幸屋

營業中

休息中

灣仔呢度都有好多食肆，但拉麵店唔算多，今日就走到嚟機利臣街呢間拉麵小店試吓。-一坐低見到枱面上有芽菜就已經好開心，食拉麵最正係有大量芽菜配🤭而且佢嘅芽菜係有少少酸辣，超開胃～-嚟得小店就想試吓啲特別啲嘅拉麵，所以叫咗個櫻花蝦味增拉麵（$88）。最正嘅係呢個拉麵有大量櫻花蝦，連個湯底味噌味都好濃厚，仲有齊薄切同厚切叉燒，最鍾意個厚切叉燒，咬落軟腍，肥膏部份唔會太多👍🏻拉麵亦都煮到啱啱好，唔會過腍，而且好掛湯～-另外都叫左個新嘅咖喱拉麵（$108）湯底濃郁唔膩，帶少少辣，會忍唔住飲哂🤭配料方面，有流心半熟蛋，同埋4塊薄切叉燒，份量比起大部份拉麵店多😍而且叉燒有少少微焦，令到叉燒更香口😋-小食方面叫左蒜香雞軟骨（$38）同和風餃子（$38）雞軟骨炸得好脆，但入面唔會好乾，好香口，食到停唔到口，不過真係好熱氣🤣而和風餃子個外皮煎到好靚，金黃色又脆身，如果可以配埋個酸酸地嘅汁就完美啦～

今日就同朋友去左幸屋食野小店除咗拉麵之外，仲有丼飯選擇,每款拉麵可以自行選擇拉麵嘅粗幼度, 湯汁嘅濃淡度等蝦汁帆立貝沾麵沾麵麵質比較粗身煙韌，好掛湯, 湯底有濃郁既蝦味, 質感濃稠黑蒜濃厚山藥豚骨拉麵叉燒肥瘦適中, 用左半肥瘦嘅豚角煮, 肉質腍身, 配料非常豐富，有齊肉醬，溏心蛋, 木耳, 撈埋食好有層次, 黑蒜湯底加上山藥, 飲落比較輕盈, 拉麵麵質彈牙和風炸雞上面放左沙律醬, 炸得香脆炸日式芝士年糕年糕咬開後見到好軟熟嘅芝士, 有小小拉絲

自從轉左去灣仔返工都食多左附近既餐廳，呢間今次已經係第二次食，再幫襯味道依然不錯，值得推薦比大家。———————————————🌟 櫻花蝦味噌麵 $88呢個櫻花蝦味噌麵湯底蝦味非常濃郁，仲有淡淡嘅味噌香，麵質煙韌彈牙，幾好咬口。每一啖都可以食到濃厚既蝦香。叉燒方面有兩款，一款比較薄身而另一款比較肥美，兩者食落都非常香口，肥美嗰件仲有啖啖肉嘅感覺。另外上面果粒溏心蛋真係整得超出色，入面流心係完美，超好食。🌟 蒲燒鰻魚丼 $98呢個蒲燒鰻魚丼係非常有驚喜，鰻魚超大塊又厚身，大大啖咬真係超滿足。飯粒係珍珠米，夠軟糯又唔會太黏，每啖都食到鰻魚醬汁滲入飯入面嘅香氣。🌟 吉列廣島蠔 $42廣島蠔新鮮炸起，外層炸粉夠脆，咬落去唔會覺得油膩，而且仲保留到蠔既鮮味。🌟 冷豆腐 $32呢個冷豆腐份量多，夠厚身夠滑，連埋特製調汁同青瓜絲都非常不錯。

我今日又要做孤獨的美食家了，獨食難肥，me time一下很好，自己一個食拉麵就最正！好，坐低睇下有咩好食先。鹽湯黑松露元貝拉麵，同menu張相近乎一樣，好豐富。第一下要試湯底，味咸湯清，元貝大大粒有兩粒，爽甜！仲有主角好香菇味既黑松露。白雞肉好入味，食落肉質爽、彈、嫩。拉麵好有咬勁，仲有好多配料，糖心蛋、荀、洋蔥和紫菜。芝士年糕，食完拉麵先食，都仲係熱辣辣爆芝士，果種外膽，內心軟綿綿既質感，係幸福感啊！

櫻花蝦味增拉麵 湯頭濃郁 掛身 淡淡都係櫻花蝦味 麵質爽彈 份量勁足 魚介豚骨沾麵最鍾意食沾麵嘅我 呢個沾麵好有驚喜叉燒大大件 一啖食落好滿足 豚骨湯煮得好濃 麵質煙韌 面質比較粗身 叉燒肥瘦相間 表面有用火槍炙燒過 食落去會好香口有焦香味 叉燒肉質鬆軟 睇嚟慢煮咗一段時間和風餃子擺盤靚 餃子底層煎到冰花狀 香脆可口 加埋啲沙律醬一齊食 好邪惡芝士年糕煙煙靭靭 芝士味勁濃 整體嚟講 呢間餐廳環境好舒服 食物質素好 份量多

晚上七時，轉入灣仔這條小巷發現很多商舖已關門，但有一間拉麵店依然燈火通明。推門入內，眾多食客都在默默品嚐一碗碗熱騰騰的拉麵 。🤍廣島蠔沾麵 用嘅係粗粗地、口感似烏冬嘅麵條，掛汁一流！上枱嘅湯汁滾燙冒泡，濃厚帶鮮。廣島蠔有三隻，肥美又大隻。🤍赤武士 辛味拉麵有四種程度的辛辣味可供選擇，我哋選了第二級，辣度很可以接受，湯頭有點像熟悉的五香肉丁味道呢。特別喜歡麵條的熟度，同埋兩款叉燒都肥瘦適中，足夠軟淋。🤍芝士年糕 咬開芝士即流心爆出，即炸的芝士年糕真的超好吃🤍自家制餃子 薄脆冰花整得好靚，醬汁參考咗日本大阪燒嘅味道，灑上木魚碎，日式感覺更為突出

呢間係我人生食過最難食嘅沾麵我叫咗一碗叫做蝦味沾麵$128本身滿心期待 點知原來係惡夢的開始第一下嚟到湯望落好濃郁，但係食落去竟然一啖味都冇同咗侍應講換返嚟嘅都係一樣整到我成碗冇食過咁滯原來佢嘅濃稠 係生粉水溝出黎服務就真係麻麻我後join我啲friend 叫佢比杯茶我到而家都未飲到麻煩佢比幾個碗，我哋都要提咗第三次先記得重要嘅嘢講三次伏到爆炸 千祈唔好去伏到爆炸 千祈唔好去伏到爆炸 千祈唔好去除非你想試下咩叫難食嘅拉麵啦🤭

灣仔咁多拉麵店，今次喺關注組帶領之下去咗幸屋💖 門口都幾有氣氛，入到去唔算好大，一眼望晒，好彩唔使等位✌️⭐赤武士辛味拉麵 $83辣味湯底睇落橙紅色咁，但入口係一種溫和嘅辣，唔係死辣✌️⭐黑蒜濃厚山藥豬骨拉麵 $88落咗黑蒜油搞到湯底變咗灰白色好搞笑🤣😲所有拉麵都可以根據自己要求選擇麵條類別、軟硬度、湯底濃度、香油濃度等等，睇得出店家嘅用心 而且配料好豐富，包括椰菜、木耳、紫菜、兩種不同嘅叉燒同埋一隻半熟溏心蛋，另外黑蒜濃厚山藥豬骨拉麵仲有肉碎添✌️第一種係日式叉燒，肉質柔軟，入口好嫩，第二種係五花腩叉燒，肥瘦分層明顯，厚切正方形啖啖肉大滿足💖半熟溏心蛋冇過熟，蛋黃好流心，有滑順嘅質感，入口即融。至於拉麵份量好多，唔洗替玉都夠飽✌️⭐和風餃子 $38原來係冰花餃子，上面淋上沙律醬同木魚碎，賣相幾好啊，餃子菜肉均勻，調味啱啱好，輕鬆食曬一碟✌️-⭐芝麻手羽 $38即係炸雞翼兩隻，即叫即炸，熱辣辣地上桌，外皮酥脆，入面保持住嫩滑的口感，仲有雞油😋好邪惡-*此乃自費食評

今天不是休息天，而被急call返公司OT的加班天。做完嘢同同事在公司附近覓食，比我地發現咗一間帶驚喜的隱藏小店。🦐櫻花蝦味噌拉麵 $88：一上枱就聞到櫻花果只特別既咸香同鮮，加埋濃濃既豬骨湯底，令到成個湯底提升咗一個層次，叉燒肥瘦相間入口軟綿鬆化，拉麵軟硬適中（面底軟硬可隨你喜好選擇）。被我列入可再回頭系列！🐟魚介豚骨沾面 $98：湯汁同拉麵是分開上既，隨自己心思添加。湯汁好濃稠撈好之後可以掛起面上面，令到面底好夠味。搭配左耳絲、筍、青菜、叉燒（系吖，又系果舊肥瘦相間，肥瘦比例各佔50%既叉燒）每啖都感受到師傅既心血同技藝。🥟和風餃子 $38：每只餃子睇落去都漲卜卜，一啖咬落去滿滿既肉汁飆曬出離，肉質鮮嫩，口感絕佳。🐔蒜香雞軟骨 $38：與其他雞軟骨唔同既系呢度既雞軟骨外面裹佐一層粉漿，外面酥香脆裡面軟滑，飽滿彈牙。✨環境：非常日系的裝修風格，地方雖小但五臟具全。服務貼心🫰🏻

今日放假去逛逛新開的合和商場，商店只開了一半，食肆更是寥寥可數，決定還是到附近的幸屋食拉麵更放心。.無錯，幸屋是一間可令人放心的拉麵店，水準一向穩定，價錢合理，選擇也多，拉麵、沾麵、丼飯和小食都不會令人失望。若說不放心是會唔會無位？不過今日星期六應該無問題。.餐廳不大，裝修風格似日式小店，樓底超高，感覺輕鬆。一邊有吧枱位，一個人享用也可吃得很自在。.胡麻王豚骨拉麵（$80）拉麵加入胡麻醬後多了芝麻香氣卻又不會蓋過本身醇厚濃郁的豚骨湯底，別有一番風味。我選了御屋mix，有兩塊不同部位的豚肉：一塊日式叉燒，另一塊䐁角煮。後者帶皮厚切，肉質軟糯，有入口即化的感覺。日本黑豚丼（$83）4片肥瘦相間的黑豚肉片，經燒烤後油脂減少，柔軟得來又有口感，肉的邊緣帶著焦香，外脆內軟，肥而不膩，非常好吃。吉列廣島蠔（$42）冷豆腐（$32）我最愛這兩款一冷一熱的小食，廣島蠔是可容易食用的一口Size炸蠔，鮮味濃縮，日式麵包糠炸漿香脆。冷豆腐簡單而美味。

今晚喺港島有嘢做，所以喺灣仔諗住搵間餐廳食飯。行街見到有間日本野，餐廳都幾大，坐得都好舒服。佢係主打食拉麵同丼，見到佢有新出嘅系列，所以我就叫咗嚟試吓。鹽湯黑松露元貝拉麵 $118見到呢個新出品嘅拉麵非常特別，又有黑松露又有元貝。湯底方面，佢個湯唔會好鹹，而且有好多配菜，例如洋蔥、炸蔥等等，如果面積方面都幾彈牙，味道都不錯。和風餃子 $38呢排見到人哋成日講食餃子嘅有冰花，佢呢一個就整得非常之好，而且加上蔥同沙律醬喺面頭，感覺好似食緊大阪燒咁。佢個冰花煎到好嘈，而且餃子入面嘅餡料都好夠，味道相當唔錯。

灣仔巷仔人氣拉麵小店見呢間小店咁多好評，就同朋友嚟試吓😆期間限定🍜元貝鮭魚卵雞白湯拉麵幾特別😳好似第一次食拉麵加鮭魚卵～鮭魚卵好鮮甜，卜卜脆，一啲腥味都冇👍🏻👍🏻溏心蛋調味啱啱好，同埋做到流心😍有3塊雞胸肉，幾嫩～唔錯👍🏻仲有炸牛蒡，木耳絲，成碗麵都幾豐富，加上麵既份量都幾多～魚介豚骨沾麵朋友食呢款會比較濃味～厚叉燒燒得唔錯👍🏻一啲肥膩感都冇，但肉質又好軟身😍炸雞軟骨，新鮮炸起，一啲都唔油膩，香脆可口🩷冷豆腐加左青瓜絲，木魚碎～更有口感

每次收工時間仆去演藝學院睇show都會趕頭趕命唔知食乜好但唔食又捱唔住前幾日俾我撞彩搵到呢間入去醫肚都可以稱得上係快靚正之選嗌咗冷豆腐同芝士年糕一個豚肉丼飯同個帆立貝湯麵首先我幾鍾意個快嘅上菜速度另外係通常食完拉麵都會有種鹹油膩感今次食完成晚都冇覺得特別口渴係幾抵讚冷豆腐清清地又滑溜味道唔會鹹個拉麵有好多配菜加埋帆立貝同熟成雞肉感覺幾抵食豐富到有種車仔麵嘅感覺個丼飯嘅份量都啱啱好日式燒汁都夠食到去最尾如果lunch time 食嘅話好似都幾適合

元貝鮭魚卵雞白湯拉麵湯頭濃郁，雞白湯香滑，元貝鮮甜，鮭魚卵都好多，層次豐富，麵條吸晒湯汁，正。櫻花蝦味噌拉麵味噌湯底比白湯更濃郁鮮香、鮮甜，櫻花蝦點綴，大滿足。最和風餃子與芝麻手羽香口小吃，兩樣都充滿好多肉汁。人均都係$130-$150，性價比爆燈，裝潢都好日本風。幸屋灣仔機利臣街5-9A號維昌大廈地舖#日式餐廳 #日式料理 #拉麵 #雞白湯拉麵 #雞白湯 #灣仔 #灣仔美食 #高性價比 #foodie #foodiehk

以前喺呢頭返工已發現呢間喺巷仔較隱閉嘅日式拉麵店，鋪位細細，太約十幾至二十個座位，鋪面唔算大，裝修風格比較近似日本小店簡簡單單咁，但餐廳樓底較高，整體感覺唔會好太壓迫感，餐牌上食物種類都唔少，有拉麵、沾麵、丼、炸物，價錢都算中價位唔太貴，算係可接受的。🍜櫻花蝦味噌拉麵 $88豬骨味噌湯底加入超爆多嘅櫻花蝦，湯底味道唔太過咸，配埋櫻花蝦就帶多點鮮味，拉麵嘅麵質還好，但可以再進步啲嘅，仲有一塊叉燒同一大嚿五花肉，要讚一讚嚿五花肉，大件得嚟入口溶化🥟 和風餃子 $38有別於一般嘅日式餃子，呢個係煎得好香脆，面層有大阪燒醬、沙律醬、木魚碎、蔥花，面層卜卜脆，裡面好多汁🥢醬燒牛肉丼 $93有四至五塊醬汁燒嘅牛肉片、一隻溏心蛋(但餐牌係溫泉蛋😅)，唔好睇佢細細碗都裝咗好多飯