德國餐廳 (寶怡花園)

營業中

休息中

諗住帶媽咪試下，點左一個德國鹹豬手，英式炸魚薯條，墨西哥香蔥芝士薄餅，落單10分中就先黎薄餅，隔了30分中都沒有食物，經查詢明白制作豬手需時，但沒想到炸魚30分中都未有，再向職員查詢，店員（應該店長）解釋因新鮮炸等等，沒有漏單，聲稱可以提供單証明有落單（態度有些差劣），由落單計，40分中左右，豬手終於到，但炸魚仍未到，當然再問豬手都到，但個魚點解仲耐既呢？職員即時黑哂面啦！聽到職員同廚房對話，出左先啦！再隔10分中，另一個職員就上炸魚，再解釋因為換油，所以咁遲，我更係叫她放低吾駛解釋喇，但她大聲，大條道理態度勁差，話要解釋番嘛！之後個店長，前來問食物如何，我沒有回應！之後她同職員閒談高呼，我地打工咋等等！但我作為消費者，需要受氣嗎？要聽呢d說話？客人會知道廚房運作？做生意是這樣？服務是這樣？兩人消費$488不是什麼一回事，體驗超不快，食物質素麻麻，但本人覺得現今點解還有這些服務態度，客人落單時，為何吾解釋要換油呢？什麼食物制作需時等等呢？

之前有個朋友帶過我去食過昭屯門新墟的德國餐廳，覺得好好多，所以想食多次果時驚覺間餐廳搬走左。今日膽粗粗自己單拖食走入呢間搬到周圍都有唔同類型餐廳的分店！呢間德國餐廳細細間，不過就勝在枱枱椅椅都大大張，坐得舒舒服服。餐廳好體貼地重有安排一個籃放在椅下，方便食客放低個袋。其實見到呢個2人餐真係好吸引...可惜我真係食唔到咁多野。於是我叫左一客咸豬手、一客栗米片同一杯野飲。首先黎到的就是墨西哥粟米片，出奇到好食的係個蕃茄醬。餐廳職員分享話個醬唔係一般茄汁，係佢地特別調配的。蕃茄醬酸甜適中，加上可以食到一粒粒的蕃茄，很有口感。這杯芝士奶蓋雪梨蜂蜜又係店員的一大推介，真的無介紹錯！雪梨蜂蜜很潤很清新！一啖奶一啖蜂蜜、一啖微咸一啖微甜，Prefect Match!!!吃德國菜如果不吃咸豬手或香腸，真的講不過去。一個人吃一隻豬手實在太誇張，所以我預早問了店員可以外帶吃淨的豬手回家！最後我別了一半，連大大枝的骨頭帶回家（豬骨可以給媽媽煲湯，正！）。餐廳很細心，會替客人預先切好豬手，不用客人辛苦的自己切。豬手香口，皮脆肉軟！點一點蜜糖芥末醬，更是開胃。最後食哂酸菜和沙律，很飽很飽。下次真的要叫多些朋友一

今日放工約咗朋友去屯門食嘢, 揀咗呢間食德國豬手我地7点就到，侍應姐姐好殷勤咁安排我地入坐，餐廳環境都好濶落，坐得都好舒適，傾下偈、飲下嘢啱哂！德國咸豬手配酸菜及薯仔沙律$218份量超級大碟，D豬皮炸到脆卜卜，肉質都好嫩同juicy，点埋佢D特製醬汁，特別好味伴碟有酸菜同沙律，酸酸地，食落唔會覺得heavy墨西哥香葱芝士薄餅$88新鮮熱辣辣，好軟熟同薄脆，D餡係薄薄嘅芝士，加埋香葱，点埋D秘製醬汁，真係又香又脆

同朋友約食飯吹下水，緊係要搵個舒舒服嘅地方，所以就揀左偏離屯門市中心嘅呢間德國餐廳試下，好彩間餐廳都唔算好難搵，輕鐵站行過去5分鐘左右，到嘅時候可能太早，除左我同朋友，都係得另一枱客。上網睇食評見大家都話呢到隻豬手好得，所以黎到點都要叫返隻嚟試下，另外就叫左個凱薩沙律同叫左個墨西哥香蔥芝士薄餅第一道上嘅就係要黎開胃嘅西班牙風乾火腿凱薩沙律，沙律份量十足，食落唔油膩，兩樣夾埋一齊食，中和一下火腿嘅咸味，整體感覺唔錯。之後到我最期待嘅豬手出場啦，除左豬手外，隔離仲有酸菜同薯仔沙律做配菜，份量十足，呢到嘅豬手真係做得唔錯，皮整到脆扑扑而唔係硬身，而且肉都整到好嫩，加上酸菜一齊食，真係食多幾件都唔怕‘漏’最後上枱嘅薄餅絕對畀到驚喜我，初初以為好普通，但食落真係要畀個讚，薄餅邊脆口，芝士餡每一塊都好多，加上少少蔥香，食落真係好滿足越夜越多客，發現大部分黎嘅客都會叫杯啤酒，但奈何第二日要返工，所以只好叫杯無酒精飲品，今次叫左杯芝士奶蓋蜂蜜綠茶，野飲普普通通，唔算特出，可能食豬手都係要配啤酒，所以我決定下次都係要叫返杯啤酒黎飲。

我知道這店開了一段時間，曾經在大角咀分店嚐過少咸豬手，吃過以後真的忘不了! 今次再來拜會，當然是記掛著美味的德國咸豬手! 餐廳磚牆的設計，有點像走進古堡，很有一種古撲懷舊的風味，我點了最愛的Eridger Weissbier ，味道真是令人懷念，二度發酵的德國白啤，滲著果香和香草的味道，帶淡然愧花的清新，很fresh的德國啤酒。72元?，很值呀!德國豬手滿溢咸香，外皮是如此香帶脆，皮下層膠質帶香草味道，軟潤豐膄，肉的結實咸香，又是如此美味，加點開胃酸菜提鮮，再點了芥醬刺激味蕾，豬手的口感和層次，實非筆墨所能形容，烤製的豬手能夠做到皮脆肉多汁，功夫真到家。口痕吧，我和友人再點了墨西哥香䈡芝士薄餅，香脆中又唔肥膩帶咸香芝味，佐以開胃醬汁，也是一道很好的佐酒小吃!很好德國美食，很值一試。

徳國餐廳大家都應該會熟悉，重要如果你中意食徳國咸豬手應該冇可能未去過，我都好耐冇食，今日突然好想食所以同朋友去左建新到食，之前唔係哩到，依家搬左黎，輕鐵落車都幾方便行5至10分鐘就到，商場既地鋪。裏面環境不錯，好舒適，都好有德國風格既裝修。除左環境服務都唔錯，店主好nice，會成日留意客人需要，岩岩好見到一枱可能就係德國人店主同佢地有講有笑又幫佢地影相好親切 啲野都好整齊同乾淨之後我地叫左2杯野飲，分別係蜂蜜綠茶同雪梨蜂蜜，杯都係凍冰冰，所以唔洗落好多冰都好好飲，配芝士奶蓋既茶真係無得頂！然後我地每人叫左一樣主菜，必食德國咸豬手、美式燒排骨豬手炸到超熱超脆口！好香，感覺好似燒肉嘅皮，但味道當然唔同，帶少少煙燻味同焦脆，肉好軟淋，咸香味一流！佢有on side German mustard，睇你中唔中意食果隻味，可點可唔點，我自己覺得有少少似wasabi既辣。仲有薯蓉同埋配菜，啖啖肉咁樣食真係好滿足。———————我係分隔線————————之後就到美式燒，好大份有成差唔多10枝骨重有啲薯條係下面。哩個排骨啲肉好嫩，水準幾好，腌料都好香，燒到岩岩好，唔會overcook，一啲都唔似出面有幾

今日去到鄰近屯門建生輕鐵站的德國餐廳食晚飯，好有驚喜既餐廳店內裝潢非常好看，很有異國風情，入到去就好似去左歐洲小島上既餐廳一樣，好快就有店員比餐牌我地睇同埋安排我地入座，店員亦好熱情同埋好歡迎我地我地先係order 左份美式燒排骨 , 黎到見到好大份 真係好抵呀 排骨既醬 酸覆甜生好開胃 另外肉味好重 亦好易切開 ,好惹味跟住我地再叫左一個德國鹹豬手配覆菜和薯仔沙律 , 又係勁大份 ! 我地兩人食 食都好飽好滿足豬手可以點兩個sauces 一個係hoeny mustard ,另一個係類似wasabi 味既醬 ,hoeny mustard 同豬手好夾 超中意點著黎食 豬手既肉有肥有吾肥 都幾平均 而塊豬手皮係好脆 我地叫左兩杯芝士奶蓋桃味綠茶同芝士奶蓋雪梨茶芝士奶蓋超creamy 好滑同好芝士 正呀 杯野飲既杯係一早雪左落雪櫃 所以成杯飲品好夠凍 夏天飲真係無得頂！食埋份量多 環境舒適 !味道質素有保證 下次會再黎

同朋友黎到屯門，依頭越黎越多餐廳，今次就試下依間少見既德國餐廳。入到去環境唔錯，幾適合三五知己食飯傾計。我地叫左芝士茶，ribs同意大利飯😛Ribsribs嘅份量都幾多，我哋三個人每人都可以食到3至4舊。另外仲有一啲嘅薯條墊底，落咗黑松露作調味，配合起上嚟都幾夾。 但係個ribs整體比較乾身，可以考慮落多啲汁。肉丸松露意大利飯意大利飯嘅份量頗多，食嘅汁都幾香濃，有忌廉同黑松露嘅味道，肉丸算係幾鬆軟而有肉汁，整體味道唔錯。芝士茶佢用嘅係特別嘅海鹽芝士奶蓋，所以飲落比較鹹同埋芝士味較淡，但係整體都係一個good try黎。

好耐冇黎過屯門呢頭，最近去行下見到好多新餐廳，而呢間睇落好似唔錯，見menu啲相都幾吸引，一於入去試下，一口氣叫咗腸，燒排骨，全部賣相都好似好正🤩芝士奶蓋蜂蜜雪梨茶杯嘢一黎到見到層奶蓋都有返咁上下厚度﹐有海鹽關係入口偏鹹，而蜂蜜雪梨茶味道同市面上賣嘅一樣，整體感覺普通德國超級香腸拼盤去德國餐廳點少得食德國腸呢？！第一樣上嘅食物就係呢個香腸拼盤，擺盤幾靚，見到賣相已經流哂口水。拼盤有四款香腸薯角酸菜同埋兩個sauce, 份量都唔少，香腸皮脆而且超級juicy!!!!  係必點菜式！Ribs +薯條Bbq醬燒排骨木板上，classic配搭。用薯條嘅舖墊可以吸收晒啲醬汁嘅諗法唔錯，今次焗出黎嘅肉有啲乾入口感覺偏硬，整體而言可以再改善整體而言係幾唔錯既一餐德國菜！會再同朋友黎過！

奶蓋真係一個熱潮，連德國餐廳都有奶蓋咖啡同埋一啲綠茶嘅飲品 ，呢到既奶蓋再打的厚一啲就完美了!睇返佢最大路既食物啦！ Parma ham salad沙律非常好味, 沙律醬既濃稠度好好，啱啱好蓋過每一片蔬菜，而parma ham係偏鹹嗰一種 ，都好美味!黎德國餐廳一定要食豬手吧！皮脆、肉爽得黎又嫩，旦和薯仔配合既沙律亦非常清新，正好減去豬手的油膩感這個墨西哥芝士pizza好薄好脆，夾住拉得到既cheese, 整體口感一流連個醬我都唔需要點就已經好美味食咁多嘢，抵啦！ 而且見門口有人排隊都唔會趕你走!

在屯門區搵食，一般都會去屯門市中心位置，但係來來去去都係一啲好公式嘅餐廳，要是想食一啲有特色或者係指定某啲國家嘅菜式就選擇唔多。今次去位於屯門寶怡花園，就有一間以德國菜為主嘅餐廳，地方環境唔算大，但係裝修上都有特色及整齊😚👍，以工業風格為主，這間餐廳屬於有誠意的設計😎餐牌方面以圖片為主，雖然同大餐廳比較，選擇不算太多，但主打德國菜式嘅亦都有齊，而且中午時段價錢十分大眾化啤酒選擇種類多元化，另外仲有一些特色飲品今次選擇德國豬手同埋風乾火腿凱撒沙律，當然德國啤酒點少得佢嘞~🍻🍻豬手外皮鬆脆😚，充滿肉汁而唔會比人感覺得好乾好似煲湯豬肉咁，值得一讚👍同埋唔會俾人死咸嘅個隻，呢一樣係十分難得，整體10分比8分。至於風乾火腿凱撒沙律，呢個係值得推介👍，整體味道配合得很好，可以一食再食😋👩‍⚖整體來講係一啲二線地區，呢間餐廳係俾人感覺到驚喜，值得再約三五知己食吓嘢，飲吓🍻🍻

今日去開屯門搵friend，夜晚7點左右一起去食飯，見到有德國餐廳就想去試下。因為係平日，所以餐廳唔多人，一入去就有得坐。餐廳環境寬敞，地板同天花都係有木既裝飾，感覺幾cozy。兩個人坐左四人枱，同間離枱之間都有幾多空位，坐得舒適唔會迫。去食德國野就點都要食下鹹豬手，叫左1個，另外叫左墨西哥粟米片，一杯棉花糖熱朱古力，一杯桃味綠茶芝士奶蓋。店員好nice，朋友唔知簡咩味既芝士奶蓋好，於是佢就推介左桃味。先講下墨西哥粟米片，賣相唔錯，有酸酸地既茄醬點，好開胃，粟米片辣辣地，脆卜卜，幾惹味。德國鹹豬手要等一陣，一上菜就心諗：嘩好大份！比想像中多肉食，唔錯！豬手已經切開左1舊舊，好方便。賣相靚，豬手皮炸到金黃色，有兩碟醬，薯仔沙津同酸菜舖係底。味道方面，豬手皮脆鹹香，肉質地岩岩好，夠稔，我鍾意芥辣醬，點左個味豐富d，朋友比較鐘意蜜糖芥末，微甜，易入口d。薯仔沙律好好味，會食唔停口，酸菜就可以解膩，唔會酸到入唔到口，幾岩我口味。食左豬手，兩個人已經飽曬，本身諗住要再叫野食，結果都唔洗啦。野飲方面，熱朱古力有燒到焦焦地既棉花糖，幾有朱古力味，唔錯。芝士奶蓋有桃既香甜，同時又好夠芝士味，配搭得宜。

我都幾鍾意飲啤酒🍻所以有時都會去德國餐廳啤一啤🥳今次係第一次幫襯這間連鎖店比較興奮的係...某些啤酒全日買一送一唔使限住happy hour 真係有啲驚喜🤣🤣🤣另一個驚喜係餐廳竟然是...lunch set同dinner set 價錢非常大眾化👏🏻有別於一般需要單點的德國餐廳🤩所以都可以考慮下唔同嘅時段食下啲set 今次始終第一次幫襯所以一定要食燒豬手😳二人份量啱啱好🤩豬手皮非常脆👍🏻豬肉非常滑，唔「鞋」囗，最緊要係唔鹹！因為一般嘅德國餐廳的豬手都食完比較「漏」，食到一半已經唔想食🤣所以我都好欣賞呢一度嘅德國豬手👏🏻👏🏻👏🏻酸菜如果可以多啲汁和份量就更好薯菜味道好好味，沙律醬啱啱好，唔「漏」！巴馬火腿凱撒沙律超好食！我同朋友都好快掃清🤩食豬手，最緊要配埋沙律就更加好味和fresh 👍🏻

好內無見嘅中學同學約食飯，大家都係屯門友，吾使出九龍拉！朋友book左係寶怡花園嘅德國餐廳，我就第一次食，吾錯喎！👍👍地方坐得舒服，慢慢食，慢慢傾，chill 呀！仲有店員服務好好，坐得內都完全無問題👍👍一人點一樣main course😉朋友點左全隻燒春雞，事關佢覺得好好食，食左好多次😂😂法國燒春雞果然正👍👍外皮好香，一點都不肥，肉質嫩滑 juicy 連雞胸都滑，伴籃仲有很多薯角，又香又脆，2個大男人都夠食🤣🤣我就鐘愛卡幫尼意粉，地盤佬份量啱晒我哋兩個男人😂😂😂好多Parma ham ，當然唔少得煙肉同蘑菇啦，特別欣賞佢嘅醬汁，黏稠得來又唔會漏，應該加咗芝士，好正👍👍估你唔到，有芝士奶蓋系列😬😬試吓個朱古力奶蓋先，奶蓋鹹鹹地芝士味好重，配朱古力底是不錯的選擇！朋友冇介紹錯，不錯的餐廳👍👍坐足三個鐘😂😂

寶怡花園自成一閣，食肆特別多，而且都很多選擇擇，西餐來講，我同老公最愛呢間 德國餐廳🤭🤭店舖吾算大，街坊生意為主！亦都因為店員非常之Nice，感覺好親切!!👍👍啱啱有枱客打爛碟，店員衝過去，問有無整親小朋友x3⃣️😍😍裝修簡簡單單，別樹一格，6㸃食早飯😂😂感覺都幾舒服😌德國🇩🇪菜就必定要叫炸🐷手拉，好大碟，表皮脆卜卜，切得細細舊，好细心，火候剛好，肉質稔軟，好多骨膠原呀😍😍塊塊都好脆，點埋介茉，正！連配菜都好好味，薯仔沙律新鮮，可以夾住肉來食，中和下👍👍酸菜好醒胃不慚為招牌菜😌😌卡邦尼意粉又幾足料喎，而且大大碟，creamy 得來又吾會膩，食停口，加上蘑菇、煙肉増加口感😆😆估吾到西餐都有芝士奶蓋飲🤭🤭拍得住茶飲店呢，跟住潮流走👍👍👍幾間分店有原因😏😏