德美壽司 (裕民坊YM²)

日式魚生空運貨話哂坐飛機過黎價錢通常都唔太平估唔到今日係德美食到平民價嘅飛機貨座落係裕民坊商場內的德美壽司環境雅緻入面地方都幾闊落。唔單止環境滿意，對呢度嘅出品都好滿意今日嘅飛機貨是象拔蚌， 乍聽還在擔心2人吃不完， 姐姐介紹呢款三河灣象拔蚌體形較細， 2個人都食得哂。 象拔蚌上枱已分一邊刺身， 一邊火炙。刺身起哂刀花， 靚得黎又爽脆 新鮮火炙部份是象拔蚌頭， 有d 似潤。 都幾得意。 原來2食仲有一碟天婦羅炸膽😂 將象拔蚌嘅膽做成天婦羅，外表脆脆，入面有魚腐的感覺， 又幾得意喎。 唔使300蚊食到飛機貨，仲要有2食（3種食法） 真心抵食。食天婦羅的話，一定要試試呢個天婦羅粟米粟米好甜， 粉漿唔厚， 大人小朋友都會鐘意。魚生刺身丼呢個係定食黎，包左丼飯， 湯， 前菜同甜品蓋係飯上面的魚生有帶子，三文魚，油甘魚和生蝦和大量魚籽，肥美肉厚鮮甜，好似用魚生埋成了一座小山，多到連d飯都睇唔到呀 蔥拖羅蓉卷 點呢個卷有d掙扎， 因為都實在唔算平 100蚊6舊小卷， 聽落有d少貴，但其實又值的拖羅蓉鮮美無根， 入口溶化大大一舊，一半魚蓉一半飯卷， 馬上覺的回本了下次我一定要食拖羅魚蓉丼 食日本野、點波子汽水好襯估唔到檸檬可樂俾哂成罐黎， 即刻覺得抵左最尾以鹽味雪糕和抹茶雪糕作結， 徹底日化下次要黎試下呢個2人餐，雖然係2人餐，但又有鍋又有烏冬，感覺我一家三口都夠食。 …查看更多

紅咗好耐嘅壽司店🍣 每日都有新鮮日本空運食材，選擇好多，食材新鮮，性價比高，美食地觀塘街坊大推，裕民坊高質壽司店～ 環境 餐牌 池魚王薄切及鯖魚醬油漬刺身（新鮮日本空運) 新鮮日本空運食材可係主打，包括池魚王薄切，脂香不膩。另一款鯖魚醬油漬刺身，口感滑順，帶有魚油香氣。 冷盤三文魚刺身(5片) $69、火炙帆立貝壽司(2件) $45、蔥拖羅茸卷 $100。三文魚刺身好厚切，火炙帆立貝壽司口感略帶彈性。蔥拖羅茸卷，拖羅茸與青蔥比例平衡，滿滿拖羅茸好滿足😌 德美海膽魚生丼 $178德美海膽魚生丼好足料，有海膽、三文魚、油甘魚、玉子、帆立貝、蟹籽、飛魚籽。飯粒略微溫暖，突顯魚生的鮮甜感，配埋豉油，爽！ 粟米天婦羅 $50好似第一次點淨粟米天婦羅，炸衣輕薄酥脆，粟米甜味明顯。 蜂蜜柚子茶 $24、甘草鹹柑橘 $24…查看更多

好耐都未去過一間 差成咁嘅垃圾餐廳 我八點半去到門口咁飛 㩒完之後冇人理， 等咗幾分鐘 忍唔住行入去 問有冇枱 跟住個經理話 有 呢個嗰邊 跟住去到嗰邊 個女仔又話 你等我set咗枱先 又叫我哋企返出去等 執完枱之後 我哋坐低咗 喺度睇緊電話 個女仔 搬咗啲嘢過嚟 set位 就好冇禮貌地叫我哋 攞起曬枱面啲嘢 畀佢set位 本身你平時去餐廳食嘢 人哋set位 都係一個一個 位咁樣set 叫人哋攞起啲嘢 都冇人一次過 命令識咁 叫你哋全部攞起曬枱面啲嘢 畀佢成日為 之後set完之後 我哋就點餐 跟住晚餐加15蚊可以叫個蒸蛋 我哋就叫咗兩個set 一個 係青魚定食 一個係三色魚生丼飯 跟住加咗兩個 蒸蛋 第一個set個男人送嚟嘅時候沙律同湯擺低喺度嘅時候就話你哋係咪加咗個蒸蛋賣曬而家冇 之後我就問佢咁如果佢而家想叫個海膽蒸蛋呢散叫嗰個有冇呀跟住佢話有 咁都係蒸蛋啫 點解55蚊一個海膽蒸蛋都有 15蚊加係個set度嗰個就冇呢 跟住我話如果你係唔畀人加嘅話 其實你電腦就應該唔好set呢個item畀人啦 跟住佢就冇理你咁樣走咗去 我哋當時想嗌杯凍水嗌咗三次佢都唔拎返個頭過嚟 態度真係差到冇朋友 之後個青魚定食到咗 食到一半我哋再問個魚生飯嚟未 跟住個侍應聽完好似冇乜反應咁我哋繼續喺度等 跟住直至到差唔多食完再問佢 個魚生飯嚟咗未 未得未 跟住嗰個 事係講普通話嘅佢就問一個廣東話嘅侍應 跟住個廣東話是就好大聲喺度發脾氣喺度話都唔知你講乜 咁其實兩個人嘅語言都溝通唔到 其實個普通話職員係咪應該要幫我行去問下呢 只係一個咁簡單嘅魚生飯 都可以 等咗半個鐘頭有多 個熱食都食完喇 都未嚟 之後就唔等去埋單 跟住就問咗經理點解叫個魚生飯都要等咁耐呢我cancel咗佢啦我哋走喇 跟住佢話哎呀唔好意思呀我都叫個廚師整咗叫咗幾次㗎喇 佢掛住喺度同前面嗰啲客傾計 吹咗去幾次都未整 太多單你前面喇 其實當時都係得幾個人 根本佢檯面就有幾碗嘢喺度 佢就成班人刮咗喺度傾計 都唔係做嘢 就係咁樣 我哋就浪費咗一個鐘頭 坐喺度三個人 淨係得一個人有得食兩個冇得食 佢哋都好意思 畫好忙 唔好意思 呢啲咁嘅服務態度 啲人 唔上大陸消費 都對唔住自己啦 我寧願去買個爭鮮 或者返屋企住公仔麵食 都冇咁嬲呀 簡直係一間 不知所謂嘅餐廳 可能我啱啱搬嚟呢區 我真係覺得 呢啲商場嘅餐廳 真係不知所謂到一個點呀 反而啲工廠大廈 嘅餐廳 仲有質素過佢多多聲 service仲好 請我都唔會再去。…查看更多

最近成日去裕民坊YM²的一間高質壽司店「德美壽司」食晚餐！餐廳每日使用日本空運食材，保證新鮮度，款式選擇多之餘，也有很高性價比呢！🌟 空運伊佐木（厚切5片）伊佐木魚肉清爽鮮甜，厚切做法令口感更飽滿！每片厚度均一，蘸上少許醬油已能帶出魚肉天然甘香，簡單而美味。🌟 德美海膽魚生丼一上桌就被海膽吸引！海膽creamy無腥味，入口即化，搭配醋飯與新鮮魚生，層次豐富。🌟 鮮蔥吞拿魚腩茸山吞拿魚腩茸油脂豐腴，與清香蔥花完美融合！綿密魚茸搭配微辛蔥段，鮮味瞬間爆發。🌟 粟米天婦羅驚喜之作！香甜粟米裹上薄脆天婦羅粉，外酥內嫩，鎖住粟米原汁。炸物火候掌控得好好，完全唔油膩。📍德美壽司 觀塘協和街33號裕民坊YM² 3樓310號舖…查看更多

裕民坊高質壽司《德美壽司》觀塘街坊都大推呀！佢哋每日新鮮日本空運食材超新鮮，而且選擇夠多，高質性價比高ღ北海道-鹽燒原條秋刀魚外皮輕鹽燒至金黃微脆，內裡魚肉鮮嫩彈牙，油脂豐富多汁，帶淡淡煙燻海鮮香，入口鮮甜唔腥ღ德美海膽魚生丼（配熟蝦）海膽肥美滑溜，入口鮮甜，配上彈牙熟蝦、三文魚、帶子刺身等等，丼飯控必愛～ღ吉列豬扒鳥冬豬扒炸得金黃，外脆內嫩，搭配滑滑烏冬，暖心又滿足～🍜ღ煎鵝肝帶子卷鵝肝煎至外脆內融，加上鮮帶子，奶香濃郁鮮甜，口感層次豐富，感覺高端日式fusion～ღ蟹子沙律鮮蟹子粒粒飽滿，拌上爽脆青瓜🥒，輕盈酸甜醬汁，脆爽解膩ღ蒜片金菇炒椰菜鮮味十足！金菇彈牙吸蒜香，椰菜脆嫩，炒得火候啱啱好ღ炸雞軟骨雞軟骨炸得酥脆，咬落脆卜卜，內裡軟嫩多汁…查看更多

🍱晚市定食：包沙律前菜 & 湯 & 甜品吞拿魚腩蓉三色丼德美海膽魚生丼（配熟蝦）🥢特上刺身盛合：大拖羅、海膽、赤貝、帆立貝、油甘魚、牡丹蝦、薄切10片（蝦頭可以揀生食／炸／轉湯+$20）我地揀咗炸食，新鮮炸出黎脆卜卜，入面仲有少少膏大拖羅嘅油脂真係不得了，入口即溶✨海膽配紫菜依個combo無得頂😌🍣散叫壽司：芥辣八爪魚軍艦沙律貝柱軍艦三文魚壽司整體黎講所有魚生都好新鮮😋質素很可以!!觀塘依間分店唔算好多人，weekend夜晚食都坐唔爆🙊食完仲有送現金券，消費滿$450送$50／$600送$100，下次消費同等金額就可以用返🙂‍↕️…查看更多

呢間其實都唔洗多介紹 好多人都食過係開左好耐既壽司店 仲有5間分店 咁多年一直都有幫襯開德美海膽魚生丼（海膽、熟蝦、油甘魚、三文魚、三文魚籽、帆立貝、蟹柳、蟹籽）今日食呢個超豐富海鮮丼 最推係海膽入口鮮甜無腥味 油甘魚同三文魚厚切一流，油甘魚清爽彈牙，三文魚肥美飽滿，三文魚籽爆滿魚油食丼飯個飯都好重要 佢做到粒粒分明帶微酸，襯托刺身好開胃！唯一就係帶子肉厚實但甜度略欠，熟蝦脆彈 其他既蟹柳蟹籽都ok，整體新鮮度高🫧 …查看更多

觀塘YM2 呢間德美幾大，一向食材高質，整體都好食好吸引🤩🐠伊佐木 (薄切)即日空運貨，新鮮薄切配酸汁好好食🐟火炙左口魚邊燒過較香口，油脂豐富，好正🍣海膽壽司🍣三文魚子壽司🍣蔥拖羅茸壽司三款都好高質，鮮甜新鮮🥚溫泉蛋天婦羅好高質好特別，外面脆口，入面溫泉蛋軟滑流心，食嘅時候小心流出🍓士多啤梨汁鐵板鵝肝好大件，煎得香口，豐富油脂，配士多啤梨汁幾特別，微酸解油膩感🐟燒白鳝都大件，有少少骨，要小心食👀🐥燒雞翼燒得乾身香脆，入面保持到嫩滑🐷韓式泡菜豬肉鍋好多泡菜、葛切似粗身粉絲，幾煙韌；豬肉大塊，整體微酸不太辣…查看更多

高質日本菜🇯🇵觀塘呢間日本料理，食物種類選擇多、價錢合理，食完真係想encore！ 首先有空運貨北海道活北寄貝，即叫即開！貝肉切得靚靚，食落爽口。卷物方面，揀咗大蝦天婦羅吞拿魚茸卷，脆卜卜天婦羅蝦，卷物面上有吞拿魚蓉，口感豐富。煎鵝肝帶子卷，食落好滿足😌 壽司🍣方面：甜蝦及帆立貝壽司鮮甜；油甘魚腩油脂滿滿。海膽魷魚軍艦估唔到呢個配搭幾特別。牛油果軟殼蟹手卷夠香脆。款款都有水準，下次再試多啲款式！…查看更多

🍣打工仔觀塘壽司快閃記｜街坊大推空運鮮味，打工人放工歎返餐啱晒！🥢忙到癲嘅打工人，搵食就係要「鮮、抵、快靚正」！觀塘呢間街坊狂推嘅壽司店，每日日本空運食材✨，放工衝過來歎，疲勞即刻被海味治愈～💨🥣 德美海膽魚生丼｜滿到瀉嘅鮮甜暴击！海膽鋪到滿晒😱，入口綿密得似雲朵，鮮甜味直衝頭頂！魚生厚切又新鮮🐟，三文魚、蝦同魷魚鮮到甩轆，配埋魚子、蟹棒，每啖都係「大海嘅禮物」，食完想即刻追加一碗！🍜 壽司定食配牛肉烏冬｜暖胃又飽足嘅隱藏王牌！烏冬條條彈牙吸湯🥢，牛肉片薄切軟嫩，淋上濃郁高湯，暖笠笠咁落肚，打工人放工食返碗，即刻feel到「疲勞退散」，飽足感滿分仲唔怕滯～🍣 鮮蔥吞拿魚腩茸山｜蔥香+魚鮮雙重爆炸！吞拿魚腩茸綿到入口即溶🥰，鮮蔥絲提香又解膩，壽司飯醋香啱啱好，一口咬落層次感爆棚，吞拿魚控必食到舔碟！🦪 北海道活北寄貝｜空運鮮味直送嘴邊！貝肉肥嫩彈牙🦪，滿滿海水鮮甜味，簡單調味就凸顯本味，配埋旁邊小卷物，鹹香清新交織，食完先懂「空運貨」嘅魔力～🍤 粟米天婦羅｜酥脆香甜嘅治愈小食！粟米炸到金黃酥脆✨，咬落卜卜聲，內裡粟米香甜多汁，外層麵衣薄脆唔油膩，食返件即刻被「碳水快樂」包裹，忙到攰嘅心都被暖到～🥚 **晚市定食蒸蛋（茶碗蒸）**｜嫩滑鮮甜嘅隱藏驚喜！茶碗蒸滑到好似豆腐花🥚，裡面藏住鮮蝦同配料，鮮味滲透每一口，挖開嘅瞬間熱氣帶住香氣撲面，忙完半日食返碗，幸福感up到爆！🍰 芝麻糕甜品｜收尾嘅香濃治愈！芝麻糕綿密香濃，芝麻味濃到齒頰留香🍯，甜度啱啱好唔會膩，食完主菜嚟返件，打工人嘅放工歎食儀式感即刻滿分～🍹 特飲加持｜酸甜解膩即刻回血！蜂蜜熱情果梳打🥤：熱情果香味濃，氣泡感清爽解膩，飲完即刻「續命成功」！蜂蜜柚子茶🍯：暖身潤喉，柚子清香夾住蜂蜜甜，忙完一日飲返杯，幸福感UP UP！📍德美壽司（觀塘店）地址：香港觀塘協和街33號裕民坊YM² 3樓310號舖 @sushitokumi.hk #foodiebusye食評 #觀塘美食 #德美 #壽司 #黃埔 #日本菜 #刺身 #香港美食 #日式 #定食 #和風 #日本料理 #鍋物 #串燒 #hksushi #香港壽司 #打工人搵食 #相機食先📸 #hkfoodie #街坊高質店…查看更多

🔥觀塘街坊激推💥裕民坊高質日本壽司店🍣
每日都用新鮮日本空運食材🇯🇵，食材超新鮮，選擇多又抵食🎉🦪香川縣生蠔 $42鮮味鮮甜帶少少鹹香，CP值爆燈！💯🍤什錦天婦羅拼盤 $82薄炸粉包住大蝦蝦膏＋多款時蔬，好惹味！ 🔥🍚德美海膽魚生丼配晚市定食 $165 （梅酒再+$35）呢個丼飯係佢地既Signature，全部刺身都厚切，油甘魚、三文魚、帶子、魚子、蟹籽、海膽全部都啖啖肉，而且都幾新鮮🥢🐟🍣壽司拼盤定食配牛肉烏冬定食 $173 （蜂蜜熱情果梳打+$20）6件壽司仲有牛肉烏冬，抵食之選🥩燒牛舌串燒 $45牛舌好厚切，唔韌好食👌🐔燒雞軟骨 $21🔥招牌蔥拖羅蓉卷 $100…查看更多

壽司款式多樣化，從經典握壽司到創意卷壽司都有～ 北海道原修秋刀魚刺身：魚肉鮮甜油脂豐富，口感嫩滑帶輕微鹹香。 新鮮肥美，多汁，入口即化，鮮味滿足。 味道滑嫩鮮甜。 三文魚腩刺身（6片）：肥美多油脂，入口絲滑，魚香濃郁。 三文魚刺身（5片）：鮮甜滑嫩，非常經典，質感細膩。 三文魚手卷：飯量適中，卷入鮮三文魚，口感清新。 蟹子沙律：蟹子脆口，伴以香滑沙律醬，清爽又開胃。 七味燒雞臀：雞臀肉嫩，帶少少辣味，香氣四溢。 雞軟骨，口感酥脆。 雞皮串燒：香脆帶油脂，甜鹹適中。 …查看更多

作為觀塘街坊，呢間真係幾方便，我間中就會過嚟醫肚。佢哋每日都有飛機貨到，啲刺身同壽司確實係幾新鮮，今次試咗個壽司盛合（美），十款壽司款款都唔錯～🍣特別要讚下油甘魚，肥美爽口彈牙，完全唔腥；池魚鮮味突出，白身魚做刺身真係一流；帆立貝又厚又滑，刺身級，鮮味出晒嚟！最後食件玉子燒壽司，甜甜哋幾滿足。🥣大蜆湯真係要試，蜆肉多到滿瀉，湯底勁鮮甜，飲完成個人暖笠笠。小食方面，燒腐皮餃子係自家製，皮薄餡足，幾特別～串燒叫咗牛舌同雞中翼，燒得啱啱好，唔會乾爭爭。🍗🥘主菜試咗汁燒雞扒、牛肉炒烏冬同黑豚肉炒野菜，份量比想像中大，味道都唔錯，尤其烏冬炒得夠鑊氣！🍹飲品推薦蜂蜜柚子梳打，清新解膩～🥗另外叫咗個牛油果沙律，份量夠大，蔬菜新鮮，抵食！平日夜晚都好旺場，越夜仲越多人，好多都係熟客仔。如果想嚟食，早少少到就唔使等位啦！…查看更多

【觀塘裕民坊壽司店｜每日日本空運直送】位於觀塘裕民坊YM²嘅「德美壽司」用每日日本空運直送新鮮食材，價錢又唔算貴，絕對係觀塘區性價比之選！🐟 池魚原條刺身 $208池魚原條上枱，魚肉鮮爽，份量多，點上酸汁更開胃🦪 北海道厚岸真蠔 $49/隻肉身飽滿爆汁！海水味與奶油感平衡得剛好，必點回本款！✨ 特色單品：▫️ 鱈魚白子 $128口感綿密▫️ 海膽軍艦 $72味道鮮甜無苦澀▫️ 炸池魚骨 叫左池魚原條刺身，店員話可以免費炸埋個魚骨😆香脆不油膩，好岩送酒👍🍣 壽司：三文魚腩 $44｜好肥美帆立貝 $41｜肉厚鮮甜油甘魚腩 $53｜好重油香味…查看更多

德美壽司 (裕民坊YM²)雖然已經過咗秋分，但天氣持續炎熱，個人都係成日冇乜胃口，呢啲時候就會好想食日本嘢🍱🍙🍣 唔知有冇人同我一樣呢？🐟 德美海膽魚生丼定食（$165）呢一個可以話係佢哋嘅招牌！連舖頭名都印埋上粒玉子度就知道佢哋堅料啦😎食材非常豐富，有海膽、蟹子三文魚子、油甘魚、三文魚、蝦，唯一美中不足就係有兩碌蟹柳，減低咗成個丼飯嘅奢華感海膽鮮甜，刺身厚切有口感，米飯軟硬適中，輕輕鬆鬆就可以啪曬成碗🍚🍣 壽司定食配牛肉烏冬（$173）壽司同餐牌上顯示嘅一樣對版，最吸引嘅有三文魚子軍艦、吞拿魚同埋帶子，食材新鮮，質素同omakase比都唔輸蝕！定食配有一碗牛肉烏冬，牛肉質素普通，烏冬係稻庭，鰹魚湯底，如果唔想食得太寒，食完壽司整碗熱湯烏就啱哂🍜晚市定食都會跟沙律同埋甜品，沙律就係蕃茄蔬菜沙律，清新可口，當晚嘅甜品係一塊黑芝麻糕，口感軟糯，芝麻味香濃餐廳坐得舒適，食住嘢傾下計啱曬，職員服務態度不錯，係朋友聚會嘅好地方…查看更多