徐記廚房點心 (已結業)

同朋友放假去飲茶知道朋友小朋友好鍾意食燒賣同流沙包專登搵左呢間位於太子，有燒賣研究所之稱嘅徐記廚房點心餐廳裝修格局大方得體座位寬敞，坐得夠哂舒服！·ꔐ翠綠叉燒腸（$35）ꔐ黑椒金錢肚（$36）ꔐ金牌咖喱土魷（$38）ꔐ鮮蝦腐皮卷（$30）ꔐ秘製上湯魚肉卷（$39）ꔐ燒賣組合（$40）ꔐ合桃馬拉糕（$28）ꔐ黃金流沙包（$25）ꔐ鳳爪排骨飯（$30）黑椒金錢肚同金牌咖喱土魷都好出色，金錢肚軟腍有口，仲非常惹味；咖喱土魷個醬汁好濃，舖底嘅山根吸哂汁，超級正！鮮蝦腐皮卷以為係蒸物，原來係油炸，估唔到又幾好食；燒賣可以自選款式，試左泡菜口味，幾得意。