德國餐廳 (寶怡花園)

營業中

休息中

有天去開屯門就搵個朋友tea一tea, 結果朋友就就去德國餐廳食， 於是我們一行3人就去試試， 我們就點了3樣野野食黃金蛋咸豬手，香草煙三文魚意粉同德國腸， 黃金蛋加上咸豬手好夾一點都不油膩豬手皮炸得好脆， 德國腸就有3隻味好特別有辣有唔辣再其他間鋪就未試過， 香草煙三文魚香草味好濃郁而意粉不太硬不太軟剛剛好，當然食德國餐要飲返杯啤酒就算完美，這餐下午餐食得我們3人得飽好滿足而且飲住啤酒吹下水都十分快樂，非常開心

同家人一起品嚐德國菜， 不禁就想起德國鹹豬手， 因為餐廳有咸蛋黃豬手推介， 同時亦係脆炸皮， 當然要試試， 脆皮比傳統更好味。 配上蛋黃醬口感更加新穎。 我哋4個大人， 份量岩岩好， 配上小小薯仔沙律， 好好食。 香腸拼盤相對就有少少差， 只是薯角唔夠脆， 但其他都ok , 粗身的腸， 內有肉汁爆出， 相比拼盤內的腸， 較為嘢未。 三文魚凱撒沙律， 菜分量相當多， 值得一試， 但三文漁只得兩份， 就差左少少墨西哥香蔥芝士薄餅， 都還ok , 皮脆， 不太過火， 內有少少芝士。 如果內裡分雞肉， 會更好。

今晚選擇嚟呢度選擇食德國菜,款式唔算多,但食物味道好。德國咸豬手配酸菜及薯仔沙律豬手皮脆,肉質嫩。絕對係正宗德國豬手,而且仲有蛋沙律伴碟,配埋秘制醬汁德國香腸拼盤香腸煎完外皮脆脆、有辣、有蒜味、配上薯條有咬口。香蔥芝士焗薯條份量十足,而且薯條入味,芝士也十分多。焗出嚟熱熱地,非常好食。香草煙三文魚意粉意粉不硬身、三文魚份量也合理,抵食之選。芝士奶蓋桃味芝士奶蓋,但吾好飲,可能唔夠重芝士味,又吾夠甜。

菜式：一客紐西蘭肉眼扒配意粉，蘑菇忌廉湯，熱咖啡🍝紐西蘭肉眼扒配意粉即叫即整！肉眼扒入口口感唔錯，軟硬適中，件塊大；但肉汁唔多，偏薄；但意粉幼滑，十分不錯，如果可以，更多汁更好蘑菇忌廉湯（+ $8.00）份量剛好，但個人認為有點油膩熱咖啡普通即磨咖啡☕️ 咖啡味偏淡環境即使疫情下，環境仍然寬躺、整潔、企理，頗有德國之風；員工態度親切友善，客氣總結以屯門小店及平民價錢來說，是一個不錯的選擇，可以一試！

服務態度表現不佳，好似多數都選擇性失聰。樓面侍應人手少，上菜速度奇慢。豬手非常一般。裝飾和氣氛一般，緊迫型的德國餐廳，可以的情況下，應該不會再考慮。啤酒與水相比差不多。

疫情期間反而多左試新野, 平時係唔會去建生食晚飯, 今日一早BOOK左去試下. 晚上6點, 餐廳只有 2 台客, 疫情期間真係好安全, 但其實驚小店捱唔住. 後來發現都有好多附近街坊過黎外賣自取, 大幸! 我地叫左個2人晚餐, 就係 粟米片 + 豬手 + 香腸拼盤 + 啤酒2杯 杯黑啤味道怪怪, 我地懷疑可能部啤酒機溝得有問題 , 白啤就正常要讚下隻 豬手 + 香腸拼盤 ! 水準好好 ! 店內menu 選擇唔多, 反而好, 專心煮好幾樣 ! 

唔載口罩的女樓面，提佢戴口罩，她仲說"鬼唔知無戴口罩咩"。 我們17.53到，18.00入座，她依然唔戴口罩。咁樣的衞生，咁樣的態度，現在咁樣的疫情，咁樣做生意，真犀利。

第一次去，但不會再去小品食物其實都算OK德國豬手等左一個鐘都冇上菜但員工服務差 （一個紮邊長頭髮既女人，唔知係老世定員工）叫左佢幾聲 仲要經過我張台話番我 小姐我要幫人落單 （當然佢語其氣唔好）但係明明我地坐門口位佢係門口位到都唔理我地直接經這我地行去最入？嬲到要開ac上黎打食評.完成冇諗過會比人咁樣對待，人手唔夠就唔該請人，而唔係咁既態度對個客，要食德國餐既話都唔駛去你呢間到食，比錢黎受氣，.......

今日剛好拜山經過附近，搜尋過覺得不錯就黎食喇。我們一行四人食左All-day Breakfast,牛扒同香草白汁意粉。星期六都有set lunch。味道來說意粉最好味，意粉既質感好好有彈性，而且啲汁同鴨味入哂去，十分好食。牛扒薯菜只有西蘭花有啲失色，汁方面多左少少但以價錢黎講都不錯既，All-day Breakfast也是足料了，炒蛋堅好食。侍應很友善，途中同我地講即將有口罩盒派，看了餐牌平日原來有折添，下次來想試吃豬手，希望大家多啲支持良心+好味既德國餐廳。

去德國餐廳食嘢，一定會食腸仔，呢個叫金巴倫芝士腸卷，份量十足，外型好特別。味道芝士味不算好出，不似平時食開的芝士腸，反而肉味濃郁。個蒜蓉汁意粉味道也不錯，午餐來說仲有杯飲品，也是屯門區一個不錯的選擇。

星期六揀左這間德國餐廳，用apps訂枱主餐牌有半價。小小店子，有10張枱左右我們叫左幾樣嘢，香葱芝士薄餅，一客8塊，熱辣辣，入面有香葱同芝士，拉絲架，好好味呀。煙三文魚沙律，好大塊三文魚，有好多塊三文魚。沙律菜好新鮮。豬肋骨，好大盤呀，薯餅香脆，豬肋骨好入味，又夠淋，個汁甜甜地又唔太甜，Good！！德國咸豬手配酸菜及薯仔沙律，嘩！！好大隻豬手，好香。已經切好晒，豬皮勁脆，豬手唔算好肥，啖啖肉，配黃芥辣好夾，酸菜好解油膩。薯仔沙律好creamy。原來午餐好抵架！！

去朋友家玩樂後，朋友介紹住區屋苑內有一間德國餐廳。雖然是一間小店，但食物味道非常地道，因此朋友帶我們去試試。店舖裝修簡約乾淨光猛，有別於一般德國餐廳偏向情調而環境陰暗，比較適合一家大細晚飯。德國豬手當然遠近馳名，但看到這間店有非常特別的「鹹蛋黃豬手」，當然要一試啦。豬皮很脆，豬手肉也很嫩，雖然鹹蛋味不算很濃，但正因此才令豬手不會很膩，更令人吃完一口又一口，值得一試。香蔥芝士焗薯條，薯條份量很大焗薯條上面鋪滿拉絲芝士，喜歡吃芝士的人一定要點這個。另外我們再點了一隻烤雞，烤雞的雞皮很香脆。有茄汁及沙律醬任君選擇，我喜歡茄汁，酸酸甜甜很開胃。離開時發現原來有芝士火鍋，下次有機會跟朋友來，一定要試試。總括來說，這間餐廳的環境很舒服，食物水準及份量都不少，價錢也算實惠，偶爾想食德國菜的話，必選這間。

呢日屋企得我同我細妹，冇人煮飯，決定落樓下附近搵食，之前朋友話呢間德國菜都唔錯， 諗左陣我哋就決定去試下。可能樓下太多食肆餐廳，呢度都唔算太多人，雖然門面好似連鎖店，但內裏感覺上有啲小店feel。因為我同細妹一齊一定唔會食得多，所以淨係叫咗個德國豬手，一杯rosee同一杯honey peer。德國豬手係切件上，冇咗好震撼嘅效果，但勝在夠方便，唔使自己砌。豬皮夠脆，肉質都夠滑唔係鞋口，食到埋尾可能豬皮疏咗氣就有啲硬。 佢嘅配菜，酸菜同薯仔沙律，都唔差，可以中和返豬手嘅油膩感。Rosee啲泡好快散曬，我都唔覺得自己係飲緊啤酒，幾甜下。Honey peer 冇大牌子嘅雪梨茶咁甜，感覺上較健康，好似自製咁。我同細妹係第一次幫襯，但見到侍應同其他客人好似好熟絡，可能係熟客，佢哋有傾有講感覺上人情味好濃厚，係小店特色。

今日去屯門建生搵朋友，發覺該區美食林立😻最後我哋揀咗間德國餐廳🍴餐廳內的裝潢簡約別緻，氣氛也挺不錯🍻由於下午茶食得太飽，所以今日晚餐點了兩樣share嚟食🥳❤️《德國鹹豬手配酸菜及薯仔沙律🥗》有時挺喜愛伴碟的酸菜，酸酸的夠曬開胃，而且酸菜能將豬手的肥膩度減低。豬手方面，皮炸得香脆，肉又煙韌，讚🥰🧡《香草醬煙三文魚意粉》煙三文魚份量真係好多😻好驚喜！差不多鋪滿了大半碟，裏面的小蕃茄、蘑菇也挺多的，口感不俗。而香草🌿增添了其香味，認真色香味俱備。最後店員送上一張$1換豬手的Coupon（需要消費滿400才可使用的），下次可以叫多啲朋友來這裏聚會🍻順便也可以叫多一點🤤

平時都會成日落食午餐set，今晚朋友約食飯，一於去呢到嘆豬手先。炸德國鹹豬手就食得多，店員介紹我地試下傳統德國白豬手，同一個價錢分量大好多。食肉獸嘅我哋仲嗌多左份法式燒春雞。原隻白豬手分量十足，煮到好淋嘅豬皮包住厚厚嘅肉，一啖有齊雙重口感，好有滿足感！味道亦都好好。鹹鹹地，唔會好漏。另外有薯角同芥末薯仔沙律做配菜。到燒春雞(全隻）啦，醃得幾入味。而雞肉嘅肉質嫩滑。呢間餐廳仲有其他唔同款嘅德國菜，下次再試其他先。