得閒飲茶

營業中

休息中

近年坊間好似多左茶記式裝修既點心店，等大家唔駛上茶樓都可以飲啖茶食個包，就算人唔多，都可以以幾件幾件既形式嘗試各種傳統和新派既點心。既然得閒飲茶再唔只係掛在口邊既口號。今日就泥到太子一嘗得閒飲茶既點心。既然可以在點心店林立既太子中佔一席位，必然有佢既可取之處。其中蒜香蝦春卷的皮脆可口，餡內蝦肉份量大而且和蒜配料拌混得宜，入口啖啖滿足，斜cut擺設除了好看外亦較易放入口中。小籠包皮薄餡份量適中，包皮更做到夠薄而煙韌既口感，啜一啖湯汁，點一點薑絲黑醋，一口下肚，回味無窮。再一嘗傳統蒸豉汁蒸鳳，醬香味濃，一啃骨肉分離，一口接一口， 即便一人吃一籠，只是轉眼間工夫已成空碟。除了款款傳統點心，店內亦有如黑豚豬仔角，芝士脆卷，春風得意腸等令人再次躍躍欲試的各款新派而且外型特別的點心。而價錢方面相對酒家絕對相宜，性價比不俗，絕對係良朋三五知己或與家人嘆茶既另一好選擇。