德美壽司 (裕民坊YM²)

營業中

休息中

朋友話想食日本野，第一時間就諗起德美。黎到就叫咗魚子蔥拖羅蓉飯（$142）、鍋燒烏冬（$70）同埋牛油果沙律（$47）。個魚子蔥拖羅蓉飯好足魚蓉吓，送上黎既時候會見到個小山丘，而碗飯仲有蔥絲、青瓜絲同隻生既鵪鶉蛋，加埋少少醬汁撈埋一齊食真係好正，食到每啖飯都陣陣既吞拿魚香，令人食唔停口。鍋燒烏冬送上黎既時候係出晒煙熱辣辣，入面啲配料都好豐富，有炸蝦天婦羅、蟹柳、雞肉、菇、菜同京蔥，啲湯底調味適中，唔會話過份濃味，同啲烏冬好夾。最後份牛油果沙律都充滿驚喜，牛油果嘅軟硬程度剛剛好，好有牛油果香味，配合埋啲沙律醬同埋菜，撈埋個溫泉蛋真係好夾。