徐記廚房點心 (已結業)

同朋友放假去飲茶知道朋友小朋友好鍾意食燒賣同流沙包專登搵左呢間位於太子，有燒賣研究所之稱嘅徐記廚房點心餐廳裝修格局大方得體座位寬敞，坐得夠哂舒服！·ꔐ翠綠叉燒腸（$35）ꔐ黑椒金錢肚（$36）ꔐ金牌咖喱土魷（$38）ꔐ鮮蝦腐皮卷（$30）ꔐ秘製上湯魚肉卷（$39）ꔐ燒賣組合（$40）ꔐ合桃馬拉糕（$28）ꔐ黃金流沙包（$25）ꔐ鳳爪排骨飯（$30）黑椒金錢肚同金牌咖喱土魷都好出色，金錢肚軟腍有口，仲非常惹味；咖喱土魷個醬汁好濃，舖底嘅山根吸哂汁，超級正！鮮蝦腐皮卷以為係蒸物，原來係油炸，估唔到又幾好食；燒賣可以自選款式，試左泡菜口味，幾得意。

太子徐記的點心對比起傳統茶樓雖然規模不大,但內容豐富多元,讓人挑選困難。鮮蝦菜苗餃皮薄帶香,鮮蝦的鮮甜感裡帶著菜苗的清新感覺;鮮蝦裹的腐皮卷柔軟綿脆,汆配上喼汁更是帶出鮮味。 叉燒腸粉皮光亮,香氣撲鼻，配上生菜有不同的口感享受; 黃金流沙包流出的鮮奶皇油亮澤滑,口感酥綿綿。花生芝麻卷也香濃幼滑,服務也給人服務貼心舒適的感覺。店內空間開揚明亮,陳設也頗有氣派。伴著食物的香氣,配上窗外的陽光,讓人在享用美食的同時也能心曠神怡。總體而言,這裡的點心做工精細,品樣豐富多變,環境舒適，是值得光顧的好去處。

今個星期六去開太子，就試下其中一間人氣點心店啦。當日十一點幾去到唔洗等位，點心即叫即蒸，夠哂新鮮！山竹牛肉球肉質好淋，但芫荽控覺得可以多D芫茜😋鮮蝦菜苗餃一上枱見到佢晶凝通透，仲好大隻蝦同好多菜苗。鮮蝦腐皮卷呢個係我最愛😍個皮炸到好脆好好食！金牌咖喱土魷一上枱就聞到陣咖喱味就好香😍土魷咬落爽口，好食！蟹子燒賣王燒賣夠大粒，豬肉同蝦既比例岩岩好😋翠綠叉燒腸腸粉皮好滑溜，好少食到叉燒腸入面會有生菜，食完又覺得出奇地好食😯呢度舖頭闊落又坐得舒服，係個嘆茶既好地方啊☺️

夜晚想食點心，黎呢間有「燒賣研究所」之稱既徐記點心～ 呢度最出名有20款燒賣口味，真係好創新！平日仲有點心工作坊添～黎左幾次都必點既🥢蟹子燒賣，大大粒，蝦肉新鮮爽彈，跟豬肉既比例均等金牌咖哩土魷土魷爽彈滋味，特別中意觸鬚，幼細入味，咖哩掛汁濃香金黄。薑葱牛柏葉加左薑蔥、芫荽紅蘿蔔絲，同牛柏葉一齊食又香又爽口。一客兩件既上湯魚肉卷，腐皮帶豆香包住魚肉，魚肉柔軟，加埋芹菜葉味道更香～ 北菇滑雞飯，雞肉嫩滑，北菇大大隻，白飯都粒粒分明。養顏薑汁糕有10層，薑味好濃厚，可以驅走濕氣，勁愛！ 徐記甘露係蔗糖冰粉，好消暑散熱～甜甜地，仲有芝麻、合桃果仁碎，有口感。

餐廳係太子花園街，全日供應點心，全部點心即叫即蒸，最重要係食物冇落味精，用嘅食材全部非常高質新鮮，質素拍得住有品牌高級點心餐廳，而且冇+1服務費，真正又抵食，又好食！真係要多啲支持呢啲小店！新鮮魚肉腐皮卷平時食開都係豬肉餡料， 呢間用咗魚肉做餡料，冇咁肥膩，魚肉夠晒彈牙，啲湯係雞上湯，完全冇味精，食完之後忍唔住飲晒啲湯！芝麻卷呢個傳統小食真係冇乜酒樓而家仲有得食，好耐冇食過， 100分！芝麻味超濃郁，質地Q彈，口感煙韌，真係冇得輸，而且唔會太甜，啱晒香港人口味黃金魚肉餅外皮煎到好脆，咬開裏面好Juicy，餡料好豐富，有韭菜同魚肉，好好味鮮蝦菜苗餃外皮好Q彈，餡料豐富， 有大大隻蝦，蝦🦐好彈牙！菜苗餃好少食到咁彈口既蝦，同埋好夠juicy，好食！懷舊馬拉糕店員話呢個馬拉糕嘅製作方法同坊間嘅有啲唔同，係用咗整蛋糕嘅方法黎整，令到佢嘅口感更好、更鬆軟，而且好香黑糖味，仲落咗合桃，令口感更豐富

我同敏仔就好鐘意食點心ga🥰襯住星期5 happy friday 放左學就出去太子行下，睇下魚睇下動物，再黎食點心🥰起初知道呢間餐廳係因為佢既《燒賣共和國》有20款不同的燒賣拼盤售賣，不過今次食得我同敏仔2個，唯有等埋老公下次試下。🤣蟹子燒賣皇 $35燒賣既肉爽口彈牙，調味適中，好食。翠綠叉燒腸 $35同其他點心不同，叉燒加埋爽脆生菜，配埋軟糯腸粉，口感極佳，估唔到加左生菜會將味道昇華。黃金流沙飽 $23敏仔的最愛，流沙飽，中間打開流沙滿滿的溢出，正呀🤤鳳爪排骨飯 $30鳳爪同排骨的份量都幾足，白飯有dd 乾身，不過加埋豉油就岩岩好啦。徐記甘露 $25由冰粉、黑糖、芝麻花生碎配搭而成，甜度剛好，作為糖水收尾最正。食評總結：用心製作的點心店，除左裝修環境唔錯外，更有創作立新的感覺，下次要帶埋老公試燒賣共和國先得🥰

返工攰到胃抽筋，就算放假都唔想早起身飲茶，所以好耐先飲一次，倒不如放工就去飲，健康過happy hour啦呢間雖然位於太子比較邊緣嘅位，但闊落是正，水滾茶靚點心都係有水準，平時唔多食金錢肚嘅大胃，都清晒佢，因為唔會好鹹，但又夠香濃蘿蔔糕係大胃飲茶wish list之一，但同檯通常怕掗胃，就唔俾嗌，呢間嘅蘿蔔糕唔會滯，蘿蔔肉嫩口，一人都可以食返一碟黃金魚餅表面好似燒餅，煎得好透，魚香菜香交織，口感不錯流沙包一擘開，滿滿黃金流沙蛋黃香氣溢出，包嘅質感好軟綿呢度嘅甜品幾特別，有碗叫甘露嘅嘢，但又唔係楊枝甘露，而係好似川菜食嘅冰粉咁，有啲芝麻、花生喺面，同時又甜甜地幾消暑飲茶又點少得燒賣呢？呢間燒賣好精緻，有樣有食材，肉香蟹香俱備叉燒腸拉得好綿，又帶點彈性，叉燒滿滿唔會得嗰三兩片

徐記蝦餃皇🦐$37不愧為蝦餃皇，皮夠薄，又夠晶瑩剔透🤩蝦肉鮮甜美味，食落爽口彈牙🥰粒粒都好飽滿，真材實料，必食之選😋秘製牛柏葉🐮$36牛柏葉味道唔錯，大大份，好足料😉蒸得都幾軟腍，而且保留到爽脆嘅口感☺️鮮蝦腐皮卷🫔$30即叫即炸，外層炸至金黃色🤩內𥚃嘅蝦仁亦保持新鮮😘入口鬆脆，夠曬新鮮熱辣辣，卜卜脆😚雪山叉燒飽😎$28唔係講笑，Size真係有菠蘿包咁大個🥰包面嘅酥皮微甜香脆，麵包質感鬆軟😌入面嘅叉燒餡料非常豐富😛真係邊食邊湧緊出嚟😇徐記甘露😛$25用上無花果、花生、芝麻同提子乾等材料🥜黑糖甜度適中，加上冰粉滑溜溜嘅口感😇入口冰冰涼涼，感覺清新，消暑一流☺️徐記廚房點心 (太子)太子花園街239號地舖

呢個假期去左食點心，去左太子呢間好有誠意既點心店，一入去就見到樓底好高，正中間有好矚目既徐記廚房招牌同字句：無論香港點變，味道依然不變👏🏻我地坐低後就叫左幾款點心🍱.🦐徐記蝦餃皇一籠有4大粒蝦餃，皮薄餡厚，每隻蝦餃裡面起碼有幾粒蝦，好爽好有口感好好味👍🏻.🥟鮮蝦菜苗餃一籠又係有3大粒，好飽滿🤩 裡面好多菜苗同蝦，好好食！.🍲秘製牛柏葉一碗上，好足料，牛柏葉好爽口好香，配上彩椒，味道帶微辣，好香口！.🦀蟹籽燒賣皇一來到就見到賣相好靚好有光澤，好有心機整！4大粒燒賣，蝦肉同豬肉比例平均，好爽好好味😋.🦑酥炸魷魚鬚超香口既魷魚鬚！特別要讚下，魷魚鬚條條都粗大，啖啖肉，唔會好厚炸粉，而且唔會落左過多調味料，食過有d出面炸既係好鹹好重口味🥲 呢度係食到魷魚鬚既鮮味、爽口又香口👍🏻.🥠茶果通常茶果要去到離島先有得食，估唔到呢度都有，即刻叫返籠先😋 以竹葉包裹住內裡既茶果好香，份量幾大粒，好鍾意佢地既外皮好軟糯好香，裡面擺滿眉豆餡、蝦米同肉碎等，口感好豐富👏🏻.🫔芝麻卷最估唔到係芝麻卷🥹 唔係度度有🥹 又即刻叫返碟！兩卷大大的芝麻卷，十分濃香既芝麻卷，口感好正👍🏻.🍧徐記甘露係類似冰粉既甜品，上面灑

我最近去咗太子嘅徐記點心，真係好好食啊！呢間點心店特色係店大而且很特色，價錢唔算貴，而且多人吃可以嗌多幾樣不同既點心share食，真係好抵食！我就嚟講下我嘅餐點啦。我試咗佢哋嘅叉燒腸，真係好滑嫩入味啊！啲叉燒味道好正，而且腸又好彈牙，令人回味無窮！另外，我仲試咗佢哋嘅春卷同黃金糕，真係好香脆可口啊！啲春卷有啲清甜，啲黃金糕就好軟+Q彈，兩者口感互相補充，非常好味！最後，我仲食咗佢哋嘅蒸滑雞飯，好嫩滑好入味！雞肉好嫩，而且啲米飯都好香好滑，令人垂涎三尺！總括來講，呢間徐記點心真係好好味啊！叉燒腸滑嫩入味，黃金糕香脆可口，多人share食多款點心盡情品嘗，真係好抵食！如果你鍾意經典點心食府，咁呢間真係唔可以錯過㗎！

正宗點心專門店😍 主打傳統點心即叫即蒸，食物款式選擇多，除了一般點心甜品，還有中菜小炒選擇餐廳環境闊落，乾淨企理，食物質素不錯，價格合理，值得一試😋💖💖💖食評💖💖💖黑椒金錢肚 - $36味道非常濃郁，鹹香惹味，口感軟腍 有咬口😋黃金魚餅 - $36 推薦！香脆可口，魚肉十分爽滑，好味🥰鮮蝦菜苗餃 - $33 熱辣辣新鮮出爐，好大隻蝦 十分足料，皮薄餡靚🤤香煎蘿蔔糕 - $25/3塊正常水準，好軟腍，沾上甜醬好好味😋甜品徐記甘露 - $25好特別的中式甜品，冰粉放上大量芝麻、合桃、提子乾，好清甜😍😍

徐記廚房點心絕對係良心小店，老闆非常親切，值得大家去支持香港手作嘅點心小店❤️今晚同老公都想飲吓夜茶，就想起徐記。喺太子地鐵站A出口行過去只需五分鐘，都幾容易去。我哋叫咗：蟹子燒賣皇，食得出每粒都熱辣辣，新鮮蝦好彈牙，爆曬餡料，超正🥰醬皇蒸鳳爪，呢個好想食多碟，師傅諗到用麵筋薦底，竟然唔係用白蘿蔔，所以完全吸曬醬汁的精華，麵筋都食曬不浪費。金牌咖喱土魷，土魷唔會太厚好爽，咖喱汁濃，仲要係鮮味嘅魷魚，正👍🏻。仲有篤眼篤鼻(炸物)，老闆話係新出品，介紹我哋一定要食，我哋初初以為係炸南瓜炸青椒咁，食落原來係我地最愛嘅鹹水角！好好味，唔太油膩，仲幾鬆脆添，超有驚喜吖。芝麻卷，一放低芝麻香味已經撲鼻，仲要係落足料，食落口入面軟綿綿好幸福嘅感覺啊！傳統野食買少見少喇。徐記所有點心即叫即蒸，上枱時全部熱辣辣，自然調味不多不少，呢度絕對加分👍🏻抵讚👍🏻食得健康希望佢哋可以繼續保持水準，將點心做到最好，對香港的愛不變，一定會推介畀朋友去食。

位於太子嘅呢間隱世餐廳，位置雖然唔係太方便，但係絕對值得專程行過黎試吓佢哋即叫即製嘅點心😍懷舊糯米雞糯米Q彈又入晒荷葉嘅味道。份量十足，大大份夠晒飽。🤤翠綠叉燒腸叉燒腸黎講呢個絕對係健康之選，除咗叉燒仲加咗西生菜，食落腸粉軟熟，西生菜又夠爽口，超有層次！😝香煎蘿蔔糕蘿蔔糕有大酒樓嘅水準，外脆內軟，上台又夠晒熱。😍養顏薑汁糕薑汁糕超有驚喜，薑汁味道辛辣帶香，平衡番糕品嘅甜味。😋徐記甘露中式冰粉食落清甜，作為成餐飯嘅句號，有解膩嘅作用。上面嘅乾果仁食落仲有健康嘅感覺💪

我有舖點心癮，耐唔耐就想食。行完花墟喺附近行，見到呢間點心店好似唔錯，就入咗去食。鮮蝦菜苗餃$33菜苗餃大大隻，皮薄餡靚，有好爽口嘅大蝦肉，仲有蒜茸豆苗，清淡得嚟好香😋香茜牛肉腸$33腸粉皮厚薄尚算適中，餡料好足，牛肉唔會溝好多肥肉或者太糊狀，真材實料👍🏻金牌咖喱土魷$38土魷魚好厚肉，爽口，配埋濃郁惹味嘅咖喱汁，下面薦底嗰嚿麵筋吸晒精華，好味😋香煎蘿蔔糕$25蘿蔔糕煎得啱啱好，金黃焦焦，用料簡單，主要係蘿蔔切粗條，清甜多汁，配上少量臘腸，沾上海鮮醬好好食👍🏻徐記甘露 $25呢個係冰粉，QQ爽滑嘅冰粉配上糖水，加入大量芝麻、合桃粒、無花果粒、果乾，少少甜，幾清爽嘅一個甜品😋我見到舖頭貼咗宣傳單張有好多款唔同味道嘅燒賣，係佢哋首創，一籠有好多粒，下次有機會多啲人一齊嚟試吓😆

一入去發現高樓底，一排排好多座位。嗰日喺晚上6點嚟食，人不算太多，可以任揀座位坐。坐低後即有店員送上一壺茶和點心紙，之後再問攞燒賣的專屬點心紙和芫荽點心的點心紙，店員都一一回應，服務不錯👌🏻🌱 荽蝦腸 (HK$42)．餡料原來是生菜蝦腸上面加超多芫荽．蝦蝦超大隻，又爽又彈．薄皮的腸粉好滑溜，滿米香．配些甜豉油，鮮甜美味😋🥟 小籠包 (HK$29)．薄皮，肉餡軟腍、多汁．原隻點醋都OK👌🏻🍮 養顏薑汁糕 (HK$29)．呢個超超超夠薑呀😍．煙煙韌韌的口感，超級正！🎋 生竹牛肉球 (HK$26)．牛肉球大大粒，必配喼汁🍮 芝麻卷 (HK$39)．老闆娘推介．用筷子夾起來好墜手呀！😳．咬落去，好軟滑又煙韌嘅口感呀，芝麻味超濃，仲卷住些白芝麻，豐富口感😋🥟 自由揀燒賣組合 (HK$48/4粒)．從20款中揀咗4款．朱古力花生燒賣，只食到淡淡的花生味，似乎朱古力醬係蒸嘅時候流失咗🤔．夠薑燒賣，見到薑絲，但可惜只有微微的薑味，不夠薑囉☹️．鹹蛋燒賣，一啲都唔鹹，食到底部係見到少少蛋黃咁多咋🤏🏻．芝士蘋果燒賣，沒有爆漿芝士，不過是食到芝士味道和一小薄片蘋果，是4款之中最食到餡料啦！．整體比較失望😢📌