巧饍坊(素食)

營業中

休息中

近排都少咗食蔬菜嘅情況下，就決定食返餐素菜。今次揀選咗黃埔嘅巧饍坊，地點非常方便，黃埔又特別多停車場，唔使怕無位泊車，而Honey收工喺銅鑼灣搭地鐵過嚟都係廿分鐘。今餐點咗嘅食物包括：- XO醬炒腸粉- 青瓜涼皮- 秘制士多啤梨生炒骨- 上湯豆苗- 酸辣豆腐羹- 足料老火湯XO醬炒腸粉，XO醬份量足夠，每一段嘅腸粉都被XO醬嘅味道包住，熱辣惹味！青瓜涼皮青瓜嘅青翠配上冰涼嘅涼皮，很適合夏天品嚐。秘制士多啤梨生炒骨，外貌都有少少似金沙骨，而味道很香士多啤梨味。腐皮包了素雞及蓮藕，第一口咬落都有D似食到骨嘅感覺。上湯豆苗份量都幾多，豆苗亦新鮮無渣。酸辣豆腐羹配料足，而且食落明顯係即煮，非常好！足料老火湯果然好足料，青紅蘿蔔湯以腰果及其他雜豆煲，飲落都幾濃。下次可以再同媽媽嚟試吓。

成日大魚大肉🤤間唔中都要帶食肉獸去素食一下🥬🍆🌽都係一個唔錯嘅選擇！. ✨茶芥 $5@位揀咗飲香片☕清一清油膩！. ✨粟米豆腐羹 (碗) $28@熱辣辣湯羹內有清甜粟米粒配嫩滑豆腐粒同蛋花！清潤美味！. ✨羅漢上素齋 $58材料好豐富😊有雲耳, 雪耳, 草菇, 粟米芯, 芽菜, 菜心！滿滿纖維營養🙌🏻🙌🏻. ✨鬼馬爽耳炒雙蔬 $88原來係卜卜香脆油炸鬼！加埋爽甜馬蹄, 雲耳🙆🏻‍♀️仲有是日時令菜：小白菜同菜心🤝🏻🤝🏻創意十足！. ✨福建炒飯 $78份量好多🤭以素蟹柳, 菇菌粒, 豆腐粒, 菜粒, 蛋絲, 紅蘿蔔粒加埋經典芡汁🤭味道似足福建炒飯！

.😎之前已經推介過一次呢間主打食齋既巧饍坊!今次再黎食，叫下唔同既菜式😋點知一樣咁好食，仲要叫左3款菜色碟碟都唔錯～非常推介比大家▫️秘製士多啤梨生炒骨(素)⭐️ 強烈推介⭐️酸酸甜甜既士多啤梨生炒骨真係好好食，雖然佢係素，但都好香口！一層層既腐皮好香豆味！宜且入面有一條蓮藕係扮骨，好有心思！食落都好有層次～整體都好好食！.▫️三杯猴頭菇(素)⭐️ 強烈推介⭐️呢款都估唔到咁好食，猴頭菇係走過油，炸過既！雖然係會有d肥膩感，但味道係好好食，而且猴頭菇質地好吸味，加上啖啖既九層塔香味，整個菜色都好有「台」味！.▫️魚香茄子煲(素)⭐️ 強烈推介⭐️魚香茄子煲同樣都好出色，茄子走過油，特別香口！加埋素肉碎及粉絲，醬汁又剛剛好掛住，好濃郁又好送飯！正

之前食過咁多間新興素食，都想試下傳統少少，依間位於黃埔美食坊既餐廳裝修以佛教元素為主，門面有好大牌匾同埋蓮花燈，入面食客主要係一家人、長輩。二人富貴套餐 $368呢個套餐本身有鳳梨生炒骨同鮑參翅肚，但上菜後發覺有啲唔同，不過睇落都吸引，可以試試。蜜汁叉燒呢個叉燒應該係用咗比較高蛋白質嘅麵筋粉，令口感煙韌啲，咬開中間會見到一絲絲氣孔，似叉燒肉嘅質感，口感同肉味未必好似真肉，靠醬汁搭救。蓮藕粉葛湯有清熱滋陰既作用，清甜冇肉類既膩，而粉葛同蓮藕都切到一粒粒，都算足料。斑蘭蓮蓉包呢個蓮蓉包外皮以青綠色同金箔為主，一咬開就見到好似抹茶深綠色嘅餡料，散發出陣陣嘅班蘭香味，咬落味道香甜又軟熟，非常推薦。紫豆卷即係以油炸既紫菜腐皮卷，一層一層咁夾住，咬落酥脆，係平時傳統素食常見既菜式。蘿蔔糕蘿蔔蓉既份量唔算多，食落係糕為主，但以冇咗火腿嘅素食蘿蔔糕來講都算香口，口感唔錯。仲有用橄欖製嘅欖菜四季豆同精美甜品係番薯糖水，整體不過不失。巧膳坊 🍚🧆人均~$200

黃埔多野食就好多人都知，但原來呢到都有間素食店。適逢黃埔站開左咁耐都無去過，加上最近食得多熱氣野，於是遊下地鐵河兼洗淨下身心。鹵水素鵝片（$58）（⭐⭐⭐⭐💢）素食入面比較出名既當然有素鵝，餐廳既素鵝最令筆者深刻既係，佢同平時食既唔同，佢上枱時仲係熱辣辣。味道食落有陣陣香味，而且每啖咬落都十分彈牙結實，唔會好似一般齋店咁咬落即散。伴碟有鹵花生同雲耳，加上白醋調味，食唔停口。招牌黑松露炒麵（$88）（⭐⭐⭐⭐⭐）食齋好怕唔夠飽，於是同朋友叫左呢碟炒麫。麵條炒得十分乾身，條條分明，唔會濕轆轆變麵糊咁。黑松露份量亦剛剛好，每啖食落都有陣陣松露味，加上芽菜，蘿蔔絲同芝麻，十分惹味。海皇粟米豆腐羹（$128）（⭐⭐⭐⭐⭐）呢個豆腐羹係筆者全晚最喜歡既菜式。唔好以為素湯羹就好啖，呢個羹飲落十分清甜，有陣陣鮮菌既菇香味，相信係同入面五花八門既材料有關。配料都切得十分細，但又唔會過份烹煮，所以每啖除左有鮮甜味之外，仲好有口感。係最近仲係十分清涼既天氣下，入完成個人舒服晒！~~~~~~~~~~~~~~~~~~~~~~~~~~巧饍坊(素食) 紅磡黃埔天地美食坊(第8期)1樓106-107號舖👍地點方便👍精

是日初一同屋企人去咗食素，剛巧經過黃埔去了黃埔天地美食坊的素食餐廳，餐廳環境舒服而且價錢好親民。餐廳都係以QR CODE點餐非常與時並進好方便又快捷。中午時段人流都算可以不用等位，兩人點了兩個點心，一款前菜，一個炒河 同 雜菜煲，好豐富。鹵水素鵝片- 食前菜開胃下，鹵水味道好入味，點一點醋食好夾，木耳同樣爽口。黑松露素蒸餃 - 熱辣辣蒸餃，好香黑松露味，有菜木耳絲好有口感。香菇三絲春卷 - 炸得不油膩，外脆內軟的三絲蔬菜。乾炒叉燒河 - 好夠鑊氣，味道好惹味，河粉好滑溜。野生珍菌粉絲雜菜煲 - 清清地食多D菜好健康。

今日陪媽咪又黎到黃埔食素菜，喜歡這裏素菜款色精緻，味道不錯👍健康有益🥰店鋪環境裝修格局優雅寧靜可以舒舒服服嘆素菜。手拍青瓜好香麻油味道，青瓜同黑木耳是一道不錯的前菜👍魚香茄子煲熱辣辣香噴噴，茄子炆得好淋好入味，醬汁調味適中帶有微辣所以好惹味🤤招牌黑松露炒麵炒麵加入芽菜同蘿蔔絲食落口感一流，麵炒得好乾爽，加入黑松露味道更加提升及惹味👍XO農家小炒皇賣相不錯👍主要材料有冬菇、腰果、紅椒、乾豆腐同淮山等，樣樣好新配搭得好好，火候十足好好食😋😋😋

今日是Green monday吃素的日子，揀了一間裝修不錯的素食店試試。中午時間人流幾多，等了一陣才入座！午市設有套餐，但我們想多叫點心所以選擇單點！在外面等候入座期間已經揀好食乜，所以一坐低快快手點了食物！落單後等了10分鐘左右才陸續上枱，應該是即叫即整的關係吧！豉油皇炒腸粉，炒出來幾有鑊氣，每條腸粉平均沾滿醬汁，味道不錯！皇牌素小籠包，小籠包內的湯包一咬就有滿滿的湯水，吃的時候要小心燙口！迷你麥皮叉燒包，雖然是素叉燒但味道完全跟叉燒一樣，唔講唔知是素的！香煎蘿白糕，份量足足有4件，每件煎至金黃色，新年當然要吃傳統糕點！金箔紅棗糕，賣相精緻，但對我來說甜了一點！欖菜肉鬆炒飯，性價比高，二個人吃完已經飽了一半！總結：人均消費約一百元，食物素質不錯，環境

自從新年過後，體重急升，又是時候改善平日多肉少菜的壞習慣。這天就來到‘’巧饍坊‘’吃素菜，餐廳位於黃埔天地美食坊，地點相當就腳，由地鐵站步行不到1分鐘就到達。餐廳佔地挺大，座位寬敞舒適，環境典雅。餐牌食物選擇非常多，當中以套餐較抵食，最後我們點了＜午市二人套餐＞，套餐內容豐富，包裝有老火營養湯、精選餐前小食、小菜6選3、白飯及甜品。餐前小食是涼拌青瓜木耳，青瓜及木耳都非常爽口，味道酸酸的，吃後胃口大開。士多啤梨生炒骨生炒骨上淋有士多啤梨汁，味道酸酸甜甜，帶有濃濃的士多啤梨果香，而所謂的生炒骨其實就是腐皮卷，腐皮外層炸過後，入口超香脆，而內裏則包著蓮藕條，口感挺豐富，很適合佐飯。蜜椒薯仔牛柳醬汁調得超級惹味，黑椒味濃郁，味道少辣，牛柳粒口感煙韌，有點像麵筋，但廚師刻意於表面界成條紋，模仿牛肉纖維質感，所以仿真度極高，配上外脆內軟的薯仔粒粒，以及爽口青黃椒，層次感豐富。濃湯珍菌粉絲浸菜苗這個菜式的份量相當多，粉絲口感Q彈，同白菜、冬菇及菇片吸收了滿滿的濃湯汁，味道鮮甜，還帶有淡淡的蒜香味。是日甜品是蕃薯湯水，湯水帶有淡淡的薑汁香味，甜度適中，味道不會過甜，蕃薯口感粉糯，吃後令人非常滿足。

有湯有飯有三個餸，而且有精美餐前小食，仲奉送是日甜品🤩真心抵食！🔶餐前小食 - 雲耳青瓜🥒香辣爽脆🍓士多啤梨生炒骨 - 是用腐皮一層層包裹著中間的蓮藕，炸至香脆，加上酸酸甜甜的醬汁好開胃😍🍲支竹炆羊腩🍲沒有羊羶味的羊腩煲😆材料有白蘿蔔、馬蹄、支竹、雜菌、黑木耳、芹菜、和素羊腩。羊腩煲醬汁有腐乳，十分惹味😋🥔蜜椒薯仔牛柳🥔賣相好精緻😍素牛柳由大豆製成，質地像肉，十分有口感👍🔷足料老火營養湯🥣 - 湯料有多種豆類、甘荀、蓮藕、花生，味道清甜。🔶是日甜品 - 木瓜雪耳糖水，滋潤又暖胃。請大家多多支持✨🙏🏼✨ 多謝！Thank you for your support!✨🙏🏼✨

朋友特別愛素食，帶我去試吓🫦黃埔美食坊方便，走腳🤌🏻 波羅咕嚕肉平時愛吃，今次由豬肉轉了猴頭菇估唔到又不錯🌟🌟🌟食出猴頭菇先走油再回獲炒，每粒都痴滿酸甜味，咬口亦十分滿意，菠蘿同青招都係重要配菜，又開胃，白飯一碗，唔該😍酸辣湯，酸同辣比例岩岩好，濃度適中，裏面材料足，木耳爽口，正小籠包，皮薄餡料多，有雞髀姑，紅羅白同雲耳，齋肉更是不可小，冬菇香口，都加入薑絲同醋更昇華😍素海蜇，夠爽口，點了麻辣味，令海蜇為前菜不錯紅棗糕🌟🌟紅棗味勁濃，軟身香甜，煙煙韌韌，會忍唔住一啖接一啖咁食。推薦😊

素食新體驗食肉獸同持素多年朋友食飯，佢推介依間巧膳坊，試完之後有新睇法。本來對素食冇乜認識，朋友解釋清楚素同齋嘅分別，食齋往往係宗教原因，視乎咩宗教會有分別，有啲會走五辛，有啲可以有蛋，有啲可以有奶，甚至有啲支派係自然死亡嘅動物都可以食，但當然係少數啦；素食就係非肉類，佢哋會嚴格到連一啲增味劑，凝固劑都唔可以係動物提煉。環境及設備：餐廳有佛教背景，會擺佛像同蓮花裝飾，整體裝修比較傳統，但都新淨，乾淨企理服務：當日唔知咩原因，得返老闆同一個樓面，大概有15枱客人左右，不過都算服務得幾好，我見佢哋滿場飛，問佢拎碗加水等雖然耐咗少少，但都會記得。我哋係頭一兩枱到，食物都好快上枱，但加單嘅就等得比較耐啲，但都可以接受。食物:整體來講都好好食，唔會有傳統齋舖好油膩嘅感覺啫啫通菜：有素鹹魚好惹味健康養生燉湯: 普通，唔夠濃味椒鹽黃金脆豆腐: 超好食，有大排檔水準，外脆內軟黑松露煎素鍋貼: 普普通通秘制叉燒: 驚喜之作，佢用麵筋模仿叉燒，搽上叉燒醬再燒，有叉燒味仲有燶邊效果，正泊車：所有時間及日子食夠$200就有3小時免費泊車，筍

近期食得火鍋同燒肉多，所以今日同媽咪去到黃埔食返餐有質素嘅素菜。餐廳環境優雅清靜，所以坐得好舒服，餐牌上有點心、小菜、炒粉麵選擇。酸辣豆腐羹我們點了一人份量，酸辣到適中，材料主要有黑木耳同豆腐，口感又爽又滑，酸酸地好開胃！秘製士多啤梨生炒骨這個菜式幾乎每一張枱都見到客人必點，食落口感好有層次，主要用腐皮同蓮藕做材料，每一件外皮都炸得好香脆，再配搭埋士多啤梨醬一齊食，味道好夾好食。羅漢齋炒麵色香味俱全嘅炒麵，香噴噴炒得好有鑊氣，有黑木耳、白菜、芽菜和草菇等，炒麵每一條都掛上醬汁，非常入味。清炒通菜有機通菜每一條都嫩嫩綠綠好新鮮，入口爽甜😋

一向有同媽咪初一十五食齋，近年流行素食多咗好多年青人加入，去咗黃埔 AEON $12店 shopping，跟住就去對面美食坊搵食。第一次去巧饍坊 (素食) 係俾佢嘅蓮花燈吸引，感覺好寧靜舒服，門口 Menu 有散叫有套餐，價錢經濟親民。餐廳以宮廷小菜作為招牌菜，賣相精美。研究完一輪，媽咪話鍾意食套餐，都幾好食又多花款。沒有肥膩的肉，轉口味食素又可以清腸胃。養生健康套餐 ＄238足料老火湯套餐非常抵食，足料老火湯飲一啖好清甜，唔似齋湯，碗中湯渣多，湯料有豆、蓮藕、花生，甜得好好味！精美點心鴛鴦餃，雙色素餃，皮薄餡多，有齋肉的味道，加上香菇粉絲，食落爽口，材料豐富，再點些醋同食，味道好。精美餐前小食小食係雲耳青瓜，香辣味道很惹味！雲耳調味天然，青瓜口感非常爽脆，蔬菜原汁原味的鮮甜，夠晒開胃呀！3款小菜鳳梨生炒骨個心成日諗住自己食緊肉，望到碟餸嘅時候有驚喜！鳳梨甜酸多汁好好味。生炒骨原來係腐皮卷成，相當有心思，外皮炸得配脆，咬落去香軟，中間蓮藕就像排骨，加上平時生炒骨嘅醬汁，味道層次提升了不少。秘制叉燒平時最鍾意食叉燒，今次素食的秘制叉燒食到停不了口！秘製蜜汁招牌菜，咬落口感有啲

見到個二人餐幾啱食，所以就叫咗～價錢好抵，而且食物好豐富！▶️足料老火湯（兩碗）老火湯夠味，而且熱辣辣。素湯滋潤。▶️精美點心是日係鴛鴦餃: 綠色係菠菜皮、另一款係原味。每款兩粒。餃子餡有菇、粉絲、高麗菜等，爽爽地口感。▶️精美餐前小食麻辣青瓜及黑木耳，前菜辣辣地開胃。▶️6款小菜選3款士多啤梨生炒骨好似咕嚕肉嘅味道，係炸咗嘅腐皮卷及蓮藕。酸酸地嘅醬汁，咬落香脆，好味！麻婆豆腐，豆腐非常之滑，配上少少辣嘅醬汁，好惹味，撈飯一流！濃湯珍菌粉絲浸菜苗，呢個清清地，而且仲有粉絲，非常健康！套餐有白飯及是日甜品。是日甜品係木瓜雪耳糖水夠晒滋潤！