山系。本舍

營業中

休息中

🚦界限街山系小店⛰喺界限街想搵精美晚餐有家日式山系本舍十分有特色有不同佐酒小食串燒烤物炸物同埋時令海鮮🦞先來手工櫻花蝦醬拌凍豆腐作為一個小菜冷盤非常開胃 風味十足(⁎⁍̴̛ᴗ⁍̴̛⁎)仲有燒日式腩肉時令海鮮記得要預早預訂～今次吃了清酒煮花蜆 仲有燒鰈魚最後再以香炸薯條配黑松露醬作結每道菜式都十分精緻師傅亦作細心介紹令人賓至如歸📍山系。本舍太子界限街23號地下A1號舖#太子美食 #界限街 #太子 #太子餐廳 #princeedward #山系本舍 #山系 #本舍 #日本菜

太子。日間cafe+晚間日式串燒料理小店剛開業兩星期，店面非常IG able !(圖6)🤩午市提供三文治、bagel、沙律、all day breakfast。晚間提供日式串燒和料理。老闆說疫情期間經常行山，因而起名： 「山系」，希望在一個狹小的空間能夠提供多元化的食物呢。………. …….. ………. …….. ………. ……..🔸燒日式腩肉串 $28（推介）如果你喜歡吃肥叉燒的話，這個腩肉一定非常合心意，店主先把腩肉炆了四小時再把表面一燒，好入味，油脂非常豐富。🔸手工櫻花蝦醬拌凍豆腐$48櫻花蝦醬非常驚喜， 由小店老闆親自自家製炒成的，十分惹味！另外還試了高湯煮日本沙白蜆和其他串燒，食物ok😜。後記：小店座位不多，大約只有八個位置，大家可以碰碰運氣。下午的食物和晚上截然不同，有機會再來試試。

太子界限街一家明亮嘅小店，睇住呢個鋪位又裝修變成宜家咁文青系嘅日式小店，所以搵個午市時段嚟呢度食個午餐。同店主傾偈先知道原來剛開業一星期，所以真係新鮮出爐嘅餐廳呢！店舖光潔明亮，地方骨子，麻雀雖小五藏俱全。每一處都見到店主用心裝飾和設計。堂食大概有10個座位，吧枱嘅設計俾人輕鬆嘅感覺。餐牌食物選擇比預期中多，有杯果三文治、飯、沙律及烏冬等。價格80至$120左右，而家新開張，店主會送餐廳自製特色飲品呢！原條日本蒲燒鰻魚貝果三文治$148背果三文治由店主親自製作，原條鰻魚非常美味，厚肉而且鰻魚汁調味剛剛好，唔會太鹹。配上背果麵包，原來係美味而且非常配合嘅拍檔。吾卵系叉燒飯$78食材選用日本直送嘅雞蛋、以及豬肉，叉燒亦都係店主秘方主理，加上豬肉嘅脂肪及肉比例剛剛好，所以入口甘香，幸福滿溢感覺100分。定食套餐配有精美沙律及前菜，相當開胃而且夏天非常啱食。今日嘅特飲係綠茶，香濃綠茶味配上少甜嘅味道，讚啦！整體感覺非常滿意，希望店主努力，吸引到越來越多人嚟呢度食優質嘅日本料理。

以前好少走過太子一帶,但自從上星期去過一次之後發現原來太子隱藏左咁多特色小店！今次經過界限街見到呢間日系既小店好有日本風格！吾卵「系」叉燒飯汁燒厚切五花肉配上炒滑蛋珍珠米飯見到已經流晒口水.厚切五叉燒帶住層次分明既肥肉及瘦肉,豚肉邊帶住微焦香令味道更香更惹味.豚肉汁濃稠帶微甜,配上豚脂更入味又唔會好膩.炒蛋香滑配上叉燒醬汁更下飯.隨定食送上日本漬物及沙律菜,爽脆又清爽既口感降低叉燒飯既膩滯感.All day breakfast 係一份好滿足又豐富既全日早餐.配料完會唔馬虎,款式又多.牛乳炒蛋香嫩滑溜,帶陣陣蛋香.豚肉腸外層腸衣脆身彈牙,內裏豚肉香而不過鹹膩.茄汁豆酸酸甜甜夠開胃.炒野菌菌香味濃入口又爽脆唔會過軟腍.煙燻三文魚帶住煙燻smoky香,係all day breakfast中不可缺少既食材.田園沙律翠綠夠爽既沙律菜,清新解膩.黑毛和牛薯餅外脆內軟,內裏充滿薯粒及薯蓉.薯蓉粉香又帶有牛肉脂香.日本蜜瓜包外脆內軟軟,烘得金黃色既蜜瓜包香甜又唔會好膩.

山系。本舍是新開的日式小店，門面和店內格局都令人想起日本的拉麵店。坦白說小店並不闊落，吃的是食物美味和人情味。店主以前是西餐廳主廚，食物質素已經毋庸置疑。今次點了其中一款signature－原條日本蒲燒鰻魚bagel。那條鰻魚的長度真的很震撼，平常以這個價錢連三份二都吃不到。隨餐還附上大量新鮮炸薯條，配以店主自家調配的黑松露蛋黃醬，好吃又性價比高！值得一讚的是店主把bagel旁邊的沙律菜剪細剪碎，吃的時候更容易入口。現在很多餐廳cafe都喜歡用上沙律菜，但十間都沒有一間把沙律菜剪細剪碎。我不是唯一一個經常被沙律汁弄髒鼻子下巴的人吧。所以說，愈細微的事，愈顯專業。隨餐附上的蜂蜜綠茶和可供客人購買的櫻花蝦醬都是店主自家製的誠意之作。有興趣的朋友要注意，小店規模大概只有十個座位，加上是open kitchen。但店主貼心地在每個位都加了小風扇，老闆娘對待客人亦很週到。有時候，正是因為香港寸金尺土的地方，才更能突顯那份濃濃的人情味。

行過太子見到新開左一間試業中的居酒屋，麻雀雖小但五臟俱全，抽風系統唔錯，處理串燒的時候，都唔會有刺眼的油煙，坐位唔多，勝在吧台位置可以邊同廚師聊天，份外能感受到廚師的心機，相當親切。山葵醬油拌海葡萄一道非常爽口的小涼菜，配上甘筍絲味道偏酸，令人好開胃。手工櫻花蝦醬拌凍豆腐豆腐非常滑溜，配上櫻花蝦的鮮甜鹹香味，口感豐富，醬汁調校得剛好。山系燒雞皮經火把雞皮的油脂烤乾，口感已沒半點膩，反而有點香脆爽口，配酒一流。燒日式腩肉食腩肉就係喜歡夠肥美，燘得軟熟後再香煎，口感肥美柔嫩，咬落肉汁香甜四溢。黑松露醬配炸薯條粗身薯條炸得好香脆，乾身得來沒有油膩感，面層仲有海苔粉，醬汁松露味道濃郁。一夜干黃花魚黃花魚魚味濃郁，骨大條易起，碎骨較少，肉質嫩滑，加上檸檬汁鮮味更出，沾上醬汁更為惹味。與朋友一起慢慢細嚐烤魚，的確係個唔錯的選擇。

新開的小店，見到食物比較特別，就進去支持一下。雖然店面比較小，但還是坐得舒服，我最喜歡的是有個金魚缸，可以邊等食物邊觀賞金魚🐟。二人同行，分別點了一個櫻花蝦醬烏冬和一個燒比目魚飯，各配兩個前菜（玉子和沙律），和一樽綠茶。燒比目魚味道不錯，魚燒得軟熟不會乾。不過豉油落得稍多，個人覺得鹹了一點（已跟店員姐姐反映）。而前菜的玉子，清甜爽口，很喜歡。總的來說，是滿意的一餐。看到鄰桌點的bagel，想下次光顧時試一下。

得知太子開咗間日式小店，原來就係舊店飛龍咖啡，一入到黎播晒日文歌，好寫意好日本既感覺，雖然店舖少少，但感覺特別窩心❤️星期日梗係食番嗰全日早餐，勁豐富呀，有牛乳炒蛋，豚肉腸，茄汁豆，炒野菌，煙熏三文魚，田園沙律，黑毛和牛薯餅，日本蜜瓜包，同埋是日和風小食海葡萄🍇呢度嘅攞盤唔同平時食開嗰啲用一個大碟，而係用一個大碗取代，感覺特別和風，勁鍾意❤️ 日本蜜瓜包好有驚喜，即叫即焗起，超級香呀🤪黑毛和牛薯餅係我鍾意食嘅嘢，薯蓉軟綿綿，夾雜黑毛和牛，炸到個皮好脆身🥰牛乳炒蛋係扁甜既味道，好嫩呀😍天氣咁熱嗌番嗰手工櫻花蝦醬拌手打烏冬，呢度嘅烏冬係日本手打稻亭烏冬，所以特別彈牙，手工櫻花蝦醬鮮美可口的鹹香味，帶點鬆化香脆，配上滑嫩的手打烏冬，吃起來挺不錯👍配埋玉子燒😊依家新張期內，送自家製特飲，包裝好靚仔，完全吸引到啊，原來係冰涼綠茶🍵正呢❤️

山系。本舍（太子）📍太子界限街23號地下A1號舖👉🏻手工櫻花蝦醬配凍豆腐$48遠睇好似一舊雪糕，賣相極吸引，有一大磚凍豆腐，配有少量蔥花、紫菜、芝麻、同紅色手工櫻花做襯托，重點在於個蝦醬！好好食，有瑤柱 xo 醬味道，落足料，豆腐底部仲有秘制醬汁，食完個頭盤已經覺得無入錯黎了😍食落有種戀愛既味道👉🏻魷魚軟骨沙律$48一粒粒爽口、有咬口既魷魚配上沙律醬，好清新同fresh既感覺，魷魚同雞軟骨下面都配有好多椰菜絲👉🏻日式燒腩肉串$28 入口即溶、有一隻手掌咁大嘅五花腩，半肥瘦，燒得岩岩好，好淋既五花腩，小編一放入口真係叫左出黎話好好食！好耐無試過呢種感覺了😍有種去左天堂既感覺，望落去個下雖然覺得咁肥嘅，但係食落去嗰下完全覺得係啱啱好，如果冇呢個系全瘦嘅話就會冇咁好食👉🏻山系燒雞皮$18唔食雞皮嘅你都可以一試，脆卜卜好似食緊薯片，上面有d鹽，串燒配啤酒🍻👉🏻黑毛和牛可樂餅$68薯餅個身好厚目測有2cm，都有一個手掌甘大，個可樂餅好淋，如果夾得太耐嘅話佢會爛。咁佢入邊都有少少芋頭嘅味道，如果你唔鍾意食芋頭嘅話你就要慎重考慮一下，不過其實只要點完個醬之後都系會cover左啲芋頭味。佢既配菜既精粹

太子文青café雲集既地方新開了一間小店, 門口仲掛住試業中既牌子, 有新野梗系要試下晚市同午市menu唔同, 晚市系食串燒同炸物, 最啱同老公過黎飲啤酒食小食. 下次有機會過開黎會試埋佢個lunch山葵醬油拌海葡萄 & salad 都好fresh, 開胃燒腩肉串很有驚喜, 望上去很邪惡,  好食炸芝士圈, 聽到隔離檯話好食, 我地都跟住叫左碟, 果然好好食黑毛和牛可樂餅, 熱到辣嘴, 外脆內軟, yummy芝士燒焗廣島蠔, 食完順便叫埋佢個fd, 明太子美乃滋扇貝, 更加滋味最後叫左碟燒鰈魚,食完飽到上心口, 要去行陣街消化一下 呢間小食坐得舒服,  睇得出小店老闆很有heart,  上菜速度也很好,  可以慢慢食慢慢傾計,  食到咁上下又可以隨時加單, 值得推介