得閒飲茶

營業中

休息中

親子日常再忙碌再唔得閒， 都要抽空比長老們享受下公孫樂嘅，所以今日決定帶公公婆婆去 得閒飲茶·Let’s YUM CHA 體驗下新派飲茶嘅感覺， 平時歎慣傳統飲茶嘅兩老，出奇地覺得物超所值，大讚點心有特色，味道水準以上，而且仲要好抵食，更重要的是，有好多小動物造型點心，氹得佢哋個孫好開心，而且呢度係有bb櫈架！*** 埋單只係二百一十幾蚊，真係邊度搵?{美味點心逐樣試}呢度有好多得意造型嘅點心，小朋友見到開心到爆燈，重點係一啲都唔貴， 真係做到「隨便嗌，唔好客氣」嘅豪氣！蛋黃哥流沙包 $24超可愛造型， 軟綿綿包包， 入面香甜流沙餡， 大人小朋友都一定鍾意！灌湯京滬小籠包 $24爆汁小籠包，熱辣辣湯汁加上鮮嫩肉餡， 十分唔錯， 只係略嫌皮厚咗少少。黑豚肉脆脆豬 $34超可愛豬仔鹹水角，外皮厚得黎煙韌軟糯， 質地有啲似舊式糯米糍， 十分討好。豆沙qq小白鼠 $28 呢個超級得意點心， 林小姐係吊叫住佢條尾，勁搞笑，原來係椰絲糯米糍， 軟淋淋，煙煙靭靭，小朋友最鍾意。蟲草花花膠灌湯餃 $28超級抵食！ 用料十足， 火候更是十足， 大大隻灌湯餃， 入面充滿蟲草花同花膠

細個日日跟媽媽去飲茶，在街上撞到朋友，臨走總會說一句『得閒飲茶』！平平無奇的一句說話，現在回想，人大了，同好朋友摸下茶杯底，總好過摸酒杯底~~帶住小朋友都一齊一樣可以得閒飲茶架😁今次同媽媽朋友食呢個 #下午飲茶Tea 真係好開心！由於我地志在傾下計，所以點了幾款特色小食：🐷黑豚肉脆脆豬🔶蛋黃哥流沙包🐭豆沙QQ小白鼠再點了2個燉湯：🌰姫松茸燉排骨🐔蟲草花燉雞湯本來燉湯係打算俾媽媽飲，但一上枱已經比2位小朋友飲了大半🤣湯唔咸，夠火喉👍🏻👍🏻一一仲連湯渣排骨都食埋🤭跟住到小食上場 #黑豚肉脆脆豬 係咸水角，即叫即整，好耐都未食過新鮮炸好的咸水角，一一叫佢做「Pig Pig🐷」😆，佢最初唔肯食，我以為佢唔鐘意食炸嘢，因為一直無比開，點知 #蛋黃哥流心包 都唔要，到差不多臨走就猛咁要食，原來佢未見過造型咁特別的點心，之後見到我同姨姨係唔停口，就知道好味啦😂😂真正『唔熟唔食』🤭 #豆沙QQ小白鼠🐭都好正，豆沙唔會甜到漏，軟綿綿又彈口😋😋最後循例點返個甜品，朋友叫我要試 #3.6牛乳太陽蛋🍳，好香好滑，好重牛奶味 🥛，果然無介紹錯！岀面啲有賣相又好食的點心，閒閒地都$30-$40款，我地今次叫左6樣

呢間 點心 真係唔錯！拍得住啲大酒樓～點心即叫即蒸！味道新鮮！冇味精味！而且價錢又唔係貴！菜芯唔老好清甜，齋腸小朋友最愛！山竹牛肉，好嫩滑～龍蝦湯鮮竹卷，個龍蝦湯唔錯喎唔腥！黑豚肉脆脆豬 ，豬仔型鹹水角，可愛豬仔造型，香脆可口！芝士蝦春卷，即叫即做關係非常香脆可口！好好食～蟲草花花膠灌湯餃，非常香甜滋潤！好滿足！仲有多款阿二燉湯 蟲草花燉雞湯 ，好足料，好鮮甜！可以滋陰潤肺！必食推介！蛋黃哥流沙包 個餡真係會流沙架！鹹蛋鹹香～正！ 黑松露鮮蝦餃 ，黑松露同蝦餃個味道原來係好夾㗎！食唔停口～最後梗係食甜品啦！ 3.6牛乳太陽蛋 ，原來係燉奶嚟嘅～好似個太陽咁好得意！3.6牛乳超香濃柔滑！芒果布甸，入邊大大粒芒果肉，好香甜！包點千層糕、叉燒包～仲有原籠蒸飯都係30幾蚊咋！仲有多款新潮點心，下次要試埋其他先！全日免收加1 㗎！我哋三個大人一個小朋友食咗三百幾蚊，食到好飽！平時喺酒樓冇$500都落唔到樓～

去警署報失旅遊證件，離開時見到有餐廳開張，人頭湧湧。八八卦卦就去睇下有乜嘢食，原來係點心店雖然已經食咗早餐，但係好難得可以撞啱人哋開張去戥人哋高興一下小籠包皮薄多汁有鮮味，我鍾意咬穿個皮飲晒啲汁先，慢慢再食個肉餡，最後先至點啲醋食物果皮至於個棉花雞，啲雞蒸完出嚟仲有肉汁嘅，而且係用雞件有骨有皮，啱晒我。魚肚亦都係厚身有口感。我連汁都飲埋，真係好鮮味難怪店主夠膽開響嗰個位置，面對街角轉彎人頭湧湧嘅對手，相信會出現良性競爭，實在是消費者之福。

太子運動場道開左間店心專門店，得閒飲茶，有新派點心，傳統點心都有。今日見得閒去左飲茶😆😆😆😆食左個沙爹金錢肚，都幾入味，爽口。虫草綿花雞，我鐘意食啲虫草花。千層薑汁糕口感好QQ下，薑汁味都好濃既。我鐘意熱食，但朋友就話凍左食，好食啲，會更彈牙喎。不過我都係鐘意趁熱食多啲！如果餐牌有埋紅棗糕就perfect 喇。最後食左個麻辣抄手，個麻辣汁幾正喎，唔算太辣，但好惹味👍😋啲抄手皮都算簿，最怕食啲厚皮既😩

終於等到太子有分店😋今次真係可以得閒飲茶啦👏👏👏我娘親咁嘴刁都話好好食👍🏻👍🏻食物新鮮，味道也很好，賣相又靚，流沙奶黃包賣相相當吸引👍🏻👍🏻但係記得要趁熱食，春卷也非常之好味😋嗰個肉餅荷葉飯用料很新鮮，仲有千島醬蘿蔔糕也非常之特別，超正🤗🤗太子分店也非常之方便，太子地鐵站A出口一出轉右直行一個街口就到。環境也相當舒適，枱與枱之間太過貼，所以整體來說值得一試！會繼續幫襯👍🏻👍🏻

聽講呢間 點心專門店喺新店， 試業中。2個人試咗香菇燒賣：大大粒，豬肉肥肉比例適中，有少少彈牙，有好香嘅菇味同肉味。時菜：點解連菜都買唔靚，好老呀，有渣既🙈 $18 中伏！瑪卡燉的絲雞：瑪卡係「秘魯人參」，聽講可以抗疲勞、抗氧化！見到呢2個燉湯即試！原來瑪卡咁煮冇乜味，燉湯只有濃濃雞湯鮮甜，飲完想再即飲多碗😌韮黃鮮蝦腸：睇相就知皮薄蝦大，腸粉皮仲好滑，蝦都算新鮮，爽呀彈牙有蝦味🤭薑蔥牛柏葉：牛柏葉煮得啱啱好，冇話太un食香味膠咁。下次要搵多幾個朋友試埋d靚靚點心先得！