川味雞烤魚大王 (隆亨商場) (已結業)

大圍多野食就一早知啦，但最多都係圍住港鐵站食，今次試下行遠少少，過左回旋處竟然比我聞到好香烤魚味。原來有間咁正嘅雞煲烤魚店。因為早日打完邊爐，就無試雞煲，但睇個場好多都係叫烤魚的。後面嗰枱食完一盤再叫多盤，好誇。我地叫左叫海爐魚，都幾長呀，比起平時出面食開嘅大條，香辣同麻辣比例做得幾好。越食越出麻辣，一開始就好香豆是同椒辣味。另外叫左小食：韮菜盒，外面好脆，又夠味。入面韮菜好大量，豬肉有汁，一咬就有汁漏出，正。爽脆魚片：唔係炸魚皮，係魚嘅皮拖水再配大量薑蔥莞茜食，好爽好脆口。