德美壽司 (裕民坊YM²)

營業中

休息中

係觀塘返工，到咗lunch時間，搵食真係好頭痛，最近發現咗呢間嘅lunch原來幾抵食牛肉鍋嘅牛肉份量非常多，上枱仲好熱，牛肉未係全熟，上枱後餘溫令牛肉慢慢變熟，所以牛肉非常嫩滑，唔會過熟，除左有牛肉，仲有薯粉，娃娃菜，味道甜甜地都幾好食，撈勻隻蛋更加香滑，要贊一贊佢嘅茶碗蒸，細細個但好足料，有元貝，蟹柳，非常鮮甜，蛋好滑，算幾好味，甜品係杏仁豆腐，整體唔錯，午市不用加一

觀塘新的落腳點真係超級方便🥰食飽係樓下就有車可以返到屋企😄而家都多左係呢度食飯🥢今日放工又來食日本野🍣德美壽司😚🍣花竹蝦壽司係我最鐘意的😁蝦又大隻而且仲有膏的🍱鮮赤貝刺身😚鮮味又唔腥🍲野菜牛肉鍋係日式shukiyaki湯底👍🏻👍🏻無得輸配料好多~牛肉又多😅今次多到有d食唔晒tim🍘日本南瓜天婦羅~同平時食的真係唔同d, 日本南瓜甜好多😋今次全部散叫~但埋單一d 都唔貴，除左散叫外，仲有dinner set都好抵食

尖沙咀起家的德美壽司, 在我眼中是壽司界中物超所值的代表, 有不下於連鎖壽司店如元氣及板長的份量和進取定價, 但在質素上更高, 是物有所值的代表. 不過最近幾次在沙田及將軍澳的分店品嚐過後, 水準越來越參差. 觀塘凱匯的商場開通後, 見到德美的身影, 在附近已經有元氣, 板長和爭鮮的情況下, 看看它能否在觀塘市中心的連鎖壽司界中站得住陣腳.觀塘分店比尖沙咀給其他分店面積更大, 可以訂位免卻了大熱天時呆呆地等的無奈. 定價依然是其優勢, 有海膽的刺身飯和壽司烏冬套餐也在百元內有交易, 份量夠, 而且用料也見其心思, 除了之前說過的海膽外, 也有如瀨尿蝦等其他同類店舖定食少見的類型. 質素方面就一般般, 魚類刺身夠新鮮, 但蝦類肉質有點乾和柴口, 醋飯黏度至少不會一夾就散, 但酸味一嗅起來有點刺鼻, 烏冬上的牛肉沒有牛味而且同樣柴口, 只能説水準依然在尖沙咀之下, 至於能否在競爭者中突出起來, 我也是持觀望態度.

之前成日聽人講德美，將軍澳成日經過都冇機會食，今次黎新開YM2 參觀時見到有德美，見唔使等好耐就一於試下！餐廳裝修有別於其他居酒屋feel 既感覺，呢間用淺木色裝修，感覺冇咁日式feel...餐牌設計及食物相片睇落唔係咁吸引，但真實食物以呢個價錢都真係好唔錯！第一次食就叫左個定食，有炸雞、厚身三文魚魚生、德美玉子、牛肉片配烏冬，呢個餐自覺好抵食，$100唔使食到咁多樣野，啱晒想樣樣食少少試下味既女士！烏冬係迷你版唔怕澱粉質多！再叫左個海膽天婦羅，脆脆地及海膽味滲晒出黎！好多時去日式餐廳只得凍冰冰沙律，今次見有熱食菜，試左黑豚肉炒野菜，仲有木魚及櫻花蝦，大大碟都只係$60幾，推介！

朋友話想食日本野，第一時間就諗起德美。黎到就叫咗魚子蔥拖羅蓉飯（$142）、鍋燒烏冬（$70）同埋牛油果沙律（$47）。個魚子蔥拖羅蓉飯好足魚蓉吓，送上黎既時候會見到個小山丘，而碗飯仲有蔥絲、青瓜絲同隻生既鵪鶉蛋，加埋少少醬汁撈埋一齊食真係好正，食到每啖飯都陣陣既吞拿魚香，令人食唔停口。鍋燒烏冬送上黎既時候係出晒煙熱辣辣，入面啲配料都好豐富，有炸蝦天婦羅、蟹柳、雞肉、菇、菜同京蔥，啲湯底調味適中，唔會話過份濃味，同啲烏冬好夾。最後份牛油果沙律都充滿驚喜，牛油果嘅軟硬程度剛剛好，好有牛油果香味，配合埋啲沙律醬同埋菜，撈埋個溫泉蛋真係好夾。

🌟二人餐$338未計加一依個價錢意外地平，仲好多野食加埋一都唔洗400蚊🌟三文魚刺身有四切壽司同刺身食落都唔差🌟煙三文魚沙律幾好食IMG:5]🌟當日三文魚賣哂得鯖魚揀咁一定三文魚好食d嘅～我諗鯖IMG:3]🌟日式炒飯🌟野菜牛肉鍋日式炒飯入面好多肥牛碎😂牛肉鍋除左有點太甜都IMG:4]天婦羅唔記得影～都有成五六舊IMG:6]當日佢地俾漏左甜品我地走左問佢拎返都有俾返我地～份量都幾多下，依個價錢黎講～個炒飯原個無食過要打包😂太飽之前係尖沙咀食過一次，個次散叫兩個人食左千頭倒，今次先三百令真係超扺！！

請問裕民坊依間德美係咪唔接受一人食午餐？今日21/9中午來取飛等位，等左近20分鐘，下張飛到我點知跳下一張飛，我問位女職員做乜跳飛，下張飛對男女都話係囉跳飛。職員話：你一個人，我好難安排座位比你。我話我坐吧枱都得，才比我入一人食飯唔得？一人食飯係罪？咩道理！？

中伏新開張壽司店，$150 個set lunch, 居然可以俾啲咁嘅質素顧客，八件壽司，除咗一件海膽之外，其他全部都唔新鮮，完全係元綠或者爭鮮嘅質素，呢個價錢連一件好少少嘅三文魚腩都冇，淨係得個非常之普通嘅三文魚壽司，亦都冇甜蝦，話就話有10件壽司，其實得八件，有兩件係蛋，奉勸各位千祈唔好再去幫襯，呢個價錢求其搵一間都好過佢，完全低質素壽司，根本係快餐店！👎👎👎👎👎👎👎👎👎👎👎👎

終於觀塘都開咗德美壽司🍣，最愛嘅日本菜🇯🇵之前成日都專登搭車入寶琳食，貪佢啲食材夠新鮮！地鐵站行過凱匯好方便！煎鵝肝帶子卷$86🍣鵝肝好大粒！煎香左入口即溶，滿口都係甘香氣味！加上鮮甜帶子，一個濃郁一個鮮甜，加埋脆脆，好有層次嘅壽司！吞拿魚腩茸三色丼$151🐟有成兩cm吞拿魚腩肉，加埋四件海膽同兩片新鮮帶子，好好好鮮甜絕對物超所值！食完覺得有幸福嘅感覺！有埋芒果奶凍做甜品🍮觀塘又一好味日本菜😋一定會成日黎😎

原來想食個有質D嘅魚生午餐，search 完見裕民坊開咗就諗住要試吓。首先去到攞完票等call票已經覺得安排很差，叫票機勁細聲完全聽唔到。前台人員忙中有錯，跳號碼叫可以明白但可唔可以改善下部機或者直接用咪叫。魚生飯電子menu同實體menu 內容唔用，實體menu 有既電子menu又無真係好亂。叫咗個吞拿魚腩三色丼，吞拿魚2塊全是根每塊食一口已經放棄，Toro 亦不值一提。$248 真係完全不值。真心失望😞

裕民坊開左好多新食肆，商場環境又好見到德美就更係入去食我最鍾意嘅魚生飯，我真係由細到大都係至愛。德美海膽魚生丼：海膽非常之鮮甜大大啖放落口超滿足，仲有帶子、三文魚、海蝦等等，最精美就係件蛋印上德美二字，賣相好出，整體成碗飯非常新鮮好味😋吉列豬扒烏冬：豬扒分開上炸到脆脆地裏面仲有好多肉汁，一d都唔乾身大大件咬落去口感好好，烏冬就用左鐵鍋盛裝熱辣辣最正係隻流心蛋撈埋一齊食真係最最最正嘅食法。仲有小甜品送芝麻糕，好濃芝麻味十分之香，小小地都好滿足。

收工同屋企人經過裕民坊，大翻身既裕民坊今日都係第一次行，而晚餐我地揀左位於3樓花園平台既德美壽司🍣～ 晚市都有好多款定食可以選擇～ 落單用QRcode 非常方便！————————————————三色魚生丼定食 $120 呢個丼飯有三文魚、劍魚、帶子。魚生份量十足而且好新鮮！而飯加入壽司醋同紫菜，仲有流心蛋係中間，一齊攪拌送飯一流😋😋 北海道魚生丼定食 $140而呢個定食比三色魚生多左兩隻甜蝦刺身，同樣係魚生份量好多，夠新鮮！！定食亦配有沙律同麵豉湯，最後仲有芝麻味甜品～ 滿足😚什錦天婦羅 $80熱辣辣天婦羅無得輸，炸得剛剛好，一啲都唔多炸粉，用料新鮮👍🏼 包括有大蝦、茄子、南瓜、蕃薯同冬菇😻 茄子同菇炸得外脆內軟好出色！————————————————環境：👅👅👅👅食物：👅👅👅👅性價：👅👅👅服務：👅👅👅👅

觀塘終於有新商場, 而且仲開左好多新餐廳, 除左APM又多個選擇! 連係尖沙咀食開既德美都進駐左裕民坊YM²!餐廳面積望落比尖沙咀店大, 而且環境更加光猛亮麗, 有實體MENU但亦用上手機落單系統。自家制一夜干 $71原條甘鯛一夜干, 幾大條而且燒得香口, 表面焦香, 不失魚鮮味。廣島蠔石頭鍋飯 $97石頭鍋飯熱辣辣, 蠔雖不算大隻但有鮮味, 亦唔會乾過頭幾JUICY~ 飯底有少許飯焦, 另外仲有D菇, 令成個飯更加香, 無太多調味, 簡單又好味!日式海膽蒸蛋 $57金黃既海膽新鮮鮮甜, 入口個下係好滿足! 蒸蛋清甜滑溜, 有水準。最後仲有紅豆豆花做甜品, 完滿一餐! 讚!

觀塘開左新商場~入面都有好多食肆~今日就帶左爸爸媽咪黎德美食日本野~呢度用QR CODE落單~睇下MENU選擇都唔少~而且晚餐有定食，有飯有沙律有麵豉湯仲有甜品添~而且價錢相宜!我地叫左3個定食~另外見牛油果軟殼蟹卷好吸引~於是都叫黎試下~野菜牛肉窩定食一貫香甜既SUKIYAKI湯底~中間擺放左新鮮雞蛋~無論賣相定味道都好吸引!呢個窩吸引之處係牛肉份量好多~而且食落唔韌牛味亦重~野菜索哂D湯汁~撈埋白飯一齊食非常YUMMY!活鰻魚朴葉飯定食活鰻魚朴葉飯定食用日式飯盒奉上好特別~一打開個蓋就見到鰻魚好大條~而且有大量蛋絲，鰻魚汁咸咸地甜甜地好惹味~鰻魚食落完全冇細骨，非常易入口又唔腥，值得一試!燒汁豚肉石鍋飯呢個燒汁豚肉石鍋飯都冇令我地失望~石鍋上檯好熱，要小心D唔好俾佢辣親~豚肉切片均勻鋪係飯面~有D位置燒得微燶食落非常香口~燒汁味道咸香好吸引~中間既有隻半熟蛋，吉穿蛋黃將蛋汁撈飯食口感一流~而隨定食附上既沙律同麵豉湯味道都唔錯，沙律仲有一小塊煙三文魚~甜品係芒果奶凍~白雪雪配埋香芒汁個賣相都幾吸引~食落滑溜冰凍~比食雪糕健康又滿足到甜品胃~讚!牛油果軟殼蟹卷牛油果軟殼蟹卷切成5件，原

德美喺觀塘裕民坊YM終於開業🎊，12：30pm來見仲有位，不用排除。 午市定食有好多選擇， 價格由 $66-150， 加一 。可惜偏偏無刺身😶， 於是單叫咗一個刺身盛合 美$249，有5點，各2切 (三文魚 ，吞拿魚，油甘魚，甜蝦， 帶子， 當然包印有店名的玉子蛋)。 此店要自己掃 QR code落單, 因本人唔鍾意食三文魚， 於是叫個服務員埋嚟問下， 可否唔要三文魚轉其他，👍可以唷！ 服務員姐姐👿明示我，這裏自己掃code落單， 但我要改嘢喎，所以咪要拜託你同我落單囉🙄。。。 佢見我單點，特登提我這個衹有刺身🤗。。。yep，吾想吃飯🍚，亦吾肚餓。 刺身質素ok，但吾算吸引和抵食。佢嗰兩片吞拿魚係赤身，但餐牌張相嘅吞拿魚係帶粉色，似拖羅。雖然，以價錢來說，比拖羅機會吾大😅。 這裡自行到前枱比錢，$200以下衹收現金。是日連加一，🤑埋單$274。