德國餐廳 (寶怡花園)

營業中

休息中

Today is a rainy day.🌧 I dated my friend and found this Germany Restaurant seems nice and yummy. The restaurant famous for the ribs and 豬手- in which they are local German food.Full of western decoration. As today is a rainy day and it is a bit early for Dinner at 17:00. So, not much customer.We ordered the ribs with French fries~ the ribs are juicy with BBQ sauce and the fries are crispy too~ recommend to give it a try!!!!This is the cheese pizza which is yummy too~Overall, it is nice and we wou

屯門愈嚟愈多人口，同時都愈嚟愈多餐廳。呢間餐廳最近都在做優惠，所以就試下。想食豬手二人餐又得，食扒浪漫下又得，而且價錢都唔貴，算是大眾化的價錢了。先來一份小食，是一個玉米片。最岩就係一開始傾住計食。點埋個醬簡直係絕配呀！而且呢個墨西哥醬都唔會好酸，相反有少少甜味。接住點了一份牛扒，真係好大份呀！而且超香。四個人來說，是剛剛好又不會太飽。切開嚟睇，肉質鮮嫩，而且不會太難咀嚼，最重要是有埋黑椒汁坐陣，絕對正！點了一份豬手，不得不說，真係皮脆肉嫩，而且都好吸引呀！而且份量非常大，兩個人嚟講都真係好足夠。最後就是奶蓋茶，非常好飲！而且茶味很濃，岩曬想清一清燒熱氣嘅朋友。其實呢間餐廳平日晚飯時段都好多人排隊嘅，如果想食可以預留時間或者訂座，最緊要係必食豬手！

放假就是要放肆地食肉，進行食肉獸大進化。今次去呢間德國餐廳係一直都想去，但又次次好多人排隊。餐廳是在屋苑裡面，面積唔算好大，不過裝潢很好，而且都好舒服。德國餐廳點少得一個靚嘅酒架。呢間餐廳全部都係酒嘅擺設，而且有好多款唔同嘅酒。嚟呢間餐廳，不能不吃是這裡嘅豬手。由一入餐廳，已經見到每枱都點，加上每枱都會食清曬！可想而知係幾咁吸引好食呢。先講下呢份豬手，豬手皮好脆，而且好大份，真係每舊肉都有一塊脆皮。同埋肉質都唔會好硬，反而比想像中Juicy。另一款主菜又嚟啦！呢個係黑松露肉丸飯。其實份量嚟講都幾大，而黑松露都好香，而飯都唔會好硬好難咀嚼，而且都幾creamy.肉丸都幾大粒，肉丸都幾入味，而且都唔會好咸，同個飯非常夾。最後點了一杯奶蓋蜂蜜綠茶。蜂蜜味唔算好重，不過都甜甜的，配埋綠茶剛剛好，食完咁多肉之後飲，真係好滿足呀！

我4月21日晚9点去試食点知…個環境D客似街市嘈，員工同員工吵架話遲收工成日冇得放早関我乜事…借廁匙又要俾收銀員嘈講一大堆肺话…想拎外賣盒又唔俾又話要俾3蚊又要我再叫叫左個收銀埋數女員工俾盒唔俾袋態度環境極差冇下次唔會再幫襯呀…過份的食鋪員工

開餐前了解一下Das Bier，香港少見的德國餐廳之一，分店位於大埔、新蒲崗、大角咀以及今次近廚有口福的屯門新分店!每間Das Bier的裝修風格都以木板為主。主打德國及西班牙菜，招牌菜德國鹹豬手用咗6個鐘以上時間製作同燒焗，外脆內嫩、由於每到晚飯時間都經常有不少客人坐席, 今次我們訂平日的8點半位就可以靜靜的傾計，聽著英文歌舒適品嘗一下久違的德國菜滋味！德國鹹豬手配酸菜薯仔沙律，德國餐廳必選的推介菜之一。回想年青時在一些非德國餐廳試過鹹豬手大部分過鹹，這裡入味非常而且整餐食到尾脆皮仍然脆口。最重點係上檯前店員已幫手切好整隻豬手，唔需要再吃力切割即可進食👏👏墨西哥粟米片，一個超市買到的粟米片在餐廳如何能夠突出? 原來靈魂所在就是自家制熱辣辣的調味茄醬! 真心將粟米片點上這個醬會停不了口，大推介👍香草醬煙肉三文魚意粉，如果是香草控的一定會好喜歡它的意粉有滿滿的檻欖油及香草醬濃味，如果不是香草控還有卡邦尼意粉選擇。德國餐廳也有新穎的飲品，奶蓋香蕉綠茶上面是厚厚一層芝士奶蓋。奶蓋入口濃滑厚實，帶少許芝士咸香。平日較少會飲的香蕉綠茶難得有豬手鹹味中和變得較易入口。留意，埋單時得知本店需要ove

今日天陰陰又落雨個人攰賴賴邊度都唔想去一於就去屋企樓下間德國野近近地又唔洗搭車呢間餐廳仲有個Dinner Set好似幾抵咁我就麻麻地食香腸所以就無叫到😂今晚同老公叫左「德國鹹豬手配酸菜及薯仔沙律」價錢：$218豬手皮超脆卜卜，肉質嫩滑，唔靭平時會覺得豬手會好鹹呢間唔會好鹹味道唔錯好好食呀👍🏻「香草醬煙肉三文魚意粉」價錢：$128超濃郁香草味、檻欖油味既意粉配合煙三文魚味道好夾清清地呢個是個唔錯既選擇👍🏻「墨西哥粟米片」價錢： $55醬料有：茄醬、洋蔥（應該有少少辣椒油）主要係個醬汁美味少少辣辣地，幾惹味飯前小食餸啤酒一流👍🏻Herbal Tea -玫瑰味 價錢：$88/壺喝杯花茶心情超舒暢唔錯👍🏻老公就叫左「芝士奶蓋系列-香蕉綠茶」價錢：$36佢話幾特別，幾好飲，香蕉味唔會太漏配合鹹豬手一齊食又唔會太甜Yummy! 今次整體黎講係唔錯既👏🏻5⭐️為最高味道：⭐️⭐️⭐️⭐️⭐️推薦：⭐️⭐️⭐️⭐️⭐️回頭：⭐️⭐️⭐️⭐️⭐️

偶爾換換口味兒，食食異國菜，今晚5個人到德國餐廳，食肉獸之選，人均消費200幾連加一服務費。環境唔錯，服務態度都OK，上菜都幾快，適合幾個人啤一啤。德國腸仔有啲鹹，小食拼盤係唔錯選擇，燒乳豬都幾juicy整體都幾滿意。

今次係第一次寫食評亦係第一次俾負評食野價錢是可以的。不過不失見開左一段時間就想黎試下一入去時已表明6個大人1個bb有1架bb車。當時只係安排6人坐位俾我地叫我地抱住bb食。隔離明明有2人坐位可以推過小小俾我地入地放bb車之餘亦阻唔到人到最後侍應安排左個位俾我地放bb車係我地坐位旁邊。之後有另一位同事表示會阻到佢出飲品。我見佢地都擾攘左一陣。一個話可以一個又話唔得。之後又話可以無問題。但成個食野既過程中不斷經過時踢我架bb車。紮馬尾既女侍應又黑面細細聲講阻住晒。又係後面講話我地架車。我真係未試過食得咁唔開心。如果您覺得bb唔係人。咁唔歡迎。理應一早表明。。因為同家人食飯我先無出聲。到返到屋企都覺得好唔開心。點解食餐都要受氣。我bb都係人。點解有位都唔安排俾我。一定要我抱住。。

今日難得約咗班好兄弟 咁就想食好啲 睇見佢啲評價都ok就揀咗呢間 首先講下環境先啦 裝修都算係有啲心思嘅 但係坐落就見到細節位做得唔好 首先係啲枱會有高低不平嘅情況 第二係啲櫈就坐得唔係太舒服嘅服務方面就不過不失啦 侍應上菜速度就比較慢嘅 可能人手少 斟杯水都要啲時間 咁講下食物方面啦 我哋都係叫咗佢嘅主打豬手 牛肋骨 德國腸 同埋青口 豬手係ok嘅皮脆 肉嫩 蜜糖芥末醬特別好食 牛肋骨都好食嘅啲牛肉味好出 啲肉都夠滑 唯一美中不足可能係份量唔算好多 第三樣德國腸 可能因為多人啦 出菜時間比較耐 呢個腸嘅味道就正正常常，都唔錯嘅 最後個青口就一般啦，因為比較細粒，就唔係好食到佢嘅醬汁嘅味道 有點失色 啤酒方面 咁佢哋就有買一送一 不過就唔係menu上嘅都有 要睇分店 但係大路野都齊嘅 最後埋單1080蚊 每人二百七十蚊到 其實偏貴

與M先生找到超級美味的豬手餐廳，彷彿只為豬手而設！德國鹹豬手配酸菜及薯仔沙律 (HKD 208)超大份的豬手，外皮完全係脆卜卜，即點即製，裡面脂肪大約佔20~30%，肉質唔韌得黎帶有少少脂肪，脂肪同豬手肉融為一體，一D都唔濟，真係超級好食！德國香腸拼盤 (HKD 158)香腸拼盤一共有兩款，這個是比較小那個。腸盤有四款腸，兩紅兩白，較粗的紅腸裡面有溶溶芝士，大白腸就較濃味，細白腸反而淡味些，而細紅腸煙熏味重，各有風味，拿來配酒一流！香草醬煙肉三文魚意粉 (HKD 128)怕M先生會不飽，再點了一個意粉，裡面有翠肉瓜碎、茄粒、菇片，香草味挺濃，不會很乾也不會太多醬，煙三文魚好香，份量又算多，M先生覺得如果醬汁再多一些就更加perfect！芝士奶蓋蘋果酒特飲 (HKD 62)在這裡竟然讓我找到超級美味的奶蓋！奶蓋蘋果酒，真的第一次試，奶蓋挺香芝士味，而且杰身，比很多飲品專賣店的奶蓋還要美味，加上蘋果酒非常冰凍，令我超級喜歡這杯芝士奶蓋蘋果酒！

已經唔記得幾耐之前食過一餐德國菜，有個勁巨大嘅斧頭骨令我一定要為佢打篇文。一大班人黎食野，未食正餐已經有前菜一堆。墨西哥栗米片 $55其實嗌呢個係有啲不智（不是我嗌，因為同買返黎一包包個嘅栗米片係一樣，不過個蕃茄醬都有啲心思，有蕃茄粒係入面加上辣辣地，食完真係開晒胃，好想繼續食野。芝士奶蓋峰蜜綠茶 $35見到芝蓋又抵受唔住誘惑了，個樣都ok茶底都正常，但始終芝士味都係唔夠濃～飲完就明點解出面啲鋪咁多人排。墨西哥香蔥芝士薄餅 $88熱辣辣個陣勁好食！凍咗都好食！因為芝士本身就好好食，夾咗係兩層薄餅中間超煙韌～我覺得我自己可以隊晒成份，唔使食其他😂😂烤斧頭一字牛肋骨 $318嘩。。。心諗也太巨型了吧。。。連切開佢分都要經一番爭扎，出盡九牛二虎之力先成功將佢切件。因為真係太大舊啦，條骨又好易碌黎碌去，好彩同枱有人刀功了得。切完係咪好似牛腩呢，切下切下原來都幾多肉食，仲有連住骨頭個啲筋先正，不過我唔識食。肥瘦相間，油脂滿溢，咬落去爽爽地又腍腍地，唔同一般啖啖肉嘅牛扒質感，混合咗啲筋係入面，呢個口感非常好～燒澳洲羊架 $268仲有就係羊架，見到都覺得燒得好靚！🤩本身加咗黑椒帶微辣，所以食落唔覺得

同屋企人食飯好難得會唔食中餐食西餐，附近普遍都係茶樓中式野，我就提議不如試下德國野啦！加上之前已經試過係其他分店食，所以印象中都唔差。餐牌飲品煙三文魚凱撒沙律先食左個頭盤沙律，有羅馬生菜+煙三文魚+大量芝士粉，仲有增加飽肚感既麵包粒，同埋落左煙肉碎，食落就更香口。煙三文魚既份量好多！鋪滿晒咁滯，本身想食呢個沙律就係為左食d煙三文魚，所以好滿足呀～德國超級香腸拼盤跟住就黎左個香腸拼盤，有兩個size 而我地就嗌左多d個個。見到實物個感覺比menu更加多腸，有長有短都成7條咁多，當然就唔係7種味啦，不過都有雞肉腸、辣肉腸、芝士腸等等，都試到3~4種腸。切好晒之後就可以開心share隨碟仲會有薯角同埋好似酸菜既酸蘿蔔，最鐘意就係白色粗身既雞肉腸，點埋蜜糖芥末醬更加惹味，同埋整體黎講d腸都好juicy 唔會焗到爆左外皮，漏晒汁又乾晒咁，啖啖肉！美國頂級安格斯肉眼扒之後都嗌多左個肉眼扒一齊食，好大塊呀！都算對得住個價錢啦～雖然安格斯牛都唔算十分貴同少食到嘅牛扒，不過我都幾欣賞呢道菜，嗌左7成熟就真係7成，唔會過火變左well done全熟，根據以往經驗出去食扒都好驚伏架嘛～呢塊扒就岩岩好啦，屋企

我一向很喜欢吃意大利粉，在這里能吃到令我回味的意粉，他们的意粉爽口度适中，味道亦佳。而他们製作的豬手亦是一绝，外脆内軟，亦不会太咸，虽然价钱不太便宜，但也是值得一试。

事先講明, 呢間餐廳既豬手真係好好食之前試過屯門舊鋪既豬手已經返唔到轉頭, 近排得知佢地搬左去建生對於我黎講都算幾遠, 要由兆康轉車到建生落車去到第一時間就覺得餐廳已經大左, 同之前比較起上黎坐既位置都闊落左餐牌上選擇亦多左, 單單有晚餐供應都算驚喜我叫左杯芝士蘋果酒芝士奶蓋味都幾濃郁, 咸得黎幾CREAM加上蘋果啤酒既甜甜地, 幾配合當然唔少得叫德國腸啦因為驚食唔哂既關係, 所以叫左細份牛肉腸 豬肉腸 扭紋腸 香辣味香腸4款腸既味道都不一, 咸味亦唔同, 有脆皮, 有較普通口感食落都唔同D之後更係要食豬手啦, 我都係為左隻豬手而特登去食同之前份量差唔多其實女友食左一半已經話飽飽地, 我建議最好2人去食醬汁有芥末醬及蜜糖芥末, 2隻自己選擇豬手皮都係脆卜卜, 好好食, 咸味亦岩岩好豬肉好嫩, 有少少肉汁, 點上芥末有少少嗆鼻, 蜜糖反而較為接受大D酸菜配埋啤酒就更正下次可以試下叫埋朋友黎飲番2杯就更加正

中晒伏！兩個人去，主要想食豬手，叫咗一份set dinner，再a la carte叫左一份豬手，兩杯啤酒。隻豬手佢哋上菜前已經片起曬，得超級少，我響咁多地方食過豬手，未見過咁細嚿豬手骨，可能隻豬係小兒麻痹。全隻豬手焗到硬曬，豬手應有嘅肥膏都冇曬，超硬豬手皮，連豬手嘅肉都係被脫水一樣，乾到硬掘掘，原隻豬手已經冇曬任何水分，完全食唔到豬手皮下應有嘅脂肪。set dinner叫半隻燒春雞併一條芝士腸，未食過咁難食嘅燒春雞，而條芝士腸就好食過金妹牌少少。以為好抵啤酒買一送一76蚊，點知原來set dinner叫，一杯先至$30。樓面個阿姐，你問乜都唔知架。本身好鍾意食德國豬手加啤酒，諗住以後唔使出去食，屋企樓下就有一間好嘢可以成日食，點知原來都係我諗多咗。中伏都係自己攞嚟。