德美壽司 (裕民坊YM²)

營業中

休息中

觀塘裕民坊大翻身，而家呢度有一個Y M ²嘅新商場。商場入邊有巴士總站。當然都有好多新嘅餐廳，鍾意食日本嘢嘅我，梗係要來搵吓有咩又新又吸引嘅餐廳。見到依家門口好四正嘅德美壽司，見到晚餐嘅餐牌都相當吸引，價錢又合理，就入去試吓。所有定食套餐都送沙律、湯及甜品，所以真係好抵食。活鰻魚朴葉飯定食$120鰻魚好大塊，燒得好香，鰻魚汁嘅味道調校得相當好，唔會太鹹。便當三段（雞、迷你牛肉烏冬、刺身）$90呢個套餐相當有水準，有三款唔同嘅食物，啱晒我呢啲三心兩意嘅人。刺身好新鮮，顏色一睇就知道係高質魚生，配上旁邊有店家名稱嘅玉子，感覺做得好用心，抵讚！另外牛肉烏冬份量好多，比想像中大碗，一啲都唔送你呢！加州卷$49加州卷包得唔錯，入邊有牛油果，用了相當新鮮，整個卷物做得令人滿意。壽司飯質地剛剛好，很有口感。