦羅，第一次食，一排粟米粒咁放入口，外層炸得超脆，內層粒粒粟米係口腔嘀嘀噠噠爆開，又甜又可口😋。

［德美壽司］和風裝修德美壽司開到嚟觀塘喇，新店位於裕民坊，店面夠大，裝修明亮坐得舒服#厚燒玉子 $42印上signature嘅店名，玉子燒賣相更加吸引，IGable👍🏼#三文魚親子卷 $67爆晒餡嘅親子卷！三文魚子好睇又好食，仲落足蛋黃醬，好難唔鍾意佢！#吉列豬扒烏冬 $72晚市都有定食套餐，價錢已包括味噌湯、沙律及甜品，吉列豬扒外皮薄脆口感唔錯，烏冬彈牙仲有隻半熟蛋添，飽肚之選#火灸帆立貝 三文魚壽司 腐皮壽司 壽司以木餐具上枱，特別有feel，食材用料新鮮壽司飯粒粒分明唔會散開，無令我地失望👍🏼

自從office搬左去觀塘之後都好有口福啊，呢區有好多好野食。呢日放工之後就黎左裕民坊呢個新商場食日本野。呢度用QR code落單，好方便。打開餐牌，見到啲晚市定食好抵食。我地點左兩個餐。跟餐有沙律同麵豉湯。我地點左三色魚生丼，三色魚生丼入面有三文魚、油甘魚同埋帶子，好豐富，而且魚生份量幾多，亦都好新鮮。值得一讚既係佢既魚生飯，除左加入壽司醋之外，亦都有啲紫菜喺入面，好好食！另外仲有野菜牛肉鍋定食，牛肉鍋好足料，成煲湯煮得好入味，亦都幾鮮甜，撈飯一流，而個流心蛋更加係畫龍點睛，高質抵食！食埋甜品就perfect！

真心失望。之前有幫襯過尖沙咀同紅磡，ok嘅。今次呢間。。。勁失望。刺身壽司嘅食材，食落唔新鮮又cheap, 但價錢就係貴價嘢，勁離譜！刺身淡而無味，完全食到係cheap嘢。壽司d紫菜軟笪笪，唔知放咗幾耐。燒牛舌，只食到肥膩同油，一d味都無。雞軟骨，份量少、味道普通，加一大推唔知咩嘅嘢墊底，令你覺得好似好大碟，嬲爆。環境似個墟，d人放低野食，得個趕字，好似大牌檔一樣。上哂熟食，最後上刺身，乜料呀！未見過日本菜會咁。跟住見到侍應執枱，係攞個洗碗盤喺隔離枱執，我以為我去咗街坊茶樓！重未見過日本食肆會咁做。最後，佢哋竟然喺垃圾桶執返張入座scan barcode嘅紙俾客人點菜！我嚇到。。。一定無下次。。

早前同屋企人去裕民坊新開嘅「德美壽司」食晚飯，由於我哋共有五人，所以可以安排到一間房俾我哋。當晚我哋叫咗11樣食物，一杯梅酒。帆立貝刺身好新鮮，鮮甜，份量亦適中。銀鱈魚西京燒定食，條魚都ok，唔覺得腥。德美海膽魚生飯，好得！分量多，兼且味道好。壽司定食配牛肉烏冬，烏冬感覺都好有口感！最後佢仲加送咗甜品俾我哋，芒果汁豆腐花，豆腐好滑，確實不錯！整體價錢唔算太貴，四個大人一位小朋友，合共食咗$860。而且仲有一間房仔俾我哋，可以俾我哋自成一角。😂

觀塘裕民坊大翻身，而家呢度有一個Y M ²嘅新商場。商場入邊有巴士總站。當然都有好多新嘅餐廳，鍾意食日本嘢嘅我，梗係要來搵吓有咩又新又吸引嘅餐廳。見到依家門口好四正嘅德美壽司，見到晚餐嘅餐牌都相當吸引，價錢又合理，就入去試吓。所有定食套餐都送沙律、湯及甜品，所以真係好抵食。活鰻魚朴葉飯定食$120鰻魚好大塊，燒得好香，鰻魚汁嘅味道調校得相當好，唔會太鹹。便當三段（雞、迷你牛肉烏冬、刺身）$90呢個套餐相當有水準，有三款唔同嘅食物，啱晒我呢啲三心兩意嘅人。刺身好新鮮，顏色一睇就知道係高質魚生，配上旁邊有店家名稱嘅玉子，感覺做得好用心，抵讚！另外牛肉烏冬份量好多，比想像中大碗，一啲都唔送你呢！加州卷$49加州卷包得唔錯，入邊有牛油果，用了相當新鮮，整個卷物做得令人滿意。壽司飯質地剛剛好，很有口感。

沙田店經常幫襯，呢間新開喺觀塘YM2則第一次幫襯。可能係新開嘅關係，估唔到咁墟冚。嗰陣夜晚8點左右，仍然非常熱鬧，服務員非常忙碌咁走嚟走去，杯盤碗碟的撞擊聲此起彼落，令我覺得呢度似一間茶樓多過係一間日本料理店嗌咗平時都有食開嘅鰻魚飯､野菜牛肉鍋同太卷，食物質素不過不失。而且牛肉份量比沙田還要多，正希望有機會再嚟幫襯嘅時候可以安靜返一啲，因為實在太嘈喇。如果朋友聚會的話，可以要求坐包廂，但就唔知要幾多人先俾入呢

朋友介紹第一次光顧卻非常失望，北海道魚生飯$99魚生不算美味，魚生片有點簿分量很少，魚子有沙，整體有點失望；吉列炸豬扒飯$66 豬扒很鬆軟有驚喜，高CP 值得推介； 可惜燒鷄扒飯$66漏咗單，只有前菜沙律和湯，等了二十分鐘我哋追單才跟進，一共等咗四十分鐘，結果打包拿走非常失望。樓面的店員態度很有禮貌，可惜店長態度一般沒有承認漏咗單，還辯稱鷄扒需要新鮮燒，要等多二十多分鐘才有，回家後發現鷄扒很難吃，以後不會再拜訪了。

新開同朋友過嚟試lunch。之前去過紅磡同尖沙咀店，只係食過晚餐，散叫壽司。我叫角切魚生飯set，佢根本係角切三文魚飯，too bad。我本身唔特別鍾意食三文魚，本來呢樣嘢通常係平均咩魚生都有，為咗平價頂多3-4成三文魚，撈埋食係Ok，但佢成7-8成三文魚，其他魚生數埋都唔知有冇五粒，三文魚20粒以上，縮數太深。唔好誤導人，叫乜嘢魚生飯，只能叫三文魚飯。另外仲有個奇怪嘅甜品，一團白色嘅嘢以為係杏仁豆腐果類pudding，點知完全唔甜冇味，乜嘢味都冇，靠少過半茶匙嘅芒果汁，汁又唔夠，食起上嚟以為食魚肝油，奇怪。

午餐。星期六做完運動，在YM2尋食。上次晚飯吃泰菜經過德美，看到人人都在吃刺身飯，樣子美麗，就決定有機會幫襯一下。是日order：烏冬、壽司、串燒。因為部份是set，有跟前菜及甜點，吃得非常飽，價格仲好相宜，意外驚喜。總括來說，壽司比較出色，烏冬煮得偏軟，串燒因為隔了一陣子才上桌，有點飽了，都好味。菜色其實不錯，但不知怎樣侍應上菜態度似放題餐廳（都有禮貌招呼，就是好忙好忙的樣子），其實環境比放題店好太多，可以不要那麽down-to-earth既。性價比非常高既一家店。YM2越開越多食店，住觀塘真開心。