幸屋

營業中

休息中

🍜 呢間位於灣仔嘅街坊小店 雖然隱蔽 但係拉麵沾麵款式多多 仲不時有期間限定新款出 星期一至五12：15前埋單仲有九折添🦪 熟成味噌廣島蠔赤雞湯拉麵 ($128) 四隻大大隻廣島蠔 肥美鮮甜 赤雞胸肉嫩滑多汁 味噌湯清甜 配搭彈牙嘅拉麵 🦐 櫻花蝦味噌拉麵 ($88) 櫻花蝦熬製嘅湯底 蝦味濃厚 鍾意食蝦同埋海鮮嘅人岩晒🍜 This small neighborhood ramen spot in Wanchai has a multitude of ramen options to choose from, including seasonal specials. If you want to have an early lunch on a weekday, you even get 10% off selected ramens. 🦪 Hiroshima oysters, chicken and miso ramen ($128) clear and umami-filled broth with chewy noodles, generously topped with 4 f

喺灣仔嘅一條小巷仔發現咗嘅一間裝修充滿日本風情嘅拉麵店，有矮枱同埋吧枱！除咗拉麵之外，仲有提供沾麵同丼飯等等！最近食咗好多唔同嘅湯麵，就係未食到拉麵，今次係時候食返碗日式拉麵啦～櫻花蝦味噌拉麵💰HK$88湯底濃郁，充滿味噌同埋櫻花蝦嘅鮮味！麵底就簡咗軟身少少嘅幼麵，掛湯能力高！配料除咗有櫻花蝦同溏心蛋等等之外，仲有叉燒同埋豚骨煮，口感一厚一薄，肥瘦均勻～鹿兒島赤雞沾麵💰HK$108赤雞胸肉質鮮嫩，仲有溏心蛋、木耳絲、椰菜絲等等！麵底簡咗粗麵，麵質係比較彈牙同埋有口感，沾去濃郁嘅魚介湯底到，惹味十足～冷豆腐💰HK$32表面佈滿青瓜絲、白芝麻同埋木魚碎碎，豆腐口感非常之嫩滑，凍凍地咁食再配埋日式醬汁，好有日式風味～和風炸鷄💰HK$45炸鷄即叫即炸，香脆可口，點配埋旁邊嘅醬汁，仲有淋咗喺表面嘅沙律醬，令人食得好滋味～不得不提，店員服務態度親切，小店充滿有人情味～

今日又係一年二度嘅BB展，去BB展血拼之前，喺灣仔搵咗間食日式拉麵嘅舖頭，諗住求其下個肚就入去打拼佢11:00就開門，我同朋友叫咗醬燒牛肉丼，廣島蠔雞肉拉麵，小食就叫咗凍豆腐同埋煎餃子牛肉丼嘅牛肉份量非常多每片都好大片，亦都好有牛味，飯粒當然係珍珠米，粒粒分明；廣島蠔雞肉拉麵份量還好，廣島蠔有四粒，也算飽滿冇沙，湯底亦都唔會太鹹凍豆腐嘅豆腐配埋日式醬汁同埋木魚絲凍冰冰好適合夏天食，餃子就煎到脆卜卜卜，朋友好鍾意食另外一提，我最欣賞餐廳除咗水以外會提供熱茶，佢提供嘅係一杯滾燙嘅熱水另外再配茶包，而家好多餐廳要求提供熱水都係溫水，所以我好欣賞，尤其是我同朋友都好鍾意飲熱到燙口的茶，同埋小小嘅舖頭入邊都有提供廁所，我覺得好方便，員工都好親切，黎開呢頭不妨一試

好似都好耐無去幸屋，都仍然保持水準。佢哋嘅廣島蠔沾麵真係超級難忘，湯底可以揀好多款，我揀咗味噌廣島蠔口味，超香又超好味。然後，我試咗佢哋嘅和風餃子，類似大阪王將風格，餃子底部煎得好脆，食落好有嚼勁，彷彿係置身喺日本。餃子嘅醬汁同沙拉醬都好濃郁，真係加分唔少。我去到時已經係晚上，竟然係最後一位客人，有啲擔心會影響員工收工，但服務員小姐話唔使急，可以慢慢食，好窩心呀！整體嚟講，今次食物體驗真係難忘。幸屋嘅廣島蠔沾麵同和風餃子絕對係要推薦，值得一試。呢間餐廳嘅服務同食物真係留俾我一個好好嘅印象，期待下次再去！

港島區食店林立，而且犀利在就算係橫街小巷嘅餐廳，都有臥虎藏龍嘅高手存在。上個星期，我有個前輩帶我去食飯，佢帶咗我去一間位於灣仔小巷入面嘅拉麵店。呢間舖頭的確係好低調，低調度你好有可能行過咗都唔知。前輩嗌好咗嘢食之後，我哋傾咗一陣計，好快食物就上枱喇。首先上菜嘅係「蟹籽沙律」。呢個沙律一啲都唔馬虎，你睇吓，係滿滿嘅沙律醬同蟹籽呀！之後上枱嘅係「和風炸雞」，外脆內嫩，仲有啲肉汁漏出嚟添，而且炸漿唔會太厚，睇嚟師傅嘅功力都有返咁上下。跟住上菜就係我嘅「廣島蠔沾麵」，沾麵係日本拉麵嘅一種，特點係湯汁同麵條會分開，將麵條蘸湯汁食用。一般嚟講，沾麵嘅湯底比較濃稠，似汁多過似湯。呢度嘅沾麵都係一樣，將比較結實而富有彈性嘅麵條放入去濃味嘅湯汁入面，一拉上嚟所有湯汁都掛曬喺麵條上面。麵條避免咗浸得太耐而變軟，同時濃厚嘅湯汁又帶嚟強烈嘅味覺衝擊，簡直係完美。千祈唔好漏咗啲廣島蠔，隻隻都好肥美，隻隻都蠔味濃郁。而前輩食嘅就係「蒲燒鰻魚丼」你睇下啲鰻魚幾咁厚身，前輩話呢度啲鰻魚味道偏重，但係同時又夠肥美，非常難得。最後一定要多謝前輩帶我嚟呢度食呀！

餐廳：幸屋地點：灣仔機利臣街菜式：日式拉麵餐牌：拉麵，沾麵，丼飯，小食，沙律，飲品等。可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。冷豆腐 $32冷豆腐一客四片，超級滑溜，入口凍冰冰，面頭加上青瓜絲，加上蔥花，白芝麻粒同木魚花。伴有清香冷麵汁，夠味又唔會太濃。炎夏小食之選。和風炸雞 $45和風炸雞一客三件，伴有沙律醬。熱辣辣上枱，炸得皮脆肉嫩，係雞脾肉呀，入面都好多汁，點沙律醬食更滑溜又可以降溫。櫻花蝦味噌拉麵 $88櫻花蝦味噌拉麵湯底色水呈橙色，好有蝦香味，又唔會太鹹。拉麵我揀左幼麵，口感唔錯，蛋香十足。配料有半肥瘦厚叉燒一片同薄叉燒一片，原隻流汁糖心蛋，同好多櫻花蝦仔，令碗麵蝦香更濃。厚叉燒好腍又入味，薄叉燒好大片。蔬菜有黑木耳、椰菜、紫菜同蔥花，帶黎唔同口感。面頭再灑上白芝麻粒。我自己加枱上面蒜蓉，令個湯更好味！日本黑豚丼 $83日本黑豚丼有炙燒日本黑豚六片，上面灑上蔥花同白芝麻粒。黑豚食落爽口而且醬汁甜甜地好惹味，好有炙燒香味。配有一隻糖心蛋一開二，蛋黃撈飯正！仲有少量梛菜。飯量好多，個汁送飯一流，而且都好夠汁餸飯，食到底都有汁。辣芽菜好鍾意食

真係好滿足！首先，蝦汁帆立貝沾麵係一個驚喜。麵條彈牙，沾上濃郁嘅蝦汁，味道鮮美。帆立貝新鮮，口感滑嫩，配合蝦汁，簡直係絕配。接住嚟我試咗廣島蠔赤雞湯拉麵。湯底用赤雞煮成，味道濃厚，帶有一點微辣，正好提振食慾。廣島蠔新鮮，味道鮮甜同湯底相輔相成，每一口都令人陶醉。拉麵吸收咗湯汁，令整碗麵更加美味。最後，芝麻手羽拉麵亦唔可以錯過。手羽肉質嫩滑，芝麻醬濃郁，為拉麵增添咗一種特別嘅香氣。每一口都充滿咗香味，令人忍唔住想再嚐多一口。

-係灣仔內街裡面，有一間日本傳統居酒屋裝潢嘅拉麵店。木系傢俱，配以柔和燈光，客人可以放鬆心情享用美食。🦪廣島蠔沾麵 $118蠔肉新鮮口感creamy，麵底非常彈牙，沾麵汁魚味突出，質地較濃稠所以拉麵非常掛汁，亦容易飽肚。建議食之前加多啲檸檬汁係拉麵上，味道更有層次👍🏻🍚蒲燒鰻魚丼 $98大大件嘅鰻魚，肉質頗為肥美，特別欣賞鰻魚帶濃香炭燒味😍醬汁份量多，用黎撈飯好開胃😋🧀芝士年糕最受歡迎日式小食之一，外皮輕炸過，口感薄脆。年糕軟糯煙韌，內餡係帶奶味嘅流心芝士。🥟迷你手羽餃子餐廳將雞翼去骨，再將豬肉餡料放入雞翼之中再炸。雖然成件手羽餃子都係肉，勝在細細件唔會太滯，仲可以一次過可以滿足想食雞翼又想食餃子兩個願望。

今日搵灣仔有咩拉麵食 見到呢間有八百幾個好評 見到啲人話如何如何好味…匠心小店…隱世拉麵…諗住嚟試吓實冇死叫左3款味 黑蒜 赤王 櫻花蝦 顏色就有 湯底完全冇味唯一好味就係個芽菜一定一定冇下次

食厭佐連鎖餐飲，淨係想尋味小眾驚喜餐廳，今日朋友約佐來灣仔日式居酒屋🏮蝦汁帆立貝沾麵🍜两大粒帆立貝➕一大舊豚肉叉燒，蝦汁濃湯撈麵食，蝦味鮮美，真係無得輸。質素對得住個價。醬燒牛肉丼🔥數佐下，竟然有六大塊大切牛肉，厚薄均勻。燒得火候啱啱好，燒汁係個底度，撈飯食超惹味。呢個我好鍾意，會因為呢個牛肉飯想下次再來。小食：冷豆腐➕和風餃子🥟呢個日式餃子嘅配搭有啲似章魚燒，上面有一層薄煎餅➕柴魚片，配搭餃子嘅口感都幾得意。約朋友來可以來日式居酒屋食嘢傾計，又真係幾好嘅選擇。人頭150左右可以好enjoy。

✨櫻花蝦味噌拉麵 · $88櫻花蝦味噌湯底真係未試過🤣從湯底濃度到麵條硬度完全可以跟據個人喜好order，幾客制化！叫左正常湯底，比想像中清淡，帶小小蝦鮮味🦐角煮豚叉燒好厚，肥瘦適中😆另外配料有幾多木耳、青蔥、櫻花蝦同一隻糖心蛋，鍾意既可以加埋芽菜🤓整碗拉麵都好豐富✨蒲燒鰻魚丼 · $98燒汁好濃郁，鰻魚勁厚唔腥，啖啖都係紮實既肉，完全食唔到魚骨😆加埋溏心蛋，配埋飯口感煙韌既日本飯，一流😆✨冷豆腐 · $32豆腐滑溜，舖上鰹魚絲、青瓜，前菜清爽之選☺️✨芝士年糕 🧀岩岩炸起，綿糯糯米包住芝士夾心，一唔注到好容易燙口嫁！

「幸屋」主打拉麵🍜、沾麵、丼飯和日式料理❤️，好似地道嘅日本居酒居咁。今次我們叫左兩個主食和兩個小食，都係用心製作，沒有味精。🔹️蝦汁帆立貝沾麵🦐沾麵醬汁帶有濃郁的蝦味，麵條彈牙，搭配新鮮的帆立貝，溏心蛋，叉燒和大量櫻花蝦，色香味俱全👍🔹️醬燒牛肉丼🐄嫩滑多汁的牛肉片淋上特製醬汁，好好送飯，每一口都散發出濃厚的肉香。🔹️紫薯栗子餅💜🌰外皮香脆內裡柔軟，紫薯和栗子的組合帶來豐富的口感和甜美的風味，中間有栗子粒呢。🔹️芝士年糕🧀

熟成味噌廣島蠔赤雞湯拉麵芝麻手羽拉麵永遠是一人餐點的最佳選項。幸屋已經在香港很多年了，雖然沒有太多「花神」或者gimmick，但他們一向予人的感覺都是默默耕耘的小店。這天剛巧在附近工作，需要快吃晚餐，這裏是不二之選。身為蠔痴的我當然首選蠔拉麵，湯底是滿滿的熟成味噌味道，夾雜着雞白湯的骨膠原感，非常厚實。四隻廣島蠔相當飽滿，令人大感滿足。另加一份脆口的芝麻雞翼，一人份量剛剛好！質素穩定，間中回來也不錯！

私心推薦的拉麵店💗本人經常去吃，在灣仔小巷之間🤣這間店雖然比較小，不過卻一直人來人往，可見其受歡迎程度👍餐廳不只有拉麵，還有其他飯類，小菜和飲品，選擇比較豐富✨他們的招牌拉麵我超愛😊是比較清爽的豚骨拉麵，吃起來完全不會膩，配料和肉份量也很多，價格很便宜，CP值很高👍是一間用料很實在的店，推薦給大家✨🍜胡麻王豚骨拉麵$80🐟蒲燒鰻魚丼$98🍮冷豆腐$32🍢炸年糕

🥢黑蒜濃厚山藥豚骨拉麵💰$88🦪廣島蠔沾麵💰$118🥟和風餃子💰$38🍗芝麻手羽💰$38久違地食拉麵～灣仔呢間拉麵店由門面到內部裝潢都充滿日系感，令人仿如置身日本～除咗拉麵仲有得揀丼飯，超吸引🤤今次揀咗🥢黑蒜濃厚山藥豚骨拉麵，湯底以黑蒜油+山藥熬製，散發超濃香味，麵條Q彈又滑身，完美吸收湯汁精華✨配料有叉燒、黑木耳、青蔥、椰菜，特別嘅係有得揀豚角煮，油脂豐盈而且肉質軟霖夠入味，加上靈魂溏心蛋，真係令人回味無窮～🦪廣島蠔沾麵沾麵汁超濃厚+掛麵，有3隻大大隻蠔，肥美又鮮甜，醬汁同麵嘅比例啱啱好！🤩🥟和風餃子真係必食，圓形冰花堪稱賞心悅目，一共6隻，皮薄餡多+肉味濃，加埋大阪燒沙律醬別有一番風味～🍗芝麻手羽皮脆肉嫩，超juicy der🤤