德美壽司 (裕民坊YM²)

營業中

休息中

呢間德美壽司原來都開咗5-6間，裕民坊呢間分店店面乾淨，裝修簡潔、舒適。晚市定食選擇夠多而且高質，價錢亦非常親民，可以再嚟翻抄😋各款定食配有前菜、麵豉湯及甜品，今日有芝麻醬蕃茄仔沙律菜🥗同埋小泡芙，大滿足。活鰻魚朴葉飯定食 推介呢個活鰻魚飯，除咗魚質新鮮，師傳亦用上傳統日式方法烤到鰻魚有焦脆感，一打開蓋已經充滿香氣。亦有大量蛋絲及芝麻配搭，幾有質素。碎吞拿魚腩茸飯 呢個價格嚟講又係超乎想像咁好食同抵食😆因為平時食到呢個質素嘅丼定食可能都要double價錢💸一食就食得出魚子同埋吞拿魚腩都相當新鮮，仲有提供咗一隻鵪鶉蛋，可以撈埋一齊食，更加滑溜。🐷🛎️必試指數：8.5/10🔆

◐裕民坊｜壽司刺身定食鍋物任君選擇裕民坊最高層新開左好多餐廳😃，呢間主打日本料理，想食丼飯、定食、壽司、刺身、壽喜燒都有，有3 個壽司師傅坐陣即叫即整😆，見到櫥櫃魚生新鮮😊 整體質素唔錯，海膽唔腥仲好多，池魚當日🈹，可以一試🤔，左口魚就略有根位😛，油甘魚肥美，都有腩部位選擇，應該更多油份☺️火炙左口魚邊$50 • ⁶ ⁄ ₁ ₀ 海膽軍艦$69 • ⁷ ⁄ ₁ ₀ 池魚壽司$45 • ⁷ ⁄ ₁ ₀ 油甘魚刺身$99 • ⁷ ⁄ ₁ ₀

裕民坊重建後多咗好多餐廳/小食，德美壽司之前都食過兩次，價錢合理，推介二人餐份量豐富！豐盛二人會席 $428日式前菜大蜆味噌湯煙三文魚和風沙律枝豆三色刺身盛 有油甘魚、甜蝦、三文魚刺身壽司4件帆立貝同油甘魚刺身好大件同厚身，帆立貝好鮮甜。燒牛仔骨燒牛仔骨可以做到肉嫩又保留到肉汁，味道惹味。海鮮鍋配料比想像中豐富😍，有鮮蝦🍤、蜆肉、蟹柳、豆腐、獅子狗、金菇、大白菜、粉絲，有海鮮又有蔬菜🥬。日式炒飯飯粒粒粒分明，炒得好香口，好適合搭配燒牛仔骨一齊食，份量多，我同朋友平均每人食咗三碗。唯一美中不足係張枱有啲細，二人餐食物好豐富，所以要食咗前菜先夠位上主食🤣

我好耐之前有食過尖沙咀嘅德美壽司 覺得價錢唔貴 嘢食質素高 所以呢幾年佢都越開越多 今日放工就嚟到觀塘裕民坊食 食物選擇多 有飯 壽司 刺身 串燒 一品料理等 好多嘢想食 試唔曬😂😂-🍱洋風燒三文魚丼 $102有五片燒三文魚 三文魚燒過之後 魚油出晒嚟 令到個飯好香 另外仲有蟹籽同埋溫泉蛋 都好啱撈飯食 呢個飯仲會送埋沙律同甜品 甜品係奶凍 唔會好甜 都幾好食☺️-🐔炸雞軟骨 $43炸雞軟骨嘅調味啱啱好 唔會太鹹 另外外層係炸得好脆 入面爽口 點埋他他醬 兩個人好快就食晒🥰-🐔七味燒雞腎 $25雞腎好爽口 落咗七味粉去燒 😍-🍢免治雞肉棒 $30雞肉多汁 如果有隻生蛋黃俾我哋點就好啦🤣-🥬蒜片金菇炒椰菜 $58金菇炒椰菜好大份 蒜味十足 本身以為會好油 點知唔會🤤-📍德美壽司觀塘協和街33號裕民坊3樓310號

👩🏻‍💻最近返工好忙，放左工想自己一個食個飯，俾個腦🧠放鬆下，享受一下Me Time🤭 🍴一個人又食唔到多種類，最好揀啲有set dinner既餐廳，見到餐牌個兩人餐好抵，下次可以試下😋🔸德美海膽魚生丼賣相好吸引👀食材同顏色都好豐富，一個丼飯有齊我想食既野🈵海膽、三文魚、油甘魚、🦐熟蝦、帶子、三文魚籽、🦀️蟹籽、蟹棒同玉子，所有食材都好新鮮，魚生片厚切，三文魚籽同蟹籽份量都好多，🍚壽司飯入面加左飯素，咸咸香香好開胃✨套餐包埋麵豉湯、🥗沙律同甜品🔸日式茶碗蒸食親日本野都會叫既😆配料有🍄冬菇、蝦、魚板、雞肉、銀杏 ，口感鮮甜滑嫩，滑嘟嘟超正😚

一個人夜晚唔知食乜好，經開觀塘裕民坊，記得德美有分店，就決定對自己好啲。晚市有定食set，同以前一樣咁抵食。都係由$7X 至 $16X。今次就試吓最貴嗰個德美海膽魚生丼，套餐包括沙律、味噌湯、甜品。另外我叫多一碟壽司。德美海膽魚生丼超級多魚生，有海膽、帶子、飛魚子、三文魚子、厚切三文魚腩、厚切油甘魚、蟹柳、大蝦、海藻、玉子，非常豐富。醋飯調味好正，仲有啲香菇片令口感更加豐富。海膽花の恋花之戀壽司加上飛魚子、海膽，將壽司推上另一層次。

同小朋友食日本料理，去高級料理店小朋友唔識品嚐壽司刺身，反而土炮壽司店更加合適，因為選擇多而且不少熱食。今日就帶公主去觀塘的裕民坊內有間【德美壽司】。除了這幾個壽司吧枱位置外，其他枱已經坐滿，因此入座時經理話用餐時間只有1小時。午餐選擇豐富有魚生刺身、壽司又有多款熱食，價格又唔太貴，難怪中午時段有不少小朋友、學生、上班人仕……等。午市套餐包括沙律、日式蒸蛋、麵豉湯及甜品……質素就真係麻麻。沙律冇醬汁、菜又乾、麵包粒好硬。日式蒸蛋似中式蒸蛋，冇乜味道、蛋又唔滑。【叉燒烏冬 $68】 烏冬面上舖滿配料，有粟米粒、葱花、紫菜，份量超多，唔太合比例。不過紫菜又乾又咸 …… 配料不是越多越好，質素更加重要。除了烏冬，仲有兩件卷物，以這個價錢來說絕對是大件夾抵食。除了超多配料外，仲有隻温泉蛋，時間火喉恰到好處才能夠做到這個流心效果，最重要到食果刻都未穿。雖然沒有正宗日式拉麵店炙燒叉燒，但這兩件叉燒夠大件，肉質不嚡口入口軟淋。食到一半店員已經送上甜品，加上賣相不太完整，真奇怪。牛奶布丁內有朱古力醬……賣相、味道同樣唔掂。上次食魚生飯就是在 APM Food Court 內的【鮨孝】角切魚生飯 $98

收工今晚夜左已經好攰喇，係商場食埋先夠哂方便，德美係附近高質既壽司店，地方光猛空間大又夠舒服。店員安排坐係遠望住師傅制作出品位置，感覺輕鬆慢活，自助落單，自助添茶。先上枱有三文魚腩壽司+蟹膏軍艦+ 海膽手卷，新鮮美味，料多滿足。有啲飽肚感之後，再叫個熱小食煙肉蠔卷，成碟份量有4大舊， 有青瓜蕃茄仔伴碟免咁油膩，仲意外地有一球薯蓉， $53 性價比相當高超值！ 行出去就係露台花園，散下步吹下少少風先去搭車走。

裕民坊重建之後靚左好多 薈集左好多唔同國家嘅餐廳🤤而且地方方便又係巴士總站 宜家去食野真係方便左好多！🥰≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣#觀塘食好西≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣叫左2個定食 每份都會配沙律、味噌湯同甜品沙律菜好新鮮 上面淋左啲胡麻醬😗味噌湯入面有豆腐同海帶甜品係布甸 好滑食落又唔會太甜！北海道魚生丼 $142（油甘魚、帶子刺身、甜蝦、蟹籽、三文魚）厚身 份量多 好好食🤤每一啖飯都可以比魚生包住油甘魚好厚 咬落去油香味好香帶子好鮮甜 可以唔點豉油試下甜蝦擺得好靚 蝦肉好乾淨好甜而且蝦肉肉質爽口好抵食又算幾大碗便當三段 （炸雞，刺身，迷你牛肉烏冬) $92炸雞好脆 而且唔油膩 發現德美嘅刺身每塊都厚身絕對絕對唔係平價壽司店可以做到嘅質素迷你牛肉鳥冬塊牛肉柔軟入口即化份量好足又好岩口味≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣店員好勤力 一見到可以收碟就會收咗先舖頭好大坐得好舒服 客人都係年青人為主有半開放嘅空間，可以望住師傅整野食≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣

今日去觀塘,本身想去apm食飯,但發現裕民坊的確是一個不錯的選擇,係觀塘mtr行前小小,好方便,今日想食壽司,而且之前食過將軍澳既德美質素好好,所以就選左德美啦。1.     野菜牛肉鍋定食我係鍋燒烏冬同牛肉鍋之間選擇,我選左野菜牛肉鍋,因為好像有多D肉食,2.     火灸鰻魚壽司燒得剛好既鰻魚3.     海膽魷魚軍艦真係超新鮮既海膽,真係食海膽已經好滿足,必叫~4.     軟殼蟹，牛油果手卷好好食既手卷~正~食完之後仲可以係外面花園行下,好舒服,而且仲有D櫈俾人坐底傾下計,不錯的地點。

屋企附近自從有凱匯，就多咗好多好嘢食，因為裕民坊YM2實在有好多高質餐廳選擇。今次想簡簡單單食d日本野，所以就揀咗德美一開始以為係新開小店，原來已經做到有好多分店我哋叫咗2個晚餐menu嘅主食，晚餐定食真係好抵咖哩吉列豬扒飯: 欣賞豬扒炸粉唔會過多，而且好香口。咖哩份量都好夠送飯北海道魚生丼: 一黎到已經覺得好豐富。隻蝦雖然望落好細咁，但其實好鮮甜。其他魚生都唔錯，夠鮮夠肥美，最緊要係好夠凍定食配咗麵鼓湯、沙律及甜品，好豐富好鍾意佢個甜品: 芝麻糕，好食，口感有d似唔凍嘅雪糕整體餐廳質素都好好，而且食物選擇多。如果飯份量再多啲會更好

前排喺觀塘出實習 日日都外賣💤最後一日終於出咗去食lunch🥰-吉列豬扒烏冬定食 $72 [👅9.5/10]成個餐都無咩好挑剔嘅地方🤣係排隊等咗陣除咗吉列豬扒+烏冬 仲有兩件壽司 茶碗蒸同甜品份量好大 就連烏冬入面嘅海帶都好多烏冬好彈牙 煮得啱啱好 吉列豬扒好脆口 粉漿唔會好厚 而且啲肉都好多🥰茶碗蒸好滑🥚甜品係芝麻糕 芝麻味濃郁 不過碟底啲有啲舊糕解凍咗嘅冰水🫣-今次lunch嘅體驗唔錯 但係之前食過一次另一間分店嘅晚市就麻麻哋 好似都係食午市開心啲 又平又大份🥰🤣-📍#德美壽司觀塘分店: 裕民坊YM² 3樓310號舖

今日食lunch同事介紹一間話開係一個新商場裕民坊入面既日式🇯🇵餐廳（德美壽司），環境同味道都唔錯👍，一於去試下，去到剛好18:00，晚市開始營業，店員服務好好，好有禮貌。店內全部用QR code落單，好多晚市set選擇，而且價錢都好合理，好快我同朋友點左餐。由於我地叫set既關係，每人都會有個麵豉湯，同前菜沙律🥗。食完剛好主食黎左。北海道魚生丼$142:魚生🍣好新鮮，朋友剛由日本返黎食克好野都話好出色，拍得住日本水準。便當三段$92:有炸雞🍗/刺身🍣/迷你牛肉烏冬，比我想像中大份，炸雞好出色，個漿好薄身，裡面保留住肉汁，而且好入味，刺身🍣唔駛講都係好新鮮，最後雖然話係迷你烏冬，但其實都唔少，我男仔食完都覺得好飽。食到好飽既時候，店員拎左甜品黎，原來個set有埋甜品🍮，咁真係原美劃上句號。總結：係觀塘有咁優質既價錢食物水準真係非常唔錯，下次要帶埋屋企人黎食先得。#德美壽司#觀塘#日本#刺身#炸雞#便當#烏冬#裕民坊地址：觀塘協和街33號裕民坊YM23樓310號舖

食晏時間都算難等位，尤其大枱，12:40到，等咗差唔多半個鐘，最後分開坐先有位。叫咗個鰻魚飯定食，$92免加一，有面豉湯、沙律、茶碗蒸同甜品。是日甜品係件細細芝麻糕，都幾重芝麻味，我鍾意～不過主角鰻魚飯就一般般，so far都冇乜食過夠送飯嘅鰻魚飯，呢間都唔例外LOL 味道係ok嘅，質感就絕對稱唔上肥美(見圖)，有少少乾同咬落去比較鬆散。個人好鍾意食鰻魚，所以有啲失望其他配角就ok，下次試吓魚生飯先。

觀塘日式餐廳 爆漿🌋溫泉蛋天婦羅今日第一日番新工，放工老公黎同我食飯。近近地去裕民坊食日本野，因為想買個爆谷😆我地叫左兩個晚市定食套餐加一個小食溫泉蛋天婦羅，口感非常特別，滑溜又脆口。有啲冷熱交融，冰🧊火🔥感覺。定食就正常發揮✌🏻銀鱈魚西京燒 & 野菜牛肉鍋 定食 連湯，沙律🥗，同小甜品 （牛奶凍）銀鱈魚大大塊，燒得剛剛好，仲有球薯仔沙律。牛肉鍋份量足，除左牛仲有蛋有菜有豆腐，有粉絲有菇。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8.5⭐️賣相（10⭐️滿）：7.5⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7.5⭐️地點（10⭐️滿）：8⭐️［德美壽司 (裕民坊YM²) (觀塘)］📍觀塘協和街33號裕民坊YM² 3樓310號舖#晚餐 #觀塘美食 #裕民坊 #日式料理 #定食 #食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #eeeeeats #foodieg