巧饍坊(素食)

營業中

休息中

最近吃肉太多，想吃清淡一點，又想讓孩子品嚐一下素菜的滋味，我們逛街看電影後便來這兒吃東西。這兒環境清幽，晚市也頗多人，感覺有不少街坊捧場客。而且樓下就有停車場，非常方便。🥢鮑參翅肚羹整個湯羹跟平時喝的鮑參翅肚羹口感差不多。材料豐富，有黑木耳、金菇、素翅，非常爽脆，金菇切細條而成的瑤柱賣相也很吸引。🥢酥炸天婦羅由蔬菜製造而成的天婦羅麵衣酥脆，材料有茄子和菇類，最喜歡切得薄薄的菇類，咬下去口感爽脆，十分易入口。🥢福建炒飯🍛有紅蘿蔔、青豆、粟米和豆腐乾等材料，十分健康，我家孩子一連吃了三碗飯！連平日不吃豆腐的他都全吃了，可見真的十分滋味。

我選擇了巧膳坊的二人套餐，當中有三個小菜、一個前菜及一個甜點，份量豐盛，適合二人聚餐。首先精美前菜小食是微辣豆腐加瓜帶來一絲辛辣美味，讓人十分開胃。湯品是鮑參翅肚羹，其中金菇、木耳和榣柱的搭配，味道濃厚羹絕不會稀，粉絲的口感十分獨特，加上淋上紅醋的一絲清新。鳳梨生炒骨是另一道亮點，新鮮的鳳梨微酸帶來清爽口感，而香脆的生炒骨內裡包裹的枝竹和芋頭則帶來豐富的層次及飽腹感。宮保雞丁的素雞丁軟腍，微辣中帶有腰果的脆口，讓人回味無窮，加上爽嫩的西芹，味道不俗。欖菜四季豆是清爽的一道菜，欖菜軟淋味道滲入四季豆，而四季豆保持著彈牙的口感。最後的甜品蕃薯糖水以其濃厚的薑味和恰到好處的甜度，潤喉又暖心。

好朋友由2年前開始因為健康而每星期有2日素食日，一開頭我聽到都覺得好似好辛苦，因為感覺素食又會好清淡，又無野食，最近佢成日都叫我去試下食，所以今次都嘗試同佢去試🎀巧饍坊🎀食下齋先🌹一去到環境好舒服，坐位不會太逼，成個人都會好安靜🧘🏻‍♀️我哋望餐牌見到有點心，小食，小菜，粉麵，套餐同甜品😍因為餐廳太多選擇，所以我哋直接叫「養生健康套餐」😂粟米豆腐湯飲落好清甜好舒服🩷小食脆香紫豆卷整到好脆，好似食響鈴一樣脆卜卜🧡3款小菜➕2個白飯秘制叉燒🐷整到好似，味道同口感同真叉燒一樣糖醋魚🐟酸酸甜甜，送飯一流時蔬🥬用咗小白菜炒得好甜甜品🫘豆沙窩餅唔會太甜又唔會好油，豆沙好滑，好好食😍另外我哋再加個燒賣好大粒超足料💛基本上比較清淡少油，份量好多，3個人食都夠食😂下次要再去食養生餐先得👍🏻

今日初一，打算食下齋，屋企附近穩穩到有呢間，應該感覺比較乾淨。於是就穩外賣平台就叫左一個魚香茄子飯。送到黎之後，膠袋質量又薄又差又超級細，碗飯豎起擺。食甘多次外賣都未見過甘細質量甘差既帶裝住。羅出黎，分量多到啊！我以為食緊日本菜前菜。碗飯仲細過日本前菜整水蛋。我都係一個44kg既女士，五分鐘內食曬。唔會再有下一次，未試過食左好似食空氣甘。都要八十幾蚊。浪費我時間等左甘耐又唔飽。隻碗已經夠細，仲要只係得半碗。送又係。永遠唔會再考慮呢間，建議超級細食既野可以選擇。但性價比超級低

今日同一位食素嘅朋友去到黃埔食素菜🌿環境系薄荷綠色主題💚有部分系模仿肉類菜式，個樣整得勁似😂✿ 雞絲粉皮 $58去親中菜館都好中意食雞絲粉皮🐔呢度雞絲系素鵝，連埋胡麻醬好開胃🧡粉皮滑溜溜，仲有青瓜絲🥒炎炎夏日食頗開胃。✿ 小籠包 $38向來去上海菜館中意食小籠包，難得素食餐廳有當然要試試。小籠包入面有雲耳 冬菇🍄等材料，素食版本同樣做到皮薄餡靚效果。✿ 鳳梨生炒骨 $118生炒骨又做到素食版好神😂表面甜酸醬還原平時食開生炒骨味道，裡面同雞絲粉皮一樣系素鵝，外皮脆卜卜口感可口。✿ 招牌黑松露炒麵 $108叫得招牌菜果然不錯，炒面啖啖充滿黑松露味道，香氣四溢🖤一路連埋餸食好快就食到好多👅

之前食過2次，一次食晏，一次食點心。聽住係附近嘅朋友講，呢度以前唔係齋舖，後來至轉左，所以佢都唔知呢度有齋舖…. 好似話餐廳冇改名。食物質素唔錯，地方亦夠大坐得舒服。員工全部都好好禮貌同招呼。今次三人行，叫咗羅漢齋炒麵，上海粗炒，冷盤同咖喱角，好好味！我最鍾意上海粗炒，上次叫比較鹹，今次有特別備註少鹽少油，有改善到。同學鍾意羅漢齋炒麵，佢話呢度整得好好食！另外咖喱角同嗰冷盤亦係好好食，食極都唔厭😬下次再去都會再叫。至於其他，要慢慢試，太多選擇🤤

你和你家人會否有初一十五茹素的習慣？不管你有沒有宗教信仰，多吃素確實能讓身體更健康，也能減少碳排放保護地球，即使未能每天茹素，考慮一下素食一兩餐如何？近年市面湧現了不少素食餐廳，不知從何揀起，想起親戚家附近就有一間開業多年的巧饍坊，心血來潮想素食之下便和親戚去試試。大門上高掛的牌匾、當眼的蓮花擺設和典雅的中式酒樓格局，毋須多言也知辦的是傳統中式齋菜。喝着沏好的香片，選了秘制叉燒、魚香茄子煲、發財羅漢和小籠包，佐以兩碗白飯下菜。香港人出了名無肉不歡，食材可以是素菜，但吃葷的口腹之欲還是要滿足的，因此一道仿葷菜必不可少。既然明書「秘制」，想必有獨特之處，夾了一塊素叉燒入口，乖乖不得了。表面烤得香口鬆脆，沒有被叉燒醬軟化，這等烘烤功夫説是與市面一流專營燒味並列也毫不為過，用同樣價錢在市面上絕對吃不到同等的叉燒！人們常説「名過其實」，這份素叉燒剛好相反，不折不扣是「實過其名」。魚香茄子煲用了木耳來代替粉絲，想是店家的特色；豬肉末倒是吃不出用甚麼素材代替，嚐起來就和一般肉末無異；整個魚香茄子煲的還原度近乎完美，十分惹味，無可挑剔。既然是來吃齋菜，自不可一味「茹葷」，須得點一道「真‧素菜」才合理，

久唔久食吓素食，令自己身心靈保持健康。和朋友去黃埔一間素食餐廳。內𥚃環境寬敞，格調和諧簡潔，座得舒服，有幾間為大枱而設的獨立包廂，提升私隱度還可阻隔聲音。還有內裏有一間小佛堂，可供參拜。叫了一個二人健康素食餐脆香紫豆卷賣相精緻，腐皮捲着紫菜，有少少似鰻魚，唔錯。糖醋班塊賣相和普通有幾分相似，班塊其實是用腐皮捲着而成，食落有少少脆，也被糖醋汁滿滿的掛住。有粟米，青豆和蘿蔔粒做配料點綴。秘制叉燒賣相極之神似，幾可亂真，食落質感比普通叉燒淋身，外皮有份焦香，有少少脆。難怪是招牌菜。雜菌扒時蔬由多種菇類組成，伴小白菜，不過不失。豆沙窩餅新鮮出爐熱辣辣，豆沙餡料飽滿，外皮香脆得來有少許煙靭，好味。跟餐還有豆腐粟米羹和白飯，粟米羹足料，粟米和豆腐的份量剛剛好，簡簡單單，健康之選。另外散叫了甜品貓貓肉球賣相趣緻可愛，打卡一流，食落去是椰汁奶凍，帶點酸乳酪。受小朋友歡迎。香蕉饅頭賣相同真香蕉幾可亂真，外層是饅頭，內裏軟綿綿，有啲似香蕉味的吉士醬，有驚喜。食埋個是日甜品，番薯糖水，材料足，滿滿的番薯粒加薑片，唔會太甜，真材實料。

難得朋友從加拿大返嚟，我就帶咗佢去黃埔食中式素菜，平時食得太多肉，飲食要健康啲要得閒食吓素，我哋叫咗個$238二人養生健康套餐，包括咗以下餸菜。｜脆香紫豆卷（2人）｜脆口又好香豆味，愈食愈開胃～｜秘制叉燒（2人）｜原來都係用腐皮做，有好濃厚嘅叉燒醬味道～質感都幾似肉｜糖醋班塊（2人）｜醬汁就真係好似糖醋排骨嗰種，酸酸甜甜好惹味，用嚟送飯一流｜雜菌扒時蔬（2人）｜叉燒同埋糖醋班塊都比較濃味，雜菌扒時蔬味道清清淡淡，可以中和一下口腔嘅油膩感～｜豆腐粟米羹｜粟米味好香，豆腐都好幼滑，飲落順口～｜絲苗白飯（2人）｜兩個人有咁多餸，套餐都包埋白飯，真係夠晒飽～｜豆沙高餅（2人）｜套餐仲包埋豆沙餅，好香脆可口～｜麻辣海蜇｜另外我好鍾意食麻辣嘢，就叫咗個麻辣海蜇，原來佢係用護絲做嘅，口感爽口彈牙～

趁著佛誕節日，就同朋友去食素食應一應節，今日我地就去左黃埔天地美食坊一樓既巧饍坊，餐廳都幾大間，幾多位，餐廳中間仲供奉左一個觀音娘娘。養生健康套餐都係$238，好抵食。脆香紫豆卷由紫菜和腐皮製成，類似響鈴既口感，炸到香口鬆脆。秘制叉燒素叉燒由麵筋代替肉類做成，外形同真叉燒一樣，亦有燒到燶邊，口感都係帶甜甜地。糖醋班塊素班塊由腐皮做成，糖醋汁酸酸甜甜，而素班塊炸到外脆內軟，非常惹味。雜菌扒時蔬雜菌有幾款種類，醬汁比較厚身，可以附在白菜仔上，令每條白菜仔都沾滿醬汁，食落較為入味。健康養生燉湯燉湯夠哂火喉，非常足料。豆沙窩餅外皮香脆，豆沙餡料又唔會太甜。

荔芋酥外層酥脆，內裡鬆軟，荔芋嘅香甜味道喺口中散發出嚟。荔芋酥嘅口感層次分明，真係好正！呢道菜係巧饍坊嘅招牌菜之一。用魚柳代替豬骨，再配埋士多啤梨醬炒，酸甜嘅味道好惹味。魚柳嘅口感滑嫩，士多啤梨醬嘅酸甜味完美地平衡咗魚柳嘅鮮味。呢道菜真係創意十足，而且味道好正，令我印象深刻！

朋友是素食者，跟他聚餐，當然要揀選一間素食店。今次就來到位於紅磡黃埔的素食店。店舖裝潢雅緻，有蓮花座的飾品，中央盡處還有一佛壇，可供善信禮佛。提供普洱或香片茶選擇。掃描二維碼便可下單，簡單方便。✨ 秘製叉燒顏色鮮艷。口感軟熟不硬，質感不乾柴，蜜味程度可媲美真肉叉燒。✨  魚香茄子煲送到時就聞到香氣濃厚的魚香茄子氣味。味道鹹香惹味 ，色香味全，非常可口 ，好下飯的一道菜。✨  爵士炒麵聽聞這個是其中一款招牌炒麵，所以就點了。果然做到滑而不油膩， 椰菜炒得爽口又香口。  小菜和點心選擇頗多，食物味道不錯，下次再來。

每到初一十五就同媽咪嚟到呢間位於黃埔天地美食坊（巧饍坊）食素，喜歡這裏環境寬敞，感覺寧靜舒服，食物質素不錯，餐廳素食種類多選擇，除了點心還有小菜等。秘制士多啤梨生炒骨這碟菜式每次嚟到都必點的，簡直色香味俱全，士多啤梨醬汁甜酸到適中，腐竹炸得好香口，口感豐富，配白飯一流。茄子枝竹炆班腩茄子切得好幼細，煮得好淋好入味，斑腩用了炸腐竹代替，入口爽脆，枝竹軟綿綿味道不錯。乾炒肉片河河粉炒得好有鑊氣，上枱時香噴噴，加入少量芽菜、芝麻和枝竹已經好惹味，配搭少量辣椒醬一齊食，食唔停口！雖然大部份菜式都加入炸腐竹或枝竹，都可以烹調出不同味道及特色菜式，值得一讚。

鍾意食素菜嘅朋友，有間好餐廳介紹比你地💁🏻‍♀️位於黃埔嘅❣︎巧饍坊❣︎由老字號詠藜園主理，開業十幾年，主打新穎創作素菜，曾獲米芝連推介👍🏻店舖裝修得好優雅，啲擺設好靚😍仲設有一個觀音像，喺呢個環境食飯，心情都特別平靜舒服🙏🏻🙏🏻🙏🏻❣︎鳳梨生炒骨❣︎$118賣相同真生炒骨一模一樣😍用腐皮整成，掛上濃郁嘅酸甜咕嚕汁，有菠蘿，青椒紅椒伴碟，開胃惹味，鹹甜得宜。❣︎粟米豆腐羮(碗)❣︎$28用一隻皇帝風格嘅碗上，好有霸氣👍🏻豆腐夠嫩滑，茨汁濃度岩岩好，味道清香。❣︎羅漢齋炒麵❣︎$78有木耳，粟米芯，枝竹，白菜色，材料豐富，炒得夠鑊氣，麵條亦都好幼細，份量亦相當大碟。❣︎台式煎鍋貼(4件)❣︎$32即叫即煎，皮薄酥脆，沾埋佢跟嘅酸醋來食，更加滋味。

黃埔 《巧饍坊》美味素食餐廳1. 鮮茄濃湯雲吞煲：這道菜以清新的鮮茄濃湯作為湯底，搭配著彈牙的雲吞，營造出濃厚的湯汁和美味的口感。鮮茄的酸甜味道和雲吞的香噴噴帶來了絕妙的組合。這道菜溫暖滿足，適合當作一道開胃菜或主菜享用。2. 白肉腐皮卷：這道素菜以香脆的腐皮包裹著鮮美的素食或蔬菜內餡，口感豐富多樣。腐皮的口感酥脆，內餡則包含金菇，胡蘿蔔等食材，帶來滿滿的飽足感。這道菜不僅美味，而且營養豐富，適合健康飲食和素食主義者。3. 金針雲耳蒸猴頭菇：這道菜將金針菇、雲耳和猴頭菇蒸製而成，呈現出清新爽口的口感和獨特的香氣。金針菇的脆爽、雲耳的滑嫩以及猴頭菇的鮮香相互輝映，帶來了獨特的風味。這道菜營養均衡，口感極佳，適合與米飯一同享用。