得閒飲茶

營業中

休息中

常常去酒樓飲茶，一般點心都吃膩了。看著這裡的點心相片，卻充滿了新鮮感，對款款都有興趣。原來豆沙QQ小白是椰絲糯米糍。皮夠黏夠糯軟。耳朵是瓜子。尾巴無味又不脆，咬了一口便放棄了。貓咪流沙包的包皮粉紅色，耳朵黃色，配色奇怪之餘，一點也不似貓咪。咬第一口即感覺到流沙餡湧出來，太難得了！包皮也夠柔軟。韮黃鮮蝦蚊的蝦很大，非常爽口，可惜腸粉皮很厚。最令人感動的是這裡的炸品，熱辣辣到燙口，證明新鮮即製，今時今日非常難得！千島醬脆皮蘿蔔糕的炸皮，類似炸鮮奶的外皮，而且放涼了一樣鬆脆。相反，上面的木魚涼了後，則又韌又有股木味。黑豚肉脆脆豬樣子趣致，是咸水角。有些部分的皮厚了點，尤其是腳、嘴附近。最令人失望的是裡面有硬物，我懷疑是石仔，幸好沒有咬壞我的牙。若非有這硬物，我會給好評。

妹妹很孝順，專誠去友人推介的點心店買點心给爸媽吃。這店的招牌春風得意腸及蝦腸都有水準。鳳爪排骨蒸飯蒸得恰到好處，金鳳米香甜有飯味。至於蝦餃燒賣义燒包馬拉糕只是一般。下次路過太子有心情可以堂食，試下炸的點心及其他招牌點心。价錢方面，二百多元食飽四個人都算ok。

25.3.2020 7:15am今次係第二次黎呢度飲茶，因為附近飲茶得呢間舖頭開好早。但係真係冇下次。今日俾我見到好恐怖既一幕。第一樣野，佢哋既職員將未賣出去既叉燒飽就咁放係大蒸籠再放係樓面d台。最恐怖既係佢有個師傅出黎望下整下d叉燒飽，整跌左6-7個落地下，佢個師傅執返起放返係個大蒸籠入面當冇件事，行返入廚房。我相信呢堆飽係會照賣俾人食，如果唔係掂解佢會放返入個大蒸籠度？！之後根本分唔到邊d包跌過落地下。係呢咁既時勢，肺炎肆虐，台面我都嫌污糟，仲要係地面‼️我俾錢個時同收銀個啊姐講，佢仲要hea我話會問下師傅......大家如果去呢間野食野，自求多福啦！

放工到太子，點了幾個推薦的，紫薯球，太好吃了，裡面滿滿的都是奶皇，脆豬就是鹹水角，不要重複點，味道不錯，最值得推薦的是春風得意腸，很好吃，裡面有蝦和玉米很好吃，豆沙小老鼠老公喜歡，我一般

叫了黑椒牛肚，蒸蝦腸，蝦餃和燒賣，還有叉燒包，咸水角。早上去飲的話，還有不少優惠的點心可選擇，牛肚的份量不少，蝦腸會分成六份。蝦餃是他們的招牌，叉燒包和咸水角也是三個

食物全部都係即叫即整！得意腸有層次夠脆，蝦仁亦算彈🥴🤔小籠包D汁都算多，脹卜卜，熱辣辣，不過肉餡少左d，皮還好，適中。野菌粉果好熱，多餡幾飽滿蘿蔔糕麻麻，雖有新意，皮脆但冇乜蘿蔔味亦冇乜蘿蔔，面粉多腐皮蝦卷幾脆，配龍蝦汁5錯。雖冇龍蝦味且有d喊，不過可接受 d蝦仁處理得還好冇乜冰鮮味。顏色配搭同擺位5錯，啱打卡。環境去時少人，環境衛生果d還好，都乾淨企理服務正常，好過茶樓茶記果d咁，態度5會太差

🇭🇰好耐無飲下茶食點心喇🤤太子一帶不嬲都幾多點心舖😮就試下呢間開咗無耐嘅特色點心店啦。。。 由於太肚餓😮點心一嚟到已經急不及待夾咗個馬拉糕食🙈影相無左一邊🤣🤣🤣賣相幾精緻😳每樣點心都有佢嘅特色🙃味道尚可😋特別係個蘿蔔糕👍🏻👍🏻👍🏻.🔸原籠蔗糖馬拉糕🔸春風得意腸🔸黑豚肉脆豬🔸紫薯流沙煎堆仔🔸黑炭流沙包🔸千島醬脆皮蘿蔔糕🔸灌湯京滬小籠包 樣樣都咁有特色，下次出太子想飲茶食點心一定要黎呢間😋

是日早起，將工作都安排在中午，覺得要點豐富的早餐，揀選了得閒飲茶，因為今早得閒。地點就腳，太子站出口已可目見。九點多到達，客人眾多，位置坐得不太舒服。十點人潮散去，鬆動，建議欲光顧又無所謂，這個時段較好。從前喜歡一坐下來就叫一枱東西，那是年輕的我，現在覺醒了，就點兩樣，慢慢食慢慢等，完了再叫。先到牛肉球，燒賣。燒賣出色，大粒飽滿，外皮無糊口，無過火，肉餡有粗有幼，手切調味好，雞粉味少，舒服。牛肉稍失色，首先豬肉放得太多，過於鬆軟無口感，調味普通，馬蹄芫茜不足，簡單而言，得個淋字。再來腸粉，蝦餃。腸粉配了叉燒，首先腸粉漿調校得普通，欠米香，不夠薄，食落帶粉糊口。再說叉燒，有色無味，用叉燒醬煮過而已，一點香味都沒有，建議可不點。同樣所有叉燒的點心，也應考慮。蝦餃，皮做得好，薄透而不穿，蒸也到家，可惜餡做得過火，太著重蝦，爽口大仔沒錯，但豬肉比例太少，唔夠滑，有放荀，調味可以，中規中矩。最後追加金錢肚，龍蝦湯脆卷。金錢肚火喉未到，但有人鐘意有咬口我鐘意淋身，所以評這點就算合格，始終做生意迎四方客。但沙嗲味不足，不夠香，只重蒜茸味，又不入味，可以不點。最後龍蝦湯脆卷。首先不是龍蝦湯，而是蟹王湯

今午在太子附近經過，見到這家主打點心，晚上便來試幾籠，看看點心如何!點心選擇簡而精，很有創意，價格大眾化，忍不住要點可愛點心。灌湯小籠包 $25湯汁飽滿，皮薄，味道適中，有鮮味，是意料之外的好味!黑豚肉脆脆豬 $36三隻小豬賣相可愛，第一觀感像是小豬在草地上走動! 黑芝麻做眼睛，夾起後熱氣仍在，要待一會方可進食。咬了一口，很脆，內裏軟軟，其實與鹹水角做法一樣，只是外表換了豬豬而己，黑豚肉粒味道不錯，每一啖都是脆的，確是有姿勢有實際!豆沙QQ小白鼠 $28另一可愛賣相，黑芝麻眼睛、瓜子耳朵、椰絲表面，小白鼠的動態好像在尋尋覓覓!有暖暖的溫度，若豆沙餡料能多一些會更滿足!即叫即蒸的點心果然新鮮好味，有質素，又有煥然一新的感覺。店內清潔企理，得閒定會再來嘆茶及試新點心，支持更多新創意!

下午3點幾到，坐低睇野食，店內人不多，所以坐得幾舒服。睇野食，點左6個點心。炸豬仔咸水角，外形得意，味道ok流心奶黃，皮太厚，味道正常春卷，幾好，蒜味濃厚菜苗餃，正常味道陳村粉排骨，正常，因為個腸粉可以再滑d菜肉包，唔錯。坐左1個鐘4點幾走，聽到同場2枱客問係咪有下午茶，因為點心紙無寫下午茶，可能熟客先知。R姐之後先拎張下午茶紙俾個2枱客。朋友問R姐可唔可以拎張睇下有咩食，點知個R姐唔願俾，話幫我地check過我地叫既係正價點心😡跟住我地忍唔住叫佢拎張下午荼紙睇😡因為我地係唸住睇有無特別點心🤬R姐黑面咁拎過黎，另外個R姐本身係收銀即時行開左（無野做緊走開扮有野做）俾錢時忍唔住爆佢（唔係大聲，只係講番個事件）依家唔係正唔正價問題，本身只係想拎黎睇下有咩特別野，就已經當客想要平搞事。依家係正常入黎你本身有哩個服務俾客人睇，唔係唔老實扮無哩d下午特別點心。重要客人問先不情願拎出黎，連唔好意思都無句重要黑哂面❗️😡😡本身係想再去試其他野，依家一定唔會幫襯，因為不老實❗️

事原約左個好耐冇見既朋友食飯，又唔想次次食西餐，所以就搵左呢間係太子食點心既地方，轉下口味！（同埋我覺得夜晚飲茶係開心過朝早，道理等同係夜晚食麥當勞嘅全日早餐🙈）餐牌選擇都幾多，同埋個價錢十分之親民～因為好平嘅關係，所以我哋叫咗好多嘢食😂-陳村粉蒸排骨分量好多，堆到個小山丘甘⛰佢用呢款既陳村粉米槳比例係高啲，食落相對係痴牙少少黑金流沙包☄️：佢賣相黑金色係幾打卡able既，而入面就係流沙奶黃鹹蛋😍搣開個包都係流心！最欣賞佢既地方係鹹蛋味夠香，而佢嘅鹹蛋係融合咗奶黃一齊，而唔係一舊一舊👍🏻懷舊春蛋燒賣🌕：鵪春蛋燒賣唔係度度都有得食，佢包得好滿好大粒，我個朋友一食落之後勁驚訝佢隻蝦好大隻包左係入面😂係足料嘅！春風得意腸🌾：我覺得呢個腸粉有啲似同日本沙律Crossover，最面嗰浸就係有蟹子粟米同青瓜，係有少少沙律醬嘅味添嘅～而底果層有蝦同埋炸咗嘅朱網油🎆你都可以想像到，擺咗入口之後就有好多唔同脆口嘅材料喺度咀嚼緊，個組合幾得意～蒜香蝦春卷🦐：春卷炸得夠熱夠脆，令到入面切好咗嘅蘿蔔粒同馬蹄粒，調左味嘅蝦仁，同埋只有春卷先有嘅獨特油香味都揮發出黎💓黑松露鮮蝦餃🍤：佢個黑松露味都好出，配合大大隻蝦

 First time here, and wow!  I am a Dim Sum regular, but the dim sum here is so delicious and well seasoned that I have to write a positive review for my experience.When the steamed Chicken Rice in Lotus leave came to our table, the flavours was still rising,  moisture well kept with the aroma from the steamed dry lotus leave. Hey, but do share this plate as there are so many delicious dim sum on the menu hahaha.Soup dumpling (Xiao Long Bao) is broth riched inside the the dumplings. Please eat it

🔺得閒飲茶依家飲茶已經唔係茶樓嘅專利😏近來開左好多餐廳都提供一盅兩件嘅特色點心☺️今次介紹呢間都唔例外有好多fusion點心值得一試😋😋.春風得意腸🍴腸粉包住脆卜卜嘅油炸鬼裏面仲釀左蝦肉、粟米、蟹籽🦐🌽🦀口感非常豐富 食落仲有好香嘅蒜蓉味超好食🤤🤤🤤.龍蝦湯鮮竹卷🌯用龍蝦湯已經比平時食開嘅矜貴🤘🏻值得讚嘅係鮮竹卷外皮仲keep住脆卜卜唔會俾湯底浸到淋晒👍🏻👍🏻.灌湯京滬小籠包🥯皮薄餡靚 肉餡大大粒充滿湯汁🙌🏻.黃金流沙包🥯流沙餡好香濃 食個時小心燙親咀🤫.得獎蝦餃之王🦐蝦肉新鮮爽口大大粒 皮薄煙靭😼.千島醬蘿蔔糕🥕香脆嘅蘿蔔糕配上木魚絲同千島醬好日式嘅食法 但又非常match😺.呢間餐廳係元朗都有分店！喜歡點心嘅一定要試 一定覺得好有驚喜🤤

因為屋企人喺度附近返工，而且之前阿媽嚟過呢度食又覺得幾好，所以決定中秋節同媽媽嚟咗呢度食晚飯。一入到去即刻有人招呼，空間都幾闊綽睇下個餐牌啲嘢都幾抵一般來講我都會是蝦餃燒賣，因為越簡單嘅嘢就越容易試食餐廳好壞。蝦餃唔錯，皮好薄所以一攞起好容易會穿，而且佢嘅蝦味好充足。燒賣菇同埋豬肉味就冇咁出，但係都OK 㗎我一般來講都好鍾意食灌湯小籠包，好難得地搵到一個地方平靚正。有啲地方嘅小籠包皮好厚但係呢一間嘅啲皮嘅厚度就啱啱好小籠包去湯好足夠所以食嘅時候一定要小心辣親。佢嘅棉花雞都好唔錯，啲湯汁好好飲，豬皮好好味。最令我驚喜嘅反而係一般來講平平無奇嘅章魚肉餅飯，因為佢啲荷葉包住啲飯應該係之前醃左好耐，所以食個章魚肉餅嘅時候啲飯粒粒好爽同埋有好香嘅荷葉味道。而且啲章魚肉餅都好香好鮮味，兩個人真係食唔晒。買單茶錢都係$4位咋，食咗咁多嘢都係大約$150真係唔錯。

一盎兩件 小編其實好歡喜因為好岩同一家人一齊食下🏠或者同男朋友/女朋友嘆下茶唔洗下下high tea 係另類既浪漫🌹.去酒樓飲茶嫌太老餅👵🏽👴🏽呢間新穎點心店幾岩時尚又懷舊既你🙌🏻.呢間點心傳統得黎又好創新🤹🏻‍♀️創新得黎又唔會奇怪👻試左幾樣有幾樣都好值得推介💁🏻‍♀️.🥕千島醬脆皮蘿蔔糕脆脆外皮一啲都唔厚💃🏻蘿蔔糕係有一條條蘿蔔絲好真材實料 加埋千島醬同木魚片所有味道好夾無遺和感🥣唔好炸物既小編覺得好驚喜😽.🦐得獎蝦餃一盎兩件點少得蝦餃燒賣🦐呢間既皮好薄同煙靭🍴蝦肉係佔九成 而且好彈牙😇呢間既蝦餃的確比燒賣好食仲比一啲傳統酒樓出色記得一試🙌🏻.🐣蟲草花棉花雞蟲草花蒸雞大家應該唔陌生呢到既雞食得出係新鮮雞好多黃油同雞汁比棉花吸收哂😋 好邪惡😙.🍞黑金流沙包黑媽媽既麵包好低調咁𥄫睛👀流沙奶黃好流心 不過就未去到爆汁咁誇張整體都唔錯😊.總括黎講 呢間點心店質素都高 未有一樣係伏黎既😉絕對對得住佢既價錢💸而且價錢唔算好貴兩個人每人$100已經非常飽唯一缺點係坐位既空間感少左啲 多人既時候都幾嘈🗣下午3點半後會舒服好多🙃.人均消費：$100推介指數：👅👅👅👅👅👅👅👅（8/10）Encore指數：