影片
更多
2022-06-24
336 瀏覽
之前食過尖沙咀嘅德美壽司，覺得質素唔錯 ，難得觀塘都新開咗一間分店，當然要嚟試下啦。平日晚飯時間嚟到人流唔算太多，可以自己揀位。原本諗住叫個二人餐，因為覺得價錢幾抵，食物種類都多，但我見二人餐嘅熟食太多， 刺身壽司太少 ，黎到當然要食刺身丼飯同壽司啦。晚市套餐嘅餐牌選擇都算多， 無論係熟食主食 ，刺身丼飯，抑或壽司都可以任君選擇，價錢都好扺食，最平72蚊就有， 每個套餐仲配有麵豉湯，沙律以及甜品。麵豉湯嘅溫度比想像中熱， 昆布同豆腐份量就比較少。 沙律係芝麻醬的， 除咗菜仲配有昆布同麵包粒， 有啲咬口。我哋叫咗三色魚生丼同埋北海道三色刺身丼。 三色魚生丼有三文魚，油甘魚，帆立貝配上一隻溫泉蛋以及大量蟹子 。 吉穿溫泉蛋果下好治癒， 所有蛋汁流入飯當中， 再加上豉油芥末，配上一塊塊厚厚既刺身， 簡直人間美味。北海道刺身丼都同樣係三文魚，油甘魚，以及 帆立貝， 少左溫泉蛋，多咗兩隻甜蝦， 一樣有好多蟹子。 德美嘅刺身真係好出色，每一塊都係厚切， 油甘魚好肥美好有油香，但切得唔係好靚，唔夠利落。三文魚腩好鮮甜， 食過太多冇咩味嘅三文魚腩， 呢度嘅三文魚腩係真係好鮮甜， 三文魚既魚油留喺口腔入
原本諗住叫個二人餐，因為覺得價錢幾抵，食物種類都多，但我見二人餐嘅熟食太多， 刺身壽司太少 ，黎到當然要食刺身丼飯同壽司啦。晚市套餐嘅餐牌選擇都算多， 無論係熟食主食 ，刺身丼飯，抑或壽司都可以任君選擇，價錢都好扺食，最平72蚊就有， 每個套餐仲配有麵豉湯，沙律以及甜品。
麵豉湯嘅溫度比想像中熱， 昆布同豆腐份量就比較少。 沙律係芝麻醬的， 除咗菜仲配有昆布同麵包粒， 有啲咬口。
我哋叫咗三色魚生丼同埋北海道三色刺身丼。 三色魚生丼有三文魚，油甘魚，帆立貝配上一隻溫泉蛋以及大量蟹子 。 吉穿溫泉蛋果下好治癒， 所有蛋汁流入飯當中， 再加上豉油芥末，配上一塊塊厚厚既刺身， 簡直人間美味。
北海道刺身丼都同樣係三文魚，油甘魚，以及 帆立貝， 少左溫泉蛋，多咗兩隻甜蝦， 一樣有好多蟹子。 德美嘅刺身真係好出色，每一塊都係厚切， 油甘魚好肥美好有油香，但切得唔係好靚，唔夠利落。三文魚腩好鮮甜， 食過太多冇咩味嘅三文魚腩， 呢度嘅三文魚腩係真係好鮮甜， 三文魚既魚油留喺口腔入面會令人回味。 帆立貝就比較薄切，鮮味還好， 甜蝦同樣好鮮甜，但略嫌太細隻。
佢既壽司比較貴，但魚生係可見既足料，每件份量都好足，好肥美好鮮甜，德美玉子唔太好食，純粹叫黎打卡，係個signature 😂
晚市套餐送嘅甜品係紅豆奶凍， 雖然細細杯， 但奶凍好滑好甜，似係3.6牛乳。
PS 整體我覺得尖沙咀嗰間好食啲
PS2 前一日想係openrice book位， 見到得返八點後有位，以為會好full， 但七點鐘嚟到人流好少， 所以大家下次如果有同樣情況，可以大膽黎試下walk in， 當然只限平日啦
張貼
