得閒飲茶

營業中

休息中

因為瞓晏咗又想食點心，約咗fd去呢度飲啖茶、食個包得獎蝦餃之王（4隻） $30一籠有四隻，隻隻都晶瑩剔透兼皮薄餡靚蝦肉爽口彈牙，幾有鮮味陳村粉蒸排骨 $24朋友突然間想食，不過我陳村粉多過排骨蟲草花冬菇棉花雞 $29啲蟲草花得幾條毛咁不過整體係OK好食嘅春風得意腸 $34以腸粉皮幾滑溜佢用米皮包唔錯吖個餡有蝦肉&粟米&青瓜&蟹子，幾有層次黑豚肉脆脆豬 $34係幾得意，但無諗過係鹹水角我好憎食鹹水角紫薯流沙煎堆仔 $34似煎堆+奶黃包入面係紫薯+流沙奶黃咬落去就有奶黃口噴出鹹香味嘅奶黃+又甜又煙韌紫薯幾特別

平時我都好鍾意飲茶但成日都要等位，呢間小店真係啱晒我！朋友仲話呢間係佢食過最好味既點心！平均$25一碟，免加一，坐得舒服，點心都好精緻。唔使茶樓同人迫，仲開到夜晚12點.🔻太子&元朗都有分店，可能開係比較唔係太顯眼地方，可以做到價錢平，食物質素高！我同朋友真心食到碟碟都勁滿意。.🔻好食蝦餃王🦐、小籠包、流沙包、春風得意腸、牛柏葉、棉花雞。基本上全部都大愛😍😍🔻流沙包勁勁流心，又唔會滯，好香，勁想叫多籠打包帶走🤤🔻個蝦餃王皮薄彈牙，小籠包皮薄多汁味道啱啱好🔻春風得意腸係由油條加蟹籽、蝦、粟米再用腸粉包🔻問左老闆個囡，先發現原來間小店都好多媒體介紹過，佢呢度一籠小籠包$30，仲好食過鼎泰豐。性價比好高，我會再返嚟食！因為我真係好鍾意飲茶！

呢度飲茶個價錢絕對唔平，雖然只係小店。不過啲野食既味道都ok，我地叫左5樣野食，2個人，埋單連茶位係 HKD156，但其實食唔飽。# 沙嗲金錢肚 # $26 ***** **** 9.5/10堅好味! 金錢肚每塊都好大塊，夠冧又夠咬口，絕對係上盛之作! 下次黎明定要嗌。飲茶黎講，金錢肚份量唔少。# 香菇燒賣 # $26 ***** ** 7.5/10不過不失，食完無乜太大impression，最好就整大粒啲，口感會啖啖肉豐富啲。# 黑金流沙包 # $25 ***** ** 7.5/10唔算係我食過最流沙既包，而個包未身唔算勁軟綿，但味道係好食既。# 春風得意腸 # $35 ***** * 6/10我friend話好有誠意呀呢個腸，但我唔太喜歡，因為有粟米。我覺得食春風得意腸要一咬落全部都係蝦會正啲，但呢個腸似乎粟米多過蝦咁。# 鳳爪排骨飯 # $36 ***** ** 7.5好大籠呀!但原來係個籠好闊身，但其實好淺，所以唔係好多，但勝在飯粒粒分明，夠熟又唔太硬，排骨份量多而且唔係半肥瘦，唔會超肥，鳳爪可以再冧身少少。下次可以再幫襯既如果行過呢頭。

聽朋友話這間點心店嘅食物都幾好食⋯⋯於是星期六早上同家人來太子店試試⋯⋯😎😎😎可能今日落大雨🌧🌧🌧人比較少 都唔駛等 就有位 仲坐卡位👍🏻不過有D迫 入到去店員好快就俾咗茶⋯⋯點心選擇唔算好多⋯⋯⋯價錢正常⋯⋯點左幾樣野可愛鹹水角🐷🐷🐷春風得意腸⋯賣相幾好 品道唔錯棉花雞🐥同牛肉球🐮都幾好食.......店員服務滿意⋯⋯好快俾茶水⋯⋯3人叫左唔太多⋯⋯可以同家人朋友再來試下其他食物😎

近年坊間好似多左茶記式裝修既點心店，等大家唔駛上茶樓都可以飲啖茶食個包，就算人唔多，都可以以幾件幾件既形式嘗試各種傳統和新派既點心。既然得閒飲茶再唔只係掛在口邊既口號。今日就泥到太子一嘗得閒飲茶既點心。既然可以在點心店林立既太子中佔一席位，必然有佢既可取之處。其中蒜香蝦春卷的皮脆可口，餡內蝦肉份量大而且和蒜配料拌混得宜，入口啖啖滿足，斜cut擺設除了好看外亦較易放入口中。小籠包皮薄餡份量適中，包皮更做到夠薄而煙韌既口感，啜一啖湯汁，點一點薑絲黑醋，一口下肚，回味無窮。再一嘗傳統蒸豉汁蒸鳳，醬香味濃，一啃骨肉分離，一口接一口， 即便一人吃一籠，只是轉眼間工夫已成空碟。除了款款傳統點心，店內亦有如黑豚豬仔角，芝士脆卷，春風得意腸等令人再次躍躍欲試的各款新派而且外型特別的點心。而價錢方面相對酒家絕對相宜，性價比不俗，絕對係良朋三五知己或與家人嘆茶既另一好選擇。

放假飲茶去酒樓通常都頸多人等位又勁耐有排等咪諗住試下呢啲小店 嘆下一盅兩件#得閒飲茶 #港式 #點心🦞龍蝦湯鮮竹卷純粹只係煎好咗嘅鮮竹卷淋上龍蝦汁🤷🏻‍♀️🥬XO醬菜苗餃幾香嘅，但個皮有點厚😕🐷豬仔鹹水角超級痴牙🙊🦐黑松露蝦餃一啲黑松露味都冇，剩係得芫茜味🤮放入口一咬即係吐返出黎真係勁重芫茜味春風得意一定係唔新鮮嘅蝦，一啲冇蝦味只得蒜蓉味😓芝士蝦春卷一樣係冇蝦味又冇芝士味🙄整體來說，可一不可再😒🙅🏻‍♀️

🎐熊妹呢排飯局太多，唔想再出街咁頻密，今日就特定係家庭樂，約定卡肥同阿豬媽去《得閒飲茶》食點心喇。📌晚上🌃7點幾黎到，都好多人夜晚飲茶喎！📌其實今時今日香港人飲茶文化已經唔再局限於去茶樓飲早茶下午茶，所以發展到有很多這類型的全日供應點心店，任何時段都可以食一盅三味喇。📌點心紙簡而清，點心名非常清晰，又有圖文並茂，好快地熊妹就揀齊想食的點心喇，大家口味都差不多喇，一家人嘛👩‍👧‍👦。蒜香蝦春卷，$25一碟有六件切半的春卷，其實即係三大切。嘩，真係好重蒜香味喎，非常切合產品名稱，絕對符合商品條例。春卷炸得外表好脆，剛炸起，熱辣辣，彈牙蝦肉🦐，連埋啲沙律醬酸酸的，味道很不錯！千島醬脆皮蘿蔔糕，$28一碟有四大件，面頭鋪上日本木魚，輕飄飄的還隨著空氣擺動。呢款蘿蔔糕同傳統的不同是拿去炸起的，入面的蘿蔔糕就唔係咩特別，都食到蘿蔔粒的，主要特別在有脆脆的炸皮，再配合惹味的千島醬，係非常特別的一款新菜式，熊妹一家都認同幾好味，出面係食唔到的。野菌素粉果，$22粉果係卡肥的點心最愛，熊妹特登點俾卡肥的。🥰素粉果皮好薄，餡料有粟米，野菌粒同少得的粉果粒，全部切粒好有咬口，素菜材料一定夾得來。紫薯流沙煎推

之前朋友及老婆推介，今日特別跟老婆大人來此一試，點了蝦餃，义燒腸，煎蘿蔔糕及鳳爪排骨飯，果然好介紹，煎籮蔔糕配木魚絲及千島醬好有創意，味道不錯，义腸跟蝦餃也好吃，最棒的是那菏葉蒸排骨飯 ，微帶蒜蓉香味，排骨軟嫩新鮮，不像雪藏的，份量定夠兩人吃，非常棒，唯一遺憾的是所點的香片茶，茶味不夠，但以此價錢，整體性價比已非常高，埋單只需$128元，茶錢$4一位，還免加一，值得再去，特別相比於一些大集團的酒家茶樓，更是非常超值抵食。

讚：睇片介紹，話有蝦餃王，所以就黎食蝦餃好味！包得好細緻，外皮同餡既比例好準，啲餡既蝦同豬肉比例好均勻，的確係跌眼鏡。叫多個煎蘿蔔糕，上面淋左啲章魚丸既木魚同沙律醬，坦白講個醬就有啲多餘，但蘿蔔煎得好，皮脆，質感滑，跌眼鏡地好味。蒸飯勁大份，份量相當抵。彈：服務混亂，一堆人係門口等位，入面又執唔切，個個都係度唔知等乜環境真係太污糟，張檯有油，碗碟真係一上手就知要滾水慢慢洗先得，油到完全不能接受。總結：味道正，但環境好扣分。

呢間店，食物水平10分😋😋😋😋，有創意，把💫💫💫中西合併點心升級化(平民喜愛）😄😄😄，年輕人小朋友一定Like ，價格合理，特別3.6 🐄牛乳奶凍太陽🥚一定要試😍😍😍😍

難得假日就帶屋企人去飲茶，朋友介紹話太子開左間細細間既飲茶地方雖然細細間，但係好多得意既點心🥧一於帶屋企人黎試下❤️春風得意腸，白滑既腸粉皮包住脆卜卜既油炸鬼再包住蝦肉三重口感，真心好食呀❤️豚肉脆脆豬哩款好得意呀，脆脆豬好可愛呀，有別於其他既咸水角，果然賣相的重要，原來唔止賣相睇得，而且炸到煙煙un un😚😚岩岩好喔下次會再嗌。❤️灌湯小籠包黎飲茶一定會嗌既，必食之選呀咬細細啖，咇哂啲肉汁，唔洗多講就知出色了吧！

尋日同fd去試太子新開嘅得閒飲茶，覺得都幾好！我地食左幾樣野，落單之後全部都好快上菜。得獎蝦餃之王同其他茶樓嘅差唔多，🦐都算大隻，幾新鮮好。龍蝦湯鮮竹卷比較特別，好少見龍蝦汁嘅點心。鮮竹卷入面都足料，不過佢龍蝦味唔太濃，要點多d汁先好食。春風得意腸入面都係🦐，幾香脆，都好食。懷舊香菇燒賣同出面嘅差唔多，食開可以點。而紫薯流沙煎堆仔係我最推介嘅🥰入面充滿流沙奶黃醬，鹹鹹地。好易入口，好好食。佢味好濃，建議最後先食。整體感覺唔錯，下次會再黎。

呢日公司同事開生日會, 最近呢頭開左間新點心店- 得閒飲茶,我地就叫來試試佢。其實我地都叫左好多野呀~OVERALL味道都幾好, 我諗我地之後都會再幫襯。黑豚肉脆脆豬 ($34)圖中都係2客來, 一客3粒~呢個個賣相都係好得意, 真係一隻隻豬仔咁~食落其實有D似咸水角紫薯流沙煎堆仔 ($28)圖中係2客來, 1客3隻的~呢個好食呀! 個皮好脆!流沙都好香又唔太甜! 推介!蛋黃哥流沙包 (二隻) ($24)呢個係食賣相的~賣相係幾得意的~但食落個皮係厚左D, 個餡味道都唔錯~但如果真係要計味道呢, 普通流沙包會好D囉

蝦餃細隻，倒是傳統大小，黑松露味唔明顯。蝦腸比較差，因為豉油唔係平時咁浸住粉，所以唔入味，蝦係彈但無乜味，好淡。馬拉羔大出色，密集濃細，質鬆軟，無嗌錯，一條友我食三件都唔會濟喎，也不太甜。燒賣味好又無咩肉蘇味，但凍左就無熱時咁得了。金錢肚柱侯醬真係無黑椒咁得，好彩炆得正常軟硬，個底用豆卜，普通好食。菜苗餃鐘意上面有XO醬，加分，菜唔太濟，無味精。粉果樣得，味亦唔差，皮又無蒸爛。超唔掂係紅油抄手，個樣終極唔好睇，個辣又唔多，好彩皮內涵無分離，口味比樣子得D

維尼b得閒就飲茶……唔係講笑，維尼b真係好鐘意飲茶，雖然佢食黎食去都係果幾樣點心！早幾日，唯唯媽去左太子買野，經過旺角警署附近，見到一間餐廳叫 得閒飲茶！個名好得意，睇下餐牌，係食中式點心，連點心名同點心個樣都好得意，於是入左去飲茶！我同維尼b食左，蟲草花花膠灌湯餃、蛋黃流沙包、芝士蝦春卷、黑豚肉脆脆豬、雲耳雞飯、姬松茸燉排骨湯、3.6牛乳太陽蛋！(食物係有啲多，但樣樣都得意，樣樣都想試😂😂）蟲草花花膠灌湯餃，好足料，有幾塊花膠，同蟲草花，湯底無味精好好飲，灌湯餃一啲肥肉都無，唔會食到一口肥膏，必食！蛋黃流沙包，造型得意，維尼b首先食左眼睛，自己KO一個流沙包！芝士蝦春卷，新鮮炸起，好脆，餡料隨左蝦，同芝士既咸香，仲加左紫椰菜絲，紅蘿蔔絲，食多2件都唔怕油！黑豚肉脆脆豬，係豬仔造型既咸水角，裡面既餡係黑豚肉，唔會肥淋淋得肥膏。雲耳雞飯，原籠用荷葉墊底蒸，飯粒粒分明，雲耳同雞都好夠份量，我同維尼b食剩半籠打包拎走左。唯唯媽晚飯蒸返熱黎食，飯都唔會又濕又淋喔！姬松茸燉排骨湯，呢個湯係叫俾維尼b既，佢飲左半盅，好足料，姬松茸仲有增強抵抗力，預防感冒功效喔！3.6牛乳太陽蛋，其實已經好飽，但維