德國餐廳 (寶怡花園)

營業中

休息中

喺屯門良德街出咗名多嘢食附近怡寶花園入面就開咗一間德國餐廳《Das Bier》呢間德國餐廳開業唔係好耐本身亦有好多間分店質素就當然有保證啦食德國嘢又點少得德國香腸呢一個德國香腸拼盤裏面包含咗四款香腸有牛肉腸 豬肉腸 扭紋腸 同埋香辣味香腸香腸外層脆皮夠脆我就最鍾意呢款香辣味香腸又夠肉汁 而且又惹味拼盤除咗香腸之外仲有酸椰菜同埋炸薯條酸椰菜可以中和肉類嘅油膩感除咗香腸拼盤之外 仲叫咗美式燒排骨呢度嘅燒排骨賣相滿分揸上特製濃郁嘅bbq sauceBbq汁酸得來帶一點甜味 美味又開胃排骨嘅肉質亦相當嫩滑我最怕燒排骨煮嘅時候烚得太耐令肉嘅質感變成湯渣一樣呢度嘅燒排骨絕對冇呢個問題食起來又juicy 又有肉味另外亦叫咗季節限定 0.5 kg藍青口藍青口首要條件係要新鮮呢度嘅藍青口並唔係用急凍貨色藍青口煮嘅時間拿捏得剛剛好青口肉保持彈牙嫩滑最讚嘅係個忌廉汁用咗洋蔥 牛油同多款香料嚟煮忌廉汁夠creamy記得唔好嘥用來點蒜蓉包另外亦叫咗一杯芝士奶蓋蜂蜜綠茶芝士奶蓋用咗紐西蘭anchor芝士加入咗少少海鹽來調味入口軟滑細緻配埋蜂蜜綠茶 既清新又特別呢間德國餐廳價錢大眾化最適合一家大細嚟開餐

和老婆一齊去食午餐， 選擇了附近呢間德國餐廳， 選擇唔多， 得幾款選擇， 但勝在味道好， 意粉有咬勁， 肉類夠入味。 環境方面，餐廳店面不大， 得幾張枱， 但係服務質素不錯， 可以去多幾次。

餐廳位於住宅區中，主打德國菜，亦有各款西式餐點。環境都算舒適，有小酒吧，可以點特色啤酒，又有電視睇，幾適合三五知己黎吹水。食物份量多，非常方便share，可以多食幾款菜式。叫左法式燒春雞($148)，香草醬煙三文魚意粉($128)。餐廳用左個大籃裝住香噴噴既燒春雞，而且非常細心，將隻雞斬開細細件，等食客唔駛自己撕開。雞脾同雞翼位既肉好滑，仲保留住肉汁。雞胸肉質地都唔錯，點埋番茄醬或者蜜糖芥末醬(?)就更加滋味。配菜仲有炸薯條同埋特色酸菜，一啖雞肉，一啖小食，好快就食飽。煙三文魚意粉賣相好吸引，每條意粉都沾滿香草醬，好柔順。煙三文魚有五大片，唔會太咸，撈埋香草醬汁，味道會再均勻一點。入面仲有大量番茄同蔬菜粒，增添口感之餘，又有營養。

德國菜一向俾人好高檔嘅感覺，而且價錢又有少少高，所以平時唔多食。今日難得同老朋友聚會，就黎咗位於屯門嘅德國餐廳試下。餐廳裝修簡約，冇想像中咁車華，有平易近人嘅感覺。德國菜最出名嘅係鹹豬手，於是我地點咗廚師推介嘅德國鹹豬手配酸菜及薯仔沙律($208)。豬手係先用香料浸3個鐘，再係特製嘅風爐風乾，確保冇多餘嘅油份同水份，最後放係烤爐到烤。以切開嘅形式上碟，唔洗客人切得手忙腳亂。先試皮嘅部分，果然脆得黎又唔膩。肉嘅部分非常香軟，入味之餘又唔會過鹹，而且一啲都唔蘇，點上蜜糖芥末更加將味道升華。旁邊配上酸菜同薯仔沙律，可以解膩。我地都點咗小食墨西哥粟米片($52)，脆身，再配上濃濃嘅蕃茄醬，一邊睇電視一邊送啤酒就一流喇~

今日喺屯門探完朋友，臨走發現呢度竟然有一間德國餐廳，望落門面非常企理得嚟價錢又唔會話好貴，咁就入咗嚟試下。首先嚟嘅係芝士奶蓋系列，味道揀咗蜂蜜綠茶味，甘甜嘅蜂蜜綠茶做base，海鹽芝士奶蓋由100% 紐西蘭牛奶新鮮製造，奶味香濃，口感順滑綿厚。藍青口（0.5kg），藍青口個忌廉汁相當creamy，上到枱都仲係熱辣辣，食海鮮最緊要就係夠熱，滿滿嘅一大盤，份量都唔少，兩個人揀（0.5kg）都好夠食，食剩啲汁如果有個意粉撈吓咁就無敵喇。德國香腸併盤，除咗豬手之外，食香腸拼盤都係嚟德國餐廳嘅指定動作，嚟到呢度都唔例外， 併盤一共有三款德國腸，三款都各有特色，可以用嚟配襯隨附嘅茄汁同埋芥辣。估唔到良德街都有一間咁高質素嘅德國餐廳，記謹個藍青口係必試嘅項目啊。

呢排成日要去屯門 終於可以約屯門既朋友食餐飯😆德國鹹豬手配酸菜及薯仔沙律 呢個好食 份量又多 係必試👍鹹豬手外皮香脆 肉質軟彈 味道鹹鹹地 可再點上honey mustard 醬調下味都唔錯而酸菜都唔錯 酸酸地 中和返鹹豬手既鹹🤣香草煙三文魚意大利粉而呢個意粉都好味 係我今餐最鐘意既其中一款😍香草醬汁味道清清地 唔會太膩 而意粉又係我鐘意既個種 質感偏硬 好驚喜頂級安格斯肉眼扒原本叫左五成熟 但出到黎有啲生 店員都好好人幫我地煎多次👍雖然呢塊扒都有啲肥膏 但肉質都算唔錯 食到肉味最後仲點左兩杯飲品Hoegaarden rose 唔單止顏色靚 味道都好清新 係一款易入口既酒😍 Apple cider with cheese foam 都好吸引 飲酒有奶蓋🧐佢既奶蓋似乳酪味 同Apple cider 隻味都幾夾😋

平時好少過嚟屯門，今日難得過嚟呢一頭，所以決定搵間特色餐廳試下！呢間餐廳佈置簡單溫馨，主打德國菜，吸引我哋決定一試😝.《德國鹹豬手配酸菜及薯仔沙律》必試。鹹豬手外皮香脆，肉質香軟，配上酸酸甜甜嘅honey mustard，令人食唔停口👍🏻 佐以酸菜薯仔沙律，呢兩樣清新嘅配菜又可以減低食肉嘅油膩感！.《香草醬煙三文魚意粉》醬汁令人驚喜！清新嘅醬汁同濃郁鹹香嘅三文魚，配上al dente嘅意粉，都得到我哋一致嘅歡心！.《香蔥芝士焗薯條》趁熱食可以做到拉芝效果，薯條偏軟身，香蔥芝士呢個配搭值得加分。.《安格斯肉眼扒》一開始我哋要咗五成熟，但係點知比預期中生咗少少，不過餐廳都好好，肯幫我地煮返熟啲，再擺靚個盤💕.《芝士奶蓋蘋果酒特飲》奶蓋嘅味道似yoghurt，加埋apple cider，都幾特別！.《Hoegarden rose》無論係個名同顏色都好吸引啊，而味道都相當不俗呢，又易入口，推介！

身為屯門人話你知: 如果龍門居係掃街之選, 建生一定係你既晚餐之選!建生入面有好多唔同既餐廳, 平同貴, 中同西, 連鎖同小店都有! 今日就介紹新開既德國餐廳比大家認識認識!餐廳夠大, 唔會迫, D位又舒服, 非常岩一大班人係度飲酒傾計!另外menu既選擇都好多, 即使你怕熱氣唔食豬手都好, 都有D扒類比你揀, 梗有一種岩你心意今次我地4個人, 叫左4樣野share, 大家都唔算大食, 所以岩岩夠飽, 唔會太多~難得地, 4樣野食都好岩我地胃口, 都覺得要推薦比大家試下!1. 凱撒沙律($128), 都幾大份下, 我地4個人分都可以一人分到一大碟! 味道方面呢, 真係用左凱撒沙律醬, 而唔係普通沙律醬, 所以個感覺輕身好多, 唔會好"杰"! 上面既西班牙火腿都唔錯, 應該大約有6片啦, 唔會太咸, 就咁食都OK, 加埋D沙律一齊食就仲正啦!2. 芝士薄餅 ($88), 睇圖就會發現佢有拉芝既效果嫁簡簡單單既一個菜式, 因為芝士夠香夠好味, 所以已經好好味! 搞到我想買D材料返屋企自己整tim!3. 輕盈炸豬手($208), 點解話佢輕盈? 因為佢烤到岩岩好, 入面既脂粉烤到咬落唔會油淋

同老公撐枱腳，本來卜左元朗餐廳，但臨時先收到電話話餐廳前日已經冇左😑 (但openrice顯示仲係營業中)，要去到屯門分店，預左食豬手就照去吧。去到屯門德國餐廳竟然見到有新出既奶蓋Apple cider，酒都可以芝士奶蓋🤣 即刻叫杯黎試飲，又唔錯喎!! 當然仲有必食既脆卜卜既德國咸豬手仲有芝士墨西哥薄餅，好薄好脆同最愛既卡邦尼意粉，醬汁超濃樣樣都勁好味呀，好滿足既一餐😋唔知點解元朗2間分店都冇晒，希望老闆見到快啲係元朗開返啦，否則就要去其他區既分店先食到。

因為德國餐廳有多間分店, 所以早幾年我已試過元朗店, 感覺雖不太好坐, 但食物不錯而且價錢相對同類型餐廳便宜!今日剛好經過建生探婆婆, 跟家人一齊帶她到樓下晚飯, 發現了新開了一間德國餐廳, 座位又夠舒適, 可以帶婆婆試試呢~因為婆婆對芝士XX興趣不大, 所以放棄了芝士火鍋, 為她點了德國名物: 炸豬手!西班牙風乾火腿配凱撒沙律《$128》※ 推薦指數: 5/5媽媽是沙律愛好者(食自助餐一定先食沙律!) 對此沙律, 她讚口不絕! 沙律菜爽甜, 沙律醬帶酸, 味道清新, 而西班牙風乾火腿數量都很多, 加上芝士粉, 真的是一流!墨西哥香蔥芝士薄餅《$88》※ 推薦指數: 4/5看起來平平無奇, 實際味道會令人驚艷呢~墨西哥夾餅中簡單地加了點芝士, 但因為芝士的味道很香, 帶了點羊奶味, 又不會太俗, 值得一試而缺點是真的不太能食到香蔥的味道呢德國咸豬手配酸菜及薯仔沙律《$208》※ 推薦指數: 4/5首先感覺是: 為什麼皮還皮, 肉還肉的呢? 雖然切法不太好, 但味道則不錯! 每片豬皮都很香脆, 不會帶有太多的油脂, 而肉又不會過咸~值得一讚的是, 芥辣有兩款, 一款偏甜, 一款偏辣, 一

咁啱今日係屯門收工 就去咗搵住係屯門嘅朋友食晚飯 佢就介紹咗去寶田附近新開嘅德國餐廳食 餐廳環境都幾闊絡 又有啲音樂聽下 都幾寫意叫咗個香蔥芝士薯條做前菜 薯條同芝士嘅份量都唔少 整體好香 薯仔嘅份量都好足 仲有滿滿嘅拉芝意粉叫咗個香草煙三文魚意大利粉 佢係我最鐘意嘅其中一份食物 首先佢香草醬味道唔太濃 清清地卻又帶點香味 配埋炒過嘅翠肉瓜 味道好好食 而佢嘅意粉係偏硬身嘅 軟硬度適中 好啱我口味 主菜叫咗德國鹹豬手同煎西冷牛扒五成熟佢嘅豬手幾唔錯 鹼豬手味道夠 份量多 炸得香脆 整體唔錯 豬手肉亦乾身冇太多肥膏 仲配有微甜嘅芥末醬同較辣嘅芥末裝揀牛扒肥脂比較多 不過佢都煎得還好 食得到佢嘅肉味 佢嘅薯角較為香口 都幾好食飲品叫咗杯Hoegaarden Rose 同奶蓋apple cider hoegaarden rose 幾有酒味 但又帶點甜味同埋幾清新而佢嘅奶蓋都幾多 同台式飲品嘅奶蓋味道有啲差別 配埋apple cider 飲幾特別

屯門一直給人印象都是不會有太多好西食，但其實愈多愈多特色餐廳都會在租金較低的新界區開餐廳，這裡是其中一個例子。旁邊是一間較舊的商場，令這家餐廳門面非常突出，很有新潮及異國風情。裡面的裝修都非常新，光猛得來又有足夠空間，很適合三五好友聚餐。坐下以後，發現餐點單點雖然談不上超級相宜，但套餐的價格都非常吸引，完全affordable。但最重要的都是食物質素。我和友人點了兩道菜。第一道是德國白豬手($208)。有一條長腸、蘿蔔絲及薯仔做伴菜，不會覺得單調。主角豬手肉質鮮嫩，滿是肉汁，不會熱氣，又夠入味。這跟港人常見的炸豬手或咸豬手的味道很不同，值得一試。第二道菜是德國肉丸黑松露燴飯($138)。調味很足夠，鹹香味很重，黑松露味亦很出，又很天然。最重要是飯粒硬度剛剛好，火喉掌握得不錯。我們還點了兩杯飲品，是芝士奶蓋Applecider和Hoegarden Rose。Applecider加了奶味非常重的奶蓋原來非常相配。Hoegarden Rose是on tap的，有很濃厚的泡沫，感覺新鮮多了。

上完朋友屋企，朋友提議一齊食晚餐，之後帶路黎左呢間叫DAS BIER既德國餐廳，門口睇落普普通通，不過入面坐得幾舒服呢排做緊個晚市套餐，$368有齊豬手腸仔墨西哥粟米片，再送多兩杯啤酒，不過朋友嫌腸仔唔飽肚，冇叫到餐牌選擇唔算多，不過基本豬手腸仔燒排骨呢d必食德國菜都有齊首先係豬手，齋望就覺得好大件！！一切落去已經聽到個皮有幾咁脆。放埋入口，d肉唔會燒到好老好實，重保持到d肉汁係入面之後叫左春雞，唔小心成舊放左入口，熱到辣親條俐不過d肉好嫩，下面重有好多薯角，超級抵食最尾叫埋個芝士焗薯條，d芝士好足料，拉到成尺長都唔斷，d薯條上碟果陣重好鬼死脆唔係太飽既話會叫埋呢個青口，店員話都好受歡迎

大埔Das Bier皮脆肉嫩的豬手，令我一試難忘!今晚和幾位朋友來到屯門區，正為今晚的晚餐而煩惱。被那閃閃發光的佈置吸引了，再細看清楚原來就是Das Bier的分店。立即推薦友人嘗試一下，今晚就德國菜吧!先來吃2個德國菜必吃的菜式：德國鹹豬手配酸菜及薯仔沙津$208原隻已拆肉的鹹豬手，一份份豬手肉排好，只看外皮金黃的顏色，就已經知道很脆，一陣陣香味傳出來，如果以大埔主店來作對比，肉質稍為乾身了一點，但配上芥末醬來吃，味道恰好，而且減少了油膩感。德國超級香腸拼盆$188熱辣辣的德國腸永遠都是必食的選擇，皮夠薄脆，各種不同尺寸大小、顏色深淺、口味的香腸，有的是香辣味，香味可口!份量十足!芝士奶蓋蘋果酒特飲$62這個特飲真的要一讚，芝士奶蓋香又濃，豐厚的泡沫，啖啖芝士香味，幼滑口感，帶小許鹹味，再加上Somerbsy Apple cider蘋果的香甜帶點酒香，有層次的特飲!!非常好味道!英式炸魚薯條$138英式炸魚造得不錯喔～粉漿弄得鬆脆，炸的時間剛好，令內裏的魚肉保存了肉汁，另外薯條是粗條的，也是我的至愛!美式燒排骨$198美國頂級黑安格斯肉眼朳10oz $280

尋找屋邨隱世德國餐廳啊！上網見人地讚Das Bier好味，特登約朋友來覓食，唔係住呢頭，真係唔知呢度有好嘢食。好彩門口好大隻字寫住「德國餐廳」， 終於搵到你喇！餐牌好大個，圖文並茂，分門別類，非常簡潔。睇相覺得份量都幾大碟，問咗職員係咪全部都好大份，佢建議我哋兩個人share一個主菜，應該都夠飽。見其他人飲杯啤酒傾計好happy, 可惜我哋唔飲酒，鍾意摸下杯底吹水嘅人，嚟呢度食嘢就啱喇。座位非常舒適，好寬鬆，沒有壓迫感。聖誕裝飾加上紅磚牆，感覺好溫馨。西班牙風乾火腿配凱撒沙律$128,都算大碟， 西班牙風乾火腿分量都幾多，平時買包裝即食的都貴，一包只有幾片已經要四十蚊左右，未見過沙律用木盤上，厲害！沙律菜新鮮，灑上芝士粉，味道更香濃。西班牙風乾火腿，本身帶鹹味，加上煙韌有嚼勁，越食越香！下次可以點佢嘅小食，有淨西班牙風乾火腿，咁就唔使食咁多沙律菜，食肉獸還是喜歡吃肉。藍青口1/2 kg, $118,原來份量都唔少， 又係用一個大鍋裝上，下底還有白汁。最初都驚白汁煮會唔會好快滯，但又唔會喎，原來係藍青口肉唔算大粒， 質感非常軟滑，又香又有海水味，估唔到白汁都冇掩蓋到藍青口肉嘅新鮮，超正！