德美壽司 (裕民坊YM²)

營業中

休息中

第一次黎到裕民坊食野，原來呢個商場有咁多野食架，今次就試下呢間德美壽司。.喺人口密集極高嘅觀塘，呢個商場嘅餐廳都易搵位，lunch hour都唔算多人，呢邊真係一個唔錯嘅選擇.望住個menu真係花多眼亂，樣樣都好吸引呀🤤🤤.極上壽司定食($150).有海膽、帶子、魚子、三文魚、玉子、吞拿魚蓉、熟蝦等.附送沙律，茶碗蒸，甜品及湯.環境方面，店舖光猛，唔會好迫，坐得舒服.食物份量充足，食到好飽，好味道！如果唔係熟蝦係甜蝦會更開心😬.德美壽司 (裕民坊YM²) (觀塘)觀塘協和街33號裕民坊YM² 3樓310號舖.

德美嘅晚飯套餐真係好抵，百零蚊就有個超高質嘅日本丼，雖然用餐時間只有90分鐘，但係食嘢過程完全冇壓迫感，事關環境好舒適👍🏻。晚市定食款式好多，特別係二人餐都好吸引，不過我哋兩個又唔係食好多，唔想浪費所以都係每人各自叫晚市定食。北海道魚生丼呢個魚生丼主要有帶子、甜蝦、三文魚同油甘魚，款款都好出色同新鮮，當中我就最鍾意食帶子同甜蝦。帶子大粒，甜蝦鮮甜，非常唔錯！德美海膽魚生丼海膽口感奶滑，三文魚刺身厚大肥美，玉子和蟹柳都好鮮甜，而且仲有我最鍾意食嘅帶子，所以整體來講呢個飯非常吸引！定食跟有沙律菜、海帶湯，而且仲有甜品送，所以非常夠飽之餘，性價比真係好高呢！

在尖沙咀的德美以平靚正見稱的德美壽司，原來不知不覺間已開了很多分店，突然想吃魚生或丼飯，都比較方便，晚上定食幾十元起有沙律和麵豉湯，十分抵食。沙律及麵豉湯吃了一口沙律，就想起了日本，在日本總愛買這些雜菜沙律來補充纖維，這吃到日本的味道。吞拿魚腩茸三色丼定食$151加起來有四色吧，有海膽、帶子、三文魚子、吞拿魚腩蓉，海膽大隻柔潤鮮甜，帶子通透爽口味鮮，三文魚子咬破爆出鮮味而不會太鹹，份量最多是三文魚腩蓉，鋪滿整碗飯，配有大量蔥，隨個人喜好加入，魚蓉十分的香，加上炒香的芝麻和菇片，令整個飯感覺豐富。牛油果軟殼蟹卷$83即叫即製，軟殼蟹整隻用上，多出來的放在旁單吃，軟殼蟹炸到香脆而且有一定肉感，伴隨青瓜、牛油果、米飯、沙律醬和紫菜，無得輸的組合。

德美壽司德美壽司開到嚟觀塘，地點對九龍東嘅朋友非常友好，性價比亦唔錯，set dinner會送埋前菜、味噌湯同甜品，夠晒滿足🥳🌀德美海膽魚生丼魚生丼保持德美一貫水準，非常豐富😍最亮眼嘅海膽口感creamy ，三文魚子充滿海水味，三文魚同帶子肉厚鮮甜，signature 嘅玉子燒印上店名，充滿特色特製嘅醋飯裏面有冬菇絲，醋味平衡得啱啱好，細節裡都感受到餐廳對食材嘅重視🌀便當三段（炸雞、刺身及牛肉烏冬）炸雞香脆唔油膩，配酸酸甜甜嘅他他醬，會不知不覺食晒成碟醬🤣 牛肉烏冬估唔到咁高質，牛肉份量頗多，食落有牛味唔會韌，烏冬亦口感彈牙，下次可以encore🙌🏽最開心係仲有送甜品，今晚嘅係紅豆奶凍，一小碟份量剛剛好，滿足到食甜品嘅願望❤️

同老公經過食飯，叫咗個晚市吉列豬扒烏冬定食，炸皮入面係啲白雪雪又勁un咬唔開嘅肉，好似放咗十世個隻咁😂😂所以有啲麻麻地呢間😂😂成餐飯最好食竟然係個前菜沙律😂😂

Happy sushi time🤩豐盛二人會席 $4281. 日式前菜、枝豆、煙三文魚和風沙律前菜係味付螺肉同埋枝豆 正常發揮 沙律清新爽甜 配以芝麻醬 作為前菜好開胃2. 三色刺身盛 有三文魚 甜蝦同埋油甘魚各二件 件件都好新鮮冇腥味 重點係好厚切 一啲都唔吝嗇3. 壽司4件包兩件帆立貝壽司同埋油甘魚壽司 同刺身一樣 好大件好厚身 食得出帆立貝嗰種清甜鮮味 油甘魚亦到好高質4. 銀雪魚西京燒係我哋最愛嘅一道菜 銀雪魚好滑 好重魚油香味 搭配沙律醬更美味5. 什錦天婦羅新鮮熱騰騰炸起嘅什錦天婦羅包括有蝦、茄子、蕃薯、冬菇同埋南瓜 食落唔太油膩 炸粉厚薄適中 好鬼惹味6. 日式炒飯本身以為冇咩特別嘅日式炒飯 點知大有驚喜 以石鍋盛上 粒粒炒飯分明 配以牛肉 油香鍋氣十足 冇諗過日式餐廳都做到大排檔水準嘅炒飯 真係冇誘張 7. 大蜆味增湯好重蜆味嘅味增湯 好鮮甜 略嫌有少少過鹹 但整體唔錯8. 甜品以忌廉泡芙作為完美嘅結束 甜甜哋又唔太漏…………………………………..🌝 員工服務態度好好 跌咗筷子會即刻遞番一對新嘅比我 然後又見我好凍咁會主動問我需唔需要較細啲冷氣 食物質素好好 食材新鮮

今日黎到觀塘裕民坊既德美壽司一上三樓lift 口就已經見到晚上叫佢既set餐係最抵食～～包左前菜沙津，面豉湯，主食同甜品黎到德美點可以唔試下佢d刺身叫左佢主打既德美海膽魚生丼上到黎見到碗丼表面鋪滿刺身，完全見唔到飯甘滯🤣🤣有三文魚，甜蝦，帶子，蟹棒，油甘魚，海膽仲有大量既三文魚子同蟹子😆😆三文魚好肥美甘甜，帶子柔軟鮮甜，油甘魚充油脂，仲有最好味既海膽，真係入口即溶呀～什錦天婦羅貪佢乜都有，可以試晒咁多款有茄子，2個大蝦，青椒，冬菇，南瓜，白魚同蕃薯天婦羅既炸漿岩岩好，唔會太厚一入口成口漿，而係恰到好處，入口脆，跟住就食到材料既味道最後甜品係紅豆奶凍，奶凍重奶香味，配上煮沙咗既紅豆，搭配十分完美，為今餐畫上一個完美句號

今日我同我全家人去了裕民坊德美餐廳食飯，慶祝大日子。本來食物質素同埋氣氛都十分之好。去到晚上九點半多啲。竟然有一架大嘅綠色垃圾車。由兩名商場職員由正門推咗入嚟。直接移到我同我屋企人張枱前面。距離我哋之間嘅距離只係有一步禁近，真係一步咁近。直接喺我哋面前打開垃圾桶蓋。將廚房入面嘅垃圾掉進垃圾桶內。期間，出現極為大浸嘅漂白水味和垃圾味。我地全家黑曬面。後期同我哋一齊嘅家人小朋友，即刻話想嘔。我哋盡快埋單。即時離開咗商場和餐廳。我完全唔理解，點解只係差半小時內，餐廳即將馬上關門。但商場管理處竟會安排員工作出如此舉動。本人認為此行動絕對不是單一次事件。而應該是每天發生。如此劣質管理安排。管理處需要去檢討及反省。在如此疫情嚴峻的情況下。竟然在我們用餐的時候。在客人旁邊開啓餿水垃圾桶。開啟垃圾桶時，必定會有污水及污染物彈到我們的身上。煩請管理處回覆我及作出正式書面解釋。德美竟然容許如此事情發生。你有無諗過，尊重你的食客，尊重你自己嘅專業，尊重廚房專業嘅廚師及食材。請你保持你的專業。尊重自己的事業。

德美壽司有幾間分店， 今次到觀塘協和街33號裕民坊YM² 3樓310號舖。 店內環境非常光猛， 點了兩款定食(已經包括配湯、沙律、甜品 )，北海道魚生丼$140、 野菜牛肉鍋定食$96。 📌北海道魚生丼🍱 ～ 色彩繽紛的魚生飯， 滿滿的刺身，有三文魚、蝦、油甘魚、帶子和蟹籽， 整體新鮮。 📌野菜牛肉鍋定食🥘 ～ 牛肉和野菜的份量幾多， 加上香滑美味的新鮮雞蛋🥚， 熱辣辣的壽喜燒湯底😋， 味道甜甜地，拌上一碗白飯已經很正。 📌配湯🥣、沙律🥗、甜品🫓 ～ 熱辣辣的麵豉湯， 開胃的沙律， 最後有迷你泡芙做甜品。 第一次食感覺性價比高， 價錢經濟， 下次會再來。

天氣開始涼涼地，晚餐就想食啲熱辣辣食物，所以一個人就去咗位於官塘裕民坊YM 3樓嘅「德美壽司」食野。 每次去將軍澳，都會選擇去「德美」將軍澳分店食野，宜家係官塘市中心開咗分店，對我嚟講，就非常就腳。 以QR code掃描點餐，非常方便。呢度晚餐定食非常扺食，主食加沙律、湯，都係由$7x 起 🥢野菜牛肉鍋定食以帶甜味嘅壽喜燒汁做湯底，配有牛肉，蛋，紹菜，豆腐，冬菇等有3-4片厚切大大塊牛肉，冇太多油脂，入口有咬口，蘸一蘸蛋汁 令牛肉更嫩滑 套餐加$轉配烏冬，烏冬入口彈牙，細細碗，份量適中。 🥢辛味櫻花天婦羅底部係壽司（壽司中間包裹蟹柳、蛋），然後拎去炸成嘅天婦羅，上面就加上細細粒刺身，蟹籽，撈上少許辛味蛋黃醬壽司外層微微炸脆，中間米飯仍然軟糯，加上配料，呢款天婦羅，好特別又好好食。餐後甜品泡芙

中午試裕民坊開嘅店，今次試德美，難得排五分鐘到就有位。比較其他香港日本菜，又抵又好食！中午又唔加一，我嗌三色丼只係117蚊。餐牌所見，都好多選擇下，樣樣都吸引，選擇困難。嗌三色丼因為我平時鐘意魚子、帶子、海膽。但估唔到驚喜係第四樣嘢。好好味！海膽同帶子都鮮甜。個吞拿魚腩蓉係需要最highlight 的！因為有了吞拿魚腩蓉，成個飯都好好味，啖啖飯都好好味！成個餐仲有茶碗蒸蛋，味噌湯，沙律。味噌湯再熱啲會更好。

📍 #德美壽司#MFJ尖沙咀#MFJ日本菜人均消費: HKD207重開後第一次去裕民坊商場！超有趣！巴士站在商場中間，等巴士在商場裏面等，好似在機場等接駁巴士一樣！🤣今日去了一直想試的德美壽司 @sushi_tokumi ! 餐牌勁吸引！散點有點貴，不過晚餐定食相對平好多！💯德美海膽魚生丼🍱$161魚生丼有海膽，揀三文魚，油甘魚，帶子，熟蝦，三文魚籽，蟹籽和蟹柳！魚生類不算什麼上盛材料，但勝在新鮮夠大件！魚生新鮮到不得了！尤其海膽，油甘魚和三文魚籽，齒頰留香！加上飯素飯，分量比我想像中大！抵食！⭐️便當三段(炸雞 刺身 牛肉烏冬)🍱$90便當三段，加上前菜和麵豉湯，$90的確抵食！炸雞有四件，而且大大件，炸得香脆，刂蘸上他他醬特別惹味！刺身是三文魚和油甘魚，到是厚切！牛肉烏冬看似細碗，但其實材料好多，湯底是麵豉湯，清香好味！⭐️蟹肉忌廉薯餅🦀$57平時食蟹肉忌廉薯餅一份只有兩件，想不到$57竟然有四件😲 炸得鬆化香脆，裏面的忌廉超級Creamy可口，有好多蟹肉（蟹柳？🤣），好香好味🆗黃金汁焗蠔🦪$41賣相超級吸引的黃金汁焗蠔！不肯定裏面是什麼，有微微的沙律醬味，加上好多配料碎粒！可惜蠔有少

夜晚六點開門，見到店員細心打理同整理每一個座位，細節位已經睇到呢間食店既管理非常好。三色魚生丼 ＄120魚生非常新鮮，丼中間仲有一隻大大粒既溫泉蛋，呢隻蛋仲要非常香，用左好優質既蛋。飯亦有心思，中間混入部份菇作調味，令飯既層次立上提升。當然日式魚生，醬油同wasabi都好重要，呢間完全做得好好，手磨wasabi，好好味。炸熇蝦 ＄48無炸粉生炸，用優質鹽吊味，連殼食好好餸酒，同朋友一邊傾計一邊食，人生一大樂事。蒲燒鰻魚 ＄98鰻魚真係用燒的，食得出好好味又唔會有燶既情況，值得再食。

晚餐.今日去咗新新地嘅裕民坊搵嘢食見到呢間日式餐廳都幾多人去就試下買外賣返屋企食原來而家外賣都可以用QR code落單我真係見識少😂落完單大概等咗8分鐘 就拎得喇.1) 鰻魚朴葉飯份量尚算足嘅鰻魚飯有4大片鰻魚飯量都幾多醬汁份量都好適中 唔洗就咁食白飯如果蛋絲再多啲就好喇.2) 油甘魚壽司 真鯛壽司魚生片啲色水幾靚 睇落好新鮮食落都幾鮮甜油甘魚尤其好味 真係食極都唔會厭.整體食物味道唔錯不過價錢就比較貴只能間中食下

星期日約左朋友去觀塘，行過見lunch 多人等所以又排埋一份😂。入面環境都ok，個袋可以擺櫈底就坐得舒服啲✨。不過睇menu啲日文字都有幾個錯處❎😂，漢字錯片假名又錯😅，唔係小店都犯呢啲錯肉酸左少少，搞到我打番個名都唔知跟唔跟佢錯嗰個名出好😵(強逼症會跟足menu個名黎介紹)。🔅フルカラーの刺身弁当 ($94)便當好色彩繽紛🍱🥰，成個set 都好豐富，有齊沙律、味噌湯🥣、茶碗蒸同甜品。主要就梗係刺身同軟殼蟹天婦羅🦀🍤，都唔錯。不過湯就麻麻地，其他都係無乜特別。🔅すし定食 ($100)呢個set都有沙律同茶碗蒸，再加6件壽司配牛肉烏冬同甜品，都食完好滿足，超飽😝。沙律就普通，壽司同茶碗蒸都唔錯👍🏻。💬Overall唔算太突出，賣相夠精緻但覺得日文錯就會印象分扣唔少😂。雖然唔算貴，但覺得都未出色到要特登試🤫。