川花烤魚

營業中

休息中

冬天除咗打邊爐之外🥘烤魚也是暖身嘅好選擇🔥烤魚有六款口味🐟包括香辣、麻辣、剁椒、泡椒、豆豉味和青椒味，有辣有唔辣🌶️推介招牌無細骨的江團魚😙烤魚即叫即燒，香氣四溢。魚皮烤得微脆焦香，鱼肉則保持了原有的鲜嫩，口感细腻，入口肥美🤤也可以配上肥牛🥩響鈴、水魷魚🦑及墨魚滑等火鍋配料，份外美味😃除了烤魚，還有多款串燒系列🍡豬頸肉外皮燒至薄脆，肉質厚嫩😋羊肉串肉質軟腍，帶點我喜歡的膻味😍

今晚去荃灣西食飯，個邊食飯通常都會去荃灣廣場/外面大壩街貪多選擇。見到依間烤魚店好多人，外面幾張都坐滿人，12月天氣開始凍凍地，食烤魚/酸菜魚/雞煲依類用爐烘住，又少少辣既食物就最好啦！餐廳內通常都係3,4人聚會，又配幾支啤酒，真爽。主菜老壇酸菜魚（少🔥）用火滾燙便可享用，之後可較細少少火。依個小辣程度係可接受，煮到尾段因辣椒熟透而令湯底較一開始辣，好過癮肥牛片肥牛重肉味，而且帶有脂肪，肉質嫩滑配上濃汁，非常好食🤤雜丸三色丸分邊上，細細粒容易熟，而且幾款丸類也很軟身，不是死實那種質感。我較為喜歡墨魚丸夠彈牙。經過荃灣西你一定要到川花烤魚試下烤魚/酸菜魚/雞煲啦！

我平時食烤魚最棹忌就係調味料味道過重完全蓋過晒魚味今次經過呢間烤魚本身冇抱太大期望入去😬一開頭純粹被環境吸引咗，佢個裝修都幾文清㗎，又發又畫又有音樂，唔講仲以為係打卡Cafe😂但係結果幾令人意外！調味料啱啱好夠味，唔會越食越咸，魚肉相當新鮮同嫩滑另外佢嘅涼拌魚皮都好好食，用嘅魚皮比外面厚，口感相當彈牙有質感，香辣得來辣味唔會過重好適合香港人口味 >>>>地址:荃灣大壩街29號安康大廈地舖<<<<

呢碟蕃茄味烤魽魚真係一道令人驚艷嘅美食！魽魚經過烤製後，肉質鮮嫩多汁，完全保留咗魚肉嘅鮮美口感。每一口咬下去都能夠感受到魚肉的軟嫩和鮮甜。而蕃茄味則為整道菜增添了一份酸甜的風味。蕃茄的酸度與魽魚的鮮味完美融合，令整體味道更加豐富而平衡。蕃茄味的醬汁滲透入魚肉中，讓每一口都充滿了濃郁的蕃茄香氣。這道菜的烤製技巧也非常出色。魽魚的外皮烤得金黃酥脆，內部卻保持了肉質的嫩滑。這種烤製方式使得魚肉保持了充分的水分，質感更加豐富。除了美食本身，餐廳的環境也是一大亮點。舒適的用餐環境讓人感到放鬆與愉悅。餐廳的佈置通常簡約而有品味，給人一種溫馨的感覺。在這樣舒適的環境中享受蕃茄味烤魽魚，絕對會帶來一種愉悅的用餐體驗。總括而言，呢碟蕃茄味烤魽魚絕對是一道令人驚艷的美食。魽魚的鮮美口感、蕃茄味的酸甜風味以及舒適的餐廳環境，共同營造了一場美味與享受的盛宴。如果你愛魚肉料理，絕對唔可以錯過呢個精彩菜品！在這個舒適的餐廳環境中，品味蕃茄味烤魽魚，絕對會帶來一種愉悅的用餐體驗！

哩間餐廳主打巴蜀烤魚，有多款魚可以選擇🐟🐠 店員會介紹每款魚分別，最後揀左比較少骨，魚肉較彈牙既江團魚（原條）🐟 然後再揀烤魚口味同辣度，有成9款口味可選擇推介❤️🐟 蕃茄味江團魚（原條）魚肉非常新鮮嫩滑，同埋好厚身，真係啖啖肉，而且烤魚即烤🔥🔥好香好惹味，濃郁既孜然味川辣味 🌶️ 配合埋新🍲食完烤魚，一定要加火鍋配料，加入魚湯打邊爐🍜超級推介火鍋配料加米線蕃茄已滾到成蕃茄蓉好入味，而且仲有烤江團魚既精華，仲有少少孜然川辣味，平時出面既蕃茄魚湯米線無得比😍😍另外推介串燒🫶🏻 燒白鱔🫶🏻 牛舌串✰ ✰ ✰ ✰ ✰ ✰ ✰ ✰ ✰ ✰ ✰ ✰ 5個為大🈵️分好味指數：🤤🤤🤤🤤🤤靚環境：😍😍😍😍😍Chill 指數：🌿🌿🌿🌿🌿推介指數：👍🏻👍🏻👍🏻👍🏻👍🏻🔖 川花烤魚 (荃灣)荃灣大壩街29號安康大廈地舖電話: 46784029#lifeistooshortforbadfood#食好西#foodiehk#文青#吃貨#打卡#hongkongfood#hkfoodie#相機食先#lifeis中菜#香港美食#香港好去處#香港旅行#香港打卡#香港小店 #香港美食指南#荃灣美食指南#荃灣必食 #荃灣餐廳 #

天氣開始涼～ 放工了又攰又餓更加想食熱野於是揀左呢間烤魚同朋友食夜晚飯見佢門口都幾靚 感覺乾淨入面座位都唔算太迫 同埋六點幾唔算好多人 坐得好舒服😌餐牌除了烤魚仲有火煱料同小炒朋友唔食得辣 呢到嘅烤魚有得揀唔辣！Very Good 👍🏻 叫咗呢個巴蜀烤魚 酸菜味等嘅時間比想像中耐 但上枱都即刻食得唔洗等 好彩啫酸菜湯底幾好 唔會過咸同冇晒魚味幾個人再另外點左：黑栢葉寬粉、水魷魚、豆苗、生菜全部材料都好新鮮 食完個魚加湯打邊爐 so perfect ~湯底都好多配料 幾個人食都夠飽自家製李乾蘋果茶 酸酸甜甜好開胃😋食到咁上下又解渴 正👍🏻總結是次飯聚經驗： 食物味道好 多人就可以點多幾款野食不過下次可以早啲叫定個烤魚落左單先再慢慢點火煱配料咁就會快啲有得食😂

門口水牌一人餐寫$78叫外賣當然要收外賣盒錢問題呢間講都唔講收我$18一個大外賣盒白色嘅就每個$1總數$21張單完全冇寫我唔問都唔知‼️‼️講多兩講，原來可以選擇唔要$18嗰個外賣盒咁點解你要收多我$21呢‼️勁唔合理當我哋水魚嗎？第二攞到返去打開全部嘢都唔夠熱芽菜、洋蔥、薯粉都係生嘅你以為我買火鍋配料嗎好彩自己有個煲可以加熱返呢間鋪頭真係勁搞笑你以為個個叫烤魚都係買配料呀？如果你烤魚做唔到外賣你可以喺電話度講聲而唔係比一份凍嘅外賣人

店名：川花烤魚地址：荃灣大壩街29號安康大廈地舖就到聖誕節，帶呀女黎荃灣Shopping 買吓聖誕節用品，行到肚餓，呀女話想食野，佢又鍾意食魚，醒起依頭附近有間食烤魚既餐廳非常好，啲魚又無骨！！😋好適合帶小朋友黎食呀😊！都有一段時間無黎食，餐廳環境依舊乾淨企理，牆壁佈置有畫，亦有乾花擺設，有埋音樂，一入到去已經比人感覺好舒服！吊燈都有特色，呀女望到已經話好得意👍👍今次就嗌咗條魽魚 $328，番茄口味酸酸甜甜非常開胃，因為有小朋友係到今次就叫咗個唔辣既👍但一樣咁好味，呀女都食得好滿足😊魽魚肉質鮮嫩彈牙，入口即化，口感豐富多層次，加上係唔會有骨，可以大啖大啖咁食，真係食得好過癮好滿足😋😋 加多咗個娃娃菜 $36，娃娃菜新鮮可口，清爽得黎有淡淡既甜味！菜葉鮮亮豐潤，質感細嫩，非常好😄飲品方面就叫咗枝生津李乾蘋果茶 1L $58，大大枝可以有排飲，食咗咁多魚肉，飲咗杯蘋果茶可以解膩感😄👍整體用餐體驗非常好，餐廳乾淨舒服，食物好味有質素，絕對值得一試再試😊👍

係外面經過幾次一直都想試，機緣巧合下終於同朋友夾到時間去食~由於我地book左6:30pm，當時店舖內只有一枱客，但係店員安排左我地坐佢地隔離..枱與枱之間空間尚算闊落，都唔會太近或有太大影響~環境好乾淨，唔似平時食烤魚既餐廳，地下唔會痴立立，或好多油煙，成個地方好乾爽幾舒服!我地2個人叫左涼拌魚皮，豆花麻辣海爐魚，同唔同既火鍋配料~涼拌魚皮好爽，只係本身無特別中意食海爐魚好新鮮同滑嫩，唔會煮到過熟同太老，亦唔會太多骨，岩哂老人家小朋友食另外本身魚會包埋少量豆卜同薯粉，都好入味~我會建議叫多份薯粉，個湯底夠濃味，豆卜薯粉索哂啲汁好好味!! 店員都好有禮貌，好願意解答我地既問題!! 

作為一個鐘意食魚嘅人🐟食到好味嘅魚當然要分享😋最近就去左川花烤魚 (荃灣)食烤魚依度環境舒服，牆上放住幾幅畫，增加唔少文藝氣息，仲播住音樂，好relax.依度有室內/室外座位，我今次坐入面，天氣涼啲坐出面都好有feel😝我2個人揀左大邊草鯇魚佢有9款口味可以揀，有辣有唔辣，任君選擇😙我哋就揀左BB辣麻辣味烤魚🐟因為係即烤，所以都要等一陣先上菜一黎到覺得條魚好大條🤩上面鋪滿左辣椒和香料的碎粒，好香😍即刻忍唔住要試佢啲肉，一入口首先感受到魚肉嘅鮮嫩同豐富嘅肉汁🤤，完全食到條魚好新鮮。我哋唔係好食到辣，覺得BB辣度都岩我哋，仲越食越覺得香口，食到上癮🤣。除咗食烤魚我哋仲叫左幾串串燒串燒既汁都做得唔錯👍🏻我見依度其實除左烤魚，仲有鮑魚雞煲同打邊爐下次可以試埋其他😋

荃灣廣場隔離嘅大壩街有間川菜餐廳🍴，我之前食過烤魚，今次同朋友一齊去食雞煲。鮑汁雞煲清遠雞 半隻 $218用鮑魚汁炆雞煲，加上川菜成日見到既指天椒🌶️。係餐牌見到每加$30可以加一隻鮑魚。我哋唔算好大食，所以只係叫淨雞煲。辣味有BB辣、小辣、中辣、大辣同唔辣。雞煲份量都幾足料，兩個人食岩岩好。醬汁好濃郁，雞肉要趁早食，唔好煮太耐。串燒種類多，又可以揀燒汁或者沙爹汁。燒牛舌 $38牛舌配沙爹汁，煮得淋，幾好食。燒白鱔 $38白鱔肉質鮮嫩，魚皮好香口。揀左燒汁味道出色。生津李乾蘋果茶 1L $58由於食辣野會口乾口渴，叫左一升既涼茶飲。蘋果茶，真係幾解渴，唔會太甜，有李汁好清熱解渴。台式奶茶(500ml) $30茶葉沖泡嘅味道，茶香突出，有鮮奶嘅感覺。甜度適中。如果唔夠飽，都仲有其他小炒可以叫。

最近天氣突然轉涼，朋友話想食熱辣辣嘅嘢，經過見到一間裝修得幾精緻嘅舖頭，冇諗過係食烤魚，好啦就試試佢～.入邊嘅環境好光猛乾淨，唔似平時其他烤魚鋪好重油煙味或者暗暗沉沉，坐得好舒服慢慢食慢慢傾，舖頭亦唔會趕人走。.一坐低就好口渴，叫咗杯鳳梨茉莉水果茶飲住先再睇叫咩嘢食，味道好清新中和咗之後烤魚嘅油膩感。小食叫咗個涼拌魚皮，少少辣好開胃。.主菜叫咗個豆花麻辣烤爐魚，睇相已經覺得份量好多，都唔敢叫好多其他嘢食，淨係叫咗響鈴同寬粉皮。上到枱真係好大份，對於我哋兩個細食嘅人嚟講，真係完全食唔晒，又要做大嘥鬼🥹.麻辣味好香好濃，因為下面會一直開住火，令到面頭啲油唔會凝固，所以就算叫咗小辣都越煲越辣。食食下忍唔住要拎返起啲辣椒再加湯，唔係好食得辣嘅記得要BB辣就夠！令我好驚喜嘅就係就算一直加熱，條魚都唔會話好韌好鞋，由頭到尾都係咁好食😋.其實仲有串燒、雞煲、鮑魚煲、小菜等等可以叫，不過真係食唔落啦，唯有下次帶多啲朋友一齊過嚟，咁就可以試埋佢其他嘢食啦！

這次的烤魚體驗有別於以往吃到的川菜餐廳，裝修以各種畫作和花帶出文青味道。聽著台式的歌曲，中間有好幾首還是周傑倫的，讓我想起讀書的時候，吃起來特別有感覺。另外，設有室內和室外座位，現在天氣比較冷，坐在外面吹著涼風吃著熱騰騰的烤魚有種打邊爐的感覺，別有一番風味，而裡面的環境截然不同，充滿文藝氣息，是相當特別的烤魚體驗。在等待食物的過程中看見有不少熟客跟老闆互動，可見老闆也是熱情之人。二個人叫了一整條魽魚，在川菜面前當然叫了個麻辣不過是BB辣。像譚仔米線一樣這裡各種辣度仼君選擇，還是怕太辣叫了1L自家制的山楂楊梅，生津又清熱。寬粉米飯也少不了，配辣烤魚絕佳，寬粉由白色煮至透明有點像吃涼粉，切記不能煮太久。因為是現烤新鮮的，等待魚的過程有少許長，果然心急吃不到熱豆腐。魽魚肉質執實，豐厚彈牙，它是一條大骨不需要特別挑細骨，麻辣不會蓋過魚的鮮味，剛剛好。若果想多吃點菜式，可能需要叫多幾個朋友，因為整條魚實在非常大，兩個人吃得滿載而歸。

🫶🏻位處於荃灣大壩街嘅呢間以即烤、新鮮為特式既烤魚店，店鋪佈居寬鬆而且座位不少，不過每次經過都見到座位坐滿哂。今次專誠訂位黎食，一嘗川式麻辣烤魚風味～ 🐟🐟🔹 原條江團魚餐廳提供多款魚類選擇，從未食過江團魚，但見到餐單介紹係骨少肉嫩之選，於是點黎試試，搭配泡椒中辣口味 🌶️🌶️只見上枱一大盤火紅湯汁映襯住既烤魚，上有不少辣椒豆角以及豆卜。滾煮泡開後食，一如介紹所講，魚肉嫩滑，同泡椒湯底既味道完美融合，呈現出魚鮮及麻辣辛香風味，魚骨比較大條易剔走，怕多骨既選擇江團魚正合適 👍🏻 最後送飯食，不知不覺就食完了～🍚🔸 肥牛食完烤魚有啲唔夠喉嘅感覺，多點咗一碟肥牛。肥牛一碟大概有六至八片，滾泡於泡椒湯底後，掛汁食用相當辛辣入味，但又不失牛肉既濃郁 😋🔹🔸🔹🔸🔹🔸🔹🔸🔹🔸🔹🔸 川花烤魚 (荃灣)📍荃灣大壩街29號安康大廈地舖☎️ 46784029💸 ~ $ 450 / 2人

天氣涼返好多，夜晚想食一啲慶住，熱辣辣嘅菜式，有諗過去打邊爐，但係又想食魚。最後諗過，why not both呢，就嚟咗荃灣嘅川花烤魚🤗🤗😄烤魚可以選海鱸魚，江團魚，鉗魚同埋草鯇魚。平時食烤魚，鉗魚同鱸魚就食得多，今次想試下食鯇魚。鯇魚嘅份量係比其他魚多啲，侍應話有兩至三斤重。🥳🥳😁青椒味bb辣烤全條新鮮草鯇魚🐟 $368我選咗青椒味bb辣嘅烤魚，辣嘅程度真係微辣嚟嘅，有新鮮青椒同埋醃製過嘅青椒，調味恰到好處，越食越開胃。鯇魚肉質非常嫩滑，而烤過嘅外皮烤得非常香脆有好香嘅孜然味，烤魚絕對係新鮮烤製，魚肉一梳梳，係新鮮嘅魚，肉質係冇得呃人嘅，一食就知新唔新鮮。本身嘅配菜都有豆芽，西芹，芫茜，豆卜等等相當豐富。另外，烤魚會提供1壺魚湯，有需要自己可以加🤗🤗😍生津梨乾蘋果茶🍎 $58加點咗自家製飲品，味道清甜解膩，微酸微甜咁，一公升嘅份量，兩個人飲就啱啱好啦🤭🤭🤗餐廳環境相當有格調，有一盞充滿藝術嘅燈喺餐廳中間，亦有唔少藝術畫在餐廳嘅兩旁，再配合埋悠揚嘅音樂，幾似係去咗cafe呢，仲有，餐廳係寵物友善㗎🧑‍🎨🧑‍🎨🎨🎨🖼️🖼️餐廳:川花烤魚 (荃灣)地址:荃灣大壩街29號安康大廈地舖電話:467