川川辣辣

營業中

休息中

今日特別想食辣嘢，於是就近近地來左尼間新開冇幾耐嘅川菜店，時間尚早所以唔需要排隊，告知左三位後，店員就安排我地入到去坐低。店內環境裝修都同正常中菜館差唔多，都算闊落，唔會逼。桌面尚算乾淨，餐具都擺左係張檯側面拖櫃度方便客人自己攞。輪到睇餐牌嘅時候，餐牌入面列出來都係中規中矩嘅川菜（晚市時間為下午五點半打後）菜款唔算太多，所以我地叫左三個菜，水煮牛肉、毛血旺同手撕包菜。（店員都同我地講左份量多少，驚太多食唔晒浪費）水煮牛肉，自己食落系唔錯，辣度介乎於小辣至中辣，牛肉片都大塊。毛血旺份量個人感覺少左啲。屋企人唔系好食得辣，所以食唔多。手撕包菜份量okay，好送飯。不過唯一唔抵嘅地方系一罐可樂都要22蚊。*（飯系另外加落去）依家仲係試業中，埋單嘅時候要比現金都唔系好方便。係天水圍來講算得上唔錯嘅川菜餐廳。食得辣嘅朋友不妨來試試。