幸屋

營業中

休息中

自從轉左去灣仔返工都食多左附近既餐廳，呢間今次已經係第二次食，再幫襯味道依然不錯，值得推薦比大家。———————————————🌟 櫻花蝦味噌麵 $88呢個櫻花蝦味噌麵湯底蝦味非常濃郁，仲有淡淡嘅味噌香，麵質煙韌彈牙，幾好咬口。每一啖都可以食到濃厚既蝦香。叉燒方面有兩款，一款比較薄身而另一款比較肥美，兩者食落都非常香口，肥美嗰件仲有啖啖肉嘅感覺。另外上面果粒溏心蛋真係整得超出色，入面流心係完美，超好食。🌟 蒲燒鰻魚丼 $98呢個蒲燒鰻魚丼係非常有驚喜，鰻魚超大塊又厚身，大大啖咬真係超滿足。飯粒係珍珠米，夠軟糯又唔會太黏，每啖都食到鰻魚醬汁滲入飯入面嘅香氣。🌟 吉列廣島蠔 $42廣島蠔新鮮炸起，外層炸粉夠脆，咬落去唔會覺得油膩，而且仲保留到蠔既鮮味。🌟 冷豆腐 $32呢個冷豆腐份量多，夠厚身夠滑，連埋特製調汁同青瓜絲都非常不錯。