巴希雅海灣重慶燒烤

營業中

休息中

一行13人weekend想去bbq, 見呢間comment幾好又係串燒形式燒比較特別, 所以揀黎呢度. 因為之前聽聞難book 位. 兩個禮拜前已經訂左6點. 入面比想像中逼, 加上當日落雨, 地下都幾濕, 行去羅野都有d麻煩, 因為唔係全個場都係有蓋的. 每人~$180 蚊任食3粒鐘, 但包得一罐野飲. 爐一去到已經用得, 有杯燒烤汁同水用, 但冇蜜糖. 檯都算夠大, 唔係摺檯. 野飲選擇都幾多, 除左一般可樂七喜, 仲有沙士, 王老吉, 雀檸 etc. 部份野食係配給. 最初估係d貴野要配給, 但竟然係: 蕉3個人分1隻, 菠蘿每人1舊, 蜆13個人3兜, 蝦每人1隻, 金菇13個人一包, 蒜蓉西蘭花都係13個人一包. 好奇怪.野食都多野揀.有雞牛羊串, 牛仔骨, 羊扒, 雞腎, 全隻雞翼, 唔同種類的丸, 廚師腸, 紅腸, 雞軟骨, 煙肉卷番茄仔, 多春魚, 青魚, 好大隻的菇, 大荵, 粟米, 番茄, 洋荵, 蒜頭, 韭菜, 南瓜片, 翠肉瓜, 菜心, 豆, 全條茄子, 辣椒, 蒜蓉包. 大部份野食都唔錯. 肉類有淹過但唔會太咸. 全部野都串好晒, 幾乾淨. 配給的食物: 燒香

約了一班好友到巴希雅燒烤, 聽朋友講了多年, 終於有機會來試試, 還剛巧遇到越落越大的雨, 幸好已裝上蓬, 可以安心燒過痛快.果然有唔少食物選擇, 肉的蔬菜的都有不少.燒雞翼話咁易, 只要好短時間就燒好, 確實比用叉慳時間, 重(葉)得好入味呢!!去洗手間時見到兩隻有安樂窩的可愛貓貓多款美味的串燒, 每人限定串蝦還有每枱送的蜆煲, 雜菇包...食得飽飽就有燒生果幫助消化燒香蕉都係第一次, 燒到變黑炭就完成燒得暖暖又軟軟的, 還可加上朱古力醬.原來燒菠蘿最好味, 好甜好多汁!

今日朋友生日約埋大約8個朋友到來,因為今日係星期日關系通常都要日1-2日訂位呢度每逢假期都非常之多人(如果想來的朋友記得早點訂位),巴希雅呢到拍車算幾方便,就停係佢馬路對面就有免費的停車場,不過位大約只有20幾個位不算太多,一坐底服務員好快邦我地準備好個爐,個爐是用不秀鋼製成的,size 大約6"x30",一個爐大約可以"服務"4-5人,所以我們成要分2個爐要燒,另外我發覺佢地採用應該係大陸訂的備長炭,因為佢地用的炭很高溫很快可以燒熟食物,還有的是很耐燒我們燒了3小時完全不用換炭(通常高溫+耐燒這些都是備長炭的特質)呢度比起一般燒考場多食物種類,連菜,冬菇也有得燒!相當體貼,肉類方面,牛肉,豬肉,雞肉,雞翼,腸仔,芝士腸.....機本上講得出差不多都有,另外佢地每幾個人入到黎到會比個套餐就埋,套餐會包括有(蝦,蜆,和一條香蕉@@),呢度最個引就係比條蕉你燒,燒完服務員會邦你搽朱古力漿令到條蕉燒完更加好味!,另外佢地每台都有跟2種調味料,1一種超級辣粉(真係辣到我流眼淚)2一種香粉綠色的(任何食品都可以搽,搽完有種特別的香味)!佢地所有肉類都"葉"過所以燒起上黎特別好味,值得推介就係佢地

4個人黎呢度BBQ，依家天氣唔算係太熱，所以都OK！如果大熱天時就真係咪搞我啦！自助形式，有一間房俾你入去拎食物，而只能拎一次o既食物好似蝦、蜆、金菇／西蘭花、菠蘿、香蕉、同飲品就要counter拎。但BBQ都只係包一個飲品實在唔係好夠，所以我地都有自備左飲品，同埋要樽裝飲品係要加兩蚊的。拎食物o既房都算幾乾淨同refill 得幾快的，但間房都幾細，多人去拎野食就要排隊等等啦。一入去就係各式各樣肉類，好似香腸、司華力腸、紅腸、牛扒、牛仔骨、牛肉串、牛利、豬扒、豬頸肉、雞扒、雞翼、雞肉串、雞軟骨、羊肉串、羊架都有啊～。亦都有d魚柳、多春魚、魷魚等等，同埋不同種類o既丸。跟住就有好多蔬菜，菇，瓜類～脆肉瓜、豆角、蕃茄、大蔥、洋蔥、南瓜、冬菇、雞脾菇、茄子、粟米、豆卜等等等等～～～全部都用竹籤吉好哂非常方便！不過只提供一個碟俾你裝野食，可能怕d人一次拎好多浪費食物啦無影到個蒜蓉多士，仲有香蕉，同埋個羊架都好好味！朋友將個菜心燒到塊葉乾哂，塊葉係脆o既，好搞笑！懶人唔鐘意拎住支叉燒野食，又要吉落個燒烤叉度咁麻煩，呢度就真係好good啦！不過的士司機話weekend都一定好 full，一定一定要

今日同一大班人諗住去BBQ，之後有人提出黎巴希雅燒，因為係會用炭爐同埋又唔駛隻手成日HOLD住同一個動作，所以最後就一大班人一齊啋入大埔喇~係門口望入去好以好正咁，感覺好有情調同氣氛。話哂都係任食，價錢都算相宜一安頓好就即刻出去睇下有咩可以拎番黎燒，可惜佢只會比兩隻碟你，所以一次過攞唔到好多，而且好多食物都冇標示名稱，所以好多野食都係攞左番黎先算有蜆食呢，都幾驚喜係咁酷熱既天氣下係咁燒呀燒，燒呀燒，差啲連人都熟埋，個個都大汗疉細汗，好辛苦~好彩最後店員開左幾打大風扇先至可以撥息番我地啲火.....其實呢度唔錯，不過都係冬天去好啲

上次兩口子黎嘆過串燒後，今次第二次已經好有經驗喇 ﹗今次仲帶埋三個朋友仔一齊試?添，但邊燒邊飲啤酒我食唔到多野呀，蝕晒呀 ﹗今日閒日無咩食客，疏落又通爽，環境夠靜，又唔洗排隊、唔洗搶野食，舒服乎 ﹗我最怕多人架喇，朋友們試過假期黎幫襯，不單止限時任食趕住走、仲等成個幾兩個鐘先入座，陰功囉 ﹗即興燒烤樂，仲以為去麥師父個親親大自然燒烤王添，原來今晚係巴希雅。係大埔中心花幾十蚊的士就到啦，就係大尾篤巴士總站對面。雞中翼燒得好靚呀 ﹗最好食係雞中翼，皮香肉嫩有雞味，勁香口，燒到金黃色幾鬼吸引呀 ﹗裡面仲充滿肉汁，一咬即射，好味道 ﹗百幾蚊任食兩粒鐘，咩到夠晒喇。雞中翼同雞全翼係依度最好味道食材 ﹗勁食先得 ﹗唔停得口，如果我唔係飲左啤酒，閒閒地食佢一兩打雞翼啦 ﹗您睇燒得幾鬼靚 ﹗外脆內嫩，熱辣辣又香噴噴 ﹗係左手面既雞全翼就難搞啲，要豎起成個勝利手勢先燒得個頭熟呀，幾型呀 ﹗剛才一開始已食左雞肉腸，依家要再添食先得，雞肉腸燒烤必備啦 ﹗紅腸，燒到兩面乾身又香脆，好好味呀 ﹗最佳頭盤頂住 ﹗最緊要快 ﹗紅腸、雞肉、牛肉、牛丸、羊肉、等等，樣樣我都好滿意，加少少燒汁已好好味喇 ﹗不喜歡孜然粉嗆

感覺不錯，乾乾淨淨，食材款式特別，服務尚算殷勤。我愛佢地食物味道清淡，醃料不太濃，食到原味。但要緊記，一旦落左孜然粉，您以後所燒任何食物都係同一味道架喇 ﹗缺點係帳篷太矮，空間感不足，枱與枱之間機乎泊埋一齊，迫迫夾夾。洗手間免強接受，未至於惡劣，但要勤加清潔同保持乾爽。價錢都合理，閒日約每位二百任食，仲有蜆同生果飲品送添。Round 1 ﹗先黎雞中翼、腸仔、牛肉、雞肉、羊肉、墨魚、豆卜、鮮菇，只用大會提供既淡醬汁，款款都好好味呀 ﹗有兩樽液體加兩個鋁罐，最初真係估唔到係咩黎，原來係燒汁、清水、孜然粉同七味粉啊 ﹗輕醃既雞中翼最好食，燒到外面金黃香脆，裡面充滿肉汁好正呀 ﹗落少少燒汁碳燒鮮菇，好香口，乾乾地嚥嚥靭靭，菇味濃郁 ﹗腸仔大路雞肉腸，指定頭盤，Good 啦 ﹗牛肉就比較硬實同靭喇，豆卜燒都外層香脆，好得意。Round 2 ﹗再黎多春魚、豆角、雞全翼、魷魚，全無投訴，暫時樣樣滿意。雞全翼跟雞中翼同樣美味，但就比較難燒好多喇。價錢包埋每人一隻海蝦，算大隻架喇。雖係雪藏貨，都不失鮮味香甜，肉質仲幾爽吓架，還可以啦。美味美味 ﹗開餐喇 ﹗我就覺得原味最好食又 juicy，加少少淡醬油一

星期六約了朋友們到這間燒烤店gathering，地方有點偏遠，幸好朋友有車，由大埔火車站到目的地只需10多分鐘。比左$，店員就安排座位給我們，不過，雖然有2把大風扇吹住一頭一尾...但都覺得好焗..仲要未開始燒野黎食...已經成身汗!!不過食物款式總算多，一開始我地係咁搽佢地比果d汁，點知第一轉係超咸..不過之後燒果d就幾好味，幾野味，最好味係d瓜，香蕉，菠蘿，又甜又多汁下次等冇咁熱再黎過~~

今天突然興起大家食晚飯，不如提意去大尾篤食，前幾天與朋友經過想試一試，可惜fully book，今晚一book就有位，雖然是星期四，但都有六成滿，唔怪之得星期六日唔book冇得食！先付款，後取食物，包一罐飲品，盛惠每人$133。因為天氣熱，只包一罐飲品，所以大家要多花費在飲品上了！首先講下環境，其實都ＯＫ的，不過天氣實在太熱，所以就算有大風扇，大家都食到成身汗，加上炭味，回家一定要大洗！食物方面，一般大路的食物都有，每樣都一串串，串好晒，其實都幾方面，又唔使一次過拎咁多份量，肉與蔬菜都好平均，比較特別的是有燒韭菜，燒一燒就可以吃，爽爽脆脆的！食物方面最喜歡是煙肉捲車厘茄，外面有肉味，里面帶微酸的車厘茄，很特別！原隻雞翼用竹簽串寸，很有兒時在街邊買串燒的風味有限定的串燒蝦及煲仔蜆，比一煲生蜆客人煲至開口，味道帶少少咸咸海水味，雖然很細隻，但頗新鮮！不過今次吃過，下次都是冬天去舒服Ｄ！

想去好耐..但今次第一次去...要落訂先俾訂枱...一入到去第一個感覺係好煙,,,,D枱好密....因為O個日天氣不穩...所以有好多帳幕撐起左...D煙走唔到...不過到左都係想試下...憑收據可以取煲仔硯、蝦(一人一隻)、菠蘿、香蕉、金菇/西蘭花，每枱都送一份每枱會有辣與不辣調味粉、燒針和紙巾一包但我兩枱得一煲硯 同一包金菇...因為佢已劃左張單...所以都無同佢嘈...佢其實明明一至六個係一個爐, 我地7個俾7隻蝦, 但其他就無俾兩份...唔知有心定無意喇...講真食物真係好普通....又無醃過...要醬又要加錢,,,汽水竟然要8蚊, 貴左D LOR...7個人千4蚊...自已買野黎燒好過喇....起碼D野有醃過...食多幾款海鮮都得啦...唯一覺得神奇係D炭燒左成晚唔洗換....仲有咁煙燒完都唔覺成身一陣燒烤味,,,,神奇呀...下次會唔會再去? 機會不大.....哈哈~~~ 我覺得真心不適合太細的小朋友, 老人家及大肚婆...因為現場又煙又焗又迫又多人...真係有D危險...

去了兩次巴希雅燒烤。相對傳統燒烤來說,這家燒烤的確為我們帶來新鮮感，而巴希雅都帶了兩次不同的感受給我。第一次幫襯果時係星期六，我地有12個人。因為人數超過8個,所以要先付訂金,當日我地book左6點半,但成班都遲到,6點半已經收到巴希雅電話提醒我地快d到,最後7點鐘到達。拿拿臨去拎野食,我地坐果個位係近馬路,相比係住裡面既人,可能已經比較幸運。因為果排都成日落雨,所以佢地開曬帳篷,入到去煙霧迷漫,D人又坐到好迫,四圍都係煙,我地都好慶幸唔係坐係入面。而且我地住果張桌子係最側邊,有台電風扇吹住,算唔錯。去到拎野食,款式都算唔錯,最正係串燒形式,可以燒完就即刻拎黎食!當中最鍾意食煙肉蕃茄串,芝士丸,牛串,仲有限量既煲仔硯!好好味!!!!!而d朋友就話燒菠蘿好味!!由於第一次燒既關係,我地都唔係好識,結果好多野都燒燶左..之後掌握到,但又唔識燒菜,果時完全唔知杯水係要用黎燒菜既…燒左條茄子,但功力唔夠,所以唔好食。總括黎講d野食已經好夠味,因為d孜然粉都幾好味 (推介辣果隻)果日整體都好滿意,建議自備多一罐野飲,又或者即場買。因為d野食好重味,一罐一定唔夠!!一到3個鐘就有人提我地要走啦,但

為慶祝朋友生日, 上網睇吓有什麼地方可以BBQ, 見到依間有BBQ都幾多嘢食, 都應該OK. 因為我們預先訂左枱, 所以不用等位, 可能時間尚早, 出面露天位置祇得我們(當時17:30), 入到裡面, 覺得D枱好擠迫. 不過都算啦. 首先食物款式都幾多種類, 雞翼就咸左D, 其它都OK.大約到左18:15左右, 開始有落雨先兆, 當時已同在場工作人員反映, 佢地話轉頭幫我地開帳篷, 我地唯有等, 點知開始多人入場, 雨亦開始越落越大, 大雨到無辦法再燒落去, 唯有一行10人全部行入有帳篷地方避雨, 其他剛到的已經同佢地開帳篷, 我地已經等左成個鐘都無人理, 成個鐘頭裡面,只好一路担住遮一路燒, 最後都無咩食過(因為燒左D羊架,蜆,雞翼.......全部濕晒), 我地花左$1400幾蚊, 各人都一肚氣離開.

是日星期天，人較多。爐與爐之間距離太近，很迫。通風又超差，任食三小時，但根本無法逗留三小時，坐了個半鐘已經頂唔順，因為啲煙煙到眼都睜不開。食物很一般，不值百多元吧！

經朋友介紹第到巴希雅一嘗.該友人共行.打電話預約時服務員的能度還好.去到該場地一看心知不妙. 地方很迫通導很窄.因為枱與枱之間太密了.每枱都有個帳蓬蓋定,煙散不了,事問怎會不焗呢?周圍都煙霧迷漫.我只怕中碳毒.一張枱只能夠坐4人,但電話查詢時聲稱可容納6人.如果坐了2邊主席位,一邊椅己貼住隔離枱,另一邊是通道.真的不明的他們的指標是什麼. 因為隔離的多人數就頂了過來! 聽到人家投訢不夠位坐,原本加錢加了爐郤因不夠爐用被收走了.同情他們受到不禮貌對待.另外有人投訢太多煙可否收起帳蓬. 負責人說前一日落雨.怕落雨故不能收.好老實野食真的幾好.但我不會再想光顧.因為燒好辛苦.....友人說上次是坐出面,所以感覺良好.

一眾同事bbq，想到了巴希雅。百多元，任食，任食的材料都唔差，大路的腸仔、丸、扒、雞中翼、雞翼等都有,而且鯖魚、牛柳粒、魷魚、粟米、紅腸、大墨丸、花枝丸都有，每人仲有蜆同蝦送，最後仲有燒香蕉有人開埋炭爐，環境唔錯又幾舒服。 推介燒牛燒鯖魚，燒完真係有網燒，一格格形狀，好有成功感同事有車就方便d，因為都幾偏僻。