川味雞烤魚大王 (隆亨商場) (已結業)

今次黎到呢間專食麻辣烤魚既舖頭，仲要係四川麻辣既專門店，真係夠曬正宗呀！唔怪得見到呢間店高手雲集，全部都係食辣之人喇。食得辣既你梗係要過黎挑戰下喇。座位方面，都幾闊，仲有唔少石制既圓枱，夠曬氣派，又方便一班朋友黎傾住計食，真係正呀！又可以share野一齊食，岩曬聚會既地方。叫左個小辣烤鱸魚，小辣黎講，對平時少食辣既朋友就岩曬，一路食都會話太辣，但又幾過癮。大家會覺得愈食愈辣，所以唔好叫太辣，同埋太辣既話食菜就會辛苦d。呢種辣有少少麻，好正。烤魚夠曬大條，仲要啖啖魚，又唔多骨，食得好爽。另外，仲叫左個雞，配埋個辣湯都好夾，雞夠新鮮，食落唔似雪藏，好有雞味，仲好嫩口，真係一流。娃娃菜最岩用黎煮辣湯，口感好爽口，又唔會掛得太多辣，入口好fresh。