巴希雅海灣重慶燒烤

營業中

休息中

香港連續幾日大豪雨，但係同朋友嘅宿營計劃如期進行。（主要係因為排期入營，唔入咪好曬囉⋯⋯）宿營燒嘢食，好似係香港人必做嘅事，但係落大雨，又點買餸再係露天地方燒嘢食呢？大家又想燒喎，咁唯有行出去幫襯任食場，有個瓦遮頭，又可以食完拍拍蘿柚就走。一行五人，有個朋友去過「巴希雅海灣重慶燒烤」，而且同營區最近，所以就揀係呢一間到食啦。其實笨妹比較少係任食燒烤場燒嘢食，記憶中，多數燒烤場都無咩選擇，只係得腸呀、丸吖、扒吖，呢啲食少少已經會好飽嘅嘢，但係呢個場嘅選擇就相對比較多，連羊架（好似係）、牛仔骨呢啲都有。最神奇嘅係有菜心，當笨妹見識少，我真係唔識燒菜心。但係都有燈籠椒、洋蔥、韭菜、蒜蓉包、鯖魚呢啲，仲有成條茄子任你拎，任食嚟講，真係幾難得。呢個地方唔係用燒烤叉燒，可以話係懶人串燒，個爐啲碳長期白色，唔知點解都可以燒咁耐都唔使加碳，究竟佢係咩碳嚟？不過呢個地方，好唔好食真係睇你自己做化，所有嘢無預先醃定，全靠你自己用佢提供嘅調味料。不過你想要蜜糖嘅話，竟然要加錢⋯⋯（真係識做生意）你哋係張圖到見到，就係每爐一煲嘅蜆，唔知啲蜆係咪佢哋自己出去摸，食嘅時候啲蜆殻仲痴住啲唔同色嘅粗沙，令我對佢個衛生

由大埔租單車踩入大尾篤還車，還車附近就係呢間重慶燒。星期五晚去，由於六點幾就到，我地係第三枱客。夜少少都full full地了。成人 每位$148另收開爐費$50無須加一蝦、蜆、金茹、菠蘿、香蕉是限定的。（請參看圖片）金菇 每6人一包、香蕉 每3人一條，但我地2人去都有俾我地。香蕉燒完後，可以成條拎去counter，佢會幫你開同唧朱古力醬。 有茄子燒，燒完中間劏開，都ok的。韭菜就要好小心燒，好易燒乾哂，但燒得成功係好好食。有一杯類似豉油嘅汁，燒嘅時候落。尤其燒墨魚時，啲味道就佢黎。仲有啲味粉，辣粉。入大埔唔錯嘅一個選擇，幾有特色。

黎個燒烤場夠曬大，好啱一班朋友仔一齊聚會、傾計！而所有肉、菜任燒任食，最正嘅係金菇肥牛同煙肉番茄，食過嘅個個讚好！😍😍😍啖啖肉、啖啖汁，一試難忘！但調味料就真係稍遜一籌，蜜糖、豉油都太淡😖至於環境方面，在下認為燈光稍為不足，難以辨認生熟。現場亦太大煙霧，氣味混濁⋯不過總括而言亦較為滿意，不失為約會朋友嘅好去處！價錢：約$150

Smart bunny 和Mr bunny 是BBQ 的super fans, 亦是巴希雅的super fans, 由以前不用等位到現在大受歡迎要多個星期前訂位，smart bunny 都一直驚嘆巴希雅可以做到以這樣低價提供有質素的食物，多年來smart bunny 幫襯了10+次，每次想起巴希雅的美味串燒依然又想再訪。這天一如過往一樣，先吃羊肉串。這裡的羊肉肥瘦相間，吃得十分甘香，十分難得，加上美味的孜然粉燒成，就是在廣州街頭吃的也沒這裡捧。然後是牛肉串，這裡用的應是牛肋肉，肉質彈牙，很美味。另外這裡的羊扒、豬頸肉、蒜蓉包和紅腸的味道也不錯，可以是吃畢羊肉及牛肉串後的選擇。雞翼與丸則一般，可以不吃。推介每枱送一客的燒菠蘿，很甜又多汁，記得留肚吃。

1. 爐入面d炭一開始就已經是灰白色的灰燼，只有5%以下是黑色2. 個網黑哂，燒出D野都黑3. 叫佢地換炭，職員話：「係咁架喎」「冇得換架喎」4. Openrice寫免開爐費，現場收$40開爐5. 叫佢地換網，另一職員話：「冇得換架喎」「換的話要收開爐費」6. 全場竹籤循環再用，又濕又污糟又軟，佢地會話係收起怕整傷人，隔一陣就回收7. 最後....拎軟管時留意.....管表面有d水珠的，絕對相信係洗完再用8. 收咁貴，洗唔洗咁cheap...感覺似去左大陸食野，so dirty9. 睇完openrice 後突登撘車入黎，無下次

某日跟E先生說起，原來二人已經很久沒有去過BBQ了，於是心血來潮就決定跟家人在星期日來到大埔巴希雅海灣重慶燒烤BBQ。巴希雅以自助形式提供重慶燒烤串燒，客人入場需先付款$ 148/位，限燒三小時，包括：每檯一煲蜆、一包金菇、每人一隻鮮蝦、每人一隻香蕉或菠蘿串及兩罐飲品。入座後，馬上就有店員替我們開爐，然後我們拿著店方提供每檯一隻的大碟子去取食物。食物種類不少，包括有：海鮮類、腸丸類、肉類、蔬菜類等......，把串燒放上炭爐燒烤，灑上重慶辛辣調味粉就可以吃，非常方便。整體食物質素一般，以最普通的牛/豬/羊/雞肉串較好吃，其餘有好好壞。鮮蝦：看起來頗大隻，但實際上沒太多肉，而肉質味道亦不怎樣爽甜。煲仔燒蜆：蜆肉較細少，但不失鮮甜，不錯。羊架：雪藏味道非常重，不能吃。雞翼：肉質香嫩，惹味好吃。燒菠蘿：香甜多汁，非常美味。香蕉：烤好後加上朱古力醬，香甜好吃。金菇：牛油味道頗香，不錯。老賓說，以這種串燒自助模式BBQ的確非常方便，雖然食物質素一般，但偶爾一次還是可以的。

踩單車到大尾督，最後當然要以燒烤作結。今次試了巴希雅海灣重慶燒烤，感覺特別。朋友們都以為是平時的港式燒烤，當看到桌上的炭爐就有些奇怪，姑且一試。星期日晚座無虛席，慶幸自己早已訂坐。我們坐在露天的範圍，雖然與取食物處有些距離，但勝在空氣流通，比坐在有蓋位置寬敞和舒服。食物種類足夠，牛肉、雞翼、丸類、串燒等都應有盡有，但別寄望會是外國貨、肉質鮮嫩等，大部分食物經炭燒後都偏乾，桌上只提供了孜然粉，我卻認為塗蜜糖會更好，早知自備蜜糖啦！之前有食評說沒有魚蛋，但我發現有，不過是在大鍋內、已煮熟了的，辣得要命。最令我大開眼界的是一串串的菜，就連菜心、白果都用竹籤串着，很有趣。放在爐上燒，愈燒愈乾，質感、味道都欠佳。吃至中段，我們去拿了每人一隻的蝦和每爐一煲的蜆，這兩種海鮮算是較可取，蜆的數量頗多。因有這個瓦煲，我們決定將那些菜和總是燒燶的丸放進去，慢火煮熟，結果由燒烤演變成打邊爐，哈，早知還是去打邊爐嘛！最後拿了香蕉去燒，蕉皮很快已變成黑炭，但一直都不覺有軟化的跡象。燒好後去皮再拿到櫃位，那職員才說不需自己去皮，可以直接把燒蕉交他處理，噢，早說嘛！這香蕉質感很生，就算加了朱古力醬都不能用美味來形容

我同意前面的標題 "唔Q明呢間野有咩好" 那作者所講的大部份內容。但這作者亦有部份東西說錯，所以我想中立地評論返。我是2014年10月2日，國慶假期去。我特登唔佔領中環，跟朋友去大埔龍尾村的巴希雅海灣重慶燒烤，結果令人失望，而且有點令人生氣。今天已經是10月5日，但想返起仍然覺得有點嬲，和不值。我對這間野，有彈多於讚，亦真的唔明點解仲有咁多人去。(1)先講食物食物尚可，食物種類都肯定超過10種，沒有題標"唔Q明呢間野有咩好" 那作者所說咁少既。我記得有菜心，但BBQ燒有菜心，其實我唔太明。我好少燒烤的，恕我唔明點燒?! 我無燒菜心，我亦唔知新鮮否.....另有韭菜(粵語音:九菜) <----我打這篇文章，先知正確中文是韭菜。其實我都唔明韭菜點燒，燒左一束，我吃起來，乾爭爭，感覺自己像隻牛在吃草 =.="。還有些正常D的食物，冬菇串，雞塊，鮮魚肉塊，豬排，牛塊。牛塊燒了兩塊，超堅韌，唔好食，一塊勉強食啦，另一塊真的咬不到，掉垃圾桶了。=.="還 有雞串，牛肉串，脆皮腸，廚師腸，牛丸，大虾，雞翼，墨魚丸，多春魚，菠蘿，肥牛包蕃茄仔串(半小時才出一盤，會極速被人拿晒，想食要企在度等佢

之前一直聽到人地講呢間野好正，難得終於抽到時間組聚去食。呢次係我第一次食串燒燒烤，第一個感覺係環境好熱鬧，不過企耐左就有D熱同焗。燒汁既味道不錯，配合燒好既新鮮肉串真係一級棒。燒緊既時候已經有陣陣香氣，一直忍，到終於食得既時候大大啖咬落去，不得了D肉汁配合燒汁BIT哂出黎，真係想不停食呀!重點推介燒菠蘿，我平時唔食菠蘿，但淺嘗一下已引人入勝，酸酸甜甜既味道正好可以消下食得太多肉既油膩感，可惜每人只有一塊。飲品劵只有一張，燒肉味濃易渴，要自備多些飲品帶進去。

一大班人聚會多數黎黎去去都係韓燒，打邊爐，燒野食，今次特別少少，入到大尾篤，就係為咗燒串燒～由於本人唔識踩單車，所以黃昏時間先入去，路程都幾遙遠，巴士轉巴士. . .都要個令鐘先入到去. . .入到去先付款，然後安排入坐，環境唔算太大，一張張長枱整齊甘排好然後職員於每張枱上放上一個已透好的炭爐安置好所有野之後就出去拎野食啦～串燒種類可以接受，常見嘅丸類 (芝士包心丸、蟹子包心丸、牛丸...)，腸類 (廚師腸、紅腸、芝士腸、珍寶腸)肉類 (豬、牛、羊、雞串、多春魚、魷魚均有提供)蔬菜類 (菇類、翠玉瓜、茄子、青椒)其他(牛舌、雞軟骨、法包)食物尚算新鮮～大部份食物已經用竹籤預先串好，方便衛生，無需自已動手動腳去叉食物～拎好野食後,只需直接放於爐面燒熟即可，但由於火力較強,所以每隔一段時間就要把串燒反轉，但比傳統bbq輕鬆得多～不得不提的是枱上放有調味粉，燒到接近熟透時，於串燒面撒上重慶香料，令串燒惹味程度提升不少～另外，部分食品係限量供應，例如:蜆及香蕉職員會將蜆放在小煲上，每個爐各一煲，而香蕉以人頭計畫，每人只分得一少份，燒好後可以加上朱古力醬，作為甜品收費唔算貴，百令蚊就可以任食串燒

今日天氣其實好一般, 時好天, 時落雨,但無減我地入去大尾督踩單車, BBQ既決心!好耐已經沒黎過呢度, 我地踩左一陣單車, 就到巴希雅BBQ.據聞呢度D食物好好味, 而且係用呢種爐燒野食, 幾得意!不過今日真係幾焗, 而且因為我地好多人, 所以安排在有篷既位置BBQ,估計風向問題, 煙不停吹向我, 攪到我不停咁喊, 勁辛苦~~食物款式其實好多, 除左基本野都有之外, 仲有羊架, 少許熟食, 仲有限量海鮮供應, 同埋有兩煲蜆添最開心既係仲有原個菠蘿食, 齋食又得, 燒完再食又得!!

我食過呢間野兩次第一 服務態度可能衰過茶記，D人好似係道等你比錢佢，甚至佢唔care你D錢，有D比錢買難受既感覺，(我假日去，可能假日多人，佢地收錢收到唔知自己做既生意)第二 食物款式真係多？sorry 我唔覺，間房仔10款食物都無叫多？加埋出面D物菜物菜，真係多？問心大把燒烤場多n過佢第三 食物完全無醃制過，簡靠辣椒粉、香草同支醬油完全唔夠，想要蜜糖又要加錢，真係你食埋我果份第四 價錢唔平，2個人都$380倒姐係$190一個人(可能我人少所以D雜費加埋覺得唔低啦）但$380出去食串燒有人燒埋都差唔多 仲多款式食埋扇貝同鮑魚仔都係貴小小btw唔係踩單車就腳都唔會食 

終於試左聞名已久既大埔巴希亞重慶燒烤啦!!雖然要搭好耐車先入到去，仲要個燒烤場係海邊但一入到去見到咁多人、咁熱鬧，真係好有氣氛，覺得一切都係值得既!我自己都係第一次試呢種燒烤，around 6至7個人用一個碳爐其實一去到要俾左錢先，之後佢就會每人派一張飲品券，每人只可以換2罐汽水如果唔夠，自己可以再買，同埋每人有一串菠蘿(超甜!!出面冇得扲的)跟住佢就會帶你去邊張枱，會幫你開埋個碳爐，所以基本上一坐落去就可以開始架啦!去扲野食個位有點兒細，同得一張枱得一隻碟可以拎野食，通常我地會一隻手拎成5,6串番去我最鐘意燒牛肉串、魷魚、豬頸肉、香蕉、芝士丸….仲有菜都可以燒~不過個度燒烤唔係用蜜糖，只會有一杯醬料同一杯水，仲有七味粉之類既野，不過貪心落太多會好咸! 整體黎講，我會俾幾高分呢間野，入到去任食串燒，而且氣氛好正，雖然當時係冬天好大風，但周圍都係碳爐，唔會好凍，very good!!

最近天氣陰陰涼涼又唔囇, 最適合去做戶外活動勒! 女神搞手即刻搞番個大埔單車BBQ團, 而BBQ就選取了“巴希雅海灣重慶燒烤”。“巴希雅”既燒烤係自助既韓式形燒烤, 快、靚、正, 頗適合我地呢班剛做完運動既餓鬼! 價錢仲好鬼抵, 位位HKD150三小時任食任燒, 但就只係包飲品一份。 雖然任飲係多得濟, 但都唔使甘少吖, 可唔可以包多一份呢?! 而蜜糖亦要另外再付費HK10。我地合共有四五十人左右, 分十張枱, 大約四至五人一枱一爐。每枱只提供一隻碟取食物，燒完再取。另外，每枱限送一碟鮮蝦、一煲蜆、一包金菇、一碟香蕉及菠蘿，必須以發票單換取呢！食物質數方面，絕對唔差！雞翼: 有全翼及中翼兩款，肉質嫩滑，全翼好惹味但無中翼甘啖啖肉。雞腎: 少許硬身，好香囗，有頭。羊架: 嗜羊既人覺得唔羶，啖啖肉，肉質鮮嫩。豬頸肉, 雞軟骨: 肉質幼嫩。牛肉粒: 牛味濃郁。秋刀魚: 好香，魚肉鮮滑。魷魚: 爽脆有咬感。腐皮: 較乾, 似薄餅。芝士腸: 烤到爆肉，一流。冬菇: 鮮甜爽囗。青椒: 夠爽脆。粟米: 粒粒爽甜。鮮蝦: 燒完後比較乾身，肉質似蝦干。蜆: 正呀！成煲上...雖然有些少沙, 但蜆肉鮮甜

是日幫朋友慶生,佢女朋友book左位,但係假日人多,選擇夜D 9:15先食!呢度可以食3個鐘,又係任食,唔落雨地點唔錯,係朋友聚會ge好地方!有朋友早左少少到入去攞位set好野先,所以我地到ge時候就可以燒啦!今次係我第2次黎,佢野食種類唔算係好多,同一般韓燒差唔多咁啦,不過都有D另類ge野食!除左一般豬牛雞,多春魚,雞翼腸仔之外,最特別係佢會有D每個爐一set ge野食!比方說有一鍋蜆!果個瓦煲就係啦!幾方便架,放上去燒一陣就食得!D蜆一般般啦,不能要求太多,不過我地個鍋起碼叫冇沙!一人一兩隻好快就食晒!仲有蝦啦,蒜容金菇等等!蒜容金菇我地整得唔係幾好,變左D蒜容得一邊有,又只有半份係熱ge...不過都好食ga!呢度仲有菠蘿,不過其實唔係咁好食,好難咬,極其量只係可以咬左少少同D汁,剩低ge都比較難食到!有香蕉,燒到去黑晒拎出去俾staff幫你茶朱古力醬!呢個超級正!隻香蕉好熱,再加埋朱古力,最快清晒ge食物!必食!!呢度有好多粉,其實都唔知咩黎,不過大家都會燒ge時候落DD,感覺上有D重口味,不過有少少味粉又好食D ge,唔好落太多就ok!買蜜糖要$15,有D貴呀,不過朋友們話落左