川川辣辣 (已結業)

天水圍站📍川川辣辣-呢間舖頭開喺屋企附近，但一直都未有機會試，估唔到第一次試就差唔多係包場😂😅川辣酸菜魚套餐（$60）呢個午市套餐包一個飯同一杯熱飲。酸菜魚一上枱都聞到好香，食落口魚片嫩滑，配料有萵筍、炸支竹、雞髀菇同埋薯粉。萵筍爽口，炸支竹好入味（加分位），但係薯粉就太淋，一夾就斷😣酸菜魚湯夠酸，今次要小辣啱啱好😋個湯太惹味，食到一半碗飯已經食晒😩成都辣肉碎炒飯（$55）呢個套餐到爆一杯熱飲。炒飯大大碟，但炒得唔均勻，有一啲位勁辣，一啲冇味😢肉碎少之又少，下次唔會叫。環境方面，店舖裝修幾靚，但係卡位略嫌太迫，好彩我夠fit😌女朋友就。。。一句講晒，酸菜魚值得encore，炒飯不了。

入咗間舖頭之後先上嚟睇食評見到啲評價一般 又話少魚又話腥所以都有啲擔心黎到之後，我覺得要為酸菜魚平反一下！好食喎！魚份量夠，又夠辣！只爭在唔可以轉米線～會encore!

今日放假過嚟頌富試吓呢間新開嘅川菜。今日天氣凍到得10度，係食川菜嘅好時機。六點幾入到黎唔多人，我哋二人點左酸菜魚（例），本身擔心唔夠食，因為聽聞呢間舖頭份量好細份。但個職員話兩個人食例就已經夠食，唔使叫大份嘅。我哋就信佢一次啦！結果呢一兜酸菜魚的確係夠兩個人食，魚塊同配料都多，食到最底仲有薯粉。不過魚塊的口感不太好，太軟太淋太滑珊珊的口感。但係湯底配料味道係唔錯嘅。兩碗白飯份量都好多。見到隔離枱叫咗碟$68嘅手撕雞，分量都係幾多。另外，湯底好味到連湯都差不多比我地飲晒，湯底酸酸麻辣帶少少香辣好開胃。食完成身暖晒不再感冷。由於6:30食晚飯太早，飽飽地所以冇叫手撕雞。按我們二人正常份量來講，一個酸菜魚再加兩碗白飯再加個小菜係夠飽有餘。希望下次啲酸菜魚口感會好翻啲。下次會過嚟試埋手斯雞同其他小菜。

一直很喜歡吃酸菜魚，聽聞這間餐廳是新開的，故相約朋友前來一試。我們二人點了酸菜魚，午市套餐加配一碗白飯和一杯熱飲，酸菜魚上菜時，和一般餐廳沒有什麼分別，但吃下去，味道遜色很多，湯底很淡，而且不麻也不酸，湯底失敗。但魚肉很滑，而且沒有雪藏味，出乎意料地比一般餐廳好，但酸菜魚的靈魂是其湯底及鹹酸菜，所以我不會再來這間餐廳吃酸菜魚了。

見到有酸菜魚於是買回家吃。.入到餐廳內想找個人點餐都冇，叫極都冇人應。終於有人在收銀處，我問了一句外賣有沒有折，那個女店員之後就超冇禮貌唔面臭臭，瞪大雙眼說：”下？不嬲都冇㗎喎！ “，語氣超級冇禮貌。.$66一份酸菜魚，魚片是冰鮮的味道，湯底酸酸地OK的，不過魚的份量很少，全部都是湯湯湯湯湯。而且酸菜魚沒有辣度選擇，想叫走辣根本不可能，完全沒有彈性。而且見到表面有厚厚的肥油，食多冇益。.這個服務態度這個質素，bye bye 一定不會有下次。

一直都聽人講話呢間唔好食， 不過總要親身試下嘅。 講真，係伏左嘅。我地兩個已經係6點前入去食， 希望唔太多客應該服務好啲， 野食又會好啲掛。 我兩個叫左一個酸菜魚例牌， 一碟炒萵筍同一杯咸檸7。盆魚送嚟係有睇頭嘅， 起碼賣相唔差， 會吸引到你食。 當第一口試啖湯先， 再食一口魚。 um.........真係吖…..吖…..吖……明明叫酸菜魚， 又唔酸又唔辣。 好特別架， 一啲唔係食開嘅個種味道囉，啲魚又唔好食。 可以想像下肉質似急凍龍脷柳切片。我就覺得主菜唔好食。 個炒菜無謂講囉， 一般囉，不過不失。 總結， 唔會再嚟囉！

試業時同屋企人去食 晚市餐牌直頭搶錢咁小菜細細碟 百幾蚊一個水煮魚$278 份量唔多 勉強夠兩個人食唔包飯唔包飲品 要另外加錢 味道一般 正正常常 冇咩特別食完一次以後都唔會再黎 完全唔值 太貴 只叫了一個水煮魚一碟小炒 另外加了兩碗白飯 埋單$416 同樣的菜式去其他餐廳食或者茶記都有 冇必要咁貴囉呢個價錢已經夠2人出去食放題

未寫過食評，不過為咗同佢平反就寫出我第一篇食評！食之前睇咗呢度食評，基本上啲食評都係比較差，抱住一個一試無妨嘅心態食，唔好食就下次唔會再嚟。點知有驚喜喎！同屋企人都係叫左常餐，$38至$40左右有一個主食同埋配一啲火腿腸仔之類嘅嘢！仲包一杯嘢飲！每樣嘢都係熱辣辣的！好有驚喜好好食👍🏻 反而其他川菜我係未食過嘅！下次有機會都想試吓！不過佢個常餐真係值得一讚！今次其實已經係我第二次黎幫襯！希望可以keep住呢個水準！會再黎幫襯的！

見到酸菜魚第一時間試試這間新店酸菜魚不太辣 味道普通 不過不失這個雞都係普通質素沒有什麼雞味萵筍正正常常 應該冇可能煮得唔好食沒想過全晚最出色的就是這個炸饅頭熱辣辣食完一個想繼續食基本上全部食物一般水準但以這個價錢唔會有下一次

今日特別想食辣嘢，於是就近近地來左尼間新開冇幾耐嘅川菜店，時間尚早所以唔需要排隊，告知左三位後，店員就安排我地入到去坐低。店內環境裝修都同正常中菜館差唔多，都算闊落，唔會逼。桌面尚算乾淨，餐具都擺左係張檯側面拖櫃度方便客人自己攞。輪到睇餐牌嘅時候，餐牌入面列出來都係中規中矩嘅川菜（晚市時間為下午五點半打後）菜款唔算太多，所以我地叫左三個菜，水煮牛肉、毛血旺同手撕包菜。（店員都同我地講左份量多少，驚太多食唔晒浪費）水煮牛肉，自己食落系唔錯，辣度介乎於小辣至中辣，牛肉片都大塊。毛血旺份量個人感覺少左啲。屋企人唔系好食得辣，所以食唔多。手撕包菜份量okay，好送飯。不過唯一唔抵嘅地方系一罐可樂都要22蚊。*（飯系另外加落去）依家仲係試業中，埋單嘅時候要比現金都唔系好方便。係天水圍來講算得上唔錯嘅川菜餐廳。食得辣嘅朋友不妨來試試。

朋友說午餐想試新開的餐廳，結果選了這裏。午餐選擇頗多，有辣有唔辣。朋友選了午巿精選的酸菜魚、回鍋肉和麻婆豆腐，我不想吃辣，所以點了川川常餐之中的「雞扒羅宋湯螺絲粉」。可能時間尚早(未到1點)，餐廳仍未滿座，點餐不久，飲品先上，不久酸菜魚也奉上，賣想不俗，份量亦算合理(一大個湯碗)。然後，「雞扒羅宋湯螺絲粉」也送到了……咦？何解羅宋湯變了清湯？有位貌似經理的阿姐解說：「因為今日無羅宋湯，所以轉了清湯，你要唔要？如果唔要嘅話可以取消。」吓？咁都得？其實清湯都唔緊要，但係可以在落單的時候講清楚嗎？我也不想浪費食物，只得無奈接受。其實午餐時間係會比較趕，如果取消了再落單，就會食得好急……事前溝通好會比較好。另外，冷氣比較凍。今次的體驗一般般，除非好想食辣嘢，否則未必再幫襯了。

見到新開試業 同屋企人去試試川菜。店鋪較細 坐位不多 7點去需要等位！4個人叫左酸菜魚$17x 例牌size叫左$98雞煲半隻，麻婆豆腐，四季豆，孜然牛肉$88一出黎酸菜魚size好似食lunch套餐既size😅湯頭一般，魚片都好小，不酸不濃熟淡口味！而個雞煲出到黎真係呆左，根本唔係雞煲似係煎雞小菜煲冇汁，又細份完全唔講唔知係雞煲？😂四季豆 麻婆豆腐雖正常，但都係份量好小！另外孜然牛肉等到我地食哂都唔見黎，第一次叫侍應問問，某傳菜女侍應佢竟然答我：廚房煮緊 出就拎出黎架啦 跟住嗱嗱聲行開左！好！再等多陣 食清光啦！再問佢到未？佢竟然答我一樣既野😡跟住屋企人火都黎埋但忍住同佢講：咁野都食晒，你都好應該入廚房問問做咗未？而唔係唔理？之後再叫另一個男侍應去追，先發現miss左張單嗱嗱聲整出返😠炒牛肉出嚟根本係沙嗲牛肉嘅牛肉片，醃到又lum又勁咸，份量又小！中哂伏一句來講，全部晚餐小菜唔包飯唔包野飲，全部要額外單點！白飯$10一個，飲品24$杯！野食味道好一般，有啲同個菜根本九唔搭八，價錢都偏貴而且份量好小！你試業唔介意你出餐慢啲同等，但服務態度好差，性價比亦極低！👎🏻唔會再試亦唔推薦人試 👎

好耐冇食川菜，見頌富舊九份·十分個位新開左間，諗住去試下。因為兩個人叫左個豬油渣包心菜，幾有鑊氣，D菜爽甜，但$68蚊得好細碟，一人夾兩野就冇左；另外叫左個水煮魚，聽到隔離檯催單，但比我哋遲好多嚟，結果碟水煮魚等左九個字⋯⋯個職員幫我哋兩檯催廚房仲比廚房大喝「頭先咪出左一碟！！！咁係咪仲爭兩個呀？？」咁我哋見廚房好勞氣就算了，叫佢哋唔洗煮。賣單走人⋯⋯第一次寫食評，因為真係唔值得去。

簡直係一間不值一試川菜，要什麽沒休麽，晚上7點要干鍋肥腸又話冇，酸菜魚又只得10片左右，但價錢要成178蚊，擔擔麵又話冇，糍粑又話冇，酸辣粉又話製作需時，其它菜要等成25分鐘先上菜，不如唔好開啦！不知所謂川菜館，真的不試亦無妨。