川花烤魚

營業中

休息中

以食雞煲烤魚店來說，呢度嘅環境好寛敞企理有氣氛。 一點都不似平時食雞煲嘅地方，牆上掛了幾幅畫，播著美妙音樂，調暗燈光型造有格調氣氛，設有戶外半露天位有兩三枱可供帶寵物😊除了烤魚同雞煲外，還有串燒，麻辣小食，小炒，火鍋配料等菜式，有辣有不辣，一定找到想食的😉🔸️蕃茄味烤江團魚，有朋友不食辣，就叫了這個蕃茄味清清地都好好味喎，魚先烤好才上枱帶有孜然粉香味。點了江團魚肉質嫩滑比較少骨。 食完魚後就加配料打邊爐😋🔸️麻辣魚皮，爽脆可口，入口當刻未係最辣，食後慢慢散發出麻辣感，後勁很強👍🔸️串燒鴨舌，外面比較少見的一款，還要用全舌有驚喜的😋🔸️串燒肥腸，細細粒份量比較少😆 一人一串都未夠喉😆🔸️串燒雞皮，未能全部燒得夠乾身，有些位置仍是滑滑的雞皮，我自己只鍾意食脆卜卜雞皮😅

在荃灣廣場對面街居然有間烤魚店，不用北上荃灣區都可食到烤魚。全餐廳以木來做設計，好像置身於北歐嘅小木屋裏面，牆上有掛畫，背景播放音樂，感覺非常溫暖。天氣轉冷，再食熱辣辣的烤魚，真係幸福滿瀉。烤魚以gas 爐熱辣辣煲住上菜，魚上面有大量芽菜、蔥碎、辣椒碎、芫荽、腐竹。烤魚非常新鮮，即叫即烤。條烤魚真係正到爆燈啊！魚皮煎到金黃脆卜卜，一啖咬落去『咔嚓』聲，入面嘅魚肉仲嫩滑到識溜入口㗎！麻辣湯底勁香濃，花椒同辣椒嘅香氣撲鼻，麻得嚟又唔會太嗆喉，仲要夠熱，真係食到停唔到口！ 配菜都超有驚喜——薯仔煮到粉糯入味，蓮藕爽脆吸汁，仲有索晒湯汁嘅豆腐同寬粉，每啖都辣得好過癮！最正係個湯底，香辣鮮甜，撈飯食簡直係無敵，食到最後連汁都撈清光！

這間店舖位於荃灣西，距離地鐵站幾分鐘路程，很方便住屯門的朋友。是不是嘗試新的店舖，找尋新的口味，也是不錯之選。秘製鮑汁雞煲 $198/半隻雞煲口感嫩，雞肉新鮮，每塊都很嫩滑，鮑汁好香，秘製的香辣汁令雞肉十分入味，令人食指大動。湯底醇厚，配料新鮮！川式回鍋肉 $78回鍋肉炒得火候啱啱好，五花肉厚度適中，肥而不膩，辣椒作為配料，中和口感，味道十足，既香口又入味。花腩串 $22/2串花腩串外焦內嫩，肉質鮮美。喜歡吃燒烤的朋友可以試試這款串串。火鍋配料 - 千章豆皮 $38豆皮滑嫩，吸收湯汁非常好食😋作為吃火鍋的首選。生津李乾蘋果茶 $28清新可口，蘋果的果香與李子的酸甜配搭很好，解渴又提神😚英式伯爵水果茶 $38伯爵茶底的水果茶，水果味好濃郁😋裏面有不同的水果作為配搭，水果多樣，果汁清新，解膩。川花烤魚大壩街29號安康大廈地舖

同朋友去食雞煲烤魚！好濃味**油麥菜 ($33.00)** 油麥菜吸收哂精華好好食！**雲吞 ($48.00)** 有8粒份量不錯！好岩自製雲吞米線～**韭菜餅($48.00)** 外脆內嫩，香味十足，搭配醬汁更是絕配，適合作為開胃小吃。**英式伯爵水果茶（500ml） ($38.00)** 茶香濃郁，水果的清新十分解渴。仲可以當飯後水果！**蓮藕片 ($36.00)** 蓮藕片脆爽可口，吸收哂雞汁～**米線 ($20.00)** 米線滑順，吸收了湯汁的精華，份量夠3人食了 **美國黑豚肉片 ($68.00)** 肉質鮮嫩，脂肪分布均勻，唔會煮到鞋**薯仔片串串-2串 ($22.00)** 薯仔片外脆內軟，調味適中，意想不到的好食！**烤汁豬頸肉串 ($20.00)** 豬頸肉烤汁同沙嗲汁都十分美味**烤汁魷魚串串-2串 ($22.00)** 魷魚串最好食 但有點難share 啦 所以自私食哂！**鮑汁雞煲（半隻） ($198.00)** 雞肉鮮嫩多汁，鮑汁的濃郁風味讓整道菜更加升華，好份味同份量超多 食完加湯做火鍋都係咁

成日經過呢度，次次都見到呢度好多客人，今日終於有機會嚟試吓啦。因為呢度有出面嘅位置，可以帶寵物或者喺出面食煙，所以一直都好多客人。一入到去見到呢度嘅環境好靚，平平時食雞煲嘅地方通常都比較污糟，估唔到有咁舒舒服服嘅食雞煲地方。一坐低，因為要等朋友，我哋就叫咗一個芫荽魚湯飲住等。估唔到佢咁大碗，而且魚片好多，魚片好嫩滑，食落非常開胃。首先我哋就嗌咗一個鮑魚雞煲，因為朋友唔係特別食得辣，所以就叫咗個小辣。一上枱個雞煲好香，朋友試過話唔係太辣，但係食落都好香口同開胃。我本身比較鍾意食辣，就覺得唔係幾夠辣，但係雞煲嘅香味已經蓋過咗辣味，所以我都覺得好好食。而且佢嘅雞肉好嫩滑，雞肉比醬汁更加好食，非常送飯。呢間餐廳環境好，而且又抵食，真係好適合朋友聚會。

非一般烤魚環境。一入門口就聽到輕鬆嘅音樂，冷氣夠凍仲有闊落嘅座位，牆身掛住啲暖色系嘅掛畫，幾舒服。鍾意黎呢度食因為係新鮮即烤，江團魚魚皮脆卜卜，上枱時仲冒住煙！魚肉嫩滑，筷子一夾就散，個秘製香辣湯底正到痺，豆豉香同辣椒嘅鮮辣好正。蓮藕片切到紙咁薄，咬落「索索聲」好過癮；薯粉索晒啲湯嘅精華，「𠽌」一聲就啜入口勁滑。佢嘅小辣辣度啱啱好，唔會辣到噴火，飲啖蘋果醋，傾住計食，成個人都relax晒。呢度方便泊車，環境又chill，係我gathering 餐廳list之一。

天氣又涼番，又係時候食啲又熱又辣嘅野！見到荃灣新開左呢間 ——— 花川烤魚 👍🏻-當然一定要叫「老壇子酸菜魚」個辣真係唔講得笑，真係做到好正宗，味道好精準，叫左小辣🌶️，都真係辣嘅！仲要好貼心，有埋個爐喺到熱住食，辣得仲過癮😂魚嘅份量好多，因為一路都開左個爐熱住，魚肉都煮到好入味配菜唔少得嘅「寬粉」都係煮到軟哂，入哂味！食到流口水🤤-「辣子雞」啲雞都醃得好入味，好好食！係好惹味嘅辣，停唔到口係咁食-串燒全部都好有炭香味，係即叫即燒，熱辣辣咁送上枱💯特別提下「羊肉串燒」係有驚喜！肉質好腍，一啲都唔會臊👍🏻👍🏻-甜食亦都叫左川菜嘅名物 「紅糖糍粑」外脆內軟，豆粉滿佈喺面，黑糖可以叫多一兩碟，岩哂鍾意食醬嘅我！好細心💯👍🏻-真心食到大滿足！新開嘅舖頭，真係好有驚喜！👍🏻👍🏻👍🏻

川花烤魚今日同朋友聚舊，揀咗間荃灣比較出名食魚既小店去試下，環境燈色柔和昏暗，牆上放咗唔同種類的油畫。另外設有大玻璃窗邊可欣賞喧鬧街景；播放著抒情音樂。咁既氛圍下幾適合同三五知己想坐得耐啲chill下，(p.s如果想吸煙既朋友仔可選擇戶外茶座）💫酸菜魚$198我叫左BB辣，個人覺得等於坊間一般既小辣～如果平時食慣BB辣既大家，建議叫唔辣既去試下；魚質新鮮嫩滑；而紅薯粉口感煙韌，吸哂酸菜湯既精華。另外當中配料有芫荽、大豆芽、娃娃菜、酸菜＆辣椒粒等💫絲苗炒燒腩片$78我望落去估計師傅用咗老抽、蒜苗、薑＆蒜子等配料去炒香腩片，個人認為都算上色&入味，保持到肉質唔會炒過火而肉質變老 💫香辣肥腸$78個人覺得辣度適中，用咗蒜苗、辣椒粒＆薑等配料去爆炒，夠哂惹味，而豬大腸洗得乾淨無腥味，爽口彈牙～ 💫燒白鱔$38外皮燒得好焦香同脆卜卜魚肉味無被烤汁完全借蓋，嫩滑而無腥味 💫豬頸肉串$20我叫咗沙嗲汁，望落去比較厚切同大塊，燒身帶有燒焦感，但都保持到有肉汁。 📍荃灣大壩街29號安康大廈地舖

川花烤魚地址：大壩街29號安康大廈地舖荃灣川花烤魚，地理位置相當方便，喺荃灣西行過去係超級近😄👍川花烤魚係我食過咁多間烤魚之中最好味同最足料😋👍餐廳環境舒適，燈光柔和，俾人一種好舒服既感覺，牆上亦有不少畫作供客人欣賞！除咗烤魚，依間餐廳亦有雞煲同打邊爐食材，選擇眾多👍😋今次我就叫咗魽魚，少少豆腐同菜，已經可以食到好飽！菜都好新鮮同埋係有清洗過😊，抵讚！魽魚（蕃茄味，BB辣）魽魚肉質鮮嫩，搭配濃郁的蕃茄醬汁，酸甜適中豆腐，豆腐非常滑，口感好細嫩細膩，正娃娃茶，娃娃菜新鮮爽口，清新，好味😄自家製生津李乾蘋果茶，呢個一定要試，係店舖自家製，真材實料

見到佢最近先開入嚟試吓，幾鍾意佢哋又唔同Menu，有得揀烤魚、雞煲、打邊爐、or燒烤試咗佢哋個酸菜魚，聽講佢哋啲烤魚係新鮮、即烤的，食落係香港人煮嘅味道，幾鍾意佢完全冇骨，幾滑，仲要幾細心有個煲可以熱住，之後轉打邊爐都得其實佢哋餐廳都幾多選擇，嘢飲都有自家製嘅飲品，同埋其他特色飲品不過出奇地間餐廳都幾少人，但其實佢哋啲位幾好坐，同埋環境都幾舒服，坐出邊outdoor應該幾chill，仲會播吓啲台灣歌，同成大班fd會再嚟

原本見到佢咁多好評就去試下啦，點知換黎既係嚴重失望，首先係味道好一般啦，價錢偏貴，重要係員工黑口黑面，疑似個老闆安排我張枱換黎換去，明白要做生意，一次就算啦，仲要轉2次，呢間野無下次

行開荃灣，被香味吸引，發現一間原條烤魚店舖，但星期六晚較多人，於是留底電話號碼聯絡，大約 30分鐘店員打來話有位，隨即到現場。店內好多人食烤魚或雞煲，滿鋪辣椒香味。於是點了一個 "剁椒味小辣海鱸魚原條"，一大個火爐一大盆放上，條海鱸魚已經開邊切開，入面仲有勁多辣椒，豆椒，芽菜，腐竹及小量寬粉，有朋友不太愛食魚，都忍不住食，條魚真係滑溜又唔老，加上小辣特別惹味，仲有一樽湯方便加上魚上，現場所有飲品都罐裝，再加多個上湯豆苗，就剛好，真係非常好食。 原條海鱸魚

呢日去荃灣搵朋友👯‍♀️,見到呢門裝修雅緻嘅餐廳有新鮮鮑魚雞煲🫕,忍唔住去試下。🤤鮑魚雞煲 因為唔係好食得辣,所以叫咗bb辣🌶。煲面鋪住四隻大大嘅鮑魚,真係好吸引😍。面頭有少少辣椒,略帶辣味,醬汁夠香濃👍。呢個醬汁如果加湯再打邊爐,應該都會好正。🤤京葱炒羊肉佢呢度有唔少小炒,因為難得搵到朋友都食羊肉🐑,所以叫咗個京葱炒羊肉。羊肉味有少少羶🤏,但整體份量大,而且味道唔錯,可以炒得啲京葱再焦一啲🔥。呢度睇落好新淨,仲有啲花同畫作點綴💐,而門口有兩檯戶外座位,食煙或帶寵物嘅朋友都歡迎🐶。Klook 3% off優惠碼：HELENCKLOOK

📢 川花烤魚 - 荃灣大壩街嘅美食熱點！📢🍲 早前去咗位於荃灣大壩街嘅川花烤魚，果然無得頂！當晚我叫咗一份蕃茄烤魚，佢哋嘅巴蜀風湯底真係非常好食，材料非常豐富，有滿滿嘅蕃茄、寬粉、豆皮、大豆芽、腐竹等等，。有辣同唔辣選擇，適合唔同口味嘅人。🧾 另外我仲叫咗火鍋料午餐肉同米線，簡直係完美組合。佢哋而家仲新推出咗即燒串燒、川式小菜、涼菜小食等等，真係值得一試。特別推介佢哋嘅鮑魚雞煲，鮮嫩又美味，一定唔可以錯過！🐟 烤魚新鮮：最重要係，呢度嘅烤魚係即叫即烤，啲魚非常新鮮。我嗰日叫咗海鱸魚，佢哋仲有鉗魚同江團魚等選擇，每一款都係極致享受。🎶 環境氛圍：餐廳環境非常舒適，有輕柔音樂、花卉裝飾、藝術畫作點綴，同埋寬敞嘅座位設計，令人感到放鬆同愜意。

尋日同同事被川花既古風門面吸引，又見到入面都多食客，於是就入左去搵食川花入面裝橫簡潔以泥黃色為主，個vibe好舒服我地叫左香辣海爐烤魚，一牒椒鹽雞軟骨香辣海爐烤魚肉質結實，香辣口味偏港人口味，滿滿既豆豉加上紅椒，第一口感覺有些似街邊魚蛋既豆瓣醬辣汁，易入口，當魚烤了一段時間，個辣味就越來越有後勁！正呀！最後驚喜係椒鹽雞軟骨，呢個小炒冇諗過咁有鑊氣，椒鹽味唔會太咸，恰到好處，雞軟骨又有咬口，未上烤魚已經食唒，大推！我同同事都話下次OT完，可以再黎encore!