彩薈軒 (海之戀商場)

營業中

休息中

海之戀呢個商場都幾多野食，今日同老人家一齊就去飲茶，因為當午飯食，叫左點心再叫左炒飯，不過食物真係麻麻，好普通！個叉燒難食到爆，除左唔係半肥瘦d肉仲要梅架😢個櫻花帶子炒飯好鹹，其他點心就普普通通啦😅

服務態度差到不得了，那個姓張既男經理帶眼鏡，我落單果時講得好清楚要乜野，過左20分鐘後碟餸黎到，完全唔岩！跟住叫番果個經理過黎，一句「我無聽到喎」，完全將個責任推番比我，一句「唔好意思」都無講，基於安全理由，我地唔敢換過碟，依家都唔係話想要咩服務，連一句唔好意思都唔講，將責任推在客人身上，以後都唔敢再黎，都唔明點解佢會做到經理.....

蔥角皮薄，好脆，好香口。餡有好大隻蝦同蔥，加上蒜蓉，更香上加香！港式街頭蝦米豬腸粉好滑，一上枱就已經加左蔴醬、辣醬同甜醬，但唔會落得太多，所以食入口可以一次過食到甜同辣味，有甜味中和左辣醬嘅辣味，怕辣嘅朋友都食得！叉燒腸皮好滑餡料足。最欣賞係佢已經預先幫你切開左，方便食客夾。牛肉球蒸得夠熟，唔會紅。但熟得黎又唔會好硬，相反肉質好腍，d肉索埋喼汁，好正！鹹水角又係好脆，但唔會炸到燶，而且炸得乾爽，唔會索曬d油。入面嘅餡料都夠多。雞包仔包超軟熟。由中間搣開，嘩！好大隻蝦呀！餡入面有薑，食到少少辣味。排骨蒸得夠熟，但略嫌醃料太多，蓋過左排骨嘅味道。芋頭腍得黎唔會一夾就散。夾到最後見到一堆油，太多油啦！雖然無可否認佢呢度嘅野食好好味但係要客人坐得舒服，溫度都好重要。佢呢度嘅冷氣實在太凍啦。即使著左外套重帶埋頸巾不斷飲熱水都仍然手腳冰冷😖😖😖。見到有食客凍到要攞枱布蓋住自己，真陰公😥。同經理反映經理只愛理不理地回了一句：係中央冷氣，冇得較！就行開左......呢度員工D態度真係好差！

難得同媽咪一齊放假就一齊去左飲茶前排睇IG有人介紹利間新酒樓好奇心驅使下今日就去試下先——————————————咸水角👍🏻👍🏻👍🏻外脆內軟，但如果炸得耐d外皮金黃d會更好，味道其實吾錯——————————————流沙奶黃包👍🏻👍🏻👍🏻👍🏻👍🏻由於我本人就係好鐘意食流沙既野🙈所以利款係必點！吾洗講禁多，熱辣辣送黎入面勁香奶黃味！正！注意⚠️食既時候 小心辣口 入面流沙真係好熱！——————————————南瓜鳯爪 & 鮑魚燒賣南瓜鳯爪👍🏻👍🏻👍🏻南瓜味道好淡，令到鳯爪都淡埋....有啲失望，但整體味道都不過不失鮑魚燒賣👍🏻👍🏻👍🏻無特別感覺😂一般既味道入面有豬肉有蝦 都算足料——————————————灌湯餃👍🏻👍🏻👍🏻👍🏻👍🏻推介❤️（$49）樣貌已經好靚，好整齊排得成碗只係瑤柱有問題😂太有趙口其他都好好味，出乎意料之外我個人超鐘意！菇又入味，個餃同d湯一齊食好清甜❤️佢完全對得起個價錢🤣最後我哋兩個人一共食左$204（包加一）價錢同食物質素黎講 中規中矩啦但服務態度吾錯環境方面都算乾淨今次星期一下午去飲 吾算多人 吾洗等位 直入整體來講 我會比👍🏻👍🏻👍🏻👍🏻 都值得一試

「彩福」由大鴻輝搬咗去海之戀商場，仲改埋名叫「彩薈軒」今日呀仔放假一家四口👨‍👩‍👦‍👦🚗去飲茶，由於疫情關係早茶停咗，營業時間改為早上十一時開始，11:30到達因時間尚早可以立即入座⋯⋯點心價錢 特點$31 大點27 中點$23 小點$18午市來説收費都合理；食物味道都可以，但侍應服務態度好差，而且這個酒樓午市消費$600才可以送二小時泊車優惠，呢個消費要求定位都好離地喎😱唔通飲餐早茶要大魚大肉咩！普遍都係食吓點心炒個菜和叫個粉麵$600點食呀？（惠顧午餐要求$600 晚餐$1200 除非人數多D啦！）這個商場不會再去，如果揸車的話首選荃新天地好過，而且食、買、玩、戲院🎬設備齊全👍

幾個月前跟父母來到海之戀，由於此商場剛開幕不久，想找餐廳都沒多少選擇可言，於是便來到這家酒樓試一試等了廿分鐘終於入座一看餐牌就感覺比同區酒樓高級，而且每款點心都加上噱頭旋風黃金流沙包～～～～～～～看上去像芝麻包卻沒芝麻味，吃上去只是很普通的流沙包真功夫潮州蒸粉果～～～～～～～～不明真功夫所指，份量小味道一般，而又稱不上皮薄海螺片滑雞扎～～～～～～算是比較足料，海螺片令雞扎更鮮甜原隻鮑魚燒賣皇～～～～～～～真的是一件燒賣放一隻罐頭鮑魚，只是除此以外又是普通的燒賣蝦頭油海皇銀芽鴛鴦米～～～～～～～～～～最有誠意及份量的炒米粉，蝦鮮甜味美，整體亦炒的很香不過以此酒樓的索價，實在令人有更大期望，而她們只可以說是不過不失

酒樓位於荃灣西鐵站上蓋，海之戀商場內，位置非常便利很容易到達。酒樓開揚空曠無柱，且有無敵海景，適合擺婚宴，座位舒服，顧客有足夠空間走動。食物方面也很有水準，即叫即蒸大約15分鐘送到。黑松露帶子鳳眼餃 - 皮薄喊靚，帶子與黑松露份量充足，淡淡的新鮮美味。脆皮紫米冬菰包 - 非常有驚喜，平日吃的磨菇包都是軟軟的中式包，但這款卻是外皮脆身的，內裡是紫米喊料，味道剛剛好不太甜。原隻鮑魚燒賣皇 - 太好味了，一上枱便吃了忘了影相，原隻迷你鮑魚彈牙爽口，感覺良好。

今年在海之戀商場新開的彩薈軒吃開年飯，點的菜是一席的豐裕宴，非常豐富。～金豬全體慶豐年豬皮脆而簿，一點也不肥膩。～蓮藕花姿翠珊瑚清甜蓮藕配花姿翠珊瑚和黃椒青豆來炒，色彩繽紛，頓增食慾。～豐裕花膠海皇翅海皇翅味道不會太濃，加點紅醋味更佳。～上湯焗加拿大龍蝦(伊麵底）龍蝦份量比伊麵多，足3斤6。伊麵吸了龍蝦汁的精華，好吃。～生財大利添好市新年例必吃的蠔豉豬脷帶來好市，大吉大利。～富貴金錢扣鮑魚賣相不俗，「包餘」意頭好。～有餘共聚龍躉魚比較大，肉有點嚡，但喻義年年有魚。～華堂吉慶脆皮雞皮脆肉滑。～珍寶臘味糯米飯糯米飯軟綿綿，添了臘腸，有家肥屋潤的感覺。～幸福椰茸慶團圓甜品的糯米滋軟滑，芝麻餡惹味。豐裕宴還包了法國紅酒1支、嘉士伯啤酒和汽水合共12罐，而且茶介及加一全免。

We were on our way to shop at the newly opened Donki (which is conveniently located in the same mall), and we decided to have a late dimsum lunch. The prices were reasonably priced, and the variety was similar to normal dimsum places, as seen in the attached menu photos. In particular, we thought the 鹹水角 was really good - there exterior was crunchy, and the interior was mochi like and very chewy but not sticky. The meat was juicy and well seasoned! The sesame rolls were also a highlight of our m

#小秘書 難得 #聖誕 喺香港，梗係要同 #屋企人 過。呢日我哋入咗去 #荃灣西鐵站 樓上個新開商場 #飲茶，雖然好似同 #聖誕 拉唔上關係，不過 #爸爸媽媽 鍾意，就就吓佢哋啦💙 呢日我都係第一次嚟幫襯 #彩雲軒，所以都唔知有咩特別好味。只好喺 #點心紙 上隨意揀😅 點心份量都比教少，尤顯係碟 #金錢肚，上枱嘅時候我幾乎以為佢係食剩嘅😅 #蝦米豬腸粉 被 #師傅 淋上不同醬汁，就連唔係人人受得嘅 #辣醬 都淋上面... 叫我啲 #姪仔、#姨生女 點食？最後我哋叫咗個 #午市套餐，有 #半隻雞、#炒四季豆、#腊味炒飯，好在味道都唔錯😋 尤其碟 #四季豆 好惹味😋 不過講到服務，真係有待改善，長期無人加水、無人清枱... 個個都辦睇我唔到、睇我唔到咁😕但係價錢一啲都唔平... 試過一次都幾難返單lu😑

環境,食物一流,服務員的質素卻是九流,目測至少十名樓面同事,當時只坐一半客都無,有無咁忙呀,前後叫三次先乞到碟辣椒醬!不知所謂！之後發現上少左點心,15分鐘都無人跟進,侍應個樣仲要衰到死,好似阻住佢蛇王咁!附上實時圖,证明真係唔多客！有無咁忙呀不知所謂!俾張加單佢又唔跟進!加水要自己加！仲衰過翠華!咁都仲要收加一？不知所謂,我真係未食過咁差服務既酒樓,如果大家唔介意飲到一肚氣,可以來睇下風景......點心味道好,風景好,形成強烈對比,令我諗起澳牛!

星期日黎飲茶，一開始所有野都ok,直到開始問姐姐可唔可以拎多碟甜醬，佢同我講唔得閒好忙，ok咁我問第二個。之後無人執枱都無所謂因為佢哋忙，到無水我自己去拎，點知又有個姐姐走黎問我另外另一邊有水點解要係呢度拎。我心諗你真係當左我係度做，知道晒你地啲嘢放邊。食到差唔多有2樣嘢未黎諗住揾人追一追，只係講左句”唔該我有2樣嘢未黎”,然後個貌似經理嘅人就一句話”得”,然後走左。我都明白星期日係忙，但係一句忙就可以咁樣？真係有得揀都唔會再黎

見到新商場有新酒樓，抱着期望嘅心情去食。原來都係彩福集團嘅，都係普通飲茶嘅味道啦，五個人食咗四百幾蚊都幾經濟實惠 環境唔錯。豆腐幾出色，上湯生菜嘅湯幾好味。但係欖菜嗰啲一般 炸得唔夠 不過普通中午飲茶都值得再嚟嘅

酒樓位於海之戀商場，喺荃灣西站一出就已經到。地點都非常方便，酒樓新式裝修，而且望落應該似做婚宴。雖然商場好多嘢都仲未開，只有少量鋪頭已經開始營業，但係呢度下午飲茶亦都非常多人。酒樓夠大坐得舒服，而且食物亦都幾多選擇。叫咗燒賣，大大粒新鮮整起，熱辣辣，味道唔錯；而且豬肉幾香。另外仲叫咗蝦餃，蝦非常爽口，亦都係大大粒，食得出新鮮。味道都真係幾好食。叫咗腸粉好大碟，黎到時候已經幫你灑上醬汁：有甜醬、辣醬、麻醬等，賣相幾靚。小籠包亦都唔錯，個皮夠薄，入邊仲有湯汁添。叫咗煎花枝餅，呢個我幾鍾意食，因為花枝夠彈牙，而且煎得幾香。金錢肚夠厚肉，而且味道調得剛剛好，都好食。

本身早幾日打左去訂位， 諗住試下，但服務員話當日吾洗訂位，冇任何宴會會有位。但去到話剛剛有擺百日宴，所以冇位，態度仲悔氣叫我哋攞飛等位，我們只好離開，會有下次。