川川辣辣 (已結業)

天氣悶熱，食辣野開胃d，今次來到天水圍一間正宗川菜餐廳試試。餐廳乾淨寬闊，坐得舒服！ 川菜的特色是麻和辣。近年酸菜魚係香港大行其道，所以先點左餐廳招牌菜-酸菜魚，可以選擇辣度。乾煸四季豆為蔬菜和另一主食孜然牛肉。因為怕川菜過辣，點左招牌紅豆冰來中和一下。最後朋友建議點蔥油雞。 等左陣，香氣四溢的主角酸菜魚送到。雖然係例牌，但份量十足。用料也是滿滿的，有豆芽、豆卜、薯粉、酸菜和鮮魚塊。荳芽同薯粉吸收了湯既精華，配合魚塊食，辣中帶點甜，甜中帶點麻。魚塊嫩滑。雖然辣，但越食越想食多塊。多得紅豆冰相助，完全征服了辣味。 乾煸四季豆雖然用紅辣椒炒，但不算太辣，有炸肉碎拌住來食，送飯一流。 蒽油雞不過不失，雞肉嫩滑，而朋友喜歡蒽油汁送飯，齒夾留香。 孜然牛肉最後上枱，牛肉用不同種類的辣椒一齊炒，味道偏辣，十分惹味，咬落去肉汁滿瀉，喜歡辣既人, 絶對要挑戰一下！ 最後我們還是清枱，因為真係好開胃，下次會再來encore。

天水圍頌富商場開咗呢間川川辣辣已經有一段時間，但係我依然係佢粉絲，味道好服務好地方又整潔闊落，喺度食嘢感覺好舒服，一星期總要來光顧一次，兩個人點了四個小菜，樣樣都好好味招牌酸菜魚$188主角酸菜用上炒過的花椒、辣椒乾及泡椒等等。湯頭又香又酸及鮮甜，鱸魚起骨切片快滾可以令魚肉更加細嫩，仲有少少薯粉吸收了湯的精華～Yummy😋乾鍋肥腸$88上枱已經香噴噴，大量薑、蔥、蒜，乾炒肥腸好惹味，大腸炸過乾身又香口，配飯食一流。川式口水雞$78傳統口水醬汁淋上鮮嫩滑雞，白飯都要來兩碗。蒜泥白肉$58新鮮青瓜片加上大量蒜蓉，夾上半肥瘦腩片，豬肉囗味Q彈，是一道非常惹味的小食。

近排天氣不穩，時陰時晴，濕氣上升。令人冇咩食慾。故此食番個川菜，出番身汗，就當做左場運動喇。揀左「川川辣辣」黎食個晚飯，餐廳除左新淨光猛，又坐得舒適。餐牌都有唔少選擇。當中有唔少荼記都有既菜式。感覺好親切。✨水煮魚$188水煮魚一上枱，湯底已呈現火紅色，水煮魚以粗棉身紅薯粉做底，配料有鮮魚片、酸菜、辣椒、芝麻、菇類等等，紅薯粉索哂辣湯汁，鮮魚片冇任何絲骨，數量都多，人口味道以麻辣為主調，已同待應講左少少辣適中，但後勁有麻，果真幾過癮😇好正！✨豬油渣手抓包$68以豬油抄香生菜，當中有d肉碎系其中。伴飯食確實系一流。✨孜然牛肉 $88滿滿碎粒辣椒，已切絲既洋蔥，將牛肉去左膻味，再以孜然點敘牛肉既鮮味，肉質濕潤，味道十分惹味。同時牛肉份量也不少。食到底都仲有一大塊牛肉。仲有套餐可叫，有主菜、小炒、仲有炸饅頭和白飯，都幾抵食下。川川辣辣 (天水圍)地址:天水圍天華路30號T-Town South2樓S201A&B號舖

去完濕地公園，然後周圍逛逛，來到T-Town，正好晚餐時間，就在這裡晚餐😙。餐廳好新淨光猛，餐牌選擇不少。‖ 二人餐 ($298) ‖招牌酸菜魚湯汁酸辣香濃，不太辣，魚肉細滑。有大量芽菜、酸菜和萵筍，薯粉則十分少。川式回鍋肉回鍋肉片片有厚度，軟彈煙韌，味道香辣惹味。川辣欖菜四季豆這道菜有驚喜，超有鑊氣😍！味道超香口，調味一流，四季豆新鮮爽脆，正😍。忍不住一條一條夾入口😋。三道菜都是撈飯一流😋。炸小饅頭2個當甜品😆，外面小小脆，甜甜地，好味😋。如果可以食多個更好😆。飲品要了招牌紅豆冰和青檸梳打水(+$8/杯)。紅豆冰好香椰奶味☺️，飲到最後，味道仍然香濃，讚讚☺️。青檸梳打，一個字爽😍。兩杯都好好飲☺️。總結，二人餐抵食😋，食物和服務都不錯，值得一試。

川川辣辣 (天水圍)天水圍天華路30號T-Town South2樓S201A&B號舖招牌酸菜魚 188大量嘅酸菜鋪係魚上面，足料，但酸味不太重，酸味和辣味都剛剛好。魚肉大塊，無骨，啖啖肉，勁香滑入口。啲配菜色括酸菜、豆腐皮、薯粉，索晒啲湯汁味，酸酸辣辣，好正。乾鍋土豆雞 88香辣入味，外香里内嫩。吃一啖就停唔到，送飯一流，意猶未盡。黄金炸饅頭 48黃金色寓意好，給人一種圓滿幸福的感覺。煉奶超甜，超好味，八個迷你嘅炸饅頭，方便入口，兩啖就食晒一個，想追住食。龍鳳可樂 24咸檸同檸檬🍋酸咸甜配搭得好，好正，咕嚕咕嚕飲。鹹檸七喜 24咸檸配七喜，真係百滋潤嘅感覺。

早幾日同同事諗唔到食咩發現呢間川菜開左咁耐都未試咁就去試下啦一人嗌左一樣野✅水煮牛✅酸菜魚✅宮保雞丁✅辣炒豬頸肉我覺得水煮牛同酸菜魚好夠辣嘅但宮保雞丁就爭少少反而個豬頸肉就炒得好香口送飯一流👍🏼

琴日去咗天水圍探朋友，直到7點，肚餓啦，附近有個大商場T Town, 泊好車搭電梯落商場2樓搵食，一出電梯見到川川辣辣，唔理啦，見門口幾企理，望一望餐牌，又唔貴喎，入去試試先。環境：門面幾搶眼，店內就正常茶記，不過就好乾淨，都夠寬敞，我同老婆就坐咗喺張半卡位。😌服務：樓面有幾個，其中有一個後生女同一個叔叔招呼過我，兩個都好有禮貌，亦有推介菜式俾我，餐廳上菜都算快，執枱亦快，唔錯呀😎食物：我同老婆兩每個人，叫左：手拍青瓜，青瓜爽，唔會太重味，幾開胃👍小酥肉，炸完一啲都唔油，味道都幾好👍椒絲腐乳炒生菜，新鮮嘅，不過油多咗少少椒鹽鮮魷，呢個係職員介紹，好出色，唔油膩，魷魚新鮮，軟硬適中，必點👍👍👍辣子雞，呢個又係一味好餸，味道好足，唔太辣，如果啲雞大少少，我就俾3個讚，而家俾2個👍👍白飯一碗，ok凍奶茶，茶膽唔錯，幾好總共食$406總結：多數川菜靠辣，重味，但呢間川菜就唔會，我覺得好啱胃口，感覺上都無咁heavy，而且炸的食物處理得好好，唔油膩，證明廚房好勁夫，下次嚟試酸菜魚先😎

📍川川辣辣 (天水圍)天水圍天華路30號T-Town South2樓S201A&B號舖😋招牌酸菜魚 例$188雖然係例牌大份量超級多 除咗鱸魚仲有大量萵筍芽菜 足夠兩至三個人食鱸魚魚肉質嫩滑鮮甜 湯底充滿酸菜味道濃而不膩😋孜然豬頸肉 $88炒得好惹味！食到停唔到口！每一條豬頸肉都吸晒孜然同辣椒味 送啤酒一流！😋豬油渣手抓包菜頭$68超級邪惡，超級好食 炒得非常之有鑊氣 每一條菜都吸晒豬油渣嘅油😋糍粑$38食酸菜魚必叫 糍粑外脆內軟口感煙韌鬆軟

今日去探朋友顺便食埋飯,佢帶我去呢間抵食川菜館,我哋叫咗嗰二人套餐$298有主菜、小炒、蔬菜,仲有炸饅頭和白飯,CP值幾高酸菜魚-大大碗嘅酸菜魚入面配料好豐富,包括有酸菜、芽菜同薯粉。超有嚼勁的薯粉吸晒湯嘅精華食落有d微辣感覺夠哂開胃,加上魚片起晒骨,一片片啖啖肉,爽口又嫩滑,撈埋白飯食一流川式回鍋肉-五花腩肉肥瘦均勻,炒得乾身,香味濃郁,而且辣味岩岩好都幾好味豆豉鯪魚油麥菜-豆豉鯪魚也算多,油麥菜爽甜清脆,炒得夠鑊氣炸饅頭-熱辣辣炸起,外脆內軟,加埋煉奶一齊食,非常好味

辣控搵到間川菜茶記‼️呢間川菜吸引好多街坊嚟食，我哋下午3點嚟食，keep住都人流不絕證明真係好有質素下午茶嘅酸菜魚只係$57咋魚質又大又滑，完全無骨的，食起上嚟都好放心❤️酸菜 & 麻辣香好balance，唔會互相搶左個味道湯汁用嚟撈飯簡單會令到食量大增「乾鍋椰菜花」炒得非常有鑊氣椰菜花吸哂啲花椒 & 辣味令人越食越想食㗎‼️「黃金炸饅頭」我最鍾意嘅即叫即炸嘅炸饅頭每次一見到餐牌上有呢道菜，我都會必叫紅豆冰呢杯紅豆冰一嚟到感覺唔吸引，無咩紅豆茸～～點知一飲，好有驚喜啲紅豆煮到起沙的，有啲仲有粒粒嘅口感

川川辣辣🌶️🌶️小酥肉🐷$42小酥肉不嬲都係一個出名嘅下酒小菜，今次喺主食未到嘅時候，我哋都嗌咗一個，同朋友傾住計咁食，唔覺唔覺就好快食晒👍🏻新鮮炸起嘅小酥肉非常香脆，一路傾偈慢慢食係幾唔錯㗎！蒜泥白肉 🐖$58蒜泥白肉蒜頭份量非常之多，下層仲有好多青瓜，簡直係一個餸滿足你兩個驚喜～二人套餐$298招牌酸菜魚🐟🐠個餸黎到真係嚇左一跳，個碗比足足係正常飯碗大最少6倍，雖然大份調味同材料都一樣好夠味同夠份量👍🏻👍🏻魚片有成差唔多15片，每片都好完整，口感非常順滑，酸辣平衡得好好，湯底又夠濃郁，就咁飲夠味，撈飯都一流🥰川辣口水雞🐓呢一個口水雞嘅醬汁非常濃郁，醬汁上面重鋪咗一層口口嘅花生，為呢度餸增加咗唔少風味～而每一舊口水雞都好入味，連雞胸肉肉質都嫩滑，真係好難得🤩川辣欖菜四季豆🫒呢一個四季豆真心有驚喜，大推大家去到一定要叫！真心大推介‼️‼️一上枱就已經聞到非常香嘅欖菜味，食落有鑊氣，呢碟餸做得比好多大排檔更加好，攞嚟送飯非常唔錯，下次返嚟食一定會再叫！🤩🤩🥰炸饅頭🍞咁豐盛嘅一餐，以炸饅頭作為總結！饅頭啱啱炸起熱辣辣，真正做到外脆內軟，配埋煉奶一齊食，為今餐飯畫上一個完美嘅句號💓💓👍🏻

之前經過 見到好似唔差咁 今日就即管試下味道先🧐🧐下午茶時段 餐廳人流都幾多 坐滿左8-9成🍴川川辣辣酸菜魚餐🐟 碗白飯落單時 職員已經提醒🔔 酸菜魚要等20-25分鐘不過唔夠廿分鐘 酸菜魚已經上枱啦一個米線碗的大小 只有3-4片魚☹️ 個底係用芽菜晾高🫥酸菜有渣...支竹未淋....🫠我食左碗酸菜魚湯飯🙃🍴咖哩雞扒飯配炒滑蛋🍛雞扒又薄又細塊 仲要用薯角晾高🫥男孩子食完表示 好似食左陣風咁🌬️🌬️🍴芝麻醬雞扒撈烏冬 配 火腿。牛乳炒蛋。丹麥多士烏冬應該只有半個既份量芝麻醬都算夠味 但重口味既我 芝麻醬要再加倍🫣呢塊雞扒係雞扒飯既一倍大🤨🤨丹麥多士🍞係正既 炒蛋🥚欠缺左啲胡椒粉下午茶價錢 $50+/一個餐 每樣野食 都好似爭啲野 到喉唔到胃咁下次都係過對面大集團算🫢

川川辣辣係t town都開咗一段時間，但都冇入去試過，因為唔鍾意食辣同川菜，但係朝早行過都見到好多人喺度食早餐，所以就不如入去試吓。叫咗個吉列豬扒炒滑蛋、腸仔、火腿、牛油粟米配丹麥多士，熱咖啡，吉列豬扒好油，但脆嘅，好食，只係略嫌偏油，炒滑蛋、腸仔、火腿、牛油粟米味道正常，丹麥多士都係覺得比較多油，但其實可以加$3轉奶油豬半個，熱咖啡唔錯。埋單盛惠$46，價錢中等，可能啲食物都係比較油嘅關係，所以就唔會再想食第二次。

新界北越開越多川菜館，今日去咗天水圍T-Town見呢間新開🌶️川菜好有人氣🔥👫抵食二人套餐 💰2️⃣9️⃣8️⃣包主菜、小炒同蔬菜各一款，有兩粒迷你炸饅頭主菜🐟酸菜魚(例)魚片肉夠嫩滑，有少許微微細骨，其他配菜有大豆芽菜、腐竹、萵筍、薯粉同秀珍菇，湯底充滿酸菜味道，油而不膩🌶️川式口水雞口水雞集麻辣鮮香爽嫩于一身，雖然係涼拌菜，但係冬天或夏天都咁鍾意食😂 因為酸麻辣吸引咗我手撕包菜爽脆清甜，麻辣鮮香，花椒好香套餐可跟白飯，可加$8/碗轉薯粉，清湯上嘅薯粉仲有元貝粒飲品紅豆冰 加💰8️⃣青島 💰1️⃣8️⃣🎈川川辣辣🎈天水圍天華路30號T-Town South2樓S201A&B號舖

//招牌酸菜魚//裝住酸菜魚隻碗好大好深，每一勻畢出來都材料滿滿好豐富🤭！！應該都夠2-3人份量食，魚片大片入口滑嫩，湯底酸味足好開胃，底層有，荳芽，萵荀，寬粉，金菇，全部都吸晒湯底嘅味道好入味！！.//黃金炸饅頭//幾乎令一台都有見到叫到呢個菜式，熱辣辣金黃色嘅樣子很誘人🤤咬下外脆內軟，背後甜甜的煉奶超邪惡🤤！！！.//酸辣士豆絲//土豆絲好爽口，酸酸辣辣夠惹味，送飯一流呀！！！.白飯豆漿龍鳳七喜