德美壽司 (裕民坊YM²)

營業中

休息中

今日中午唔知食咩，就同frd揀德美壽司。佢嘅Lunch set好抵食，有埋前菜(味噌湯，沙律，茶碗蒸)食完成個set又會有甜品(隨機派)。 我地四個人叫左個精選二人會席，一個Lunch set同三個單點。🪧三文魚腩，💰88有六舊擺盤得好精緻，每一舊嘅顏色同光澤都好吸引人。三文魚腩質素算高嘅了，食落去非常之鮮，完全無腥味😍🪧加州卷，💰49四件望住壽司吧師傅現場包嘅，成個壽司卷好實，個size都幾大下，唔會一咬就散，重點係魚籽唔會周圍飛🥰🪧鐵板牛柳粒，💰88佢一出現就會聽到油咋咋聲，同埋聞到香味，大家記得佢上檯果陣要坐遠少少，個油會彈得好遠🫣牛柳粒嫩且有牛味，佢嘅汁係黑椒味嘅。側邊仲會配一舊薯菜，南瓜同粟米😍🪧Lunch set 不設➕1 野菜牛肉鍋轉烏冬 💰76+8前菜嘅茶碗蒸值得比四粒🌟（最高5)個蛋好滑嫩，唯一我唔中意嘅係入面嘅肉粒😵簡易版嘅壽喜鍋，牛肉好嫩而且有奶味，食落去滑捋捋😍入面嘅菜因為吸汁嘅原因，全部都好入味。最特別嘅係入面嘅葛粉，如果有得另外➕葛粉，一定好正😋😋吸曬甜甜嘅湯汁烏冬：好彈牙，唔會軟淋淋，而且食落去唔似清水煮熟再加湯，因為烏冬都好入味。昆布食落去都好脆，而且有

今日中午同舊同事去試呢間新嘢，我哋12:51入座，跟住一路食一路食，一路都相安無事，傾得好開心，直至去到1:54 ，忽然有一位穿着便服的男士，我估係比較高高級或者係老細嘅走過來（用一把既驚訝又唔客氣嘅態度講）：嘩！你哋仲喺度食緊呀！過咗一個鐘啦喎，仲喺度食緊！未食完？我話：食下食下，冇為意佢再嚟多一句：之前訂位咪已經講得好清楚囉！你唔知嘅咩！咁你哋買單先。如是者，就先找數，食埋兩啖準備走。埋完單，個男人仲要加多句：我哋午飯時間係限時60分鐘㗎！就係因為佢咁，我決定以後唔會再幫襯呢一間嘢。作為一個食客，我真係有俾錢嚟食嘢，唔應該受到咁嘅待遇。如果既然你嚴厲執行60分鐘的話，你係咪應該早少少，善意提一提客人仲有5分鐘就夠鐘，而唔係怪客人遲咗4分鐘。係呀！只係4分鐘咋，就要咁惡言相向！再者，甜品係喺買單後先至送上，莫非佢諗住趕走咗啲人， 連甜品都慳返？不過唔緊要，呢間嘢已經永久從我嘅名單剔除。只係想喺呢度反映，提醒諗住去呢間食嘢嘅客人，你開始入座，記得set定鬧鐘， 50分鐘後，一定要食完，否則，人哋冇禮貌，你都冇得埋怨！👎🏻👎🏻👎🏻補充，當離開嘅時間，其實仲有好多吉位。當然超時「4分鐘」係

作為魚生控，一星期總想至少食一次日本嘢，不過人大咗就開始會節制自己唔好食太多，特別係「特別」日子🤣所以今次就算揀咗間日本餐廳，但就叫咗個野菜牛肉煱定食，定食連一碗白飯+沙律+湯，份量有點多，牛肉上嘅時候生生哋，我建議要即刻食，因為浸耐咗先食就會變得太熟，好鞋口🙈佢個溫泉蛋好出色❣️驚佢會爆，所以一啖就吞咗佢落肚，好滿足🤣然後為咗滿足口腹之慾，都係叫多碟三文魚刺身❣️刺身係勁肥美又新鮮，真心勁推薦❣️每食一啖都覺得好幸福❤️

📍德美 （觀塘）-#5🫶🏻係最高 環境：🫶🏻🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻🫶🏻-豐盛二人會席 -$428日式前菜係海蜇絲 食落酸酸咸咸咁 幾開胃 但食得多 會覺得比較咸 枝豆 食落唔會好乾或啫好濕 岩岩好 又唔會好咸 幾好食煙三文魚和風沙律呢個比到驚喜我 沙律上面有蕃茄 開頭會好驚酸 結果原來佢蕃茄係已經去咗皮 而且食落去仲好甜 一啲酸都係 食落好鮮甜 完全令人意外左🥺三色刺身盛刺身食落好新鮮 完全冇怪味 又唔會覺得好腥 帆立貝、油甘魚壽司識落都好新鮮 飯唔會好酸 又唔會好濕 食落都真係幾好食銀鱈魚西京燒銀鱈魚好滑 食落唔會好乾或者好鞋 而且仲會甜甜地 似配左醬油一齊煎 海鮮鍋有一隻大蝦喺入面 食落好新鮮 有鮮甜味 佢個湯比較似係麵豉湯 唔會好鹹 佢仲放咗啲好似薯粉咁煙煙韌韌 吸左啲湯汁 牛肉湯烏冬佢會俾兩碗 烏冬係似讚岐烏冬 食落都係煙煙韌韌 唔會煮到好淋 牛肉都唔會好肥 食落都有牛味甜品佢嘅甜品係泡芙 外層一入口 就有一種入口即溶嘅感覺 入面嘅cream又唔會好甜 所以都易岩食飽之後食 作為一個結尾

之前食過尖沙咀嘅德美壽司，覺得質素唔錯 ，難得觀塘都新開咗一間分店，當然要嚟試下啦。平日晚飯時間嚟到人流唔算太多，可以自己揀位。原本諗住叫個二人餐，因為覺得價錢幾抵，食物種類都多，但我見二人餐嘅熟食太多， 刺身壽司太少 ，黎到當然要食刺身丼飯同壽司啦。晚市套餐嘅餐牌選擇都算多， 無論係熟食主食 ，刺身丼飯，抑或壽司都可以任君選擇，價錢都好扺食，最平72蚊就有， 每個套餐仲配有麵豉湯，沙律以及甜品。麵豉湯嘅溫度比想像中熱， 昆布同豆腐份量就比較少。 沙律係芝麻醬的， 除咗菜仲配有昆布同麵包粒， 有啲咬口。我哋叫咗三色魚生丼同埋北海道三色刺身丼。 三色魚生丼有三文魚，油甘魚，帆立貝配上一隻溫泉蛋以及大量蟹子 。 吉穿溫泉蛋果下好治癒， 所有蛋汁流入飯當中， 再加上豉油芥末，配上一塊塊厚厚既刺身， 簡直人間美味。北海道刺身丼都同樣係三文魚，油甘魚，以及 帆立貝， 少左溫泉蛋，多咗兩隻甜蝦， 一樣有好多蟹子。 德美嘅刺身真係好出色，每一塊都係厚切， 油甘魚好肥美好有油香，但切得唔係好靚，唔夠利落。三文魚腩好鮮甜， 食過太多冇咩味嘅三文魚腩， 呢度嘅三文魚腩係真係好鮮甜， 三文魚既魚油留喺口腔入

一直幫襯開尖沙咀德美，一直相安無事，觀塘呢間同尖沙咀實在差太遠，完全比唔上。呢個價位絕對唔係要好好服務，但都唔係態度惡劣到連基本禮貌都無。我只係想食餐飯，但竟然食到一肚氣。食物方面，真係麻麻地。壽司、串燒一般般，唔係好食，但稱唔上難食。熱食就特別差，烤魷魚明顯用水灼完先拎去烤，完全無魷魚味。鍋物過曬火，d烏冬淋到變糊。飯就放得太多水，爛曬。第一次花時間寫負評，花時間去打係希望店舖認真對待食物，煮好d, 唔好影響埋其他分店起人心目中嘅印象。

🤩德美壽司越開越多係有原因既！😯今次週末午飯時間黎到已經人頭湧湧，👅佢既午市套餐選擇亦多不勝數，令人眼花撩亂 👁🍣極上壽司定食（$150）🍣🥣呢個餐除左有10件壽司，仲有沙律、味噌湯、茶碗蒸蛋同甜品。👀全部壽司望落色澤都好吸引，食落亦相當新鮮。🤭其中最驚喜係個吞拿魚蓉卷物，魚味鮮甜濃郁，配上小許香蔥同芝麻食十份滋味，味道留在口腔久久不散！🤪🎏壽司定食配牛肉烏冬（$100）🎏🍜叫左呢個有6件壽司同牛肉烏冬，烏冬滑身得黎帶點煙韌，🌤十分暖胃，適合又想試壽司又想食熱野既你！🔥😋總體 (味道, 性價比, 環境, 服務態度) : 8.5/10——————————————————————————————🤩We visit Sushi Tokumi on a Saturday lunch and 😯it’s full house, 👅they have lots of options for lunch set and they all look attractive👁🍣Assorted Sushi ($150)🍣🥣This set have 10 pieces of sushi and incl

上次嚟裕民坊食dinner見到呢度有德美壽司😁幾日後就叫男朋友陪我過嚟食🤭 坐低見到餐牌有豐盛二人會席，樣樣都岩食就擇呢個🍣 眼見唔少情侶都食緊呢個二人set ！🔸前菜有螺肉同枝豆🔸煙三文魚和風沙律 都算幾大碗，清新爽脆🥗🔸壽司四件有油甘魚、帆立貝即叫即整，可以見到師傅喺壽司吧搓壽司🍣🔸三色刺身盛🔸牛肉湯烏冬一人一碗🔸什錦天婦羅 有蝦🍤、茄子🍆 炸得鬆脆，沾天婦羅汁加蘿蔔蓉可以減少油膩感。🔸燒牛仔骨 仲有大蜆味噌湯同甜品，甜品係忌廉泡芙。呢個二人餐真係飽到傻，最後打包咗燒牛仔骨做聽日lunch box 😆

🍱 三色魚生丼魚生飯分量十足😍 有大大塊既厚切三文魚同油甘魚 (每款4塊)、肥美鮮甜既帶子，再加埋溫泉蛋同爽口既蟹籽，每一啖都口感豐富。比起menu既其他刺身同壽司，丼飯真係非常抵食👍🏻只係擺盤比較失色，上碟個陣蟹籽同其他魚生混雜，驟眼睇以為係廚餘😅🐟 洋風燒三文魚丼火炙三文魚片有5片，大件夾肥美，火炙之後更加食得出三文魚既油香😋。加埋溫泉蛋同蟹籽簡直無得輸，滿足~😚😚⚠ 德美的生wasabi偏辣，小心加太多會攻鼻🤧🥣 套餐: 味噌湯, 沙津, 甜品當日既甜品係芒果醬奶凍，滑lulu得黎又酸酸甜甜，用黎收尾都幾fresh~ 🍣 櫻花角切魚生飯 (午市限定) 另外大家如果中午去，可以留意分店有冇角切魚生飯，$70左右無論係份量定質素都非常出色，每次去都忍唔住再叫，絕對係平民價既最高配置之一🌟雖然當日當日招呼既店員態度幾差，同日式餐廳氣氛格格不入，真係大跌眼鏡😥 但整體而言德美的午市/晚市套餐性價比都好高🤗 人均消費：$120 (晚餐) | $70 (午餐)  回頭率：3.5/5

德美壽司相信個個都有聽過，今日嚟到觀塘分店試試佢先，餐廳環境都算大，有獨立房，出邊望落去都幾開揚，呢度都係電子落單，另外都有Menu俾你睇吓啲野食💪🏻💪🏻我哋就嗌咗幾款刺身，包括有💚三文魚刺身，佢一份係有五片，超厚切，超新鮮，同出面比真係好大分別，佢啲油脂平均分配喺淨塊三文魚😋😋，💚牡丹蝦刺身，我哋叫咗兩隻牡丹蝦，佢可以有兩食，一食刺身，二食蝦頭湯，刺身方面我覺得牡丹蝦嚟講佢比較細，但都超爽口，都係超新鮮，至於湯方面，本身以為佢係好濃郁，點知其實都幾淡，佢係想做一個蝦頭麵豉湯，但唔成功，麵豉湯都係好淡😩😩，另外一款就係💚中拖羅刺身，佢係一件一件計，中拖會係$88/1件，真係唔惹少，即管睇吓佢咩料，首先上碟嘅時候係厚厚一大件，色澤均勻，都係偏淡粉紅，油脂分布晒喺每一個位置，第一啖咬落真心超正🤤🤤🤤，入口即溶，油香味遍布成個口腔，吞拿魚嘅油脂味好平均，每一啖都好鮮，100個👍🏻真係1分價錢1分貨😌😌🦆煎鵝肝帶子卷，呢個配搭我覺得一般，鵝肝同帶子嘅質感差唔多，變咗你放入口嘅時候好似唔知食緊啲乜咁，鵝肝味又唔夠香濃，帶子味又唔夠鮮，可能兩種夾埋一齊食味道就會冇咁出，但食得出味道都還可以既，食材

最近朋友搬左出九龍區，同我好近☺️於是我地就約左喺觀塘食晏，住左咁耐都唔知有間日本嘢喺裕民商場😝😝入到去個環境好舒服，裝修都係以木材為主！枱與枱之間嘅空間感都好夠，好relax嘅感覺☺️我哋兩個都係嗌咗lunch setSet lunch有前菜、有湯、有主食，仲有個甜品🍮！而且份量都唔小 ，食到超🈵️足😋😋😋北海三色刺身丼呢款有三文魚刺身、油甘魚、帶子刺身，款款刺身食落都好新鮮☺️拌飯時發現原來仲有個溫泉蛋🥚撈埋飯簡直一流🤤🤤🤤海膽魚生丼呢款有三文魚刺身、油甘魚刺身、帶子刺身、熟蝦、北寄貝及海膽，刺身更豐富，再加上蟹子，將食落口感提升更豐富

極上壽司定食 $150午餐時段去食，套餐有十件壽司，跟配沙律、茶碗蒸、味噌湯同埋甜品，好豐富。茶碗蒸係暖笠笠上既，佢個蛋好幼滑，入面有冬菇、仿蟹柳同肉碎，簡單得黎又好好味。佢Menu上面冇標明有邊十款壽司，黎到有海膽、帆立貝、熟花竹蝦、三文魚、油漬三文魚子、油甘魚、真鯛、吞拿魚赤身、兩件兩件吞拿蓉同兩件玉子燒。每一款都好有水準，刺身都切得夠厚身，每一件都握得好，唔會一夾就散但又唔會握到實晒。飯同埋刺身亦都剛剛好係適合品嘗既溫度。當中三油甘魚、三文魚、熟蝦都好出色，而帆立貝、海膽都好食，但缺少咗一點鮮甜。赤身同真鯛比較多根有點美中不足。佢今日壽司飯煮得稍為爛左啲，之前食佢冇呢個問題，應該都係一時失左手，但估唔到都幾影響成件壽司既口感，成件事即刻失去左平衡。最後嗰甜品係紅豆奶凍，同樣都係好出色。紅豆軟棉，奶凍有淡淡奶香。整體黎講成個定食都好抵食平均每件壽司都係10蚊，質素同份量都優秀。仲配茶碗蒸、沙律同湯真係好高性價比，好滿足。

👫一時興起想食日本菜，見到外賣8折就試下。所有定食配沙律、麵豉湯。兩個人食兩個定食+一份小食，份量多到食唔晒。🥢吉列豬扒烏冬$72豬扒厚身但肉質軟腍，仲有配酸酸甜甜嘅豬扒汁。烏冬好滑溜，不過好快索晒啲湯。有大量海帶、粟米，淨食烏冬都唔會寡。🥢燒鯖魚飯定食$76經典鹽燒鯖魚燒得脆皮，魚肉一啲都唔柴，亦帶點魚油香。🥢炸雞軟骨$43口感香脆，配蛋黃醬好夾。📍德美壽司 (裕民坊YM²) (觀塘)觀塘協和街33號裕民坊YM² 3樓310號舖

最近冇晚市堂食關係，買外賣係其中選擇。叫左個野菜牛肉鍋定食，鍋物入面嘅材料已經煮好，入面有牛肉、津白、金菇、冬菇。牛肉汁係偏甜味。由於外賣關係，牛肉都煮到最熟。另外叫左燒汁豚肉鍋定食，燒汁豚肉都烤得好香口，豚肉比較有咬口，配香蔥好味，白飯份量都好多。跟餐仲配左日式湯同沙律，日式湯有啲啲豆腐粒，沙律有啲脆麵包粒。最後叫左多蟹柳卷壽司，切好左六嚿，壽司飯酸度正常。整體外賣嚟講正常嘅，而且外賣自取都有優惠。

紅磡同尖沙咀嘅德美都有食過兩間都有質素同抵食☺️原來裕民坊都開咗👍🏻lunch time唔使加一，好抵食呀用QR code order📱隔離枱嘅老人家唔太識用電話落單自己落完就幫一幫佢地整埋如果staff可以主動啲幫佢地，或者可以直接幫佢地落單就更好始終呢區都比較多長者，用電話對佢地可能有啲難度午市定食包沙律🥗、味噌湯🥣同茶碗蒸蛋🥚🥢北海道三色魚生飯 $86 刺身三文魚、油甘魚都厚切🍣帆立貝亦鮮甜下次有機會都會再嚟