得閒飲茶

營業中

休息中

是日同家人去閒逛～🚶🏻‍♂️🚶🏻‍♂️🚶🏻‍♂️🚶🏻‍♂️🚶🏻‍♂️出得嚟閒，預咗要食！為食家姐搵咗間食點心嘅小店～我鍾意點心小店每間都總有創意點心。賣相Cute~ 口感Q~👍🏻外皮軟糯，新鮮，帶椰香，紅豆内涵甜度適中，講起都想食😌明顯手工嘢，個個唔同樣😆，唔緊要，都好趣致😆最緊要係好食～小朋友想encore👍🏻第一次試蘿蔔糕加千島醬，夾！香脆外皮，無得彈！🌟啲個什果沙律，係茶記/快餐店嘅味道，但係下面塊鍋巴又幾好食喎～👑攞奬蝦餃～晶凝彈牙～飽滿～有蝦、青瓜、粟米、帶子仔、蟹籽點綴，清新不膩口😌野菌味濃🍄通透飽滿

收工心血來潮想飲個夜茶，成日都同朋友講得閒飲茶，估唔到真係有舖頭叫得閒飲茶，有創意👍🏼· 🍤得獎蝦餃之王 (HKD 32)獲獎嘅點心往往有品質保證，店鋪嘅蝦餃曾榮獲「2011美食之最大賞蝦餃之王」。蝦餃晶瑩剔透，皮都夠薄，蝦肉更加係好新鮮👍🏼·🐱貓咪流沙包 (HKD 26)第一次係出面食外型特別嘅流沙包，原來唔止睇得味道都好食，奶黃內餡好香，又唔滯👏🏻·🥟XO醬菜苗餃(HKD 29)本身飲茶已經好鍾意食菜苗餃，但配XO醬嘅真係第一次食，配搭新穎，仲食到XO醬嘅蝦米😍·🫔蒜香蝦春卷 (HKD 26)春卷好好食！就算擺耐左先食，春卷皮依然非常香脆😋而且蝦肉份量都算多！·🍖醬皇蒸鳳爪 (HKD 20)朋友最鍾意食鳳爪，食落腍滑鬆軟，好入味👍🏼·🥚鵪鶉蛋燒賣 (HKD 24)呢種點心算係懷舊代表之作😋燒賣脹卜卜，肉質爽口，一食就好懷念細個去茶樓飲茶嘅感覺🤤·🥭香芒凍布甸 (HKD 20)食芒果布甸一定要加花奶🤟🏻好多新鮮芒果肉呀💕入口軟滑，會Encore!!叫左咁多野兩個人都只係$200都唔洗，超抵食而且食物質素好高👏🏻如果飲悶左連鎖式茶樓，不妨過嚟試下🤪-

呢間餐廳就喺太子地鐵站A出口斜對面, 午飯時間超多人,喺外面排曬隊。 今日約咗幾個朋友去飲下午茶， 已經係晏晝四點， 所以唔使排隊， 一入去就有位喇。 今次叫咗幾樣點心， 分別係椰香黃金糕、山竹牛肉球、蜜汁叉燒腸、紫薯流沙煎堆仔、日式翡翠豆之和鳳爪排骨飯。 黃金糕味道清甜； 牛肉球味道好和叉燒腸夠滑； 翡翠豆之炸得鬆脆； 我最鍾意流沙煎堆仔， 外脆內軟， 裏面嘅流沙不斷湧出； 不過鳳爪排骨飯就千祈唔好叫， 啲飯煮到好似粥咁， 排骨嘅質素也未如理想， 骨肉分離。 佢哋嘅茶錢收四蚊一位， 叫埋可樂， 免收加一， 埋單189蚊。 我哋由四點坐到六點， 真係大滿足！

邊個話飲茶一定要去茶樓！其實我都幾鍾意去啲新派點心店。除左有傳統點心，亦有創新fusion點心，啱晒家中老幼一齊去飲啖茶食個包。平日嚟到，點心店長期滿座。環境有啲似平時嘅茶餐廳，較為逼夾。如果咁啱坐到卡位，會相對舒適。▪️春風得意腸 $36薄薄的春卷皮 包裹著炸得脆身的米網紙，還有粟米、蟹籽、蝦，口感豐富。油膩感比想像中來得低。▪️千島醬脆皮蘿蔔糕 $29蘿蔔糕炸皮非常薄，外脆內軟，還有細碎的蘿蔔顆。配上木魚絲跟千島醬，不知為何很有大阪燒的感覺。▪️XO醬菜苗餃 $29菜苗餃餡料十足，包滿彈牙的蝦肉跟菜苗。餃子皮晶瑩剔透，滑身帶煙韌。▪️蒜香蝦春卷 $26春卷皮較一般的厚，相當香脆，但毫不油膩不會過乾。蝦肉彈牙，調味十足。整體而言，點心足料有水準。唔收加一，茶錢都只係$4，性價比唔錯。唯獨環境較為逼夾。

還是依然比較喜歡的一家店，最喜歡的莫過於春風得意腸，酥軟相結合，蘿蔔糕是改良版，有脆皮，新上了一個翡翠豆腐，太淡了，我喜歡重一點口味，紅豆沙椰蓉小老鼠小雞胃喜歡，價格比較划算，兩個人200以內可以搞定

有水準的點心餐廳，菜式傳統又帶點新穎‼️ 餐廳只收$4茶錢、沒有10％的服務費，很值得支持‼️💛▫️❥$𝟮𝟲 貓咪流沙包 因為很可愛所以一早就決定要試😜 拍好照放涼了才吃，雖然沒有流心的效果，但仍然很邪惡‼️😈▫️❥$𝟯𝟲 春風得意腸 餡料豐富，有蝦膠、栗米和蟹籽👅 薄薄的腸粉包著油炸鬼，就算放久了油炸鬼仍然很香脆，好吃‼️😋▫️❥$𝟮𝟵 千島醬脆皮蘿蔔糕 很驚喜的一個點心‼️金黃色的炸粉包著幼嫩多汁的蘿蔔絲，口感豐富‼️配上西式的千島醬，味道酸酸甜甜好滋味‼️🤤▫️❥$𝟮𝟵 xᴏ醬菜苗餃 很好吃‼️xᴏ醬很香濃，餡料裡的蝦肉很爽口彈牙，很不錯喔‼️👍🏻

蜜桃小丸子外出覓食，是日特別想飲茶，但實在不想去大集團連鎖式酒樓，便到了太子這間頗有名氣的點心店試試。餐廳的點心種類豐富，門口寫著取過不少獎項，價錢比起其他類近的點心店，是較高，是否名副其實，當然要試一試，星期六早上十一時到達，已經要等位。首先，龍蝦湯鮮竹卷的龍蝦味說真的吃不到，但鮮竹卷是炸過才放入湯中，外皮脆，和湯出奇地夾，亦不會太熱氣。春風得意腸向來是我的最愛，這間做得不錯，口感豐富，有粟米粒、蟹子等，外脆內軟。千島醬脆皮蘿蔔糕，炸醬夠薄，想不到和醬汁很配合，加卜木魚，比起平常吃的煎蘿蔔糕更美味。紫薯流沙煎堆仔，好味嘅甜品，要小心入面熱會辣口。蝦餃雖然話係得獎作品，但我就覺得係最普通，啲蝦唔係特別大隻飽滿。黑糖馬拉糕，做得幾鬆軟，不會太甜。春卷材料新鮮，炸出來的餡料還是鮮綠色的，味道剛剛好。總括而言，食物美味，但價錢略進取，間唔中食下可以。

疫情下要出街食就要趕係6點前埋單。原本打算去太子一間漢堡包店，但實在多人未走，只好轉去附近搵野食。蒸餃大大隻，味道唔錯，但未去到好好食。小籠包湯汁飽滿，啖啖肉，係好食既。籠仔馬拉糕糖味幾香，又唔太甜，唔係太大件，唔會食到滯。炸紫薯球唔太甜，皮唔硬，脆度岩岩好。無加一，價錢清晰。下次去太子會再食。

咁岩去開太子見到呢間可以飲茶咪去試下，見門口都幾多人，跟住我地拎左飛就等位，都等左15分鐘先入得鳳爪排骨飯$36-好大碗呀2個人食岩岩好，排骨好滑，鳳爪夠味，唔錯唔錯牛柏葉$25-味道麻麻，少少薑蔥味都冇，牛柏葉爽口，但無咩味潮州粉果$18-蒸得太耐，個皮超林，一夾就爛左，正常味春風得意腸$34-呢個好好食，一食就個裏面係即炸，好食另外叫多左個懷舊香菇燒賣$26-個燒賣一啲都唔好食一啲香菇味都冇，又無本身燒賣既味好難食

得閒飲茶千島醬脆皮蘿蔔糕春風得意腸小籠包懷舊香菇燒賣蟲草花花膠灌湯餃豆沙QQ小白鼠價錢💲: $30/ $36/ $26/ $26/ $30/ $28好味程度😋: 3.7/5服務🍴: 3.3/5環境🗾: 3.3/5性價比🥢: 3.5/5回頭率😚: 3.3/5-得閒飲茶係比較新式的點心鋪，有好多特別的點心🤗平日晏奏去到都坐滿人咁，睇來好受歡迎👏🏻 等我逐樣講下！-必食款🌟1)千島醬脆皮蘿蔔糕: 外脆內軟😎入面係普通蘿蔔糕，出面加左層脆漿。面頭鋪滿大量木魚碎同千島醬，陣味幾特別，又重口味😍2) 春風得意腸: 薄腸粉包住入面的米網，脆米網入面再有啲蝦肉粟米咁。蝦肉份量幾多，爽甜彈牙🤩面頭仲有啲蟹籽，食落卜卜脆‼️不過呢2樣都係炸，所以食落都幾油🤔-正常款⭐️ 1) 小籠包: 都脹卜卜，入面啜到啲湯既😋不過個皮就厚左啲，令到個口感差啲2) 懷舊香菇燒賣: 正正常常，食得出有蝦肉同肥豬肉。新鮮既，但冇咩特別🤨3) 蟲草花花膠灌湯餃: 好大隻，湯底好甜，好想係咁飲😂但就食唔到咩花膠🙈 皮因為浸得耐，所以好軟，冇咩韌度😩入面都係豬肉蝦咁，一咬開就瀉晒出來。-可愛款: 最尾一個係豆沙qq小白🐭，呢個小貴，$

今日元旦同屋企人飲茶！去太子得閒飲茶買外賣返屋企，沖定壺靚茶等！可以慢慢歎！係網上落單🈵80蚊有7折，好抵食！點咗5樣嘢，最好食係春風得意腸，有5粒星⭐！下次會再點！叉燒腸都唔錯！醬汁蒸鳳爪幾好！陳村粉蒸排骨一般，粉好厚黏係一舊舊，唔係薄一塊塊，下次唔會點！而貓咪流沙包得個樣，裡面流沙餡有怪味！如果係堂食，會同經理講！總體都可以！會再嘗試其他嘢！

第一次幫襯，一坐低已經莫名奇妙被店員呼喝兩次（1佢呼喝我去坐另一兩人枱，我本身都不是坐卡位，本身坐普通兩人位；2佢見我冇動，更大聲呼喝：飲咩呀？你飲咩呀？）。決定閃，咩都冇食。從此不再幫襯，店大欺客，我不用阿諛奉承，但基本禮貌都沒有，莫名其妙被呼喝，感覺實太差😡建議店名叫店大欺客更貼切😡

得閒飲茶？真定假啊？——香菇燒賣($26)佢個香菇味都幾出🤣個皮算薄！餡又多，味道都good，正！.得獎蝦餃之王($32)粒粒晶瑩剔透，好飽滿😍入面嘅蝦都幾爽口！個皮唔厚，好有粘性～.灌湯小籠包($26)真係爆汁！咬落去d湯汁必嗮出黎😂而且好飲🥰小心熱👻.龍蝦湯鮮竹卷($30)唔係好食得出龍蝦湯😂但個卷係好食嘅！入面好多料，口感好豐富～.春風得意腸($36)非一般嘅炸兩！入面有啲粟米粒，油炸鬼入面仲釀咗蝦肉🤣上面有蟹籽添。粉皮又唔厚，Very Good!.XO醬菜苗餃 ($29)菜苗同入面嘅蝦肉都好爽口，比例啱啱好🤣皮薄餡靚！好多XO醬係上面，好香口。.千島醬脆皮蘿蔔糕($30)個皮又真係幾脆😙千島醬同木魚碎又同炸蘿蔔糕幾夾喎！食到蘿蔔粒，都幾甜！不過皮有啲厚。.貓咪流沙包($26)我以為係豬黎😂外型好可愛呢！有流沙！唔錯～.3.6牛乳太陽蛋($24)中間真係好似蛋黃，原來係啫喱黎🤣牛乳奶凍好重奶味，果然係3.6！.——📍得閒飲茶太子運動場道7B號地舖.

有日同家姐去飲茶, 感慨左下以前呢個位可能係飲完酒截緊的士或搬緊屍亦都試過夜晚黎呢D唔係酒樓的地方飲茶但而家, 係日光日白黎喇, 好健康哈哈-先黎左沙嗲牛肚, 馬拉糕呢到的點心其實好味過好多酒樓, D沙嗲又入味, 馬拉糕好軟熟又唔太甜之後前面呢個蘿蔔糕, 係勁好味!!!!!!!!!!!!!!!!!!!!!!外脆內軟呢個蝦春卷都好好味呢個炒手, 略嫌唔夠辣-冇呀, 得閒飲茶啦

好耐冇飲茶啦！得閒嘆番一盅兩件都幾爽🥰 除咗傳統茶樓之外，而家都開咗好多點心店，想食點心又多咗唔少選擇😚 呢間仲係黃點心店，經過可以支持下💛春風得意腸 ($36)係舖頭嘅王牌🃏腸粉包住脆卜卜嘅油炸鬼，入面仲有鮮蝦同粟米做餡料，加埋蟹籽點綴令到成個點賣相靚左唔少🥳 黃金流沙包($26)貓咪造型夠曬吸睛🤩 做到流沙效果，入面嘅奶黃味幾香濃👍 灌湯京滬小籠包 ($26)一咬啲汁流晒出嚟🤤啲湯好香甜，肉餡大大粒，略嫌外皮有點過厚🙈千島醬蘿蔔糕 ($30)蘿蔔糕外皮炸得好香脆😋 配埋木魚絲同千島醬又幾夾，係幾新式嘅食法！得獎蝦餃之王 ($31)蝦餃皮晶凝通透，厚薄適中，蝦肉爽口彈牙，值得一試😋成日話遲啲見、得閒約、得閒飲茶，之後又無左回事😢 睇到呢到，有冇啲好耐冇見嘅朋友？快啲Tag下佢地，多啲約下陪下身邊嘅朋友同屋企人啦🥳#大大力懲罰黃店💛-得閒飲茶 (太子)📍太子運動場道7B號地舖抵食指數：😚😚😚😚/5舔舔脷指數：😚😚😚😚/5