德美壽司 (裕民坊YM²)

營業中

休息中

《📍德美壽司食評》by@ihungry.hk返工咁辛苦，梗係要食好嘢獎勵下自己❤️‍🔥今日小編同大家介紹一間超抵食日本餐廳，位於觀塘裕民坊嘅德美壽司！餐廳提供多款日本壽司、魚生、定食等，價錢超親民，啱晒係觀塘返工嘅打工仔呀！🔸『午市跟餐配送- 麵豉湯、蒸蛋、沙律』麵豉湯🥣超多昆布同埋豆腐，超級足料，而且味道又濃郁！蒸蛋🥚超級無敵滑，入口即融，而且裡面仲加入蟹柳、雞肉及冬菇等，令到更有鮮味！沙律🥗酸酸甜甜嘅特製醬汁，加上新鮮蔬菜，超級開胃！🔸『三文魚泡菜鍋 - $78』先講講三文魚非常肥美，肉質嫩滑，咬落口陣陣魚香味，而且份量十足，魚骨又唔係好多，絕對令你驚喜😎！除咗三文魚咁出色，湯底同樣咁出色！泡菜鍋加入咗大量新鮮蔬菜、豆腐、泡菜及粉絲等，湯底亦都充滿泡菜嘅濃郁香氣，惹味湯底中和咗三文魚嘅肥膩，熱辣辣嘅鍋亦都啱晒冬天啊❄️！🔸『德美幕之內便當 - $98』德美幕之內便當係德美壽司嘅招牌，一定要試試！便當加入刺身、天婦羅、螺頭、多春魚等，賣相吸引又豐富，而且每樣都好好味，特別係天婦羅炸得非常香脆，炸粉亦都啱啱好，呢個價錢絕對係超值🫶🏻！🤪iHungry肚餓指數：8.8/10分

其實好耐之前食過佢尖沙咀分店 但係覺得比較下 同一棟嘅定食Doraya更加好食🤣所以就冇特別想再返去食~今次咁啱去觀塘想食日本嘢就去咗觀塘嘅分店😆認真說 環境就真係一般 坐得唔係特別舒服 不過價錢上呢間分店好抵食😎性價比都幾高👏🏻-🍚北海三色丼飯定食 ($86)呢個三色丼飯剛剛好有齊晒我想食嘅三種刺身🤭三文魚 油甘魚同埋帆立貝😎厚薄度適中 以呢個價錢嚟講已經係非常好👏🏻幾新鮮 魚類不帶筋 帶魚油香🐟溫泉蛋就稍為太過流質 蛋白部分實心番啲啲會更加好🥚蟹籽增添口感 整體味道唔錯 呢個價錢贏咗🤣-🦑原排魷魚酥 ($33)魷魚酥呢個價錢來講份量好多!!個魷魚鬚雖然較為幼身 但口感一樣保持到彈牙🥳燒汁甜甜地 味道幾唔錯 性價比高 推薦🫶🏻

第一次嬲到寫食評第一次比差評想食得好啲見環境幾好就諗住今晚食好啲就坐低咗叫咗個定食 清酒蜆同串燒我個人係好鍾意飲清酒同大蜆70幾蚊唔預你比好多蜆我或者係大蜆但係真係估你唔到 會比花甲我🫠🫠🫠清酒煮蜆但係比花甲我…….另外，雙人檯好細張姐點解咁都可以將份定食成份放咗係我對面第一次上菜比客人？三哥姐姐都知食物好熱唔比客人接碗米線你放鍋物 烏冬係我對面係想點😐😐店員態度咁樣仲要我比服務費🤫店員嘅服務態度同份花甲覺得收工食飯仲要勞氣呢餐好蝕。

說讚好幾年前食過一次德美壽司，覺得佢好味價錢又抵食，今日見觀塘都有分店，一於去試吓😋環境舒適，適合三四個人聚會。晚市有定食，大約一人$72-$171左右，包沙律、湯及咁品，甜品係一件凍芝麻糕，一人份量黎講都算豐富。野菜牛肉鍋烏冬好大份，湯味濃郁，配埋溫泉蛋味道一流，啖啖都有蛋黃汁💕吉列豬扒烏冬豬扒炸得香脆可口，個汁好襯豬扒北海道刺生當德美啲壽司刺身係唔錯，壽司飯粒粒分明，好可惜叫左幾個set已經太飽叫唔到壽司😫天婦羅溫泉蛋好香脆，一口咬落去蛋黃爆汁！南瓜蕃薯天婦羅呢份天婦羅就麻麻地啦，南瓜同蕃薯都無香甜味，純粹似食普通炸物，無咩味道一夜干呢份一夜干都係令人失望，煎烤得唔香脆同埋無咩味

今日同朋友去咗裕民坊食lunch，去了食一間抵吃又親民的壽司定食，我哋叫了兩份海膽雜錦魚生飯同油甘魚三色魚生飯定食，估唔到份量都幾多的，個海膽好鮮甜，油金魚又新鮮，勁多魚子，重有小清新沙律，麵豉湯同茶碗蒸，個茶碗蒸的蛋蛋好滑幾juicy 添，差唔多吃完，店員就送上小甜品 - 今日係黑芝麻小布丁，味道不錯。而家好少唔收加一，真係真心抵食😋，$100 以下就可以吃到新鮮又美味魚生飯，大家去開官塘可以去試吓，有驚喜。

▫️以前曾經係將軍澳食過，印象中質素唔錯👀 今日想食壽司類🍣 發現德美開左係觀塘算新新地既商場裕民坊🧐 一於去食返個lunch set先😝🐠 油甘魚三色丼定食 $98▫️有帶子、油甘魚同甜蝦🦐 甜蝦唔算好肥美，但刺身新鮮無雪味❄️ 壽司飯上舖滿蟹籽同芝麻，好香令人忍唔住要食多幾啖飯🍚🤤▫️定食會跟埋味噌湯，望落好似好多油😂 但飲落係正常味道唔會太鹹🧂沙律菜新鮮🥗 茶碗蒸都好滑嘟嘟🥚🍱 北海三色丼定食 $86▫️因為餐牌上無寫係咩刺身，就諗住嗌2份唔同既黎share🙌🏻 點知黎到發現只係將甜蝦轉左做三文魚🍣 而一樣係有油甘魚同帶子呢個組合😂 仲多左溫泉蛋🍳 感覺上好似呢份抵食啲喎🤣🐙 芥辣八爪魚 $33▫️唔算好攻鼻既芥末👃🏻 但八爪魚彈牙好食🐙▫️最後仲有甜品，都係跟埋定食既🍱 係類似黑芝麻布甸🍮 一份定食有齊湯、前菜同甜品，價錢仲要$100有找🤑 好抵食好滿足🥰

襯返新工之前 同媽咪去食個靚靚日本餐lunch我叫咗個刺身便當 抵食 一百蚊多少少就食到刺身、壽司、卷物、炸海鮮餅、蒸蛋媽咪食牛肉烏冬、卷物、蒸蛋成餐飯加埋一都係$200左右，好抵食

凱滙樓下有間德美日本菜，吃過一次午餐套餐很划算，價錢適中，分量足。今晚做完運動就來試下晚餐，一人點了一個魚生飯。一百中一個魚生飯跟湯，價錢不算便宜，材料還算新鮮，倒是沒有什麼特別之處，壽司飯不錯，微微的酸，軟糯。刺身要了三文魚腩和甜蝦，三文魚腩非常肥美，切的很厚。軟麼蟹牛油果卷，牛油果很熟，軟殼蟹炸的很香，好像天婦羅粉多了一點，有點油膩，配上飯的話其實也還好。今天就沒有試太多種類，只是簡單吃個飯。下次準備叫一幫朋友一齊試下其他食物飲下清酒。

德美壽司我細細個就已經聽過佢個名架啦~😝記得第一間食既係黃埔, 觀塘近期又開左一間身為觀塘友既我真係無比興奮🥰今日去到, 可以仲早, 6點鐘度無咩人,唔使等位就入得去叫左個我最喜歡既北海道甜蝦帶子魚生丼一如概往, 刺生好新鮮, D飯雖然同黃埔店有D唔同但都依然好味~同場再叫埋大蝦天婦羅, 脆卜卜好正~食完仲有甜品送, 呢樣就係黃埔店無既~總括黎講~觀塘有德美我又有多一個壽司飯選擇啦~正!😋😋😋

今日嚟到觀塘凱匯，試吓呢間日本餐廳德美。要等位呀，攞返張籌先，要等差吾多10張枱。睇睇個lunch menu, $100樓吓嘅餐都多選擇，但我之前食過美孚間德美好似平啲啦。場內佈置木紋為主，幾日式。位置闊落，光猛開揚，佢仲有啲包房添。枱上有個qr code, 要自助落單呀。首先來個係吉列豬扒烏冬，$66蚊，大大份。先嚟兩件壽司，吉豬脆口乾身。烏冬呢，正正常常啦，係幾大碗。之後叫咗壽司定食配牛肉烏冬餐，$100蚊，六件壽司配件蛋，啲魚生都幾高質。再嚟一個小牛肉烏冬，配料滿載。每個餐，前菜再跟沙律同蒸蛋，蒸蛋滑捋捋，幾好食。最後再嚟一個芝麻糕甜品，真係大滿足呀。最後重點，佢午餐無收加一架。

平時通常去尖沙咀同埋大埔度食，德美都起碼食咗五、六年，價錢比較平民化，非常抵食，今次去觀塘分店度試吓。店員非常有禮貌，座位比其他分店較寬鬆，食物質素依舊，好好味👍👍👍👍

德美壽司可以稱上平民首選❗️前日去左觀塘裕民坊商場 重建裝修完既裕民坊 變到似第二個popcorn 商場咁 仲可以係商場涼住冷氣等巴士 🚌好羨慕咁岩係個條車路附近既人😆 入面好多裝修一絕 打卡之選既餐廳bookmarked 左係我既foodielist中今次只想合理價錢食好西♥️德美擺盤好靚 刺身中三文魚超厚切 十分滿足😍 👉🏻圖片往右拉定食 $160左右 無加一（一set 包 味噌湯沙律白飯甜品🍮）而甜品我估每日唔同 係似芝麻mousse 糕 細細塊但好好食😋唯一美中不足係我隻甜蝦甩左條尾 賣相減少少分🤣（唔知有無人同我一樣咁執著 都見到無左條尾）

難得今日lunch冇帶飯，同事就提議去德美食刺身壽司🍣中午人流都幾多，好多人排隊。坐低之後我地每人叫左個$102set餐，有雜菜海鮮天婦羅，好味呀呢個，有刺身，有壽司🍣咩都有啲咁啲刺身幾好食，不過同事話比起佢之前來食少左款🤣壽司都唔錯跟著都有湯同埋沙律🥗，個沙律幾好食呀，日式芝麻醬。食完成個餐之後，就上甜品@芝麻糕😆正呀，好濃香芝士味今日食呢個餐好大滿足，賣相靚又可以影靚相😆😆好多附近返工既人都去食，連啲呀婆都去食😋我見其他人食刺身飯都幾大碗，下次可以試下先🤤

係觀塘周圍搵食～行到去裕民坊YM2見到有德美～印象中依間唔錯～一於去試試佢～地方都幾大～座位好多👍當晚時間尚早都唔小人入左座～小編亦好快有位😝🍣德美壽司瑩光魷魚仔漬物(8隻)醬汁幾好帶小小酸～魷魚仔有咬口～口感唔錯幾得意蔥拖羅茸手卷拖羅份量唔算多～壽司飯正常發揮～有dd貴大蝦天婦羅蝦肉似煮耐左～肉質好實～正常應該有小小爽口⁉️便當三段～炸雞·刺身·牛肉烏冬肥牛烏冬咁～烏冬幾彈牙架🤭炸雞好一般～炸粉好厚吉列豬扒烏冬塊豬扒炸得唔差幾好味🥳本身切開左～小編一拎起仲出煙😋雞心串燒好普通咁～調味同口感上唔特別—————————————————☻非專業食評·純個人口味☻—————————————————📍總結:小編唔識欣賞～就算價錢上略為有d貴～但小編希望一分錢一分貨～部分野食煮得剛好～有d又太熟🥲

從未試過覺得一間餐廳差到要想寫評語。講唔好意思係一邊另轉頭行既時候一路講既？你當我丐兒？再者外賣份量少，用條link叫自取個價錢比直接向店員落order貴。以後唔會再光顧