彩薈軒 (海之戀商場)

本人於2025年10月4日早上9:29分到達酒樓拎飛（B2飛～3至5位) 同家人飲早茶，等候過程中已見有不少熟客可以打尖直入，當叫到B2及B3飛時，門口知客居然安排B3客人先入座，正常唔係B2入先到B3？之後我同酒樓女經理反映，佢居然若無其事，可以如此縱客下屬嘅不當行為，個龍門真係任佢哋搬。真心希望酒樓日後可以好好改善入座嘅安排…查看更多

嗰日同屋企人去咗飲茶，就算平日下晝都有好多客人。好彩我哋坐喺靠窗的位置，一路飲茶一路睇海景，個人心情都好好。餐廳嘅菜單上有好多選擇，尤其係創意點心，令人眼前一亮。我哋叫咗幾款，食物真係都新鮮即整，啲點心都好好食。我特別鍾意佢哋嘅蝦餃，皮薄餡多，好大粒鮮蝦，味道好鮮美。嗰日仲叫咗炸魷魚鬚，外脆內嫩，個炸皮好薄，好好味，令人驚喜。其他菜式都好有水準。呢次體驗非常愉快，食物質素高，環境舒適，非常適合全家人一齊黎嘆茶。…查看更多

一肚氣，門口咨客只入熟客。眼見二枱冇飛打尖，一枱二人客比四人飛又打尖，又有熟客耳語打尖想入，我地白白等左40分鐘。唯有走人。之前都見過幾次唔夸張都算，今次真頂唔順。e間野普通客唔駛去受，等d熟人大客彼此去打尖啦!…查看更多

今日與媽媽和弟弟在荃灣西站尋找美食荃灣，在海之戀商場,與家人嘆吓茶行吓街，輕鬆寫意。清明時節，竟然等咗半小時就可以入座，仲安排坐海景枱，望着海上悠閑自得的海鷗，樂也融融。由於家姐與他的兒孫往海洋公園度假兩天，故我們三人近近地在荃灣嘆茶。我特別喜愛金箔鮮蝦姬松茸餃和燕窩椰子糕，安蝦鹹水角也不錯，外皮份外香脆。與家人傾吓，笑吓享受吓，樂聚天倫。:)餐後仲去行運動服店舖，另外買護膚品，食品，一個商場已滿足媽媽的購物慾，哈哈。…查看更多

早上幫襯 不過 只得兩個人所以唔可以坐近向海嘅位置有啲可惜.... 要用手機掃二維碼落單， 雖然好多茶樓都係咁但係都會保留你可以用 寫紙嘅選擇。 有時覺得用筆寫落實物嗰一種感覺係食嘢之前嘅一種心靈享受可以減壓又可以玩下墨水。 早餐算係咁啦，有孖寶、三寶、同埋四寶嘅選擇。 叫咗個叉燒腸， 叉燒有啲韌腸粉皮 如果能夠薄啲滑啲就更好喇； 我 比較想分享少少負面嘅就係啲茶比較澀， 香片第一轉溝水都覺得太澀； 鮮蝦菜苗餃 就蒸得算係中上味道都唔錯食得好開心； 排骨 ok 啦； 有個高湯鮮竹卷 就覺得有啲失望因為啲湯好熱好多油其實唔係幾健康。 不過叫咗四樣嘢連埋茶100蚊鬆啲都差唔多啦都冇乜好講 la…查看更多

荃灣海之戀彩會軒酒樓幾乎每星期都會同家人飲茶，因為彩福集團點心都有保證，地點方便，而且今次有親戚由英國回港，所以特別約咗喺呢間酒樓飲茶，唉！今次竟然食了一半的豉椒排骨發現有隻小強🪳且size亦不是太細隻，立刻把嘴裏的排骨吐出，大家都感到很嘔心，其餘啲點心都無胃口再吃下去了！亦立即反映給一位女部長，但反應冷淡只是想盡快拿走碟點心便算數，一聲道歉都沒有，所以永遠都不會幫襯了！曱甴在點心裏出現，真是最低級嘅錯誤！失敗！…查看更多

今天和姨媽姨丈到荃灣西海之戀商場的「彩薈軒」飲茶。酒樓在商場2樓，地鐵出口直達，避免日曬雨淋，非常方便。酒樓其門如市，幾乎滿座，幸好剛有位，不用等候。雖然內部裝修不算華麗，但光潔明亮，一列海景大窗，眺望藍巴勒海峽，更可遙望中環。座位也寬敞舒適，沒有局促感。餐牌介紹優惠點心：$1蝦餃皇（4隻）及可愛的$38棉棉兔點心，當然要嘗嘗啦！再加上幾個其他點心，用QR CODE下單，方便清晰，不怕漏單。“彩福蝦餃皇”，一籠四隻，皮薄餡多，蝦肉爽口鮮甜，認真超值。“棉棉兔蘿蔔酥”，棉棉兔造型趣緻可愛，擺置用心，棉花糖造的兔仔、鵪鶉蛋、蘿蔔酥，還有麵條做的青草地。兔仔綿軟可口，加上椰絲，甜絲絲的感覺。蘿蔔酥酥脆香口，鹹鹹的味道，與棉花糖相映成趣。“鮮蝦菜苗餃”，煙靭的外皮，包裹著鮮蝦與菜苗，蝦肉和菜苗配搭出奇地好，口感奇佳。還有其他的點心如：“叉燒包”、“香茜牛肉腸”、“安蝦咸水角”、“鹵水鵝掌翼”等，都做得不錯，但沒有太多的驚喜。…查看更多

黃雨星期日，一家落去彩薈軒飲茶，排咗10張枱，等咗大約半個鐘先有位。不過樓下個間仲誇張，要排30張枱🥲黎到先知，咁岩彩福25周年出左個$1蝦餃（4粒）promotion, 超抵！！2-4位可享1籠；5-8位可享2籠，9位以上最多可享3籠 。其他嘅點心腸粉、燒賣、排骨、鮮竹卷、魚肉青椒都唔差 。有啲點心仲幾靚：棉棉兔蘿蔔酥同黑天鵝芋角係幾得意 。另外叫左碟燒腩仔都好脆好好食、白飯魚就麻麻，炸粉比較多 。但服務方面就有啲失望，啲侍應唔太有禮貌，而且冇咩主動服務，唔知係因為星期日太多人太忙定咩啦 。彩薈軒嘅點心味道唔錯，而且價錢都算合理，係服務方面就爭啲 。…查看更多

BB豬好食，皮脆肉嫩肥美。脆皮炸子雞皮脆肉嫩，雖然有啲鹹。 其他菜式一般，斑腩太老、椒鹽鮮魷冇味、柚子京都骨還可以、黃金罩南瓜炸蝦雙拼一般般，一個冬瓜盅夠10個人食都算好抵。服務好友善，我哋帶咗蛋糕都冇收切餅費。除咗茶錢，亦都冇前菜費同埋其他亂七八糟費用，絕對係良心商家。香港晚市不大好，所以沒有限時離枱。服務員算多，而且馬上有反應，落單、上菜好快。漏單補單都快手。交通方便，荃灣西地鐵站樓上，十分方便。…查看更多

幾鍾意海之戀，地方方便，景觀又漂亮，所以不時過來用餐。這天跟朋友幫襯了「彩薈軒」，是別具水準的中菜，試了清蒸沙巴龍躉斑（$88）、得獎酒香蝦腰蒸蛋（$108）和得獎客家風味炆豬肉（$158），我對這些菜餚都留下了深刻印象😊😊首先是清蒸沙巴龍躉斑🐟🐟這道菜餚以清蒸的方式呈現，保留了魚的鮮美口感，非常抵食！龍躉斑的魚肉質鮮嫩，蒸得剛剛好，保持了魚的原汁原味，沒有過度調味。魚肉入口即化，帶有微妙的甜味，非常美味。接下來是得獎酒香蝦腰蒸蛋🫕🫕這道菜以蝦腰和蒸蛋為主要材料。蝦腰的選材非常新鮮，口感鮮嫩彈牙，蒸蛋則軟嫩滑順。兩者的結合非常完美，蝦腰的鮮甜味與蒸蛋的濃郁口感互相輝映。獨特的酒香調味使得這道菜更加豐富，令人回味無窮。最後是得獎客家風味炆豬肉🐷🐽這道菜展現了客家烹飪的精髓。豬肉經過緩慢炆煮，肉質酥軟多汁，入口即化。炆的過程中，豬肉充分吸收了各種香料和調味料的精華，味道濃郁而不膩。這道菜的炆汁也很出色，汁料濃郁醇厚，與豬肉完美融合。總體而言，「彩薈軒」的菜餚給我留下了深刻的印象。他們的廚師非常擅長將食材的原汁原味發揮到極致，並且在調味上做到了恰到好處。彩薈軒 (海之戀商場) (荃灣)地址：荃灣大河道100號海之戀商場2樓2021-2024號舖…查看更多

今晚同同事在荃灣收工就到左海之戀彩薈軒食晚飯🥢🫖。我哋叫左原個椰皇燉燕窩，金牌脆皮燒雞🐔，鮮菠蘿🍍拔絲咕嚕肉🐖，金沙黃金蝦🦐拼南瓜。店員話得返一個原個椰皇燉燕窩要唔要，梗係秒殺要埋佢啦😆。坐得都算舒服，唔會太迫。原個椰皇燉燕窩：食完飯先叫上枱，熱辣辣，好滑好香，再食埋椰皇肉加上燕窩。咁既晚餐就大完滿了🥰。金牌脆皮燒雞🐔：$38性價比好高，雞肉嫩滑而外皮脆口。鮮菠蘿🍍拔絲咕嚕肉🐖：鮮菠蘿唔係浸完汽水個隻甜，而係清甜。咕嚕肉肉質好🐖，酸甜度岩岩好。真係做到拉斯效果。金沙黃金蝦🦐拼南瓜：外皮加咸蛋黃做脆皮香口好味道。蝦肉質好，南瓜仲保留左汁同埋勁香南瓜味 真係一流。…查看更多

今日同朋友慶祝生日。人多，最愛有圓枱，所以就揀左呢間酒樓，西鐵站上蓋，方便來自各區朋友。叫了共九個菜式，其中首三個要預訂：🔸冬瓜盅：有蝦有帶子，湯不錯🔸片皮鴨：肉質厚，擺盤精緻，但皮快福，蒸住保溫會好吃點🔸BB豬：皮脆，不過比較肥🔸蒸龍躉：$88，夠滑，抵食🔸菠蘿咕嚕肉：菠蘿甜，豬肉多汁，算幾驚喜🔸水煮魚：勝在多酸菜、萵筍🔸炸蝦炸南瓜：OK🔸雞：一般🔸通菜：一般沒有時限暢食暢談👍🏻👍🏻👍🏻…查看更多

在荃灣海之戀行完Donki 去了隔離的酒樓「彩薈軒」食晚飯。🥳這間酒樓裝修都不錯，以花為主，枱與枱之間都很寬敞，坐得很舒服，又有海景睇，環境相當好。😍現時有2個特價菜，$38金牌脆皮燒雞和$ 8 8清蒸生猛龍𧄌班。2至5位可叫1款，6位以上可叫2款，最後我們選了金牌脆皮燒雞。👍另外，必食12道風味，當然要試下，我們選了得奬客家燜豬肉和海鮮雜菜粉絲煲。👍~得獎客家燜豬肉🐷，聽到”得獎”🏆兩字應該係這𥚃的招牌菜，豬肉肥而不膩，瘦而不柴，幾入味，不過有又唔會覺得太鹹，不錯，裡面的酸菜和芹菜我朋友吃得好滋味。😋~海鮮雜菜粉絲煲🍲，𥚃面真係好多類型的海鮮，有巨型帶子、鮮蝦、螺片、蟹柳、樣樣都鮮甜入味，份量十足，不馬虎，還有冬菇、菜、粉絲，浸著鮮甜的湯飲落好啱我口味。😋~金牌脆皮燒雞🐔，初初我哋以為平價隻雞份量細，不過上菜後有點驚喜，隻雞都幾大隻，咬落皮都相當脆口。😋很滿足的晚餐，我們都頂著肚子走。😍…查看更多

一向鍾意去茶酒飲茶鍾意佢d位闊d、唔限時食都食得舒服d呀~今次去咗荃灣彩福裝修好新淨窗邊位仲睇到海架！🌊🔸原個椰皇燉燕窩（$52）超滑呀！好有奶香！加上燕窩，好滋潤養生！🔸彩福蝦餃皇（特）🔸蟹籽燒賣皇（特）🔸香滑鮮蝦腸粉（特）3款都有大大粒爽甜蝦仁，燒賣仲有豬肉香，腸粉滑溜。🔸鹹水角（小）又脆又煙韌，中間包住炒香嘅肉碎，好香口。🔸香酥黑天鵝頭係餅乾、係芋角，外層好香酥脆，又夠打卡able。🔸煎蘿蔔糕（大）任何時候我都好鍾意食煎蘿蔔糕，呢度煎得啱啱好，中間又食到蘿蔔絲、蠟味粒，唔錯呀！…查看更多

今晚跟爸爸來海之戀吃晚餐，帶爸爸吃中菜最好不過，這間中菜有多款特色小菜，看過點餐紙，發覺有很多款美味餸菜，而且還有做一些特價優惠，一些多人套餐等等，總會有一款啱心水。我跟爸爸兩人吃，所以便決定散叫一些小菜。晚市入座有一些特價小菜，我們點了$88的沙巴龍躉斑，仲有1斤2重的，相當之抵食。魚肉又嫩又滑，配上了蒸魚豉油味道很好鮮甜。魚肉啖啖肉龍躉斑相當好味，足料夠份量。超抵食的。另外還點了一款鮮菠蘿拔絲咕嚕肉，一般來說普通生炒咕嚕肉就吃得多，拔絲咕嚕肉就第一次吃到，估不到是這麼的好味，十分特別。因為每一件咕嚕肉外皮沾滿了醬料拔絲糖絲，把咕嚕肉夾起時造成拉絲效果。而且味道相當不錯，咕嚕肉脆脆淋淋的，入面啖啖肉沒有骨。味道相當開胃，加上有拔絲的甜甜的，口味就變成酸甜甜，配上了新鮮菠蘿份外清甜，仲有無數的車厘茄，正，這餸菜大人小朋友都必定讚賞。魚香茄子肉鬆煲，份量超多，茄子仲會去皮十分細心，茄子不會過腍，又不會太硬，時間控制得啱啱好，混和了肉鬆和醬汁，這客魚香茄子煲用來拌飯吃一流。想不到這個這麼簡單的魚香茄子煲，這裏也做得相當用心，而且用料十足，十分好味。酒樓環境好，而且座位闊落寬敞，服務員也相當熱心。…查看更多