德國餐廳 (寶怡花園)

營業中

休息中

又到左一年既最後一日，緊係食餐好既慶祝順順利利，健健康康渡過左過去一年。就試下德國菜啦。可能好多人出哂去倒數，所以9點幾餐廳都冇坐滿，但都有好多食客用餐。裝修得幾靚幾企理，仲有棟聖誕樹，仲好有聖誕感覺。睇睇餐牌，有芝士火鍋，但因為天氣好凍同埋都想早點食完回家倒數，所以芝士火鍋留待下次多時間先試試啦！有傳統德國豬手，有德國香腸，牛排好似好大塊咁添，仲有意大利粉，意大利飯等等。啤酒都有好多選擇，鍾意飲酒既人一定要試下啦。另外仲有近期大熱既芝士奶蓋茶。$36 又唔貴喎！黎德國餐廳，緊係食德國豬手！由點單到上菜都等左幾耐，可能真係即叫即整，豬手拎到埋黎熱辣辣，天氣咁凍就岩哂！豬手好淋，都好大隻，仲配有一條腸，薯仔沙律同酸菜。薯仔沙律好好食，個沙律醬好好味。豬手除左淋之外，味道都岩岩好，唔會太咸又唔會太淡！另外仲點左炸魚薯條。炸魚好好味！岩岩炸起，外脆內軟，外邊好脆，入面魚肉好嫰好滑。薯條就正正常常，份量都幾多既。另外試左佢既芝士奶蓋，估唔到德國餐廳會做得咁出色，個人認為仲好飲過出名既賣台式飲品店。芝士奶蓋層做得好濃厚，好重芝士同奶味。而茶味方面又唔太濃，帶點香味！德國菜來說做得不錯，價錢都適中

原來喺屋苑商場裏面都有高水準餐廳， 今晚去咗屯門寶怡花園Das Bier同朋友食飯，見佢有好多款肉類，啱曬我呢個食肉獸。好鍾意餐廳裏面嘅紅磚牆，好有溫馨小屋嘅感覺，影相打卡都唔錯。見到藍青口係意外驚喜，點咗半kg試下先。職員介紹呢度嘅德國咸豬手好出名，而且好大分，仲有埋薯條配德國酸菜，不過朋友話想試下呢度有啲咩特別嘅嘢食，於是再揀其他肉類。斧頭一字牛肋骨，朋友拍板食呢個，因為豬肋骨食得多，牛肋骨就未試過。再點多個前菜，食沙律， 叫左西班牙風乾火腿配凱撒沙律。藍青口$118 , 半kg, 好快就上桌，半kg裝起也有一個鍋咁多， 不過，都見過好鍾意食青口嘅人唔夠喉，可能就要食1kg啦。藍青口肉質比一般青口更加嫩滑鮮甜，而且好新鮮，仲有海水味呢！肉不算大粒，形狀偏圓形，屬於軟滑口感類。用白汁煮味道香濃，但仍然沒有掩蓋海水鮮味，好正！西班牙風乾火腿凱撒沙律$128, 見到又係大木盆盛載，呢個價錢覺得貴d，但都算俾足料你。而且西班牙風乾火腿的分量也不少，最重要就是有西班牙風乾火腿點綴嘛。凱撒沙律本身的沙律醬已經夠味道，加了芝士粉，整個沙律味道很濃，我覺得可以不加芝士粉已經夠味，因為西班牙風乾火腿

屯門建生村好多好嘢食，有間新開嘅德國餐廳，又係試新野嘅時候。入到黎坐低，見到好大張嘅地圖，個裝修都幾得意。睇吓有咩好食先。德國香腸拼盤，德國腸有幾款味道，食落好Juice，又唔會太咸，都幾啱香港人口味。薯角炸得好香好脆，份量都好足夠，配有兩個醬料，一個茄醬同一個芥末醬，一次過可以試兩個味道。墨西哥香蔥芝士薄餅，薄餅好香，而且夠薄身，裏面有濃味芝士，仲可以拉到絲架！食薄餅，識食既一定係食薄脆。芝士奶蓋Somersby apple cider 一次咁樣飲Apple cider，上面個奶蓋加埋啤酒泡好滑，creamy得黎又好清爽。棉花糖朱古力，上面有燒過嘅粒粒棉花糖，好甜好好味，次次飲親朱古力都有幸福感覺。

屋企人生日，近近地係附近食個飯😝試下呢間開咗冇幾耐嘅德國餐廳先😗#德國咸豬手配酸菜及薯仔沙律 ($208)😋好味指數：(7.5/10)豬手夠大隻，而且啲皮脆卜卜咖😍肉質都ok，不過有啲根位就比較韌🙁酸菜十分酸，我比較怕🤣😖但薯仔沙律又做得幾好味啵😚#卡邦尼意粉 ($128)😋好味指數：(7/10)個醬汁都幾稠，周圍灑滿咗芝士粉😝另外仲有一片片火腿🐷食食下都幾濟🤣#香草醬煙肉三文魚意粉 ($128)😋好味指數：(7/10)覺得卡邦尼太濟嘅話可以試下呢個青醬意粉😝有煙肉、三文魚、蕃茄仔同洋蔥，食落去都幾豐富😚#芝士奶蓋蜂蜜綠茶 ($36)😋好味指數：(7/10)呢度嘅海鹽芝士奶蓋係用紐西蘭牛奶去整🐄幾濃幾厚😍綠茶味ok，但蜂蜜味欠奉😖後記💁🏻‍♀💁🏻‍♂豬手都幾抵食，不過意粉就比較貴😈

見到又有新食店開張，呢間都算連鎖食店，網上食評都唔差，姑且一試！等佢一開門，就入去食個brunch，早餐選擇得幾款，比較少，隨便點了兩種，價錢都幾貴，希望有驚喜！首先，來了杯咖啡，難飲到嘔，亳無咖啡因，原來呢度沒有即磨咖啡，重點係似茶餐廳的咖啡粉，好難想像配西餐可能係啱啱開門關係，等咗30分鐘先有嘢食，唔知點解，煎個蛋丶煎幾條腸要攪咁耐？首先食隻荷包蛋，非常油的，成個底都係油，隻蛋重有少少臭，應該係唔新鮮個種。最好食係啲德國腸，不過好似太多腸，係早餐食就分量太多，應該加幾片生果。Anyway，我就覺得唔值另外，我用新iphone 加唔到相

上年已經見封起木板話coming soon，一等就等左大半年。早年已知道新墟已有一間，口碑都唔差，今日終於有機會去試下呢隻豬手。超期待~~店內細細，座位唔多。(見圖) 德國白豬手配法蘭克福腸白豬手即係白烚囉~~ 放心！隻豬手有醃製過的，唔會無味。肉質都腍易切，亦無鞋烚烚。不過食落會感覺咸左少少。可能白烚關係，無咁脆口香口。 紐西蘭肉眼扒配洋蔥汁塊肉眼扒好似薄切咁(有2薄片) ，醃肉用太多梳打粉，令都無晒d 肉味，所以用超多醬汁覆蓋整個碟 雖然話係Set Lunch，但都可以比好少少食材客人既。總括黎講，2者都是屯門區，何解落差爭咁遠呢？難得品牌做起左，唔好自己搞衰自己，反省一下點解人地做得咁出色，自己就咁失色。希望好快見到呢間都變成人龍店。

買左團購同朋友食餐好，個日下午打黎確認booking,講明一定要盡時到，下面接住有人等緊，交枱9點鐘，講真，我住係餐廳附近，都知到li d時間根本冇咩人食野，咁但係我住得近未早半個鐘7點去到，可能團購關係，我地去到冇飲酒，就不斷叫我地叫，之後食到8點就話收野比埋張單我地，超趕客，仲要個時得返2，3枱客，價錢黎講，冇團購一定唔會去，食物還可以

見佢有團購，買咗嚟試，但最後用唔到，仲要買咗2套。坐低咗，佢話一定要print出嚟先可以用，因為佢冇個部QR code 機。第二，地方真係好細隔來台個背脊頂住你張台。所以最後走咗。試過其他餐廳都冇呢個問題，淨係解釋佢冇嗰部機所以一定要hard copy , 但又唔事先通知或提早打電話同我地確認，想叫佢地睇下可唔可以幫我地print 出來，唔好浪費咗張coupon，但佢又話冇printer幫我地print 出來。最後只好搵消委會幫手。

一入到去，feel到成地都係油，所以環境扣左分。我向佢地話我一位吃，佢地叫我等一下，嗰陣我見到後面有兩張二人枱，本來以為可以坐嗰張，但點知之後佢叫我搭枱。我不斷表示我想坐後面嗰張（其中一張二人枱），之後佢先話我查下有冇人有訂位。【扣分位：不清楚訂坐/留位資訊】之後佢查到一個鐘後有訂位（3個人），問完之後佢隨即問一枱客人問介唔介意我搭枱【扣分位2：有表示不願搭枱仍繼續】係我強調仲有一個鐘下，佢話：一個鐘內出唔到餐比你。【扣分位3：出餐速度】

期待了差不多近半年的德國餐廳終於開了，真是等到變長頸鹿今日先試食lunch，有黑椒汁西冷配意粉，西冷過熟，所以有少少un，另外當然要試下豬手啦，點了白豬手香腸配疏菜，白豬手同以往食開的不同，就連顏色與味道都不同，感覺似老水豬手味道叫做可以咁啦。另外餐飲咖啡淡到似水，豪無咖啡味，奶茶一般，上菜時間較長可能剛開，好多都未上手，期待慢慢有所改善，因為豬手是我至愛，又近屋企望可變做我的飯堂