川味雞烤魚大王 (隆亨商場) (已結業)

中辣重慶麻辣雞煲，加入左大量九層塔、芫荽、洋蔥、青椒、辣椒、花椒炒香雞件；雞件份量多，肉質嫰滑，肉汁多，雞件好入味，辣度6分，味道惹味。火焰芝心包，芝心包經火焰後味道帶有焦香，外皮口感Q彈，芝士拉絲效果突出，芝士味道咸香，食落幾香口。讚崎烏冬，口感彈牙、煙韌。田園雜菜，包括有菜芯苗、油麥菜、生菜，3款蔬菜都好新鮮，口感爽脆，味道清甜。柑桔檸蜜，味道酸溜甜蜜、清爽。雪梨海底椰，味道清香帶甜，解辣解渴。

勁鍾意食魚，今日同屋企人食飯，專登搜尋呢間烤魚來試下。先揀咗麻辣牛𦟌。因為部分魚都賣哂，得返好少選擇。店員推介咗原條魽魚，果然真係無骨，肉好滑...湯底都有幾款選擇，有辣有唔辣。雖然湯底望落好鮮紅，但唔算好辣。食完條魚仲加咗火鍋配料，選擇好多...桂花蚌．花枝片勁爽口新鮮。墨魚滑蝦滑，兩樣都想食。雙拼可以滿足哂...份量都好多。萵筍．新鮮雜菇 中和一下👍🏻今餐食得好滿足...下次再嚟試下雞煲。

繼上次拍拖食完烤魚！再下一城食埋佢個雞煲！重慶麻辣雞煲（小辣/半隻$128）。個鍋黎到等一陣滾起，炒炒佢！聞到好香。好多洋蔥..本人飛佛次後重可以加水打邊爐！依到重有其他邊爐材料！雪花肥牛，各樣菜同埋丸，蠔，等等。（可以打黎訂位先，重有惠顧夠$300，fb打卡有95折呀）

今日同老公唔洗湊仔去左拍拖 好想食烤魚，記得隆享街市附近有間。叫左一個麻辣重慶烤魚（小辣，鯇魚）$188！其實已經第二次食。附有配菜包括有芽菜，薯仔，蘿蔔，紹菜。佢加左豆豉好惹味好好食（如果加多碗飯真係一流）依到重有雞煲 下次可以試埋！正

川味雞不算離我很近，但偶爾還是會開車過去吃一下。週日晚上非常爆滿，疫情關係店方位置更少，還好剛好有位。我們點了重慶麻辣烤魚，餐廳只剩海鱸魚（$238），也可以！店方當晚人手不夠，說實在是等了45分鐘⋯要餓壞了。辣度方面我們要了中辣也不算太辣。鱸魚肉質不錯，魚皮惹味。再加上酸菜、白菜、蘿蔔等，也不會很飽，可以另點幾樣菜式，如韭菜餃。比較失望是我們專程來吃涼拌川辣味魚皮，甚至提前打了電話詢問有沒有，最後卻原來賣完了。點了涼拌豬耳（$42），也不錯，只是還是沒滿足到心癮。

近來武漢肺炎疫情嚴峻，一家大細也不敢周圍去，晚上只好選擇在家中晚餐！突然想起家中附近有一間烤魚店，點打電話去叫外賣，他們說可以自取，可提供鐵盤，只需收取$100按金，另外分開四盒上湯，方便取回家中！但製作需要半小時才去取。今次點了整條酸辣大鯇魚外賣回家，外皮還是脆的，辣辣的十分嘢味，另外還點了黑豚肉1份，加了家中殘餘物資，全家已大滿足了！

除了烤魚，這裏的米線原來也不錯。有兩個舖位，但食米線那個夜晚沒有開，所以去烤魚那個舖位。晚市的選擇也比較少，只有特定幾個套餐。兩個人不想吃太過熱氣的，所以只簡單叫了兩個米線，一個配口水雞、另一個配紅油抄手（有8粒），是分開上所以容易和朋友分享。份量也是算很多，口水雞也幾滑。米線可選清湯或不同辣度，所以我們點了一個清湯一個BB辣。意想不到是清湯也很不錯，不會淡而無味。BB辣湯辣度很易入口，少少惹味。不過吃完有小小口渴，可能辣野始終調味重手一點。

店員服務好好，好有禮貌！嘢食嘅食物質素有驚喜，值得一試！今次只係試到雞煲，本先嘗試普通辡，但係啲辣椒嚇到我哋只可以叫返BB辣，但已經係好嘢味！下次希望你可以試到烤魚！

這次已經幫襯了第六次，由大圍地鐵站步行約10分鐘便到，這裏提供卡位或房間預訂，馳名烤魚，絕不含味精，吃過後沒有口乾的感覺！我們一行2人，點了酸菜魽魚（$228），黑松露餃子（$48）味道不錯，自制牛丸（$42）啊爽口彈牙，幼薯粉（$22）配酸菜魚湯底十分美味，價錢大眾化！

🎐嘩，真係起碼兩年無聯絡的Sa姐無喇喇打黎問問熊妹近況，聞名就不如見面喇，熊妹去接埋Sa姐放工又點話呢？🤭📌去到Sa姐地頭，緊係跟Sa姐揾食喇。Sa姐二話不說就提議去《川味雞烤魚大王》食酸菜魚🐡，熊妹當然無異議喇。📌無論雞煲定烤魚都係好似打邊爐咁一個鍋不斷煮，所以每張枱都見到有個電磁爐。📌除了各款烤魚鍋、雞煲外，仲有啲涼拌小食，款式都幾多下，可以點啲小食送佐邊爐。海鱸魚，$238Sa姐推介的海鱸魚加酸菜，湯底都飲得架。好大一條🐠，先煎香過，加點調味，面頭鋪上很多很多的酸菜，真係頓時心心眼😍。魚真的很滑，一啲都唔腥，可能有酸菜的濃味蓋過了，湯底係奶白魚湯底，好好味，雖然都知有味精，唔理喇，一次半次唔怕既。然後原來煲內仲有好多配料，包括有豆腐、白菜、蘿蔔等等，真係好抵食。一鍋咁多料，其實三個人食都食得哂。不過熊妹同Sa姐兼住唔好嘥的精神撐著肚皮都要清哂去喇！田園雜菜，$28熊妹打邊爐一定要叫點菜清清腸胃，田園雜菜有白菜同油麥菜🥬，絕對係岩哂打邊爐喇。但係Sa姐表示今日唔想食菜，仲唔係益哂熊妹的時候？菜洗得好乾淨，好新鮮，食得好放心。😌益力多沙冰，$26熱情果沙冰，$26打邊爐又點可以唔飲凍

週末Book左枱，但一開頭帶位張枱，上面啲燈全部都係壞嘅，坐到個人恰眼訓咁，睇張menu都覺辛苦。店家應該快啲維修佢，而唔係迫食客接受。後來見到有張枱執緊，我就問可否換枱，因為當時只係上左一杯野飲，其他乜都未到應該唔難。卒之都換左，明顯係舒服好多。叫左中辣，個人認為味道可以再麻辣啲，不過香料多還好夠香。三個人叫左”大size魽魚”$228，魽魚主要係少啲骨。不過條魚無想像中咁大條，唔算多肉，我覺得兩個人都食到呢個size，細條會唔夠食。椰汁沙冰，邊食邊解辣，好過飲汽水。雙拼餃$42，但韭菜餃偏細粒無乜咬口，淥完仲散散地。叫左細碟嘅手切牛$168。

今日只得我同男朋友2個人，食左好多次啦，我最喜愛烤魚呢度嘅泡椒酸菜魽魚，配埋杯沙冰簡直一流，每次一掛住就會嚟食，呢度啲茴香雞翼也不錯，通常我地都係平日星期一至五先嚟，星期六，日會較忙，最好早啲嚟攞左位先呀，我應該好快又會再嚟食，😉如果FB簽到會有95折架！大圍隆亨分店好有人情味，服務又好………呢度嘅蜜桃沙冰係我嘅至愛，每次嚟食必點，大家記得要叫烏冬，烏冬吸哂啲烤魚嘅辣湯味，一定要煮耐啲先夠淋先夠好味。

第一次係香港食烤魚，今日平日就搵咗喺大圍隆亨邨嘅呢一間川味雞烤魚大王。隆亨邨喺大圍區一條歷史悠久嘅屋邨，距離大圍火車站大概10分鐘路程左右，所以都唔係太遠。大概八點去到，以平日來計，都坐咗好多枱客。好魚既我地當然食烤魚，點左半條鯇魚，再加配菜，配菜選擇都唔少，打邊爐最大路既餸都一應俱全，仲有少見既新鮮魚卜，以魚為主打既店果然有魚卜至於菜類選擇亦多。除左魚，仲有好多蔬菜、蓮藕、荳芽等等，配料多多。味道都還算可以啦。

想試烤魚，詢問店員邊隻魚較少骨。店員告之魽魚及鱸魚較少骨，魽魚比較嫩滑。結果點了原條魽魚$228 （大）、重慶麻辣最小辣。烤魚係即整，點菜後大約十五至二十分鐘上菜。除了烤魚外，煱內還有不少配菜如酸菜、芽菜。店員推介冇錯，魽魚新鮮嫩滑、骨唔多，而湯頭亦麻同辣平衡。飲品方面，必點椰子沙冰$26，消暑解辣一流！除括來說，食物質素及服務均良好，值得再幫襯！

第一次係深圳食烤魚。知道香港有烤魚店，馬上來一試。同內地一樣，可先選魚，後選配料我哋揀咗海鱸魚，肉質尚算滑。湯底揀麻辣小辣，下次可以試下再辣啲。配料揀咗炸芋頭同海帶，相片中已加一半配料進鍋，份量頗多。食到熱辣辣，加2杯椰子同草莓沙冰，完美ending