德美壽司 (裕民坊YM²)

營業中

休息中

一個人夜晚唔知食乜好，經開觀塘裕民坊，記得德美有分店，就決定對自己好啲。晚市有定食set，同以前一樣咁抵食。都係由$7X 至 $16X。今次就試吓最貴嗰個德美海膽魚生丼，套餐包括沙律、味噌湯、甜品。另外我叫多一碟壽司。德美海膽魚生丼超級多魚生，有海膽、帶子、飛魚子、三文魚子、厚切三文魚腩、厚切油甘魚、蟹柳、大蝦、海藻、玉子，非常豐富。醋飯調味好正，仲有啲香菇片令口感更加豐富。海膽花の恋花之戀壽司加上飛魚子、海膽，將壽司推上另一層次。