德國餐廳 (寶怡花園)

營業中

休息中

平時都會成日落食午餐set，今晚朋友約食飯，一於去呢到嘆豬手先。炸德國鹹豬手就食得多，店員介紹我地試下傳統德國白豬手，同一個價錢分量大好多。食肉獸嘅我哋仲嗌多左份法式燒春雞。原隻白豬手分量十足，煮到好淋嘅豬皮包住厚厚嘅肉，一啖有齊雙重口感，好有滿足感！味道亦都好好。鹹鹹地，唔會好漏。另外有薯角同芥末薯仔沙律做配菜。到燒春雞(全隻）啦，醃得幾入味。而雞肉嘅肉質嫩滑。呢間餐廳仲有其他唔同款嘅德國菜，下次再試其他先。

係盈豐買嘢先發現開左間德國餐廳。裝修簡潔舒服，仲有BB椅提供。嗌左德國餐必食腸仔😋+黑啤。另外仲點左個黑松露燴飯俾小朋友。腸仔冇得輸呀，一咬落去有肉汁好香。配黑啤一流！旁邊有薯角做配菜，雖然係配菜，但一啲都唔馬虎，炸得外脆內軟。酸菜沙律可以中和肥膩感。燴飯松露味唔會太濃，適合未試過松露嘅家人。飯質煮得軟硬適中，入面仲有肉丸同菇類，口感唔錯。最後點左杯朱古力芝士奶蓋，估唔到有驚喜。奶蓋有淡淡芝士嘅鹹香味，配合埋朱古力好夾。值得一提嘅係店員好有禮貌同好親切，令呢一餐飯加分不少。

寶怡雖然只係一個小屋苑 不過都有好多餐廳可惜嘅係大部分都係連鎖🙈週日晏晝落樓覓食 估唔到呢間都有lunch set見價錢好抵咁就決定食佢喇點幾去到可以即刻入座連德國餐廳都要出芝士奶蓋😂😂😂✨蔥油雞扒意粉 $48蔥油味好香 雞扒都keep住juicy同嫩嘅筆者最鍾意嘅係佢嘅意粉 因為個口感真係控制到好好✨炸魚薯條 $46雖然得一嚿魚 但個量算對得住個價錢不過味道屬正常 無咩特別總結嚟講 食物同環境都幾好加埋一百零蚊同茶記差不多性價比嚟講都幾高 推薦大家去食午餐😉

在屯門找德國菜自然就會想到這間叫das bier德國餐廳，前身在何褔堂已一段時間，今日朋友話想找個輕鬆的環境小酌，就過來食小食加飲啤酒，朋友第一次來這家，都講這裡都坐位都幾大而且空間感十足，唔會覺得迫，我地叫了一個小食再加一個薄餅配飲品，坐下傾下都唔錯，原來這裡仲有豬手晚餐選擇，可以下次再同朋友來吃而且價錢都不貴。首先來的是前菜意大利巴馬風乾火腿，火腿甘香又有咬口好味而佢再加上青瓜酸酸地好開胃。香蔥芝士薄餅配醬，咬落去脆脆有口感，帶有少許蔥味和芝士香，沾上醬後味道更香很配搭。當然來到德國餐廳當然要飲啤酒啦而不飲酒的朋友都有其他選擇，暢談的地方的確不錯。大合照

我同個朋友好耐無聚，都係鐘意啤啤佢，嗰日無心插柳搵咗呢間德國嘢，因為近我屋企，又有來路啤酒飲。我地叫咗個Dar Bier Lager ，知道係德國嘢，但未飲過，整番杯，真係另捨唔同，D啤酒味好濃，有D苦，但苦得來順喉怡人，好正的德國啤酒嚟多杯先夠喉，飲過呢D咁正啤酒，青X，生X真係行埋一邊!我覺得德國咸豬手真係好正，烤到D皮帶脆，D肉又滑又有汁有香草味又咸香，加D蜜糖芥茉汁，好提味，食埋D酸菜會好開胃，薯䈶口感又細滑，超正! 那燒肋排，很香很Juicy，實在香，那燒汁很好吃，甜甜地，做得唔錯，好配合，加埋D即炸薯條，我真係唔怕肥，食了先算!另外的西班牙火腿很香很有咸香，佐啤酒定是非常一流的美味! 呢間野水準好好，係用心做，啤酒正，菜式正，價錢係中位，但水準符合呢個價。

最近少寫了食評，但因為呢度D野食同啤酒好好食，我都要讚下。其實我黎呢度，好大程度係為咗D靚啤酒而來! 屯門區德式餐廳好少有，所以我係同朋友特登嚟試，為咗飲啤酒而來的! 我叫咗杯Somersby，帶有蘋果汁的啤酒，夠晒冰凍，呢款啤酒味係無甘濃烈，淡雅D，飲落好清新，係賣飛佛! 朋友係酒鬼一名，叫咗杯Dar Bier Lager，啤酒的槐花味好濃烈，係幾苦嘅啤酒，好啱男人老狗飲，不過我對果味啤有偏好，都叫咗幾round Somersby。我地叫咗D送酒美食，啖啖烤肉送酒一定Perfect，無叫德國咸豬手，反而愛食美式燒排骨，D烤肉好入味，有肉汁，有骨嚼下，食得好爽，送啤酒堅正。另外巴馬成咸火腿，好食唔係一味死咸，肉味好好，貴價貨嚟，食落真係好食，原來送啤酒又係妙品! 重有叫咗咩芝士蔥薄餅，我鐘意佢夠薄夠脆，重有拉狀芝士和蔥香，好芝味。

早排突然想食下德國野，但大型果d又好貴，最後誤打誤撞搵到原來屯門有間收收埋埋嘅！舖頭唔算太大，但裝潢環境都叫做比到人一個舒適嘅感覺！雖然話德國野要配啤酒先係絕配，但本人唔多飲得，最後都係叫左d傳統德式食物算。首先係德國香腸拼盤($162)，總共有四款腸，份量都幾足，味道唔錯，另外同碟仲有薯角加上德國菜必有嘅酸菜，成味菜都好balance講德國野點可以無豬手？呢度係跟兩個醬，普通黃芥末醬同蜜糖芥末醬，兩個醬都有解膩嘅感覺。豬手外皮香脆，肉都好厚又juicy。季節限定忌廉藍青口，雖然每一隻都唔算好大舊肉，但好似食極都食唔完，拎起哂d殼都仲有好多肉喺底，青口同忌廉又幾夾，自問大食嘅可以叫大一個size，我今次叫左細size

今日朋友捉了我去了一間食豬手的餐廳，裝潢好靚，仲有個好大的掛燈同磚柱都幾特別。餐牌都幾多食物，而朋友就發板叫了不少食物，食物質素的確不錯，而且都幾大份。美國燒排骨下面仲有薯條，薯條夠脆口之餘配上燒汁醬好味又增添惹味，排骨燒得不錯醬汁不太咸又入味，啖啖豬肉香惹味。我們叫了啤酒要了蘋果味又清甜帶少少啤酒味，主菜豬手切好，而邊位仲有最愛的酸菜，豬手面好脆口，而入面肉都幾嫩滑，少少咸香同豬肉香味濃，酸菜夠酸好開胃。最後就叫了個脆口的薄餅配醬料，一起食都幾好。其實這裡飲品選擇不少，仲有芝士奶蓋，下次再約朋友來吃時試飲先。

平時都周圍去食西餐，今次好想食豬手，所以就去左一間德國餐廳，呢間餐廳裝修都幾靚，燈光又幾好，都幾好氣氛！坐得又夠舒服，唔會太逼！講返野食先，德國香腸併盤($162)，腸幾juicy，有四款德國腸，一啲都唔乾，煎得剛剛好，唔錯唔錯！仲有啲酸菜解解油膩感！薯角熱辣辣，好脆好香口！傳統德國白豬手($218)，次次去親德國餐廳都必點豬手，今次都唔例外，呢間唔係配黑椒汁，而係配芥末醬同蜜糖芥末醬，兩種選擇。豬手份量都算多，兩個人食都好夠飽。最後季節限定嘅藍青口（0.5kg $138)，呢個好好食，雖然細細粒，但份量好多，好好食，好甜個汁又好味，早知叫1kg啦～雖然呢間係同區黎講價錢都算偏貴，但質素都唔錯嫁！

之前經過見到呢間德國餐廳開咗咁耐其實已經想試！今日搵阿哥幫手，一於請佢食飯啦！而佢又想食呢間所以就黎試下！嗌咗兩個Brunch set +阿哥就嗌咗呢個全日早餐+$30 Draft beer好似有四款腸，其中好似有款有芝士係入邊都幾好食好耐冇飲嘅生啤Erdinger 黑啤！天氣熱飲透心涼！我就嗌咗個海鮮意粉，啲麵質好林！又冇乜咩海鮮🦞！餐飲跟咗杯熱咖啡 又麻麻地，以為糖同奶自己落添，不過算啦一分錢一分貨！同埋個別有啲食評話提及啦，服務真係有進步空間！買單加埋$165

做完嘢咁啱係屯門附近，就走咗去醫肚！12點度未係好多人，午餐牌啱啱棟岀黎，見價錢幾平就入咗去坐低咗！Lunch set 都有唔同風格，沙律，粉飯，扒類都有，仲包嘢飲！牛扒：煎得頗熟，但唔韌，味道ok，又有菜，意粉or 飯揀！菜都頗多，食完都頗飽！Fish and chips: 魚好滑，炸粉有小厚，食多幾啖有小油，但接受得到，薯菜量好多，食完好飽！總括黎講，嘢食唔係最好食，但過得去！勝在坐得都舒服，又好抵食，姐姐服務都幾熱情！

第一次來德國餐廳😎😎😁服務超級好～姐姐有禮貌～餐廳坐位舒適～不會太迫👍食物好有質數～上菜亦快🙌豬手係必點～皮十分脆肉好淋～夠大隻～十個讚😍😍😍腸仔拼盤～份量好足～幾種不同口味～最後食唔哂～可以拎返屋企芝士薄餅～比想像中更好味～可以拉出芝士👍👍牛扒餐超抵～88蚊可配飯或意粉～份量亦不小啤酒～選擇亦多有做優惠～買一送一今次飲左黑啤～夠凍夠濃～good.. 黎聚會～傾計又可以多一個選擇啦🤭yeah

今日去屯門探完長輩，係佢屋企樓下食晚餐。由放鍾意食豬手，叫左個豬手加薄餅試下。D豬手皮脆肉嫩，幾好味，不過價錢就貴左D，薄餅就真係好食，新鮮又脆，有芝士同香蔥味，值得推介。

小妹同兩位朋友今晚來到這間德國菜餐廳。因為假日關係，餐廳只有正餐牌!(聽聞平日時間有$368的餐，有咸豬手、腸等等，很抵食。)我們決定叫一隻咸豬手和一客豬肋骨 Share。餐牌上，可以看到有兩款咸豬手。店員解說一款為蒸，另一款是炸的! 炸的比較香口。店員沒有介紹錯，炸的豬手口感豐富!皮脆肉軟，連肥膏也不會韌。豬手配上蜜糖芥末醬及加上酸菜，非常開胃。餐廳亦很細心預早將豬手切條，方便我們食用。而美式燒肋骨也很美感!肋骨肉燒得十分香軟入味，配上薯條份量十足，我們每人吃了3-4枝肋骨。再加上豬手的薯蓉打底，我們三個女仔也食得飽飽的。食左咁多肉，我便選了一杯熱薑蜜，味道有薑味，也不失蜜糖的甜味，很岩飲！對喉嚨也可以舒服些呢！整體來說，這個晚餐物有所值。坐得也很舒適。座位大大張的，椅下更有可以放置物品的箱子，方便客人。因為座位不多，建議大家早點去餐廳，免卻等位時間。

預早同父親大人食父親節飯，由於假日關係都怕人多，所以都會預早訂檯，而負責留位的侍應話早15分鐘到，所以我們都早15分鐘到。結果就真係一肚氣！咩services?成場得返兩張4人檯同一張3人檯，我地一行6個人，無可能坐到呢個位，原來餐廳將我地訂左的檯俾左walk-in!檯walk-in唔肯轉位！侍應強行將一張係門口的4人檯變左6人檯，其實咁做係好逼同埋阻住路口，佢地自己又危險我地又唔舒服都唔明點解訂左檯都可以俾左人！之後我地有人話算啦，照坐，個侍應話有檯就俾我地，仲俾左幾杯可樂我地飲，條氣係順返少少，點知到真係有檯的時候講要等佢地arrange因為有人訂左檯！即刻問佢家陣我無訂檯？真係嬲到爆！訂左同無訂係無分別囉！到佢地老闆出黎先俾我地坐過去！其實都已經一肚氣！介紹下食物食德國菜不得不點豬手，隻豬手都好脆，酸椰菜夠多，我最鍾意！餐廳會切左一件件先上檯，呢樣可以讚下！薯仔沙律的蛋黃醬都甜甜地！係可以的！德國香腸係另一必點，份量剛好6個人，唔太咸，長果條係會爆芝士的！但唯一不足係個芥茉醬好似溝左水，好稀！燒春雞好老，呢個菜可以唔點，真係唔好食肉丸松露意大利飯的松露味都算足，唔會太滯，整體黎講