川味雞烤魚大王 (隆亨商場) (已結業)

大圍多野食就一早知啦，但最多都係圍住港鐵站食，今次試下行遠少少，過左回旋處竟然比我聞到好香烤魚味。原來有間咁正嘅雞煲烤魚店。因為早日打完邊爐，就無試雞煲，但睇個場好多都係叫烤魚的。後面嗰枱食完一盤再叫多盤，好誇。我地叫左叫海爐魚，都幾長呀，比起平時出面食開嘅大條，香辣同麻辣比例做得幾好。越食越出麻辣，一開始就好香豆是同椒辣味。另外叫左小食：韮菜盒，外面好脆，又夠味。入面韮菜好大量，豬肉有汁，一咬就有汁漏出，正。爽脆魚片：唔係炸魚皮，係魚嘅皮拖水再配大量薑蔥莞茜食，好爽好脆口。

今日適逢星期六，屋企人又唔駛返工就一齊係大圍附近食個lunch~ 呢間餐廳平時夜晚成日都見好多人幫襯而且好熱鬧，專食雞煲打邊爐 雜菜拼盤同烤魚，見原來下晝都有得打邊爐就試一試！我哋選了椰子雞湯湯底，點了半隻雞～ 初時以為係雞煲形式， 食完雞煲打邊爐，點知唔係…… 不過都唔緊要， 這樣反而冇咁熱氣 ～椰子雞湯底淨係聞都覺得好香，而且湯底都幾滑，好濃沃的椰子味， 雞好滑好嫩，而且唔太肥八寶丸 八寶丸幾有趣同平時食的八寶丸不同， 當中仲有魚角和魚腐響鈴有七條，好脆口寬薯粉薯粉比想像中滿意，煙韌得嚟非常滑身，而且淥得耐都唔會散開雜菜拼盤有三款菜，唐生菜，娃娃菜，皇帝菜， 菜都好新鮮，一個拼盤兩個人食就啱曬～蝦滑墨魚滑整得幾好食，好爽口彈牙，而且蝦滑和墨魚滑都好香大大杯柚子蜜的確大大杯，非常適合打邊爐！

2021年11月20日 星期六住咗大圍咁耐，經常都會經過隆亨呢一間餐廳，但係一直都冇機會嘗試過，於是今日下午之後同老婆屋企人一齊嚟試吓餐廳位於隆亨邨嘅大街，非常容易見到，目測大約佔咗兩至三個鋪位，感覺都幾闊落雖然我哋去嘅時間係中午，但係店員話都有提供火鍋，而且火鍋同配料嘅價錢都唔算太貴，於是我哋四個人一共點左個椰子雞鍋，加幾款配料同飲品等咗大約15分鐘左右，雞件就首先送到，同一般嘅火鍋店做法唔同，雞件唔係預先放落火鍋中，分開上更加可以睇得出雞件係新鮮雞，份量都唔少，而且肉嘅比例非常多，又唔會有太多脂肪之後一齊放晒落去椰子鍋到烹煮，唔使一陣間椰子嘅香味就慢慢飄出嚟，而雞肉好快就已經熟透，食落去有椰子嘅香味，又夠嫩滑之後有八寶雜丸，分別有魚片頭、魚腐、魚蛋、芝士丸同牛丸等等，大部份都幾彈牙，其中最欣賞係魚腐，因為食落去充滿魚味，裏面真係食到有魚肉，又有咬口響鈴係打邊爐唔少得嘅，呢一款響鈴浸落火鍋到大約幾秒拎出嚟已經沾滿湯汁，但仍然好脆口，食到停唔到口再黎有墨魚滑同蝦滑雙拼，見到似係人手打出嚟，黏度好足夠，淥熟之後更加感覺彈牙，其中墨魚味好突出，仲食到墨魚粒添麵方面我哋要咗闊薯粉，嚟到嘅時候

呢間位置係大圍隆亨邨既「川味雞」。價錢只係街坊價～主打烤全魚同雞煲💋 不過今次要重點講既係，lunch time 時間去都可以order #烤全魚 同埋超好味既「口水撈」▫️烤魚- 海爐魚（重慶麻辣｜小辣） 其實小辣岩哂唔太食辣既客人享用，海爐魚魚肉結實，啖啖都係肉。配菜最正係蘿蔔，切到薄薄一塊一塊，蘿蔔索哂啲辣汁，勁正～今次決定唔加餸，因為我地想試下餐廳既麵食。▫️雙拼口水撈 （大大力推薦）跟餐飲$38 就食到，我簡左最近至愛的「扭紋薯粉」配芝心丸同鮮牛肉～ 食第一啖好驚喜😍😍 點解只係一個咁簡單既撈麵，可以撈得咁入味😋😋 碗薯粉仲有青瓜絲，花生同好好味既酸菜～～ ▫️大大杯凍檸檬茶 $26朋友點既超大杯凍檸茶，真係可以一杯野飲坐全日😂😂 對比返自己杯凍奶茶，好大分別🥺🥺

今日天氣啱啱轉涼，打個邊爐先，之前搭車經常經過見到都滿座，呢到有烤魚，雞煲，入到裏面淨係聞到陣香味已經流晒口水🤤🤤❤️微辣雞煲（半隻）$158半隻雞分量足夠兩至三個人，超級入味，推介，重口味之算，D雞肉好滑，雞煲嘅味亦唔會過咸，食完都唔會不停想飲水🤭👍🏻❤️ 特級雪花肥牛$108肥牛都幾大碟下，肥瘦均勻，啱曬食肉瘦，打邊爐一流👍🏻❤️ 手打烏冬$22食完雞煲用果d 湯汁打邊爐，無得輸！全因雞煲醬太出色👏🏻我哋兩個人都只係飲咗一杯大大檸茶 ，真係超大杯！埋單只係$300幾蚊 ，價錢合理 ，CP 超高，環境亦坐得舒服，有興趣可以夜少少 選擇坐戶外涼涼地打邊爐會別有一番風味🤤 川味雞烤魚大王（隆亨商場) (大圍)大圍田心街1號隆亨商場地下隆亨街市H86號舖

大胃之母又扭計，想食飽肚啲嘅嘢，但又唔可以食得太放肆食烤魚其實真係幾啱，一大條魚，唔使太多配料已經夠飽唔食得辣嘅，可以揀酸菜湯底，奶白色真係幾香魚味。鱸魚有鯇魚咁多骨，唔怕大胃之母會骾親啦而且肉身真係滑一滑，外皮經過微煎先放入個煲度，所以魚肉唔會散颼颼。仲有啲豆腐同白蘿蔔喺煲度，令成件事更豐富唔夠嘅，都可以加啲薯粉，一嚟好吸味，二嚟比較健康，煲佢耐啲，好彈牙好襟食大胃忍唔住加埋廣島蠔，真係好大件，食落鮮味縈迴不去打邊爐點可以唔歎啤呢？真係超爽呀放心，大胃之母係冇份飲，所以係大胃一個人隊

大圍呢區遇上呢間川菜餐廳，Lunch時段除咗可以食烤魚之外，原來仲有我最愛嘅麻辣米線，當然要試下。米線口感彈牙就係人都知，重點在於湯底夠惹味，可自選辣度，最正係大大鍋，加埋兩條響鈴，好有麻辣火鍋嘅味道。「黃金蝦餅」炸到外皮金黃，沾上泰式醬好味，蝦味好香...「涼拌海蜇」海蜇爽口，辣辣地，加埋爽脆青瓜絲，必點小食「霸王雞」可以配飯/薯粉/米線，雞肉嫩滑，加上薑蔥送飯一流。下次晚市時段再嚟，一定會試烤魚。

一直以黎覺得烤魚都係食唔飽，覺得少同唔抵食，點知呢間完全扭轉左我呢個觀念..因為呢間份量真係多同埋抵食，員工又有禮貌，唔識路問路又好樂意去幫助，絕對係邨內一間值得一試既小店

沙田人必食食雞煲💛重慶麻辣雞煲 (半隻$158)雞煲食得多，但無一間令我好深刻，唯獨呢間😳每逢去親大圍都要食！雞煲有晤同辣度，怕辣嘅小辣幫到你，剛剛好！雞煲上枱，啲香味已經飄埋黎，係超惹味嘅雞煲😍😍入面有大量洋蔥，青椒，又多汁，待應姐姐話焗幾分鐘後就可以食喇😍😍😍啲雞滑到不得了，晤會過熟，好入味，半隻剛剛好二人分量💛豬粉腸拼豬潤雞煲食到禁上下，打邊爐時間，豬粉腸超超超好味，碌林啲，雞煲湯底入哂入豬粉腸到，晤洗問，必點！💛公仔麵晤係呀嘛，打邊爐食雞煲叫公仔麵？！必點！因為勁掛汁！湯底特濃，晤叫係你損失！次次都話下次黎要食烤魚，但係好食嘅做咩要再試其他呢，除非一大班朋友，可以又叫雞煲又叫烤魚啦😆😆overall 鐘意呢到嘅待應姐姐，好有禮貌，我地今日平日去6點半晤洗等位，但之後越黎越多人，晏去嘅記得book 位🤗川味雞烤魚大王 (隆亨商場) (大圍)大圍田心街1號隆亨商場地下隆亨街市H86號舖川味雞烤魚大王 (隆亨商場) (大圍)大圍田心街1號隆亨商場地下隆亨街市H86號舖

今次黎到呢間專食麻辣烤魚既舖頭，仲要係四川麻辣既專門店，真係夠曬正宗呀！唔怪得見到呢間店高手雲集，全部都係食辣之人喇。食得辣既你梗係要過黎挑戰下喇。座位方面，都幾闊，仲有唔少石制既圓枱，夠曬氣派，又方便一班朋友黎傾住計食，真係正呀！又可以share野一齊食，岩曬聚會既地方。叫左個小辣烤鱸魚，小辣黎講，對平時少食辣既朋友就岩曬，一路食都會話太辣，但又幾過癮。大家會覺得愈食愈辣，所以唔好叫太辣，同埋太辣既話食菜就會辛苦d。呢種辣有少少麻，好正。烤魚夠曬大條，仲要啖啖魚，又唔多骨，食得好爽。另外，仲叫左個雞，配埋個辣湯都好夾，雞夠新鮮，食落唔似雪藏，好有雞味，仲好嫩口，真係一流。娃娃菜最岩用黎煮辣湯，口感好爽口，又唔會掛得太多辣，入口好fresh。

食酸菜魚食得多今次食下酸菜烤魚，條海鱸魚開邊平鋪在盤上，先烤至8成熟，再放入湯內，鋪上大量酸菜及芽菜，上枱後煮滾湯，再用湯淋落條魚煮埋最後兩成，全條鱸魚🐟都幾多，配上大量酸菜芽菜，三個人食都差啲食唔哂，湯頭幾甜，適合唔食得辣既朋友酸菜烤魚製作需時，所以叫個夫妻肺片做小食，叫小辣其實好似係辣咁，碟細細但都幾多片牛舌、牛展、牛肚，仲有雲耳同青瓜，好開胃生菜🥬好新鮮，攞盤都幾靚，吸滿魚湯真係好正粉腸拼豬潤酸菜魚湯當埋打邊爐，叫個最愛既粉腸拼豬潤，豬潤色水好紅，質素似乎不錯鵝腸Hot pot必備，份量唔少，質素還可以

酸菜烤海鱸魚好大盤，鱸魚🐟開邊咁放係盤上，配上好多酸菜同芽菜，角落左一磚滑豆腐，上魚後店員好細心提醒我地湯滾後要將湯淋落條魚上，等佢完全熟，因為上枱時係未熟哂，只係煎到8成熟，個盤好淺，所以好快就湯滾，唔駛等好耐，亦避免左魚會因為浸湯浸太耐而肉變鞋夫妻肺片叫左小辣，似係BB辣，因為真係好少好少辣味，內容好豐富，有牛舌，牛肚，牛展，青瓜，雲耳，作為開胃小菜真係好唔錯粉腸拼豬潤將個酸菜烤魚當埋hot pot, 滿足下食內臟既口癮，粉腸同豬潤浸滿酸菜湯，正鵝腸又係hot pot 必選，質素正常

::川味雞烤魚大王::近年興起食雞煲，好多地方都有得食，而家連屋邨商場都食到喇，當然客人都以街坊熟客為主#重慶麻辣雞煲叫咗BB辣，辣度剛剛好，朋友話終於可以食雞煲唔會辣到跳舞🤣另外叫咗肥牛、竹笙、生根等配料，食完雞煲就可以打邊爐🍲感覺食材都好新鮮，質素唔錯➖➖➖➖➖➖➖➖➖➖➖➖川味雞烤魚大王大圍田心街1號隆亨商場地下隆亨街市H86號舖➖➖➖➖➖➖➖➖➖➖➖➖

之前食過重慶麻辣 正今次食泡椒味 中辣 個樣無紅卜卜 但都好入味 好正今次嗌左柚子沙冰 唔會太甜 清清地 中和返呢份重口味🤣🤣🤣一樣都推介朋友食佢嘅紅油抄手 連朋友都話好味👍🏿👍🏿👍🏿

今日嚟到大圍搵食，一路都好想食烤魚，但又唔知食邊間好，但係經過見到呢度有烤魚食都想試吓！我哋叫咗原條鉗魚，小辣！烤魚真係好惹味！食落去啲魚肉索晒啲麻辣汁，食落真係好爽！條魚都好新鮮份量都好多！我哋另外叫咗醉雞件、萵筍、芋絲、豚肉片、娃娃菜、仲有唔少得嘅烏冬！麻辣嘅鍋底，食得好過癮，魚肉嘅鮮味都唔會比麻辣嘅湯底蓋過咗～豚肉片真係值得一讚，食落去好有豬味！肥瘦好均勻，肥而不膩！娃娃菜又係好正，呢啲菜類朔晒湯底嘅味道，再食嘅時候就覺得好刺激好好味！佢仲有唔少魚揀，有海鱸魚、鯇魚～仲有雞煲添！下次嚟食雞煲都唔錯，佢d配料都好新鮮！