更多
2019-01-04
915 瀏覽
尋找屋邨隱世德國餐廳啊!上網見人地讚Das Bier好味,特登約朋友來覓食,唔係住呢頭,真係唔知呢度有好嘢食。好彩門口好大隻字寫住「德國餐廳」, 終於搵到你喇!餐牌好大個,圖文並茂,分門別類,非常簡潔。睇相覺得份量都幾大碟,問咗職員係咪全部都好大份,佢建議我哋兩個人share一個主菜,應該都夠飽。見其他人飲杯啤酒傾計好happy, 可惜我哋唔飲酒,鍾意摸下杯底吹水嘅人,嚟呢度食嘢就啱喇。座位非常舒適,好寬鬆,沒有壓迫感。聖誕裝飾加上紅磚牆,感覺好溫馨。西班牙風乾火腿配凱撒沙律$128,都算大碟, 西班牙風乾火腿分量都幾多,平時買包裝即食的都貴,一包只有幾片已經要四十蚊左右,未見過沙律用木盤上,厲害!沙律菜新鮮,灑上芝士粉,味道更香濃。西班牙風乾火腿,本身帶鹹味,加上煙韌有嚼勁,越食越香!下次可以點佢嘅小食,有淨西班牙風乾火腿,咁就唔使食咁多沙律菜,食肉獸還是喜歡吃肉。藍青口1/2 kg, $118,原來份量都唔少, 又係用一個大鍋裝上,下底還有白汁。最初都驚白汁煮會唔會好快滯,但又唔會喎,原來係藍青口肉唔算大粒, 質感非常軟滑,又香又有海水味,估唔到白汁都冇掩蓋到藍青口肉嘅新鮮,超正!
好彩門口好大隻字寫住「德國餐廳」, 終於搵到你喇!
餐牌好大個,圖文並茂,分門別類,非常簡潔。
睇相覺得份量都幾大碟,問咗職員係咪全部都好大份,佢建議我哋兩個人share一個主菜,應該都夠飽。
見其他人飲杯啤酒傾計好happy, 可惜我哋唔飲酒,鍾意摸下杯底吹水嘅人,嚟呢度食嘢就啱喇。
座位非常舒適,好寬鬆,沒有壓迫感。聖誕裝飾加上紅磚牆,感覺好溫馨。
西班牙風乾火腿配凱撒沙律$128,都算大碟, 西班牙風乾火腿分量都幾多,平時買包裝即食的都貴,一包只有幾片已經要四十蚊左右,未見過沙律用木盤上,厲害!
沙律菜新鮮,灑上芝士粉,味道更香濃。西班牙風乾火腿,本身帶鹹味,加上煙韌有嚼勁,越食越香!下次可以點佢嘅小食,有淨西班牙風乾火腿,咁就唔使食咁多沙律菜,食肉獸還是喜歡吃肉。
藍青口1/2 kg, $118,原來份量都唔少, 又係用一個大鍋裝上,下底還有白汁。
最初都驚白汁煮會唔會好快滯,但又唔會喎,原來係藍青口肉唔算大粒, 質感非常軟滑,又香又有海水味,估唔到白汁都冇掩蓋到藍青口肉嘅新鮮,超正!推介一定要食!最初都驚食唔曬,但原來只會越食越想食,下次兩個人食一定要叫1kg。
烤斧頭一字牛肋骨,我哋嘅主菜終於到啦!好期待呢嚿肉,原來真係好大份,職員冇呃我哋!雖然佢有一大條骨,但係可以食嘅肉都唔少,職員提我們,記得一定要食埋個蒜頭,好正的!
又真係喎!未試過原個蒜頭焗嚟食,比生蒜冇咁辣,但係中間未熟透的有輕微辣。加咗香草在蒜頭上面烤,又有一陣香口味,原來蒜頭就咁考嚟食都幾正。
牛肋骨切開見到咁生,問職員係咪可以再煮熟啲,佢話叫我哋試下先,呢個熟度是廚師悉心泡製的,因為牛肉唔洗太熟。 又講得啱喎,食落仲好有肉汁,又唔會覺得生。灑了香草烤,味道非常香。不過見到骨同肉之間好多筋,因為肋骨部位是一定有筋的,如果喜歡啖啖肉的話,應該食西冷扒,不過平時都係食豬肋骨,牛肋骨仲要咁大舊真係第一次,今次試過都覺得幾特別嘅。原來製作過程都幾煩覆,要醃六至八個鐘,賣曬就冇,今次食到都是口福呢。
兩個人雖然只係食左三樣野,已經夠飽了,因為每碟食物都大份,真係要揾人share先食得到多兩款。隱世德國餐廳,也不枉我們特登來食。
張貼