川川辣辣 (已結業)

今日放假過嚟頌富試吓呢間新開嘅川菜。今日天氣凍到得10度，係食川菜嘅好時機。六點幾入到黎唔多人，我哋二人點左酸菜魚（例），本身擔心唔夠食，因為聽聞呢間舖頭份量好細份。但個職員話兩個人食例就已經夠食，唔使叫大份嘅。我哋就信佢一次啦！結果呢一兜酸菜魚的確係夠兩個人食，魚塊同配料都多，食到最底仲有薯粉。不過魚塊的口感不太好，太軟太淋太滑珊珊的口感。但係湯底配料味道係唔錯嘅。兩碗白飯份量都好多。見到隔離枱叫咗碟$68嘅手撕雞，分量都係幾多。另外，湯底好味到連湯都差不多比我地飲晒，湯底酸酸麻辣帶少少香辣好開胃。食完成身暖晒不再感冷。由於6:30食晚飯太早，飽飽地所以冇叫手撕雞。按我們二人正常份量來講，一個酸菜魚再加兩碗白飯再加個小菜係夠飽有餘。希望下次啲酸菜魚口感會好翻啲。下次會過嚟試埋手斯雞同其他小菜。