彩薈軒 (海之戀商場)

營業中

休息中

彩福集團最近係荃灣西上蓋開左彩薈軒，地點方面得黎仲要望到海景。酒樓有搞婚宴，餐廳環境裝修得好體面芝士龍蝦伊麵(1.2斤一隻) $149龍蝦做緊推廣價88蚊一斤，可以揀清蒸或者上湯，如果揀其他煮法就要加20蚊，如果好似我地甘加伊麵底就再加30蚊，雖然好似咩都要加錢甘，但其實都好抵食。即叫即制，上枱時仲熱辣辣，龍蝦好大隻好新鮮，龍蝦肉大大舊好厚實，肉質鮮甜嫩滑，師傅掌握火喉岩岩好。芝士汁好濃厚，每一啖伊麵都可以食到芝士汁蜜梅柚子京燒骨 $88用左半肥瘦排骨唔會太肥膩，口感岩岩好。蜜梅柚子醬甜甜酸酸好開胃脆皮南乳雞(半隻) $70脆皮雞鹹度岩岩好，唔需要特別再點南乳醬都已經好夠咪，雞皮炸到好脆，肉質岩岩好嫩滑多汁蒜茸唐生菜 $68蒜茸咪好重，生菜熟度岩岩好，唔會過火生菜又唔會煮到變黃香芋西米焗布甸 $18西米蓮蓉布甸就食得多，香芋真係第一次試，布甸好滑，不過西米略嫌唔夠多，香芋蓉都食到香芋粒，甜度適中

.🔺 彩薈軒黎緊有朋友會係度辦婚宴先知道係海之戀商場入面開左間彩福集團旗下嘅彩薈軒🌻今次就黎睇下個新場地 試下佢個早茶☕️.旋風黃金流沙包🍞賣相特別 😎味道唔錯 唔會太甜如果再流心D更好.龍皇野菌腸🥦春卷皮炸得好脆 腸粉皮幾滑係唔錯嘅配搭而且食落唔會好乾☺️.帶子鮮蝦鳳眼餃🍤鮮蝦同帶子好足料好新鮮.椒鹽魷魚鬚🤩炸得非常香脆可口而且魷魚份量大 小編兩個人就食唔哂喇.原個椰皇燉燕窩🍀好香嘅椰汁味 燉得好滑配埋燕窩好滋潤.總括黎講 呢間新開嘅彩薈軒食物質素唔錯 用上Tiffany blue做主色調 💙仲有個靚海景添😍

海之戀商場陸繼開店拉🤩🤩先拔頭籌-彩薈軒，家庭聚餐，正！飲茶有得晚餐有得😍一進門口，超級高樓底，很大空間感，中間完全沒有柱，樓底高，仲可以望到海景🤭🤩總體裝修好靚呀，又新又乾淨，而且服務非常殷勤👍👍餸菜選擇亦多，仲有都套餐，海鮮一定要叫，因為見有很大很大魚缸，可見新鮮☺☺薑蔥桶蠔😍😍大大隻，用料上乖，因為街市買一桶都要$88，感覺賺了🤭🤭燒鵝，甘香可口，沒有皮下脂肪，皮脆肉滑，拍得住X記和X記😂😂清蒸龍躉斑頭😬😬超大碟，望上去有成斤份量，鮮嫩肉滑，加上云耳，更加健康埋相更加靚😋😋生猛加拿大龍蝦🤤🤤$88/斤，唔可以加伊面或烏冬底，魚缸即撈即做，彈牙厚肉，用刀叉享受就至啱👍👍👍加了上湯伊面，不用叫飯了😋😋宮寶帶子雞丁，夠鑊氣，帶子很多，夠惹味，送飯一流坐得舒服乾淨，企理，人均$200，大排檔價錢，高級中菜廳享受，嫲嫲生日要定位😝😝

朋友搬家到荃灣西西鐵站上蓋的海之戀，過來探訪，請我們晚飯🤭🤭海之戀商場新開了連鎖大品牌彩福集團 彩薈軒，這商場暫時店舖也不多！先睹為快就試試😂😂我們一行四人，門口的花草裝飾給人很舒服的感覺。進去，非常之寬敞藍粉色為主調，而且中間完全沒有柱，樓底也非常高！店員安排我們坐在海景位置😍😍😍望住海景晚餐真係超值😬😬而且背景枱好靚呀，相信擺婚宴都會錦上添花🥰🥰晚市都有很多套餐選擇，而且價錢好合理，而且餐具非常乾淨，店員服務都很周到👍👍食家三寶套餐$438燒鵝例牌、薑蔥桶蠔、清蒸龍躉班頭腩🤩真係街市買都要這個價錢燒鵝一點都不肥，而且沒有皮下脂肪，皮脆肉滑，好甘香，送飯一流😍😍薑蔥桶蠔有5、6隻，略略走油，更加香口，大大隻，蠔味濃郁😛清蒸龍躉斑頭腩加咗云耳薦底，感覺特別健康，魚肉又鮮又滑，而且份量很多呢😋😋差點走寶，做緊推廣龍蝦$88/斤，這麼大碟身$99超大隻厚肉，非常新鮮，見到很大個魚缸呢，即叫即劏，非常彈牙，店員很細心還拿了刀叉給我們👍👍👍加了上湯伊面$30，不用叫飯了，真的很鮮甜很新鮮😋😋宮寶帶子雞丁 $98 夠鑊氣，帶子剛好熟，有10多粒呢好耐沒有食到有質素的中餐了，而且價錢親民，真係晚飯

今日放假，約了好朋友午飯。我們選了荃灣西～海之戀商場～新開了彩薈軒。正正西鐵站上蓋，交通非常方便。我們大約下午一時到步。現場只有七成食客，完全不用等位，立即入座。這裡食物款式非常多，不趕時間可慢慢揀。♡上湯龍鳳球淮山麵♡配料：蝦球、雞肉、菜心、磨菇、紅蘿蔔。麵條好吃，配菜新鮮，真的好味，下次來，會再叫。♡生煎梅菜叉燒包♡夠熱，包面煎得金黃吸引，梅菜很少，不留意，食唔出。叉燒味道滿意。♡鮮竹牛肉球♡ 水準之上，美味可口。♡金粟墨魚餅♡ 這款點心，平凡中顯特色。帶子鮮蝦鳳眼餃♡鮮蝦 和 帶子 很新鮮，手功不錯，賣相吸引，美味。♡香芋西米焗布甸♡原來是超級「迷你版」。朋友推介的，道味果然一流。菜 單 如 下：

海之戀是荃灣西上蓋新商場，地點真的很斯方便。因為住元朗的關係，過來荃灣都只是15分鐘，知道海之戀的彩薈軒開了之後都忍不住來試一試新酒樓，因為對於彩福一直有好印象，食物質素非常好。見到有張是得獎點心當然要試試，旋風黃金流沙包 $30一咬開，流沙如泉湧的流出來，但不會太甜，包很軟熟，確是不錯。香煎蘿蔔糕，很驚喜，因為真的食到絲絲的蘿蔔和很香，是少有會食到的美味，外面多數都是面粉做的。糯米雞，每個都是小小的，所以不會太飽。每隻都有些少咸蛋和肥豬肉，絕不馬虎。排骨的肉質不錯，沒有用鬆肉粉，肉質有彈性，肉的調味也剛好不會太咸，好食！北菰綿花雞，魚肚很湖，吸收了汁好甜好好食，雞也很滑，連北菰都厚肉又好食。最後是得獎點心是原隻飽魚燒賣皇，回家才發現這張影成這樣但這點心超好食的，小飽魚超入味又彈牙，太好食了！燒賣的豬肉和蝦比例完美，果然是得獎點心。埋單都是二百多元，茶價和食物價錢都相宜，環境又舒服，下次會再來。

價錢唔係平，味道唔出眾，仲要服務差到無人有。位又擺唔齊，Menu 催幾次先有，八點就呢樣無個樣無。又唔加水，黑衫有時間同客吹水無時間做野。野食遲一遲都唔到。嬲到想寫食評，到打完都無野食。

同屋企人一行四人去了這間開開的彩薈軒，酒樓裏面新裝修，開揚光猛。假日午市都有四、六及八人套餐，其中四人套餐都是二百幾蚊，十分抵食。先送上枱是三款心，全部都新鮮熱辣。帶子鮮蝦鳳眼餃雖然帶子細細粒，但裏面還有爽口蝦仁。黑松露桃膠小籠包皮薄湯汁豐富，有淡淡的黑松露香，肉汁鮮甜。蟹杍燒賣裏面有大大隻蝦仁，豬肉餡結實而且少肥膏。套餐除了點心外，還有燒味拼盤，有嫩滑的油雞、半肥瘦的叉燒、脆皮燒腩仔、煙鴨胸及海哲，最好味一定是叉燒及燒腩仔。豉椒彩鳳炒麵份量很多，炒麵炸至金黃香脆，表面淋上豉椒汁，雞肉就比較普通，味道都不錯。

朋友新樓入伙，過了去賀下佢，之後去了樓下商場飲茶，午市時間都比較多人。茶位每位$13，而點心則由$20至$36起。濃湯鮮蝦水餃王水餃有五隻，每隻脹卜卜，裏面的蝦肉彈牙，還有些爽口的木耳。晶瑩蝦餃王蝦餃晶瑩剔透，每粒都有乒乓波般大小，裏面充滿著爽口蝦仁，而且外皮夠薄。芝心海王千絲春卷得獎點心果然不同，外層的米粉炸得香脆不油膩，裏面包著些半溶芝士、芋頭蓉及雜菌，整體香脆。蜜汁叉燒腸腸粉皮都比較薄，而且又夠滑，裏面叉燒餡料十足，還有點芫茜香。叉燒皇果然是招牌菜，叉燒表面有蜜汁的色澤，以梅頭豬肉製作，肉質嫩腍，肥瘦均勻。

荃灣茶樓好多，差不多都試過晒😆海之戀新開（其實成個商場都未開😓）開左一間酒樓，見人流未算多唔使排隊就呼朋喚友去試菜。星期六朝早九點十五分不用等位，環境舒服👍🏻 好少酒樓可以做到枱同枱之間咁多空位，抵讚！商場而家係一個大工地，裝修味又唔係好勁....假日早茶去到10:30，遲少少起身都食到。孖寶$40 & $34 合理，而且食物有水準！腸粉加鳯眼餃係孖寶，2樣都好食...我覺得係呢個組合既Hero 配搭👍🏻煎梅菜叉燒包，大家都食唔到梅菜味...但以煎叉燒包黎點評係好食既😆激讚之選係虎皮尖椒👍🏻魚肉爽口、尖椒唔會煎到好淋...啱啱好炒米粉碟底冇油，米粉乾爽、配料勁多唯一問題係商場未開晒，好難行上酒樓個層...但係開晒，又未必搵到位🤣

荃灣新商場海之戀最近開了一間中式酒樓，即刻和家人去試先 隔格無處柱，又有落地玻璃對著海景 ,相信辦宴會，婚宴也很適合呢 點了兩款得獎名點心原隻鮑魚燒賣皇 靚鮑魚大大粒已經蓋過整粒燒賣呢！不知是否近來豬肉成本較高， 肉料反而多了很多蝦肉真功夫潮州蒸粉果 皮非常薄，餡料澎湃但因為摺痕一點也沒馬虎，所以 一口一口咬也沒有爆出來， 可以優雅地吃著大粉果 蝦餃皇蒸粉果一樣皮非常薄的 ,用上新鮮的大粒蝦非常美味鮮竹牛肉球 腐竹的份量 不少 ,牛肉質感都非常高 也打得很滑椒鹽九肚魚 不是很大碟正好適合二三人又想食炸物， 炸得非常香口，但又不會油膩感。香芋西米 焗布甸焗布甸等候時間不太久 ,咬到香芋粒， 甜度也恰到好處 價錢和質素性價比非常之高

姊妹想係到擺酒，貪新同話屋企人喜歡彩福系列哈哈。嚟到有花海，靚呀！可能佢之後可以做埋嘉賓影相位，唔洗另外做背景。好多人飲茶，要等一等。見到今晚都有人擺酒，姊妹影相偷師之時，就入得座。下午茶小餐 $118上湯龍鳳球淮山麵湯底唔咸，幾好。酒樓都有淮山麵啦，有d似公仔麵口感少少但係滑d既感覺。一碗兩份食都夠。蝦球一定無蝦腸既、雞肉片厚滑、有雞鮮味！濃湯浸菜遠大大條，綠粗粗。濃湯菜浸入味得嚟又無太咸，控制ok，爽。欖菜肉鬆四季豆依個比菜吸引，份量雖話小食，但有小菜份量。四季豆炒得收哂水乾身下貼滿欖菜。欖菜好重味同肉鬆粒一粒粒好重本。之後加點心，無哂帶子鮮蝦鳳眼餃，嗚。綠豆蓉紫天鵝- $26外皮有蘿蔔酥皮既影子，薄多層厚脆。可以拎住天鵝頭食哈哈。 綠豆蓉飽滿帶咬感，但主要以軟。脆皮紫米冬菇包$23外皮有d似炸饅頭，激似冬菇。入面係紫米一d都唔甜，今日食既咸甜點都味道處理得岩岩好。新店係好d！上星期先係另一間旗下分店食佢得獎點心，覺得nice！原隻鮑魚燒賣皇 $38朋友勁誇話有乾鮑味道，有茨汁嘛。好大粒，得獎係唔同既。燒賣皮有咬緊唔係薄一皮咁，蝦肉豬肉混合有點爽有d厚。以酒樓嚟講，環境真係唔錯同夠

#TastewithTAIG: Esther.dino / Esther.stomach竟然是一家不錯的新酒樓喔！最近跟一堆親朋好友聚餐，為了方便當然選擇朋友住附近的酒樓吧！看餐牌的不是她姐啦，聽說套餐選擇還好。我們各人愛不同口味吧～直接單點好了！《加拿大龍蝦》一星期有一些特定的時間只要$88一斤，還是一隻（忘記了～）我們分別點了上湯的/還有蒜的，加配了烏龍麵（烏東）、伊麵、粉絲。比較大隻的龍蝦的鮮味是有的，不過用蒜的那一些龍蝦味道都被蓋過了！這家配的烏龍麵（烏東）有質素！能夠媲美那些日本急凍的！《四季豆》附來了一籠片皮鴨的餅片？哈哈，大概是我食的時候，餅片都冷了～怎麼食也覺得怪怪的；味道是不錯，還是用來配上一碗飯吧！《片皮鴨》同行的太愛片皮鴨了！！！ 這家的片皮鴨的切工不錯，但一定是有空間再進一步！片皮鴨每片的大少應該要差不多，怎麼有時覺一片還要比那餅片長呢？還是我抽到了JP呢～嘻嘻嘻

新開張數天，去試試。星期一早上九點多，去到已有不少茶客，不過不用等位。地方闊落新淨，枱與枱之間隔得很開，環境比其他茶樓清靜很多。叫了6個點心，全部都很新鮮，很好味。腸粉皮薄又夠滑；炒米粉夠爽，似係新竹米粉，又唔太鹹。臘腸蒸雞飯很新鮮，雞肉沒有骨，方便老人家食。芋頭糕有4件，香脆可口，有很香的芋頭味。鹹水角細細隻，剛炸起，新鮮熱辣辣。另外仲叫左棉花雞，略為細碟左小小，不過亦很新鮮好吃。整體來說，點心新鮮唔太鹹，價錢不算貴，值得推介。（有部分是拿獎的點心，價錢則較貴，沒有嘗試）