川味雞烤魚大王 (隆亨商場) (已結業)

趕上尾班車的晚餐！短期內又冇得出街食晚餐😭今晚約左老友去食烤魚，緊係搵間就腳既餐廳！之前食過好幾次，水準依舊！.▪️桂花鱸魚 $248兩個人食，老闆推介可以試吓鱸魚！骨唔算好多，而且魚肉好滑好嫩！今次叫左中辣，同埋泡椒湯底，本身肥師奶都食得辣覺得呢個程度啱啱好！▫️特級雪花肥牛 $128有成二十幾片，雪花牛好滑，一定要食牛肉！▪️黑毛豬腩肉片 $68厚薄適中，好鮮，脂肪比例啱啱好！▪️萵筍 $42▫️生菜 $33▪️闊薯粉 $28比平時食嘅細薯粉大左一倍，咬落口感好正，索晒啲湯！▫️啤酒 $28打邊爐梗係要配啤酒啦！

第四波疫情，搞到聽日6點後又禁堂食，加上天氣寒寒地，襯住今日去食烤魚就最啱...呢間烤魚係我食過覺得最正，無論湯底味道．魚嘅新鮮度，都係好正。揀咗酸辣湯底 配 鱸魚，嘩...好大條，我地兩個人，叫咗幾碟配菜已經滿足到捧住個肚咁離開。真心覺得好味...連配菜都好新鮮。望落湯底好清啖，實情好惹味，仲愈滾愈夠辣...配埋可樂同啤酒，真係無得頂👍🏻雙拼餃可以自由配搭款式，試咗黑松露...又確係唔錯喎。烤魚旁邊仲有索哂湯汁嘅白蘿蔔．芽菜．酸菜．芫茜，加埋竹笙，吸哂湯底嘅味道。除咗烤魚，見到仲有雞煲，下次一定再嚟試🥰

天氣凍凍地更係食d暖笠笠嘅野啦，去開大圍見到間食烤魚，入去點左盆酸菜烤魚要小辣，魽魚好厚身，啖啖肉好好味，湯底夠酸好正，本身配菜有白蘿蔔吸晒d湯汁👍🏻👍🏻👍🏻正呀喂....點左個黑松露餃，自家包的好香松露味，豬肉多到必晒出嚟，再點個幼薯粉簡直係食酸菜嘅靈魂薯粉吸晒d湯堅係好食😋唔好嘥左個湯。招牌口水雞：雞整得好滑，個汁整得好好唔太辣好醒胃，例牌都夠兩人食。食呢d點可以唔啤啤佢，點左支啤酒🍻

家人說未吃過烤魚，醒目的我趕快找一下抄考順😂 最後找來一間以前吃過的《川味雞烤魚》 即大圍隆亨商場地下。 環境開揚，設有大桌椅、梳化椅，而且枱與枱距離也有。 基本防疫如量體溫也有做。 記得疫情前有很多街坊幫襯～ 每次員有圓桌🤣餐牌上有各種鯇魚、海爐魚、魽魚或雞煲，其他就是火鍋配料～ 今日點了桂花鱸 - 泡椒 + 中菜 HKD 248 幼薯粉 HKD 22 魚約一斤多， 烤了後送上菜，開動著爐具邊煮邊吃。熱騰騰地吃著份外好味。 魚皮層更因被烤過而帶點焦好香脆可口，再搭上酸湯使味蕾被刺激.😂魚肉質白滑，我們吃到最後魚質仍然變口，不會變老 這個好棒！ 除外，內裡還有泡菜、豆腐等，全都給我們吃光了 ～ 幼薯粉挺身而且不會隨時間而變了口感。職員有善地提醒，辣度會隨時時間提升，若然想加快可泡椒壓爛釋出味道 Woohoo 🥳

天氣涼涼地朋友又想約我去食烤魚㗎 聽聞烤魚好有質素呢間野雖然位於大圍嘅屋村區但喺大圍火車站過去只係8至9分鐘左右咁梗係要去食下啦睇個店名就知道呢間應該係食辣野嘅好地點但係朋友竟然唔食辣所以我哋就點左個酸菜烤魚好彩最後呢個酸菜烤魚都好有質素㗎我地兩個人叫原條鉗魚成條烤魚上嚟真係好大一盤魚本已經有呢個豆腐蘿蔔娃娃菜等配料首先烤魚個外皮有一層好靚嘅金黃色一大盤魚趴喺度方便大家食湯微滾之後我先試左個湯底係豬骨味仲加微微嘅酸菜味甘我就將啲湯落放落去呢個烤魚神身魚一食落去魚外皮仲保留在有烤既香幼滑魚肉吸收埋湯底好食特別呢個酸菜湯係越食越好味因為酸菜同魚都越滾出味加咗個烏冬入去吸埋佢啲精華烏冬就變咗更高一個層次啦配菜豆腐同埋白蘿蔔都同個湯底好夾看似簡單吸晒湯嘅精華都令人食出癮因為本人真係好想試吓佢哋嘅辣野我仲咗個例牌嘅口水雞結果覺得這個辣野同樣出色食着烤魚，打邊爐、再加口水雞同朋友啤一啤一個開心的晚上

今日同朋友黎到一間賣烤魚嘅隱世小店入面聚餐，舖頭唔係喺鬧市入面，而係開係屋邨樓下。雖然街上嘅人流唔係好多，但全店座無虛席，買外賣嘅人亦絡繹不絕。去烤魚大王當然要試試佢哋嘅烤魚，佢哋無論係湯底還是魚嘅種類有幾種唔同嘅味道可以選擇，我哋思前想後最後都係揀咗泡椒味嘅海鱸魚。等咗大概20分鐘，新鮮滾熱辣嘅烤魚就上菜啦，真係超大一盤，而且入面已經有大豆芽丶蘿蔔片同酸菜等嘅配料。另外我哋亦加配左萵筍豬紅腐皮等等呢啲索湯嘅配菜一齊食，另外都睇得出佢哋嘅配料十分新鮮，尤其是係豬紅唔會一夾就散。同埋真係不得不讚下佢哋嘅魚肉，真係烤得啱啱好，就算放喺個湯度煮咗好耐都仲係好嫩滑真係十分滋味！！推薦大家去試，不過建議要預先book左位會比較好，因為我哋平日夜晚去都見walk in要等位。

平時都鍾意去深圳食下烤魚，因為又平又好味。但自從疫情開始就冇再去過😢所以朋友就介紹咗呢間烤魚大王俾我過吓癮。餐廳係開喺屋邨樓下，地點唔算偏僻火車站行過嚟10分鐘左右就到。望到佢哋嘅餐牌原來除咗烤魚仲有麻辣雞煲或者小菜可以點，但我哋嚟到當然係食烤魚啦😝有幾款唔同湯底可以揀，本身諗住食麻辣但又怕太辣所以最後都係揀咗泡椒，魚方面就揀咗海鱸魚因為本身麻麻哋鯇魚嗰啲。另外都有叫少少配菜，叫咗皮蛋薯粉手切肥牛同油麥菜。佢個皮蛋係糖心㗎！！超正😝同埋個肥牛都好香牛味唔會好un，講埋條魚先～店家好好已經幫我地起咗條大魚骨，所以食落去啖啖肉唔會要係咁lur骨。今晚真係超滿足呀！

烤魚🐟I like eat讀書時代第一次食烤魚，之後就一直回味，試過不同味道的烤魚🥘今次朋友介紹就去左大圍川味雞炸魚😋甚少去大圍的我🤣當然要慢慢揾下路，原來大圍站行去約15分鐘就到遇著晚餐時間都差唔多爆滿了😛最好就book定位選左個麻辣小辣的烤魚(鱸魚), 但味道唔算好辣下次可挑戰中辣食烤魚當然唔少得就係萵荀，每次必點🥒😋蝦餃彈牙見到師傅在廚房會再即撻幾下💕整體食物都唔錯，下次來試下其他味烤魚

咁啱離開大圍，同友人食飯諗住食好啲，鍾意食辣嘅就梗係搵返間川菜餐廳啦，朋友話有間川味雞烤魚大鑊好似幾正，我哋就二話不說過嚟試吓食晚飯啦。呢間川味雞烤魚大王是一間有人情味的川菜館，老闆同埋員工都好熱情殷勤地招待，雖然餐廳裏面客人很多，員工們都十分之忙碌，但他們的禮貌同埋服務態度真係值得一讚，完全不急不忙，還會很耐心好友善的給我們落單，我作為食客嘅真係會感受到餐廳老闆同員工嘅用心同埋那份人情味中帶來嘅熱情。經他們推介，我們更是二話不說點了很多好東西吃，首先點了重慶麻辣雞煲，要咗BB辣，另外再來了一份特級安格斯肥牛，再來了一份魚滑雙拼，桂花蚌，牛筋丸，青菜方面點了皇帝菜同埋萵筍，再來多份雙拼餃分別有韭菜餃同埋魚皮餃，真係超級豐富呀。這個重慶麻辣雞煲真係好味頂呱呱，雞肉嫩滑不特止，這個麻辣雞煲醬做出黎嘅雞煲真係好入味，令我們都讚不絕口。再來就係呢一個特級安格斯肥牛，一上碟已經看到這個肥牛片色澤同埋肉紋都好靚，一睇就知係靚牛肉，打邊爐嘅時候每一塊牛肉都好爽口，真係超好味呀。牛筋丸也是值得一讚，好彈牙同埋裡面好多肉汁，爽口多汁。桂花蚌也非常新鮮，淥熟食最緊要，亦都好爽口。最後買單只是800左右，食

第一次嚟大圍食飯 因為人生路不熟 所以搵下搵下 就嚟到隆亨邨見到間川味雞烤魚 於是食咗人生第一次烤魚 揀咗小辣鱸魚全間店都坐滿人 邊個都係附近嘅街坊喺度方便晚飯 除咗鱸魚外仲會有鯇魚 另外我哋仲叫咗一啲配菜等食完魚後打邊爐 有薄切萵筍 韮菜餃 漁腐同蝦膠 呢度除咗烤魚之外仲會有雞煲 最啱同埋三五知己一齊嚟gathering 除咗 辣味嘅烤魚之外亦都會有酸菜魚 可以符合各人口味 而且覺得個辣度適中唔會話太難食唔到 下次會嚟試其他味嘅魚

最近天氣涼番.想食火鍋款.但又唔想食肉甘heavy.就搵到大圍既烤魚.又有川菜前菜.（每樣前菜食物都可選辣度.個人覺得呢間店食物都偏唔辣.可以放心叫辣少少)⭐️⭐️⭐️必食推薦⭐️⭐️⭐️紅油抄手$47啖啖肉.皮又薄.重有8笠.超飽肚同抵食.同朋友一致認為必食.招牌口水雞$45 例牌正常口味.但夠多花生同青瓜.好開胃.花生好香口.涼拌萵筍$48不過不失.因為切得太薄同細條.個人比較偏好一片片.⭐️⭐️必食推介⭐️⭐️原條魽魚（大）$238店員姐姐介紹左呢條魚無骨.真係無骨.又真係啖啖肉.好大條.完全無腥味.👍🏻👍🏻對於唔識食魚同怕腥既我黎講係福音👍🏻👍🏻👍🏻另外重叫左三個小食.小食價錢都抵.18蚊可以有個餸.係好良心價👍🏻👍🏻及份量都好多（去圖🤨）魔芋絲$18山根$18午餐肉$48總結：店員服務好好.丫姐姐好有禮貌.店鋪卡位多.坐得舒服.食物價錢都性價比高.二個人食左大約$400蚊.等遲下再凍d再黎食🥳🥳

今日收工好想食烤魚，馬上同屋企人黎到沙田隆亨村食地道烤魚飲啤酒。我地叫左個 大既原條魽魚 ＄238 湯底叫左個小辣 酸辣 泡椒 烤魚如圖所示，非常香濃既湯底，本第魽魚都係已經煎香左，再煮多一就食得，等左5分鐘湯底煮開埋我地就開始食得，一反開d肉就好驚喜，簡直啖啖肉，而且非常新鮮。湯底仲唔同菜打底，有金菇 青茶 羅白等等，愈煮愈有辣味。蒜蓉炒油菜 ＄58極度香既蒜味，特別要讚佢既火喉，令人回味無窮。我個人覺得呢間店既炒菜一定要點。

除左泰式烤魚之外，我其他烤魚都未試過。今日就突登黎大圍呢間到食🤤————————魽魚 (大) $238叫左泡椒同bb辣，開頭食係冇咩辣，要越煮先越出味架！魚係事先烤過，就算烤完再煮d魚肉都係超級嫩滑😍😍烤過既魚仲更加香口添。-酸菜佢有少少，可以中和返d辣度，同埋更加惹味😍😍😍評分：🌕🌕🌕🌕🌘-呢到唔係淨係得烤魚食，原來仲可以好似雞煲咁，一路食烤魚一路打邊爐😍😍一定唔會唔夠飽。我地兩個人叫左5個餸都已經超飽。- 牛柏葉 $58- 火焰芝心包 $48- 娃娃菜 $33- 炸魚皮 $35- 闊薯粉 $28我估唔到d份量係咁多😍😍尤其是個娃娃菜，真係塞到滿哂😂😂😂好彩今日同男朋友食，佢包底先食得哂，不過2個人都食到超級飽😋😋😋

上次聽朋友介紹過這家川味雞的烤魚，藉着今天飄起秋涼之意，就和寶寶特意到來試一下😋眼見餐廳內大家也是在吃烤魚，看來烤魚真的是個不二之選🤓除了烤魚以外，另有雞煲可供選擇💕由於我倆也有點餓的關係🙈我們先點了一個小食/前菜➡️招牌口水雞 （BB辣） $45非常貼心💕口水雞竟然除了大、中、小辣，還有BB辣❗️非常適合我們這些不太吃得辣的人🤓可能是因為BB辣的關係，紅油及花生味較重，味道不錯的，就是欠了一點麻辣感❗️吃口水雞還是想要多一點麻辣味🙈下次還是點回小辣好了😆.酸菜烤海鱸魚🐟 $248烤魚香氣撲鼻😍除了已烘烤過的鱸魚外，還有些大白菜及大量酸菜❣️另有幾片蘿蔔及豆腐～鱸魚肉質非常香滑🌟嫩滑中帶點香烤孜然粉味道，味道挺不錯的👍🏻而且鱸魚的魚骨偏大，相對其他小骨魚容易食用☺️眼看我們已開始品嘗🥢職員隨即主動過來把爐火♨️調至最小，務求魚肉一直保持肉質鮮嫩👍🏻👍🏻👏🏻一口魚肉配以一小口酸菜魚湯一同入口，口腹之慾霎時有無比的滿足感☺️最後多要一份➡️ 寬薯粉 $28作為結尾的伴湯麵食🥢讓這一頓烤魚晚餐變得更「川」菜😌暖暖滋味在心頭💕

今晚約左個朋友食飯，佢話好耐冇食我樓下間烤魚👅 於是就黎左隆亨川味雞烤魚大王點左個酸菜味小辣。點左個蜂巢豆腐同安格斯肥牛😏最中意個湯底加埋咁多配料！勁多酸菜👍🏻